Pages: 1
اغلى برنامج للاي فون 1000$
(انقر هنا ان احببت مشاهدة الموضوع الاصلي بالالوان و الصور )
Posted by: Kinan
قامت شركة ابل العملاقة بحذف برنامج I Am Rich من متجرها للبرامج (Apple Store) و اللذي سعره 999.99 دولار و الذي يعد خيالي سعره خيالي بعد ان قام بشرائه 8 اشخاص: 6 من الولايات المتحدة الاميركية و اثنين من فرنسا و المانيا 
الرنامج عبارة عن الماسة او حجرة كريمة تساعد على ابقاء الشخص ثريا (حسب ما فهمت) يعني بالمختصر المفيد عم يضحك صاحب البرنامج عالناس
للتنويه انو البرامج العادية سعرها لا يتجاوز الثلاثين دولار ....
و هي صور من البرنامج في ابل ستور قبل الحذف:
و هي صورة البرنامج و هوي شغال .... !!!
و هي ايقونة البرنامج على الاي فون
بس بدي اعرف انو هاللي اشترو البرنامج قديش مجانين او قديش معهون مصاري ؟؟ 
Posted by: samar dahi
كنان رجعت ذكرت موبايل الاي فون ...
بدي اسألك سؤال انا الحقيقة وصيت على اي فون ولكن ما عم ينصحوني فيه ..قال ما عم يشتغل بسوريا منيح ..إضافة إلى انو التعامل معو كثير حساس وصعب ..فما بعرف شو رأيك .؟؟؟
بدي نصيحتك قبل ما اخذ قرار نهائي ...اي أفضل النوكيا 96 اللي هلق طلع جديد بعد ال95 او الاي فون ؟؟؟؟
شو النصيحة كونك اختصاص موبايلات وعندك اي فون ...
طبعا ما بدنا اي فون مع هاي الألماسة لانو مصرياتنا على قدهم و ما في خوف عليهم ....
Posted by: Kinan
سمر انا مو لانو معي اي فون بس انا مشارك بعدت منتديات للاي فون
و قاري عدة اراء للي عندهوم اي فون ما حدى قال انو في جهاز افضل منو ابدا
ما بعرف انشالله يوصلك و بتشوفي جهاز مختلف عن جميع الاجهزة اللي بتعرفيها
بالنسبة الي انا ما بتصور في جهاز ممكن يضاهي الاي فون بالمواصفات و الشكل و الامكانات
ممكن قلك انو في كم مشكلة و هي الاكميرا تبعو صغيرة شوي 2 ميجا بكسل و بدون فلاش ما بيستقبل رسائل وسائط بس ممكن ينزلو برنامج عن طريق شركة ثانية و ما بيصور فديو بس كمان بينزلو برنامج تصوير و في مشكلة البلوتوث و هوي انه خاص بس لسماعة البلوتوث و ما بيبعث و بيرسل لغير موبايلات
يعني فيكي تقولي مشكلتو الكبرى هي الكميرا و لكن مواصفاتو الثانية بتخلي الواحد ينسى قصة الكميرا (يعني بصراحة ما حدى شاف هالموبايل الا ما انبهر بالمواصفات اللي موجودة فيه)
بس طبع ما بخبي عليكي انو الواحد لازم يكون عندو شوي خلفية الكترونية او كمبيوترية بالاحرى
مشان اذا واه شي مشكلة يقدر يحلها
اما الحلو بالنوكية فاهوي سهولة الاستخدام و قلة المشاكل ولكن بتضل استخداماتو محدودة اما من ناحية الاي فون ما بتصور انو في حدود لاستخداماته لانه فيكي تعتبريه كمبيوتر مصغر بكل معنى الكلمة و على فكرى ما في مشاكل بالنسبة لعملو بسوريا لانه هوي بالاساس بيكون مقفول ولكن بيفتحوه ليصير يشتغل على جميع الشبكات
Posted by: Kinan
سمر بس حبيت جبلك رأي اشخاص باحدى المنتديات عند المقارنة بين جهاز HTC و iPhone
|
اقتباس:
|
حبيبي انا جربت الثنين و بصراحة و بدون تعصب
الايفون لا يقارن بجهاز اخر ...
انا حبيت اغير و اشتري نوكيا لأجل الكاميرا و اشتريت بالفعل ان85 بس وييييييييين الايفون و وين اخونا نوكيا
طبعا ما بعت الايفون خليته للاستخدام المنزلي و بعت النوكيا و اشتريت كاميرا سوني سايبر شت و رجعت للايفون
باختصار لا تفكر اتقول اسم اي جهاز و اتقارنه مع ايفون
|
|
اقتباس:
|
اخوي انا بصراحه جربت htc و دام عندي 10 ايام فقط لاني ما قدرت استحمل الثقاله تبعه بصراحه اخوي بعد ما تجرب الايفون كل شي ينقلب تويوتا هايلوكس (( مش اني اسب الهيلوكس رجاءً لاحد يزعل هذا رائي انا فقط ))
بشكل تقني الايفون من الاجهزه الي تتطور مع الزمن كل اسبوع بل كل يوم يطلع برنامج و تطبيق جديد يخلي الجوال متجدد بالمضمون على الدوام.
على فكره انا بعت htc تبعي لواحد من اخوياي و بعد اربع اشهر ما لقيت شي تغير في الجوال غير الثيمات لا و الخوي فرحان انه جاب ثيم شبه الثيم الاساسي حق الايفونز ( الاسود ).
|
Posted by: ABUODEE
اول شي شكرا كنان للمعلومات القيمة
انا براي انو هالموبايل خارق بصراحة
ويعتبر ترفيهي اكتر منو عملي
بس لازم تعرفو انو مثلا اذا عطل مكبر الصوت فيه او السماعة رح تلاقو صعوبة لحتى حدى يصلحو
مع العلم انو اعطالو كتير نادرة
النوكيا من اصغر برغي لاكبر قطعة فيه متوفرة وبجميع الاماكن بعكس هالتلفون
لتحميل دليل المستخدم باللغة العربيةوفيه جميع مايلزم لتعلم التعامل مع هالموبايل
بالاضافة انو في الو اضافات ممكن تتركب عليه ليصبح بمجالات واسعة
مثلا منظار
Posted by: Kinan
و الله يا عبودي اذا مثل ما عم تحكي السمعة مزبوطة انو بيشتغل خلاط .....
فا اكيد لازم تجبلك شي واحد مو مشان شي بس هيك بتصير بتستخدمو بمطبخك التخصصي
و مو بعيدي مثلا بكرى تجبلني شوربة الاي فون بالخضار مثلا بما انو استخدامات الجهاز كثيرة ..... 
موقع زيدل سوريا حمص
..
خدمات تشات و
دردشة ...
أرشيف المنتدى
vBulletin Copyright ©2000 - 2009,
Jelsoft Enterprises Limited.
vB Easy Archive Final ©2000 - 2009
- Created by Stefan "Xenon" Kaeser
