الارشيف - شكر خاص لادارة المنتدى والقائمين عليه !!!

Pages: 1

شكر خاص لادارة المنتدى والقائمين عليه !!!
(انقر هنا ان احببت مشاهدة الموضوع الاصلي بالالوان و الصور )

Posted by: KoSoVo GeNeRaL

السلام عليكم

تحية طيبة وبعد ...

أتقدم بالنيابة عن نفسي بباقة شكر وتقدير لادارة المنتدى والى الزميل حسام

بصدد القيام بعمل اليوزرنيم لي وأقوم بشكر الادارة للقيام على راحة اعضاء المنتدى

والاهتمام بمشاكلهم والقيام على حل مشاكل الأعضاء ولا سيما الزوار وان كانوا لأول مرة

يتواجدون في موقع زيدل الالكتروني

وأتمنى أن أكون عند حسن ظن الادارة بي .,.

والسلام ختام

محمد

فلسطين - غزة

Posted by: الإدارة

أهلاً أخ محمد : تأكد بأننا نعتز بوجدك معنا وبكل أهلنا في فلسطين الأبية , أهلاً بك ... ( نصر الله غزة وأهلها )

الإدارة

Posted by: ziad sattah

بعد الترحيب الحار حرارة الشارع العربي هذه الأيام ..
و بعد التهنئة لأهالي غزّة على صمودهم أولا ً .... و على نيل المئات منهم شرف الشهادة ثانيا ً.

تقول أنّك من غزّة : ( ؟ ) :
أنا في زيدل و ليس لديّ خط هاتف , فمنذ أسبوع و هو عاطل عن العمل ( مثل الجامعة العربية ) و أنا الآن أسرق خط من عند أخي كي أتواصل مع المنتدى .. فكيف أنت في بلد الصمود حيث لا هاتف و لا كهرباء كيف تتمكّن من التواصل عبر الانترنيت ؟؟
1000000000000 أهلا و سهلا .

Posted by: KoSoVo GeNeRaL

مشكورين جميعا على وقفتكم الرائعة وتضامنكم مع بلدتي غزة

سعدت بما كتبوه من كلمات من أجل غزة ومن أجل الترحيب بي بينكم

وأتمنى أن ندوم دخرا ً للرقي بمنتدانا

منتدى زيدل

ومشكورون على المرور بين سطور موضوعي

Posted by: كاترين

مرحبا

اهلا وسهلا فيك معنا بالمنتدى

...............

مابعرف كيف ابدا الحكي

بس اخ زياد انا من غزة بلد الصمود

فرح خبرك انو في كهرباء بتيجي عنا بغزة بس مو كل الوقت يعني ع حسب المنطقة والدمار المنتشر فيها

بمعنى الاماكن يلي ضلت اسلاك الكهرباء فيها موجودة مو مقطعة بجيبو عليها الكهربا بمعدل شي ست ساعات باليوم

وكمان خط النت موجود وكمان خطوط الهواتف موجودة

بس فيك تحكي انو مو دايما هيك بصير

بمعنى انو من بداية المجزرة قعدو شي 5 ايام ما شفنا فيها الكهربا

بس خطوط الهواتف شغالة

لكن الجوالات ما كانت تشتغل الا بصعوبة لانهم قصفو شي كم برج تابع لشركة جوال

اما بالنسبة للاخ كوسوفو مابعرف اذا هو من غزة ولا لا لانو ما رد ع سؤالك

بس حبيت وضح الصورة مو اكتر

..................

اليوم الاجواء نوعا ما لحتى الان اهدى من قبل رغم انهم قصفو كتير بالمدفعية بس اقل من قبل

وصدفة اجت الكهربا وحبيت شوف الاخبار وشو زيدل كاتبة عنا

اترككم بحماية الله ورعايتو

دعواتكم النا

Posted by: KoSoVo GeNeRaL

أنا من غزة يا كاترين

بس يمكن انا ما انتبهت لسؤال الزميل زياد

بس بنفس الوقت انا بشكرك لتوضحيك صورة الأوضاع في القطاع

وكمان يا كاترين بحب أوضح انو أنا من المنطقة الوسطى من النصيرات

ويا أهلا وسهلا كاترين

حلو انو ألاقي أحد غيري من غزة

ولكم خالص تحياتي

Posted by: ziad sattah

شكرا ً على التوضيح . و شكرا ً لصمودكم ..
و أقول لكم عبارة أضعها توقيعا ً لي في منتدى أخَر :

يا غزّه: العَتَب مرفوع ...ممنوع المَدَد.. ممنوع

لا تــســتـنـجـِدِي فينا ... مـادام الـثَّـمـَن مـدفوع
!!

Posted by: samar dahi

بدي رحب بالصديق الجديد KoSoVo GeNeRaL صديقنا ابن غزة الصامدة بتمنى انو تلاقي فسحة من الفرح بمنتدانا حيث انعدم الفرح عندكم .
وشي تاني بدي اشكر الله على عودة صديقتنا الغالية كاترين ..والله يا كاترين كنت فكر فيك دايما وقول ما بعرف شو صار بكاترين واهلها واصدقائها ..الحمدلله انك بخير ..اهلا وسهلا فيكي من جديد ..وانشالله هالغمامة بتروح عنكم وبترجعوا لوضعكم اللي ما بدي قول طبيعي كان ولكن شبه طبيعي ...
الله يكون معكم بصمودكم ...والله اكبر من الجميع ....

Posted by: fm1976

يسرني أن أرحب بابن غزة أرض العزة

بابن بلد الكرامة والصمود

واهلا بك في منتداك المحب لك ولكل أهل غزة

ودمتم صامدين

موقع زيدل سوريا حمص .. خدمات تشات و دردشة ... أرشيف المنتدى