الارشيف - عمر الموهبة

كنلي زمان..و كنت طفل صغير
ما مر كلمة" شِعر"..عا بالي

و الكون حدّي جنّة عْصافير
يطيرو قبالي..و يرقصو قبالي

و بالمدرسة..بمْحل ما تربّيت..
كان لي مْعلمِة بسحرها جنّيت

و من ميل عا ميلة صرت مشغول:
تلميذها..و عاشق على السِّكيت!

تِلميذها..و تضمني عاطول
و حتّى ما زعِّل جفنها ال حبّيت..

ياما كْتبت "الفرض" عالمريول
حتى ما إنسى وْلا فرض بالبيت.

و مرّة لْبست الطيشنة عنوان
و بلّشت عِدّ و إحسب الملعوب

و "للآنسة" سْرقتلها الجزدان
و بالّيل ضمّيتو مع "الدبدوب"

جزدان..بذكر فوق منّو كان..
في حرف تاني ..وفي كمان قلوب

و حرف و قلب..و مْواعدة عشقان
يعني حبيبة..و في لِها محبوب!

عشق الطفّولة يومها تْكسّر
و خلفو رْكضت مفجوع عالبيدر

خبّي جروحي بفيّة الأشجار
و إشهق مع النسرين و الزعتر

و أوّل مافروّ دمعتين زغار
عالصخر وقعو..طقّ..و تْفجّر

و انشق من ضلع الحجر ختيار
قلّي الداعي من أهل "عبقر"

الله حبسني بقمقم الأشعار
إلا لأهل الشعر..ما بظهر

و من يومها مْرافق خيالي صار
بيطلع معي عالخيل و المنبر

بيحضر قبالي كل ما إحتار
بيسهر عا جنبي كل ما إسهر

بيغرف بعمري يشيل منّو نهار..
يخطّو بتاني عمر...عالدفتر

و أوّل مافروّ دمعتين زغار
عالصخر وقعو..طقّ..و تْفجّر

و انشق من ضلع الحجر ختيار
قلّي الداعي من أهل "عبقر"

الله حبسني بقمقم الأشعار
إلا لأهل الشعر..ما بظهر

و من يومها مْرافق خيالي صار
بيطلع معي عالخيل و المنبر

بيحضر قبالي كل ما إحتار
بيسهر عا جنبي كل ما إسهر

بيغرف بعمري يشيل منّو نهار..

يخطّو بتاني عمر...عالدفتر

شو الحلا يا خيي إبراهيم
يا عيني عليكْ

إبراهيم نيَّالكْ بهالختيارْ...........يللي بْحِكِمْتو المملكهْ غَازيْ

ادعي لـْرَبَّكْ مَايجي شي نهارْ .....يقلـّكْ عَ بالي عـَنّتْ الجازهْ

=============================

حبيب القلب برهوم :

شو هالحلا !!!!

شكرا ً لك على هذا الجمال

و أوّل مافروّ دمعتين زغار
عالصخر وقعو..طقّ..و تْفجّر

و انشق من ضلع الحجر ختيار
قلّي الداعي من أهل "عبقر"

الله حبسني بقمقم الأشعار
إلا لأهل الشعر..ما بظهر

و من يومها مْرافق خيالي صار
بيطلع معي عالخيل و المنبر

خِتْيارعـَبْقَر شـَرَّبـَك هـالـكـار.... وْ نال الشَّرَف مِنْ نِلت هالميزه

يا رَيت لولا بـ ْ تِسأل الختْيار: .... عندو بَعِدْ شــــي بِنْت للجيزه ؟

* *

مشكورين عالمرور و التعليق الحلو ...فعلا إلو وحشة كبيرة هالمنتدى

تحياتي...