الارشيف - عا مذبح الحرمان

عا مذبح الحرمان

والله ببالي بعدها من سنين = وجمر الحنين بيحرق عصابي

بقلبي سفر وعواصف وتلحين = مطلع قهر ووعود كذابه

وثورة وفايي رغم كل شي حل = عا جرح قلبي وكسّر حرابي

بخندق طموحي الحلم لا ما مل = وناطر حنانا يشبك عذابي

ياما انا ترجمت احساسي = وبشير عيني دموع حابسها

وياما بليالي الشوق أنفاسي = عا مذبح الحرمان خارسها

وإبرة زمان الطيش يا قلبي = عا إسطوانة قمع عم بتدور

قربي ولكن غارق بغربه = دولة حنايا والوله دستور

ما كان حظي بالمضى كافر = ولمّا زياده تتوّج الإيمان

أشرق بنصل العافيه الغافر = وخوتن حبابي عا هوى الرحمن

معليش هون نهاية القصّه = صمصام العدل خلقان نابي

ومخصوص باعتلي الوفا حصّه = جور النعومه من أهل غابه

جوّات هـ الخاطر مرق طيفو = للعشق لكن يا خساره خاب

ظنّي وظنّ القدر وبحيفو = تلطّى الوقت ومشطّبنلو حساب

يرحم ترابو كان بالجيبه = هاك الضمير بناس شرّيره

ويرحم بقبرو كلمة العيبه = مش بس مافي دين بقلوبن

حتّى إلاهن يا مدى عيره

24.11.2008