Pages: 1
اخترعنا شــحّاطة
(انقر هنا ان احببت مشاهدة الموضوع الاصلي بالالوان و الصور )
Posted by: ABUODEE
كل فترة الكن منا اختراع جديد
والاختراع شو ماكان مو عيب
اليوم اخترعنا شحاطة مريحة وبسيطة وكتير منا رح يقدر يسوي شحاطة من هون ورايح وممن حدى يصير يضارب على البضاعة المستوردة
يالله رح نبلش سوى
بداية وبالصور رح نشرح الطريقة بالتفصيل الممل
المطلوب هوي كاوتشوك دولاب سيارة خربان او من عند شي كومجي دواليب سيارات
بداية لازم تلتزموا بالارقام الموجودة على الصور حتى ما تخربطوا
اي منجيب شقفة دولاب من عند شي كومجي او من على طرف الطريق
بعدين بتحطوا رجلكم عليه وبترسموا مقاس الرجل تبعكن على الكوتشوك
بعدين بتقصّوا الكاوتشوك اما بالجلخ او بمقص الحديد
الملف المرفق 4671
ومن ثم بيصير عنا فردتين متل الصورة رقم 5
بعدين نقوم بثقب الكاوتشوك ثقب في مقدمة الكاوتشوكي وثقبين في منتصف الكاوتشوكي
طبعا عم نعمل شحاط ابو اصبع
بعدين بنقص شقفة قماش سميكة او شقفة سجادة من البيت ونلصقها على الكاوتشوكة كما في الصورة رقم 7
والرقم 8 هوي عبارة عن اكياس نايلون نلفها و نقوم بجدلها جدلة معتبرة طبعا اغلبنا بيعرف يجدل
الملف المرفق 4672
ومن ثم نقوم بتذويب طرف النايلون حتى مايفك ونقوم بتدخيل الجدلة البلاستيكية كما في الشكل رقم 10
الملف المرفق 4673
ومن ثم ربط النايلون ببعضها وتثبيتها بداخل ثقوب الكاوتشوك كما في الشكل رقم ((11 و 12 ))
الملف المرفق 4674
واخيرا تثبيت النايلون من الخلف حتى تكون قوية مو بضاعة حايلله يعني بتطلع اصلية
والف مبروكة وبانتظار نشوف حصيلة النتايج من عندكن
لا حدى يقلي مو حلو هالاختراع ها والله بزعل منكن
Posted by: lamia
هههههههههههههههههههههههههههههههههههههههههههههههههه هههههههههههههههههههههههههههههههههههههههه
متت من الضحك انا .. خلص راحت عليي .. ههههههههههههههههههههه
رهيب هالاختراع ... لاء و بالصورة الاخيرة كيف طالع منظرها .. نعل معتبر يعني .. دولاب مرتب شكلو هاد ههههههههههههههههههههههههههههههههههههه
لا و شقفة السجادة فوقها كمان هههههههههههههههههه شكلها مريحة
رهيب هالاختراع عبودي شو خطرلك !!!! ؟
Posted by: Kinan
اي شو هالاختراع هاذ ابو عبيد
يا سيدي هاي الشحاطة خطيرة من هلق حجزلي على وحدة
يعني بتعرف اذا الكوشوك اللي عم تقص منو بردجستون او ميشلان اي راحت معك الشحاطة عشر سنين و ما بتهتري 
او مثلا اذا بدك شحاطة جبلية بتجيب كوشوك ضفرو كبير لشي سيارة همر و دوس يا معلم بهالطلوع
شكرا عبودي بس ابقى خبرني بس تصير الشحاطة مشان اجي استلمهي 
Posted by: ABUODEE
بتصدقي او مابتصدقي يا لمـيا انو لو عندي وقت اكتر كنتي شفتي اختراعات معتبرة
بس الظروف ماعم تخليني اتفضى للاختراع
على كل اهم شي يكون عجبك هيك اختراع وباقرب فرصة ياريت تجربي تطبقي عملي وتفرجيني شطارتك بعمل متل هالشنبرير
بس بربك ياكنان مو هالفور ويل شد رباعي غير شكل؟؟؟
يعني الي بيلبس هيك دبابة برجلو لازم يعملها روداج اول شي
بعدين يفتح بالمشي شوي شوي بعدين على الركض
بس بجد الي بيلبس هيك شحاطة بيحس حالو راكب همر بدون نقاش
اسالو مجرب ولا تسالو غيرو
Posted by: الملاك الثائر
مبين كتير تعبت باختراعها صناعة متقنة كتير كتير
ولو وصيتك على شي وحدة ايمت بتجهز؟؟؟
Posted by: dj-hani
ابو عبيد لحق
ما عم اقدر امسك الزباين ز المعجبين
رح روح دعس
دخيل عينك بدنا دفعة شحاحيط لهالشعب الحفيان(ملغومة)
Posted by: ABUODEE
|
اقتباس:
|
|
مبين كتير تعبت باختراعها صناعة متقنة كتير كتيرولو وصيتك على شي وحدة ايمت بتجهز؟؟؟
|
واللــه شجعتوني اترك الخليج وارجع افتح محل شحاحيط وسميه شحاحيط من اختراعنا
كانو فيها طمعة الشغلة؟!؟؟
على كل اذا حدى وصاني على شحّاطة وحدة يكرم .. مابطول عليه ابدا بس يبعتلنا الشمبرير بالاول
ويترك الباقي علينا
|
اقتباس:
|
ابو عبيد لحق
ما عم اقدر امسك الزباين ز المعجبين
رح روح دعس
دخيل عينك بدنا دفعة شحاحيط لهالشعب الحفيان(ملغومة)
|
اي هلق اتاكدت انو البضاعة اصلية والها سوق وماشي
على كل اذا بدك دفعة من الشحاطيط هاي لازم توصي على بلاد برّة يصدرولك شمبرير الاول
وبعدها بنحكي بهالصفقة شنو لانو تامين الشمبرير كتير مهم بالمراحل الاولى
Posted by: ABUODEE
Posted by: الملاك الثائر
ممكن تأمنلي شحاطتين من اخر موديلين
كتير حلوين وياي
العنوان :حمص _كراج البولمانات _كام ساعة داخل البولمان_كم عوجي _بتلاقي بيت بجنبو رصيف وتحت الرصيف شارع هنيك بيتنا
موقع زيدل سوريا حمص
..
خدمات تشات و
دردشة ...
أرشيف المنتدى
vBulletin Copyright ©2000 - 2009,
Jelsoft Enterprises Limited.
vB Easy Archive Final ©2000 - 2009
- Created by Stefan "Xenon" Kaeser
