الارشيف

Pages: 1

طلب
(انقر هنا ان احببت مشاهدة الموضوع الاصلي بالالوان و الصور )

Posted by: Afram

مساء الخير

بدي أطلب منكن طلب لو سمحتوا...
كنت موعود من صديق الي حلبي الأصل أنه يعلمني طريقة عمل السحلب بس بسبب أنشغاله في مطعم المامونية لم يعلمني أياها لحد الآن
وبالمنتديات لازم تسجل لحد ما تعرف الطريقة الصحيحة
فأرجوا منكن الطريقة التي يعمل فيها مشروب السحلب
وألكن كل الشكر

Posted by: sam kassab

اخ افرام طلبك لا تجده الا في مطبخ زيدل الذي متخصص به الشيف عبودي الذي عودنا على اكلاته الشهية واللذيذة

Posted by: Kinan

سام طول بالك شو عبودي ما عبودي ناوي تروحو للزلمي
اصلا عبودي بذات نفسو ما بياكل من طبخاتو

انا بنصحك قبل ما تجرب اي وصفي تعمل تامين على الحياة ما بتعرف شو بيصير معو الواحد

على كل حال انشالله حدى بيحطلنا طريقة التحضير بس ما تنسى تعزمنا

Posted by: Afram

أشكرك أخ سام على النصيحة بس أخ كنان يقول أنه أكلات الأخ عبودي نفسه هو ما بياكل منها الظاهر أنه أكلاته بتخوف إما وهو بحضرها بيشبع من ريحتا وما بدوقها
وأنشالله بس شي حدا يحطلنا طريقة تحضير هالمشروب الساخن اللي بكون دوا بهل الشتوية ألكن مني عزومة على القامشلي لتشربوا المشروب طبعا بعد ما تتعشوا وإذا أجى الأخ عبودي أكيد محدا منكن رح يكون جوعان متل ما قال الأخ كنان أكلاته ووصفاته رهيبة بس أنا ما دقتها
على كل حال الله محييكن

Posted by: habibalomrre

تكرم افرام إليكَ ( صنع السحلب بالحليب )

المقادير :

أ ـ كاسة حليب ـ ب ـ ملعقة طعام نشاء ـ جـ ـ سكر حسب الطلب ويُـفضل ناعم .

طريقة صنع السحلب :

1 ـ يُـغلى الحليب ثم يـُبرد .

2 ـ تـُحـَل ملعقة النشاء في ملعقة ماء بارد .

3 ـ يـُخلط الحليب مع النشاء ويـُحرك على النار حتى يسمك .

4 ـ يـُضاف إلى الخليط ماء زهر حسب الطلب .

وصحتين ..............

حبيب العمر

Posted by: ABUODEE

بداية اشكر كل من اطرى على مطبخ زيدل التخصصي والشيف عبودي
هذا وان دل فهو يدل على مدى تطور المطبخ وانتشاره عالميا وطيب اكله
اسمحو لي وبمجال تخصصي ان اتدخل لاحل هذه الازمة التى لربما قد حلها العم حبيب العمر مشكورا على الطريقة التقليدية
ولكن بطريقتي الخاصة دعوني اشرحها بطريقة مبسطة وبالصور
لمن لم يستوعب فكرة السحلب بالحليب ليجرب السحلب بالصراصير طبعا على الطريقة التخصصية فقط
واطلب من جميع المشاهدين الذين لا يحبذون رؤية هذه الطبخة على الطريقة المنفوشية ان يحطاط فورا والان فوراااا

المقادير:

أ ـ كاسة حليب لمن اراد الحليب اما الذين يتبعون نظام حمية فلا انصح بها ابدا
ـ ب ـ ملعقة طعام نشاء ليس لها داعي هنا
ـ جـ ـ سكر حسب الطلب ويُـفضل ناعم اما بالمطبخ التخصصي نستبدل السكر بصرصورين

اسمحو لي شرح الطريقة بالصور ولا داعي للاكثار من الشرح
فلديكم الخبرة ((اقصد المتابعين لمطبخ زيدل التخصصي والشيف عبودي))
كلمتين ورد غطاهم
تخلط جميع المواد المذكورة اعلاه خلطا مبرحا في خلاط كهربائي ((لاتصلح يدويا))

الملف المرفق 4397

ولكم مني اجمل التحيات واعطرهاوسامحونا اذا حطينا طبخة من الطبخات التخصصية بغير مطرحها ولكن طلب الجماهير الكادحة جعل مني مجبورا لالبّي النداء

نسينا نحط ماء زهرعلى كل فيكم تشربوا غبة ماء زهر بعد اكل السحلب
طبعا فيكم تاكلوه بالملعقة نظرا لسماكته ويخفف بالماء حسب الطلب
كل الشكر لكم جميعا الاخ سام وكنان والعم حبيب العمر والاخ افرام وكل الشكر على الدعوة
في امان الله نراكم في طلب اخر

Posted by: Afram

مشكور أخ حبيب العمر على الوصفة وانشالله هيك بس افضى شوي رح جربها ( واشالله تزبط معي)
اخ عبودي وصفتك لهل المشروب رهيبة وبصراحة كمان أنا ما عاد بدي وصفة مشروب السحلب غيرت رأيي أصلا أنا ما عاد حب السحلب من هلا وبعد مع أنها وصفة حلوة وخفيفة بس وصفتك شوي خاف ما تتقبلها المعدة وخصوصاً بليل لأنها ما رح تخليني نام
ألكن تحية كبيرة مني أخ سام _ أخ كنان _ أخ حبيب العمر _ والأخ عبودي صاحب الوصفات الرهيبة

Posted by: tony daboul 21

والله اني قلك بعرف كيف بيسووا السحلب والله مابعرف
بس الللي بعرفو هلق انو هلق انتي سويت شغلي مانهي مليحة
أنو خليتني اشتهي السحلب هلق , اي منين بدي خلق سحلب هلق
هلق بدي سحلـــــــــــــــــــــــــــــــــــــــــــب...
على كل الأحوال انشالله يكون اللأخوالعم ابو هاني قد أفادك بمقادير السحلب
تحياتي لك
...abo laila...

Posted by: Afram

يا عزيزي أبو ليلى
أنا بتشكر الأخ حبيب العمر على وضع الوصفة بس بصراحة أنا لسه ما جربتها
يعني هي الوصفة ما بدها مسحوق السحلب اللي هو على شكل بودرة لينضاف معها
ممكن هي وصفة تانية ما بينحطلها سحلب لأن صديق الي كمان قال ما بنحط مسحوق السحلب وقت ذكري الوصفة عالسريع وماني متذكر شو قال بدقة عشان هيك طلبت المساعدة
وكمان إذا كل هالقد اشتهيت السحلب انزل علسوق واشتري في جاهز وأكيد رح يكون في منه بزيدل بالمحلات بينحط برا بماكينة
وهو مثل ما قلت أنا مشروب الشتاء

Posted by: tony daboul 21

والله ياحبيبي يافرام
السحلب غير مشهور في مدينة حمص كثيرا
فاكثر المدن معروفة بالسحلب هي مدينة حلب
يعني كل 100متر تقريبا اجباري بدك تلاقي بياع سحلب
وبزيدل مستحيل تلاقي حدا ببيع سحلب ...
مع تحياتي الك حبيبي
...abo laila...

Posted by: tony daboul 21

بس حابب أسئل الأخ عبودي
شو هالصورة هاي
يعني شو هاذ اللي عم يشربوه
والله ماني عرفان شو عم يشربو
هاليابانيين عندهن سوالف كبيري كثير

موقع زيدل سوريا حمص .. خدمات تشات و دردشة ... أرشيف المنتدى