Pages: 1
عيادة اســنان لاعضاء المنتدى فقط
(انقر هنا ان احببت مشاهدة الموضوع الاصلي بالالوان و الصور )
Posted by: ABUODEE
تم افتتاح عيادة خاصة لاعضاء المنتدى فقط لاغير
وطبعا من الممكن فتح العيادة للزوار في القريب العاجل شرط الالتزام بالدور
يعني الحجز اولا ومن ثم تركيب الاسنان
لديكم خيارت عديدة باختيار نوع والوان الاسنان
ومن ثم المعاينة لمكان تركيب السن او الضرس
انتبهو انو في اضراس كمان مو بس اسنان
ومن بعدها فحص مكان السن الجديد
تثبيت الاسنان الجديدة بمكانها الصحيح
Posted by: iyad tahhan
خبر حلو عبودي يعني هيك صار فينا نركب الاسنان بالبيت او بالشارع و هيك منرتاح من عيادات الدكاترة بس حرام عليك هيك عم تقطع رزقهون 
رح خبرك خبرية من زمان و نحنا صغار بالضيعة كان يمرق شخص بالضيعة حامل شنطة مثل شنطة صاحبنا اللي بالصورة و يصيح تركيب سنان من كل الانواع تركيب سنان ذهب و بسوريا ببعض المناطق لهلق في هيك أشخاص بيشتغلو هيك شغلي و بنفس الطريقة اللي بالصور
بس يا عبودي عندي سؤال إلك و لباقي الأعضاء و هوي حدا بيوثق بهيك أشخاص يمد إيدو على ثمنا و يلعب بأسنانا ؟؟؟
أنا رح جاوب أول واحد 
ينطيش العافية يا شيخ عبودي ع هاذي السالفة 
Posted by: Kinan
يا سيدي انا من اول ما قريت العنوان قلت ما في غير عبودي ابو هالقصص
على كل حلوة منك ابو عبيد
خيو انا عندي في كم سن بدهون غيار شلون بدنا نحجز دور نعود
و قدي بيكلف الطقم الكامل؟؟ لانو شايف كمان موجود!!
Posted by: RUSHA AWAD
بصراحة أني هلأ معنوياتي بالأرض منك عبودي
يعني دراسة طب الأسنان بدها تاخذ مني شي خمس ست سنين
برياحة. بس بتعرف شو هلأ هيك عطيتني أمل وتفاؤل لأنو يظهر
تركيب الأسنان مابدو تعب ودراسة كل هالسنين يعني بتصور من هون
لشهرين ثلاث بصير تركيب السن أو الضرس مثل تركيب راس الأركيلة هههههههههه
بس بدي افهم انتي من وين بتجيب هالسوالف هاي وبعدني مصرة على رأيي
فيك, عبوديييييييييييي انتي جلطة
مع حبي واحترامي
رشاعواد
Posted by: ABUODEE
حلوووووو
هاي لقينا اول كم زبون
وخلال وقت قصير بتلاقو الورشة عم تدّق بابكم
اياد اذا عندك شي روحة على سوق الهال خبرني حتى ابعتلك الورشة لهناك
حاضرين للطيبين اما من ناحية حدى بيثق بهيك اشخاص ليمدوا ايدهن على ثمنا
من هالناحية طمن بالك رح نحطلن علبة معقم ....كلو بس لاتزعل انت طال عمرك
كنان بالنسبة للطقم الكامل بالعادة بيكلف كثير بس الك مارح ندفّعك كثير
شي ومنو يعني مبلغ رمزي المهم الطقم يطلع على قياسك وهاي اهم شي
اما يارشا تقولي عني جلطة 
هلق بربك انا جلطة؟؟؟
انا الحق علي قلبي على الاعضاء وبدي غيرلهن سنانهن بمبلغ رمزي وخاصة المغتربين
على كل اهم شي يضلو سنانكن بخير وسلامة لانو اذا اضطر الامر يارشا رح ابعتلك الورشة على الستور اذا اضطر الامر
بس كأنو هالمشـــروع مُربح ؟!؟؟
بدّي دور على شريك يموّل المشروع ...منّي الورشة والاسنان
ومنو التمويل ....شو قلتو؟؟؟
Posted by: RUSHA AWAD
هلأ عبودي انتي مانك جلطة؟؟؟؟ شو مشانك, اي رح تدخل موسوعة غينيس
بعد 5 مواضيع من هالنوع ههههههههه
هلأ منرجع للجد, بما انو الورشة الأسنان تأمنو وطبعا الممولين كثار بضل
في شغلة كثير بسيطة يعني وما بينحكى فيها منوووووووووب
ألا وهي المرضىىىىىىىىىىىىىى أو بالأحرى المتبرعين وبمعنى أدق
وأصح الانتحاريييييييييييييييييييييين اللي بدهن يغامرو مع هالمسطرة
اللي حطيتلها صور.
بالتوفيق
مع حبي واحترامي
رشاعواد
Posted by: hosam abdulaziz
ببلد المليار شو متأملين لكن تشوفوا ؟؟؟
ما تستغربو تكون عمليات جراحية بتم اذا مو عالطريق بشي غرفة او مكان لا يصلح لطبخ الطعام حتى.
شكرا عبودي عهالسحبات اللي عودتنا عليها دورياً.
Posted by: sweet-w
شكرا عبودي ع الخبر
انه يعني الله يعطيك العافية ..
ع طول همك اعضاء المنتدى وبدك الأفضل والأريح
بس انت مجربه شي ... ممممممم ؟؟؟
Posted by: ABUODEE
انا فهمان عليكم من الاول خلص تكرموا عيونكم
انا الحق علي ماعملت عرض وخفضت اسعار
يعني لازم اعمل ((اوفر)) لحتى امن مرضى
على كل من اليوم اول سن او ضرس او بدلة لكل عضو ببلاش
بس اول مرة ها وخاصة رشا يعني مابقى تساليني من وين المرضى هلق صار ايا واحد بيجي
وطبعا اول سن ببلاش رح يبين معكم اذا الشغل مية بالمية او لاء
على كل حبيت طمّن بعض الاعضاء الي خايفين من هالعملية وقلهن انو نحنا عنا كل الاحتياطات
عنا صيدلية بتشهّي
من جميع انواع الدواء والعقاقير
شعارنا اطلب تجد ومانا عم نلحق طلبات
اما من ناحية انا مجرّب او لاء
بدكن الصراحة؟؟؟ انا حاجز على طقم كامل وماعم يجيني دور
فقلت الاولوية للاعضاء الغوالي وبعدين بنشوف حالنا بشي طقم مستعمل
انا قلبي عليكم وقلبكم على الحجر
فطمنو بالكن وقوا قلبكم وخلينا نشوف سنانكن وضروسكن يالله رح نبلش من عند رشا والحبل على الجرار
افتحيلنا باب الستور رشا جايين
Posted by: sweet-w
الله عليك يا حنون
ع راسي والله ... خجلتنا بكرمك عبودي 
ومن جهة الصيدلية .. تحفة بالترتيب 
انا عندي الضاحك مسوس قولك فيه يصلحوا 
Posted by: Fadi Harris
موقع زيدل سوريا حمص
..
خدمات تشات و
دردشة ...
أرشيف المنتدى
vBulletin Copyright ©2000 - 2009,
Jelsoft Enterprises Limited.
vB Easy Archive Final ©2000 - 2009
- Created by Stefan "Xenon" Kaeser
