الارشيف - الكراعين .....

Pages: 1

الكراعين .....
(انقر هنا ان احببت مشاهدة الموضوع الاصلي بالالوان و الصور )

Posted by: Kinan

اليوم و انا ماشي رايح بدي اشتري كم غرض شوي بتطلع و لا بلاقي مطعم اسمو مطعم الكراعين
قلت شو معقولة كراعين هون بابوظبي
اتطلعت تحت الاسم و لا مكتوب كراعين - كرش - لسانات - راس كامل - فتة شامية
قلت معناتو هاذ ما عم يمزح فتت و طلب وجبة كراعين
و جبتها عالبيت و شو اكلت كراعين على شوي بدي اكل العضمات على كثر مو طيبة و مشتاق لهل اكلي
و للي ما بيعرف الكراعين هي اكلة سورية بتصير من رجلين الغنم بعد تنظيفها منيح و بتنسلق مع شوية ملح و بهارات (مو متاكد كنو هيك)
طبعا اكلة اطيب من هيك ما ممكن اكل يعني انا عم اكل و مبسوط و بتصدقوا ذكرتني بكثير شغلات بسوريا الاهل و بيت جدي و كيف كنا نتفرج عليهون و هني عم ينضفو الكراعين و كيف كنا نقعد نستنا الاكل ليخلص لانو هي الاكلة بتطول بالطبخ فا نقعد نستناها بفارغ الصبر
المهم هالاكلة رجعتني لذكريات الطفولة و لذكريات الوطن اللي مستحيل تنتسا
و اهم الشي اني استمتعت باكلي كنت نسيانها و ماني اكلها من سنين

للي بيحب يشوف الكراعين هي صورة الها طبعا شلها مو مبين انو بتشهي بس لما الواحد ياكلها اكيد رح يغير رأيو

و ترى اللي مشتهي معزوم سلف عالاكلي

Posted by: iyad tahhan

والله يا كنان أكلي ما بتتفوت مممممم
ألف صحة و هنا ع قلبك بس ثاني مرة احسب حسابنا - عزومتك وصلت بس خبرنا إيمتا بتلاقينا ع أول طيارة على الإمارات
هيك أكلات صارت عملة نادرة بهالزمان لأنو تحضيرها بالبيت بياخذ وقت و تعب

Posted by: ABUODEE

اي واللــــه يا كنان على قولت اياد (( اممممممم ))
بس كان ياريت تحطلنا صورة الصحن قبل الاكل مو بعد الاكل
ولا هيك بيجي الطبق مشفّي؟؟
على كل ذكّرتني باغنية كاظم الساهر (( حافية الكراعين ))
ياسيدنا خلص رح نطبخها عن قريب بمطبخ زيدل التخصصي بس على طريقة الشيف المخضرم
ومانها مشفيي مثل مانك مفرجيني عضم على الحِل (( كانو ضحكانين عليك وعاطينك اياها خالصة يعني حدى ماكلها قبلك؟؟))
هاي بدها شي يخليها دسمة اكثر من هيك
على كل بعد ماتذوقها بمطبخ زيدل التخصصي بعدين احكوم عليها
انت واياد (( قال شوو؟؟؟ اممممممم ))

Posted by: iyad tahhan

معليش عبود بدل العزومي عزومتين و شو يعني بدنا أحسن من عزومتين من صديقين أكيد رح نلبي العزومي
بقى شد الهمي يا شيف عبودي و فرجينا شطارتك بطيخ الكراعين و بعدها منحكم مين الأشطر يامنقول يعطيك العافية يا

موقع زيدل سوريا حمص .. خدمات تشات و دردشة ... أرشيف المنتدى