الارشيف - Dsl في سوريا اخيرا

Pages: 1

Dsl في سوريا اخيرا
(انقر هنا ان احببت مشاهدة الموضوع الاصلي بالالوان و الصور )

Posted by: wisam

تمت منذ فترة قصيرة و لاول مرة في سوريا ادراج خدمة الدي اس ال التي تؤمن اتصالا سريعا بالانترنت و لمدة 24 ساعة حيث ادرجت الخدمة الان في دمشق و ستعمم قريباً على جميع المحافظات
تبدا السرعات المقدمة من 256 كيلو بايت صعودا حتى 1 ميغا او اكثر
السعر الشهري مبدايا للاتصال لمدة 24 ساعة بسرعة 256 كيلو بايت هو 6000 ليرة سورية
يعني اذا قارنا مع اوروبا تقريباً السعر ثلاثة اضعاف و السرعة اقل بخمسة اضعاف من تلك المقدمة في اوروبا بسعر 2000 ليرة سورية
على كل خطوة جيدة بالنهاية و منتمنى يصير قريباً بحمص ممكن نفكر نشتريه بس يرخص شوي او نتشاركنا مع شي حدا على حساب و نربط بعضنا بشبكة

Posted by: shadi

يعني مصيرنا يوما ما انو يصير سعرنا بسعر الدول المجاورة على الأقل من ناحية السعر والتقنية . بالنسبة للأول عائق بناحية خطوط الهاتف صار في عدد منيح من الخطوط وحسب ما سمعت قريباً بيصير الواحد يسجل على خط وياخذو فوراً اما بالنسبة لموضوع dsl يا وسام بكير شوي علي يعني كمان العملية بدها تحضير من ناحية قلب الخط ليتلقى هالتقنية واكيد بدو مودم مرتب ..على العموم اكيد رح نواكب التطور اجلا ام عاجلا.

Posted by: talal_alachkar

يعني وسام خطوة حلوي في سورية
وإنشالله بيصير الوضع في سوريا أحسن من الغرب كمادي وكمصاري
لكنه الغرب بحياتو مرح يصير مثل بلادنا بأدبنا وأخلاقنا وأصالتنا
وال ADSL هون في بلجيكا عم يكلف 24/24 ساعة حوالي 44 يورو يعني على السوري 2800 ل.س
والسرعة هي Connected at =3.360.000 bps.
bytes received =1.391.438.
bytes sent =269.861

Posted by: imad_dahi

اول شي بقول مبروك لل ادي اس ال بسوريا بس غالي ولكم من هون لسنتين بيرخص وانا بكون لازم ارجع ع سوريا يعني بحسبا ع حالي
ماشي الحال خطوي جيدي
وبدي قول لمغترب بلجيكا لي ع طول حاطط حطى الطليان : ولك بعدك بتحكي بال bps والك عين تحكي كمان با لطيف الدني بس مع انو بقولو عن بلجيكا اوربيي قال بس يالله بسيطة وعل كل حال بدك مواصيل لتصير متل الطليان عم تسمع ( هالحكي خاص بان الاشقر السيد طلال )
هلق حكوم ياوسام انا عندي بتختلف المعايير عن طلال يعني الارقام اصغر بس.........

السرعة عندي 11.0 Mbps
وعند طلال : 3.360.000 bps
بقى اديش بتعمل بالنسبي لطلال...................؟؟؟؟؟؟؟؟؟؟؟؟؟
يالله باي

Posted by: imad_dahi

اانا بتوصل عندي السرعة ع الكمبيوتر الخاص 11.0ميغابيت ولكن علمت ان السرعة التي توصل الى الامية اي الخط الاساسي هي 100Mbps
only to give all information

Posted by: Desert rose

الحقيقة هيك خبر حلوا كتير ......بتمنى لكل شخص بيهموا الأمر يحصل على هالخدمة السهلة والمميزة ....وخصوصاً للريس وسام ومن دون ربط الإشتراك الخاص فيه مع مشترك تاني........((والمعنى بقلب الشاعر ))

ولشادي بدي قول يمكن قلب الخط في مشكلة لكتير من الناس .....إنما مابتصورفي مشكلة بعد بها الأيام بتغيير المودم لمودم أفضل .

((لكنه الغرب بحياتو مرح يصير مثل بلادنا بأدبنا وأخلاقنا وأصالتنا))

بهنيك أبو الطل بتمسكك ببعض المبادئ الحلوة الموجودة ببلادنا ......ويتمنى غربة الغرب ماتغيرك بيوم ....؟

ياعماد مش عارفة ليه عم تتهجم على طلال بالوقت اللي عم يعبر في عن صدق ووفاء للبلد اللي عايش في ....((شو بدك يقعد بحضنن وينتف بذقنن)) .... بدك ياه يشجع الفريق الإيطالي ...ويهمل الفريق البلجيكي .....لا والله مش حق مش ...على كل حال بدي هنيك على سرعة adsl الموجود عندكم واللي بتساوي 3أضعاف السرعة الموجودة عند طلال ....(( مابعرف اذا غلطانة بحساباتي وسام ))وبهنيك على صراحتك الحلوة بالكتابة

وأخيراً :

بتعرفوا شو بيهمني من الموضوع .............أنو قول لكل المغتربين تسلمولنا إنشالله .. بــــ <<dsl >>وبلا << dsl>> .سليمان ..حسام ....طلال .....عماد...رشا ...باسل....عبدلله ...ولكل مغترب عم يشاركنا أو شاركنا أفكارنا بالمنتدى ....ومحبتنا بالقلب ....وانشالله نضل هيك ونحنا بألف خير من الله

زهرة الصحراء

12/6/2004

موقع زيدل سوريا حمص .. خدمات تشات و دردشة ... أرشيف المنتدى