المشاركة الأصلية كتبت بواسطة علي عامر

علي لـ مواسم الحنكه شاعرها وجرار القهر ببيوتو شعرها وفاه لـ نكهة المعنى شعارها وحنينو بينظم قصايد شعرها ومتل م البنت بتنثّر شعرها جبال بينثر بكلمه شعرها وعواصف جمر من فكرو ش عارها وبحور بيردم بدنيا ش عارها عار ملفلف بسرّ الغضب

المشاركة الأصلية كتبت بواسطة علي عامر

يعقوب ي مخرطش حكي طيشك هدي = حبّ اللغه شي بوق ع النشزه هدي وشافو رفاق الزجل تفكيرك هدي = من بعد كسرة خاطرك جابر انا بالخبص يا يعقوب ما بقبل حلول = ولو كنت صخر وما بتعنيلك حلول بيوتي أنا الغاز لازمها حلول = يا حلّها او رح بحلّك بالضنا * * * انا للدّهر من شعري بريتو = قلم تا ينزف يلوّح برايتو واجا يعقوب مش مشكل باريتو = الفطنه حرابها مشكشك بريتو الزجل من سر ايماني بريتو = وعرّفت الزمان على العتاب

المشاركة الأصلية كتبت بواسطة يعقوب

بتكوينك جبل الله وسامي.............فريده والفكر طاهر وسامي يأمي عالصدر شلتك وسامي...........رمز فيه الطهاره والأدب

المشاركة الأصلية كتبت بواسطة علي عامر

حبال الشمس إخلاصي عقدها = وخلايا الروح إلهامي عقدها شهد ابداع بيعلّي عقدها = ت صار الليل يفزع من عقدها جريمه تنحسب وحدك ع قدها = وردّك مش عم يحلحل عقدها بوقت القد إنصافي ع قدها = لهـ الدّنيي عم يمرّي ع قدها مدى كرباج وزني تا عقدها = مجالس بالعدل صاغت عقدها لـ بنت الفقر يتخلّد عقدها = وتعطف شعر بالرحمه ع قدها وقدّ القدر ودموع السحاب

المشاركة الأصلية كتبت بواسطة علي عامر

الله عليك لعيونك يعقوب عن فنّ المعنّى لا تنوب = وتوضع شروط بدون غلّه ولا حبوب مين التعب تا شل أعصاب الغروب = وذلّ البحر ت الموج غطّالك عيوب شاعر أنا من مطلعي لـ جمر الحروب = اسمي ملعلع بالشّمال وبالجنوب وبالبيت مدرسة الكرامه الخالده = ويعقوب رح مشّيك عا أشرف دروب

المشاركة الأصلية كتبت بواسطة علي عامر

لساني طويل بحق متعجرف غبي = يعقوب إسمو وغبن هـ الإسم الأبي وبحر الشعر من خير فضلي يا صبي = مغرّق فراعنة الجهل بالموهبه داعيك مش مظهر عبايه مقصّبه = الداعي علي جوهر من خصال النبي والطّهر لو شفتو صياعه العقل فيك = صفّر وشاب الهم منّك بالخبي

المشاركة الأصلية كتبت بواسطة علي عامر

اوكي اخي يعقوب ولا يهمّك ع الموضوع يا بي من جمعه ظهرت تا يراسلوك = قاسي طلعت حتّى لـ ذبحك حللّوك لولا وجودي بالشعر ما عبّروك = ومن قبل ما تغلط ع بطشي خبّروك وقبلت حاور بي في عندو شكوك = انّو الإبن سيّد زجل عندو صكوك وبيّ اللي ما رح يفتخر يا هـ الدّني = بالبار ، قلّو يا وعي ثبّت أبوك

المشاركة الأصلية كتبت بواسطة علي عامر

بيّ ي عقده من الدّهر ما حلحلوك = أوزارك بشيب السنين وعفّروك وحيثك غني بالمال مش شعر الوحوك = وابنك فقير ومجد موهبتو بنوك بالعربده ابنك سلك مين السقوك = سمّ الوهم وان كنت عم عيب السلوك مش رح بعدلك صالح وبار القديم = ت تحيد يا طالح عن دروب الملوك * * * اعذرني كتر م خصال ابنك دللوك = عشت بهوس من هيك صارو يعرفوك نزعت البكر بالحصرمه تا بهدلوك = شو بعد خافي للزغار القدّروك

المشاركة الأصلية كتبت بواسطة علي عامر

يعقوب شو باك انزويت وابرتك = عا فرج ذات الإسطوانه قبرتك راجع تقلّي تعبت دخلك تعبتك = موهبة ابنك وانت شرّك لعبتك تناعشر سنه احصد سنابل نكبتك = وم تحمّلوني حيثني من جعبتك خدت المثالب يا حنون بحربتك = والخير صيّدتو بشراسة قربتك ويا ريت ضلّيت بمناقب عفّتي = ولا نزحت عا قرنة مرض من غربتك * * * نصبي اذا قصدنا ي بيّ عربتك = بتطلع صفر مش أهل ضلّ بخربتك والسرسره رفضت جنوحي ولبّتك = حيث الحيل مكياج ضوّى هيبتك

موقع زيدل سوريا حمص  .. خدمات تشات و دردشة  ... أرشيف المنتدى

vBulletin Copyright ©2000 - 2009, Jelsoft Enterprises Limited.
vB Easy Archive Final ©2000 - 2009 - Created by Stefan "Xenon" Kaeser