الارشيف - فتِّيشهْ( حوار بيني وبين الشاعر مروان السليمان)

ماجد

حتّـى الطـاب يــدقْ بـطـابْ==الريح عْلى غصونو بتجورْ
مـثـلْ خنـاقـهْ بْــلا أسـبــاب==مَ تـشِـد قـلــوب الجـمـهـورْ
وحكمْ القوة وشـرع الغـابْ==بـعــدو بهالـعـالـمْ دسـتــورْ
و لو ضَلّو سلمي الإضرابْ==عـمــرو لْـطـاغـي مـــا رَدّو
============================
مروان السليمان
للمنبر هَيدي الأيـام ==بالأعراف الموجودي
في شاعر وِصْل بإلهام==وفي شاعر بالبارودي
الأوّل بيناغي الأحلام==بيفتح دنيا مسـدودي
والثّاني شي مِيّة عام==الدّيره بتخْرَب عن يَدّو
ماجد
حكي المنبر مـنْ الجـرود==سـجّـادة وفـكــركْ حَـيّــاكْ
وتـا تحلـى تحفـة الـورود==طَعِّمهـا بصخـر وأشــواكْ
ومشْ قاصد نحمل الْفرود==تَ نقوِّصْ عَا بعض عْلاكْ
قـاصـد فَـجِّـر نَـهـر بْــرودْ==بــالــخَــي الْـقَـلــبــي وَدِّو
============================
مروان السليمان
القلب اللي بْحُبّو مدفـوع==وبيخفق صدق وإحساس
بيصَفّي متـل المشـروع==لامم حَولو كـل النـاس
نَقّي من قلبك موضـوع==وخلّي الماس يْحِكّ الماس
بجولة لمعَنّى المسمـوع==مْنِكْشف مزحو من جَـدّو

ماجد
مـروانْ كِــلْ إنـسـان بالعـقـلْ اتْـسَـمْ==ماشي ومش دريانْ عا دربْ انرَسَمْ
والدهر مثـل الديـبْ لـو مـرّهْ ابتَسَـمْ==بيجوز قاشعْ فيـكْ شـي وجبـة دَسَـمْ
ومِثل الدهر جايي أنا.. ومِنِّي قَسمْ :==ما إبتسملَكْ غَيرْ ل ُ الرأي انحَسَمْ :
الصَـحْ هـوّي الـدومْ بيطَلِّـع عَ فـوقْ==ولا ّ الْرِضِي وقنعان بلْ ( الله) قَسَـمْ
=======================================
مروان السليمان
بالرغم إنّك منتخي ودمّـك خفيـف==الله قَسَمْلك بالزجل تطلع ضعيـف
كل الحياة مدَرّجه بمقصد شريـف==حيث الكثيف بيرتقي صوب اللطيف
متل الحقل مابيطمح يفِلّ الخريـف==ومتل القمح مابيطمح يصَفّي رغيف
الله دعـا الإنسـان يطمـح للعـلا==حتى كفيف القلب مايضَلّو كفيـف
===================================
ماجد
بالرغـم إنــكْ أمـلـحْ ووجّــكْ صَـبـوحْ==ميَّت يـا غافـلْ بالزجـل مـا فيـكْ روحْ
وما زال بقْبالي طِلعت صاحبْ طموحْ==رحْ حطّمو بمَاس القناعة بْـلا جِنـوحْ
وتا كَسِّفَكْ من حَارتَكْ بعطي الشروحْ==ولبعـيـد بـالـكْ نــاح حقـلـهْ لا يـــروحْ
لــولا رضــي بَــي الصبـيِّـهْ بـجـارهـا==ما كان عَينو قفشتـنْ فـوق السطـوحْ
======================================
مروان السليمان

الإنسان بعد التجربه من وقت نـوح==بيعرف بإنّو الجهل بيضَيّـع الـروح
وحتى يزيل الجهل ويخِـفّ الجنـوح==عَمّر مدارس معرفه وشَيّـد صـروح
البنت اللي بَيّا فاشل ومَنّـو طمـوح==وبنفسها انفَتْحو الجروح عْلى الجروح
لـولا زَرَع فيهـا طمـوح المعرفـه==ما كانت بتنطر حدا فـوق السطـوح
=====================================

ماجد
يللـي حْوَليـن الـدار نِـصّ الليـلْ حَـامْ==وتعمشقْ عْلى الحيط تا يسرق حمامْ
بيجوز شي حامـل شهـادهْ أمـس نـامْ==جوعانْ مش لاقي أكِـل غيـر الغـرامْ
ضيَّع منْ سنين العمر عشرينْ عـامْ==وناطر وظيفهْ عالقـة بوسـط الزُحـامْ
وبَــي البـنـتْ بـــدّو يطعمـيـهـا خِـبِــزْ==وعرفـان إنّـو العِلـمْ مَ يطعمـي كـلامْ
=================================
مروان السليمان
خبز وعلم مش هون موضوعك غِفي==خلْف المعاني المايجـه لا تختفـي
بقسمة الخالق إنت قاعـد مكْتفـي==حتى خمولك تشرحـو بهالفلسفـي
كلما سَعيت وبالسّعي فكرك صِفـي==الله بيسعالـك بحكمـه مُنْصـفـي
لكـن إذا ضَلّيـت ناطـر قسمتـك==لا خبـز رح بتحَصّـل ولا معرفـي
===============================
ماجد

كـل الـدروب عْلـى الـطَ َحـون بيصلـوا==مــادامْ قمـحـكْ عـــا إيـديــكْ مْغَـربَـلـو
ولَ تـقــول بـكــرى والـنـهــار بــأولــو==ولو شفتْ صِبحو بَسْ عنْ هَمّو اسألو
اللهْ العـطـاكْ الـعـقـلْ أوعـــكْ تجـهـلـو==وتـحـط حـالـكْ فــوق حكـمـو الأنـزلــو
والْ ما رِضِي تَ يمـوتْ بيضلّـو شَقِـي==واللـي رضـي بيـرتـاحْ عُـمْـر بأكمـلـو
==================================
مروان السليمان
مافي حدا عن واجبـو حـاد وهَـرَب==إلاّ بقـي متأخّـر وبيـتـو انـخـرب
الشعب اللي بخمولو على راسو انضرب==حنّـط الجيـل الطالـع وعقلـو زرب
وشعب العرب من بعد ماالجمله عـرب==عايش على تنفيـخ أركيلـه وطـرب
وتيضَل ناطر قسمتـو بعصـر الفضـا==شوف الأمم وين صارت وشوف العرب
==================================

ماجد
المجـرمْ تْركتـو وجيـتْ مَ تلـومْ القتيـلْ==ما قال هالحكياتْ غيْر رَجْعي و عَمِيلْ
الشعـبْ طـامـحْ راس حِكّـامـو يشـيـلْ==وحُكّامـنـا تـــا يحـكـمـو ألـفـيـنْ جـيــلْ
يعني في عَنا طموحْ كافي ومِشْ قليلْ==ولومـا بيكـفـي يـرجِّـع تــراب الجلـيـلْ
قـانـعْ ببـيـتْ زغـيــر بـديــار الـخـلـودْ==مـنْ الخارطـهْ لا بــد يمـحـي إسرَئـيـلْ
=====================================
مروان السليمان
استَنّى لَتسكـن بالخلـود وتستكيـن==بلكي بهالتكتيـك تمحـي الغاصبيـن
حُكّامنـا يلّـي عليـنـا راكبـيـن==وشَدّو الحبل فينا عن شمال ويميـن
مَنْهُن من اليابـان إلْنـا مْصَدّريـن==لكن إجو مْن صفوف هالشعب الحزين
ونحـنـا تعـوّدنـا ورا حكّامـنـا==نِلْقي الفشل واللوم عَ المستعمريـن
==================================
ماجد

هالشعـب يللـي إعتـاد يمـشـي بالعـصـا==وحامل عَ ظهرو همومْ صعبـهْ تنحَصـى
بْشـو بتنفعـو عـا تقـل حِملـو العنفـصـهْ==وشايف عصا عَمتاكـل صْفـاحْ العصـى
أحـسـنْ إلــو يـقـنـعْ بعـيـشـهْ مْنـغَّـصـهْ==يغمَّض ويمشيْ عْلى الدني بْلا بصبصهْ
ولاّ يـجــي شـــي يـــومْ بـديــار الـبـلــي==يلاقـي عيونـو بوقـتْ يصحـى مْبلبـصـهْ
============================
مروان السليمان

رماح مش مطلوب نجمع هالشباب==وبُكْرا على الحكّام نعمـل إنقـلاب
نحنا مع العالم على الأربع جْنـاب==عِنّا حرب أخـلاق وعْلـوم وأداب
بوجه الأعادي عالمدى صار الكتاب==أخطر من الصاروخ لو شَقّ الضباب
ومن وقت ما بالدّور نِبـدا نلتـزم==بيصير إلنا يعمـل العالـم حسـاب
==============================

ماجد
مـــا دامْ بِـــدّكْ تـلـتِـزمْ بـالــدور صِـــفْ==وكلما زمَط شيْ واسطهْ بهالشوبْ هِفْ
حتّـى طموحَـكْ وقـتْ مــا تـعـرقْ يِـجِـفْ==ومْنِ الوهِـمْ يـا صاحبـي تِشفـى وتِخِـفْ
وعْلـى الجْنَـابْ بـإيـدَكْ الـرشـوي تِـلِـفْ==وتهمـس بجيـب مَعـوَّدة المَخْطَـهْ تِشِـفْ
وكـيـفْ رحْ بتـخـوض حــرب العَولَـمـهْ==إمّـــهْ مَ فـيـهـا بـأنـفـهـا فــاسِــد تِــنِــفْ
====================================
مروان السليمان
حاجي تْلزّقْلـي قوافـي مْعَتّـره==وتحطّها مْقابل قوافـي معطّـره
كل الأمور اللي ببلدنـا موتّـره==مافيك تحسبهـا علينـا مقـدّره
نحنا رسمنا قْدارنـا بالمسطـره==وصَفّت عقول الناس مِنها مسكّره
المعلول هوّي اللي بيطمح للعلاج==مش واحد معافى وحياتو محرّره
===================================
ماجد
المعلـول يللـي مبتـلـي بــداء العُـضـالْ==لولا قِِنِـعْ باللـي بِقـي مـنْ العمـر طـالْ
وما طالْ وقت الليْ سِمِـعْ للقيـل وقـالْ==وجَـرَّب يطـوف مْعَلَّـق بـقَـشّ المُـحـالْ
ومن بَعد كلشي انقالْ تَ العبرهْ تْصـالْ==رحْ بِلْزَقََكْ مِلْ عِشقْ عَا وِجَّكْ سُؤالْ :
رْضِيـتْ بحبيـب القلـبْ وعْيـوبـو مـعـو==يمّـا إنـتْ ..بَعْـدَكْ مَ تِطْمَـحْ للكمـالْ...؟
===============================
مروان السليمان

يلّي بأسـرار الحيـاة تْأمّلـو==تَ يْوَصّلو حدود الكمال تْأمّلو
كل مين فينا النقص الله حَمّلو==بس النقص لو طال مابيتحمّلو
لما الحبيب يثَمّلـك وتثمّلـو==بلوحة الكون يجمّلك وتجمّلـو
رايح لحضنو إنت حتى يكمّلك==هوّي لحضنَك جاي حتى تكمّلو
==============================
ماجد
لو كانْ وحـدو كَمَّلَـكْ حُضـن الحبيـبْ==لمّـا الهيـب بينطفـي بـوهـج اللهيــبْ
بتكـون عمتقنَـع معـي وصايـر لبيـبْ==إنــو العـاشـق مِقتـنـعْ حَـتّـى يشـيـبْ
مادام هالورده معو , منْ دون ريبْ:==مَ فـي ولَ ورده غيرهـا بتفـوح طيـبْ
وقدّيـشْ راضـي هالحبـيـبْ بقسمـتـو==تَ الضرب حَتى يحسبـو مِنهـا زبيـبْ
=====================================

مروان السليمان( الختام بالقصيد بحر سريع)

خبّـي رماحـك قـوم يارمـاحْ==مَنّك بغـزوات الزجـل رمّـاح ْ
ضيَّعتَك بغابـة نقـط وحـروف==وفيها عليـك تجمّعـو السّـوّاح
عذّبتنـي وحمّلتنـي لـدفـوف==وللمنبر عْطيتـك أنـا المفتـاح
تاريك بدّك ستّ سبـع صفـوف==لتصيـر لخْيـال الشعـر لمّـاح
لا تْكون من حكم القدر مكسوف==لو كنت من درب الشعر منـزاح
مهما عليـك تغيّـرت لظـروف==قانع إنـت وبقسمتـك مرتـاح
الإنسان يلّي بالجهـل ملفـوف==وقانع بجهلو ومكتفـي بسـلاح
صَفّى بفلسفتـو أمـر مألـوف==يصدر فتـاوي ويقتـل الأرواح
شو بينفع العالم تُحَف وصنوف==صروح ومدارس عاليه ولـواح
والكتب فيها رفوف تحت رفوف==نْ ماكان لَكنـوز العلـم طمّـاح
بطمح أنا بين العوالـم طـوف==وشوف الخليقه جناح جنب جناح
بنار المحبّه عقلهـا مخطـوف==وبسنين جايي محمّلـه بالخيـر
تبقى المحبَّهْ للزمان وشاحْ
===========================
ماجد (الختام بالقصيد )

يــا شـعــر فـيــكْ قِـنِـعـتْ يـــا مـالــيْ==مـــا دام خَـزْنــهْ بـجـوهَــرَكْ مــالــيْ
غَـيْـريْ ..مَـالَـكْ لُ شْـــرَدِتْ مَـدلــولْ==وغَـيـركْ إنــتْ لــولا شَــرَدِتْ مـالـي
وشوهَمِّـنـي مَــال الـدنـي الْ بـيـزولْ==تـــا كـدِّســو و إخْـسَــرْ أنـــا حــالــي
لْحَافَـك عـا قــد جْـريـنْ فيـهـا تْـطـولْ==طْـــرافْ الـمــدى نْ غِـنِّــتْ مُـوَّالــي
وكرمـال بكـرى البَـالْ مِـشْ مْشغـولْ==نـهــاري كَـــرِمْ والـلـيــل عِــرزالــي
عَرشي خِصِرْ ..قَصْري شَعِر مجدولْ==وحـــرَّاسْ ســـورو عُـيــونْ قَـتّـالــهْ
عامـنـبـريْ الـدنـيـي تـلــثْ فــصــولْ==بْـدايــهْ وعِــبَــرْ والـمَـجِــدْ بـالـتـالـيْ
ومـروان.. يــا مــروان شــو مَ تـقـولْ==ضَحكـتـنـي ومـــا كـــان عـــا بـالــيْ
تـاريــكْ طـامــحْ تـــا تـكـفّـي نــــزولْ==وبَـسَّـكْ عَ قَــدْري طْـلِـعْـتْ بالـعـالـيْ
ضَيِّعتنـي.. وهَــونْ النـظـر مـسـؤولْ==وعـاتـب عـلـى عَيـنـيـكْ يـــا غـالــي
الـســوَّاحْ لـــولا تجـمَّـعـوا بمـفـعـول==هـالـلـي رَكــــعْ و الْ نَــــخْ بْـقـبـالـيْ
واللـي رِكِــبْ عالجـهـل مــنْ كـابـولْ==طَــامــحْ يـصـيــر لْـعـالـمَـكْ والـــــيْ
خْيولـو غَــزِتْ داســتْ زَهِــرْ أيـلـولْ==ونِسْـيـتْ عِصـابـهْ الـقِــدس مْغـتـالـهْ
وخَلّى الشَرق داخل علـى المجهـول==وينسـى شـو حِمْلِـتْ أرضنـا رْسـالـهْ
ومــنْ حَوْلـنـا جَـمَّـعْ ألــفْ أسـطـولْ==طــامــحْ يـخــلِّــي جْـيـالـنــا زْبــالـــهْ
الِطْـمـوحْ يـــا مـــروانْ لِـمَّــا تْـنــولْ==فَـــخْ الـطَـمـعْ بـاقــي إلَـــكْ صَــالــيْ
بتركـض بتركـض والرَكِـضْ بيطـولْ==وهَــيــكْ الـعَـصِــر بـيـحَـوِّلِـكْ آلــــة ْ
طْــمــاحْ بَــــسْ قْــنــاعْ بـالـمـعـقـولْ==ولَ تضَـيِّـعْ سْنيـنَـكْ وتنـسـى تعـيـشْ
ولَ تعيشْ عَ كتاف الزمن عالهْ
===============================