الارشيف - مشروع شباب ينهي سلسلة محاضراته في ثانوية زيدل

Pages: 1

مشروع شباب ينهي سلسلة محاضراته في ثانوية زيدل
(انقر هنا ان احببت مشاهدة الموضوع الاصلي بالالوان و الصور )

Posted by: new_zaidal

اقام مشروع شباب سلسلة محاضرات يومي 16\17 شباط 2009 في ثانوية زيدل و هو برنامج مخصص لطلاب الصف الأول الثانوي للتعريف بعالم الأعمال و هذا المشروع يعد نهضة وطنية على صعيد المجتمع المحلي اطلقها السيد الرئيس بشار الأسد و يشكل جزأمن الأمانة السورية للتنمية التي ترأسها السيدة أسماء الأسد
و أهدافه دعم ثقافة ريادة الأعمال عند الشباب السوري
تشجيع الشباب على دخول عالم الأعمال
تزويد الشباب بالمهارات الأساسية ليصبحوا أفراد منتجين في المجتمع
خلق انطباع إيجابي عند المجتمع السوري تجاه العمل في عالم الأعمال و تأسيس مشاريع صغيرة
و يعتمد على مجموعة متطوعين من رجال الأعمال يأتون بمعرفتهم و خبرتهم الى صفوفو الطلاب و تكسبهم فهماً عملياً لكافة عناصر عالم لأعمال و أنشالله يكونوا شباب العاشر استفادوا من هذا البرنامج
منذر عبد العزيز

Posted by: Kinan

مبادرة جيدة ولكن بتصور انو لازم ما تقتصر على طلاب العاشر فقط
يعني لازم تشمل طلاب الثانوي جميعا خصوصي طلاب البكلوريا الل بيكونوا متشائمين و ما عرفانين شو بدو يطلعلهون و خايفين من المعدلات
ممكن هيك محاضرات تنورهون على مجالات جديدة و تخليهون يفكرو بفرص عمل تتلائم معهون و هالشي يعطيهم انطباع جيد و يحثهم على الدراسة
على كل حال انشالله هالمحاضرات تأدي الغرض المقصود منها

Posted by: RUSHA AWAD

كنان اسمحلي خالفك بالرأي لأنو وقت بيوصل الطالب للبكالوريا بكون صار
على قناعة كاملة بالمجال اللي حابب يفوت في "اذا حاطط عقلو براسو"
ومية محاضرة مارح تخلي يتخلى عن طموحو, اي اذا عم يعيد سنة كاملة
مشان شي علامتين يخلو يفوت عالفرع اللي بدو ياه.
لهيك طلاب العاشر بعدهن طالعين من مرحلة الاعدادية وراسهن فاضيييييييي
يا أما بعدهن بأول التفكير بالمستقبل والاختصاص, لهيك لازم يلحقوهن عبكير
حتى مايوقعو بنفس مطب الأحلام اللي كلني وقعني في "ومازلنا" اللي هوي
طب, صيدلة, حقوق, هندسة...يعني ماعم نعرف نطلع ونطالع طلابنا من هالدوامة
مع العلم انو كل الدلائل بتشير انو عهد هالفروع عم يضعف ورح يحل محلو
عصر الأعمال والتكنولوجيا لأنو هيك توجهات العالم كلو حتى بسورية.....يعني
صار الوقت اللي يقتنع الطالب انو الشي الجديد المختلف عن التقليدي كمان
مليح وممكن يأمن مستقبل بس عاد المشكلة بتصير بتأمين وتسهيل "الأعمال"
لهالطلاب بالأيام.

مع حبي واحترامي
رشاعواد

Posted by: Kinan

معك حق بس هاذ مو يعني انو الكل عرفان شو بدو يسوي في كثير ناس بس همها انو توصل البكلوريا و تنجح و بعدين حسب العلامات بتقرر مصيها يعني مو كثير فارقة معها
دممكن من خلال هيك دورات يقدر يعرف شو بدو و يفكر بغير نواحي
على كل حال انا معك انو بالعاشر افضل
بس انا قلت انو لازم تكون هالدورات للثانوي بشكل عام مو بس للصف العاشر
شكرا

Posted by: new_zaidal

انا مع الأخت رشا
لأنو الطالب لازم يبلش يفكر بمستقبلوا من هذا العمر ولازم نبلش نزرع في الثقة بالنفس والأهل لازم يعرفوا انوا الزمن تغير و ثقافة العمل تعيرت فالكل بدو ابنوا يصير دكتور او مهندس مع انوا عكس رغبة ابنائهم وبعض الدكاترة عم كشو ذبان
ولازم نعرف هالشباب انوا العمل الخاص الأن حسب المؤهلات يعطي مردود اكبر من العمل في القطاع العام و لكل مجتهد نصيب
و انا بدوري كاحد المحاضرين في البرنامج تفاجئت ببعض الأفكار الصادرة من هؤلاء الشباب والتي لو توفر لها التمويل ستكون مشلريع رائدة مستقبلاً
و دائما ان تصل متأخراً خير من أن لا تصل ابداً

موقع زيدل سوريا حمص .. خدمات تشات و دردشة ... أرشيف المنتدى