الارشيف - عا شبّاكك

Pages: 1

عا شبّاكك
(انقر هنا ان احببت مشاهدة الموضوع الاصلي بالالوان و الصور )

Posted by: سمير هلال

عـا شبّـاكك خلّينـي ....... متـل العصفـور

نقود من جوع سنيني ....... قـزازو المكسور

~~~~~~

منتور الحوض البنّي ....... عـندك بل فـي

عـا شبّـاكك متهنـّي ....... شرشو عل مي

أخّرتي الميّي عنّي ....... وما قلتي خطي

بشو دخلك أحسن مني ........ حـوض المنتور

~~~~~~~~

كان النحل يسرّبلي ......... عـنّـك أسـرار

وعمشاويرك يكتبلي ......... نشـرة أخبـار

وقت اللي صرتي قبله .......... بتـمّ الأزهـار

صار يخربط ويجبلي .......... أسرار زهـور

Posted by: حكيم عيون

الله... يا شاعر... شي حلو كثير.....كنت سامع بمطلع هالموشح إلك .....ومحفور بذاكرتي من وقت اللي قريتو بأحد المواقع ...بعرف إنّو من قديمك .....بتمنى نضل نسمع منّك هالتحف الحلوة ...وما تبخل علينا لا بالقديم ولا بالجديد ...

Posted by: سمير هلال

عـا شبّاك الحلوايـه .......... بردايـه تلـوح

تلوح وخلف البردايه ......... الحلوايـه تروح

تروح تعاتب ل مرايه ......... ول مرايـه تبـوح

تبوح ونعرف ل حكايه ......... حكـايـه منشهور

Posted by: سمير هلال

شبّاكك غصن الشوحه ........ مشغول منيح

حفّه حمره مجروحه ........ وما في تجريح

درفه منّو مرجوحه ........ بمهّب الريح

ودرفه بعكس المفتوحه ........ بلزق المنجور

Posted by: سمير هلال

من جسمك تلج مغطّى .......... بأسود شفّـاف

وتحت الشفّاف تلطّى .......... زهـر النفنـاف

الغلطه بكفره يا قطّه .......... بس اللي نشاف

بيشجّعني أتخطّى .......... مـوقـع محظـور

موقع زيدل سوريا حمص .. خدمات تشات و دردشة ... أرشيف المنتدى