الارشيف - غربه وعذاب

مش حكايه من فلم

أو غنج

يمّا حكي فاضي وانّو ولدنه

خفّه ودلع

لا لا

مش حلم

معجون بخيوط الوهم

قلبي بيوجعني

على وضع البلد

عا دمعة الختيار

عا بسمة ولد

قلبي بيوجعني

وجرحي منجلد

لا مش ضربة

شي سهم

ولا أرحم ولا ألعن بكوكب أسى

ورغم الوضوح

بيترجم

شو عم بيصير

ديون ومصايب

سياسة مجتمع

عهرو عجايب

من لحظة بزوغو

لفجر الطمع

ومطلع نميمه مبجّله بتمّ الغراب

ت يعيش السلم

عدّل ي الله بين

انسان ودواب

لكن بالحلم

مش بالبطش دخلك

سرقه وحشيش تكلّلو

بتاج الغناني

وتزنّر على الخطف

زرّ البيلسانه

وآخ لـ وعت مش من زمان

تعبانه والحظ

ما عندو علم

كيف وأيمتى

منشوف يا الله

عم يفلّ الظلم

4.12.2008