عتبي على زيدل والعتب على قدر المحبة
عتبي على زيدل التي تترك غصة في قلب كل من عاش فيها واضطر للبعد عنها
عتبي على زيدل التي تربيت فيها وتعرفت في ربوعها على أشخاص مميزين للغاية
عتبي على زيدل التي كبرت فيها مع ناس أصبحوا أغلى الأصدقاء والأقرب إلى القلب
عتبي على زيدل التي تأبى أن تنسانا حتى ونحن بعيدون عنها
عتبي على زيدل التي نأبى أن نكره فيها شيئا مهما ساء
عتبي على زيدل التي لا ينقص رونقها ولا يخبو بريقها حتى عند انقطاع الكهرباء عنها
عتبي على زيدل التي نتنفس هواءها ونعيش افراحها واحزانها حتى ولو فرقتنا المسافات
عتبي الأكبر على زيدل أني لا أستطيع أن أنساها او أتناساها في أفضل حالاتي وأسوأ حالاتها

في الواقع لست أدري على من أعتب. هل أعتب على طموحاتي التي أبعدتني عنها؟
هل أعتب على بلدي التي جعلتني أغادرها رغما عني لأني لا أستطيع أن أحقق ذاتي فيها؟
هل أعتب على أمريكا التي جذبتني إليها ؟
المكان الوحيد الذي وجدت نفسي قادرة على معاتبته "زيدل" لأني على ثقة أنها لن تغضب او
تستاء من معاتبتي........
تذكرت للتو جملة قالها العم حسان العيسى عندما التقيت معه ومع عائلته في زيدل هذه السنة
"لو كانت زيدل في أي مكان في الأرض وحتى لو كانت في السودان سنأتي إليها كل عام "
أعتقد أنه اختصر كل الكلمات التي من الممكن أن تقال

يعني كم كلمة ضلو يدورو براسي من وقت طلعت من زيدل لوقت وصلت على أميركا
الأسبوع الماضي وحبيت شاركهن معكن, بجوز حدي عم يفكر مثلي؟؟ مابعرف؟؟بجوز

مع حبي واحترامي
رشاعواد

صحي أني ما تغرّبت بس الواحد ما بيعرف شو مخبيلو القدر؟ بس مع هيك بيضل في نوع من الذكرى الحلوة للموطن بتنسّي كل الهموم عند كل واحد منّا..
شكراً رشا على هالعتب الحلو اللي بيبين شي من اللي حاسستيه ومن اللي بيحسوه المغتربين لأنو عتب مليان حبّ..

مرحبا للجميع وشكرا إلكن لمشاركتي بهالعتب المتواضع واسفة عالتأخير بالرد

يوسف شكرا الك وبتمنالك التوفيق بدراستك وانشالله بصير فرصة ومنقدر نتعرف على بعض بشكل شخصي.
سمر, المشكلي انو اي شي بدي اكتبو رد عليكي انتي بتعرفي مسبقا بهالموضوع مثل ما انتي فهماني تماما كل كلمة كتبتهي .
ندوش, من أحلى الأمور اللي صارت بهالزيارة لسورية هالسنة اني تعرفت عليكي بشكل شخصي واني كثير سعيدة بهالمعرفة وانشالله كل سنة بتروحي على سورية وبتزوري زيدل.
أيهم, شكرا لمشاركتك بس ماعرفت عليك شو بتقصد تماما عالعتب بأمور مختلفة بس اذا في شي عندك بتلاقي انو فعلا لازم نعتب من خلالو بتمنى انك ماتبخل عليني في.
عبودي, الله يوفقك بغربتك ودراستك ونصيحة من اخت لا تتخلى عن طموحك الدراسي مهما صار ومهما صعبت الظروف.
وجدي صديقي الغالي, احلي شي بالروحة على زيدل هوي الشلي الغالية على قلبي والسهرات المهضومي اللي نقضيها مع بعض.
ماريو كمان صديقي الغالي, الحال من بعضو ماريو بس كأنو موهبة الشعر بلشت بوادرها تظهر بعد هالروحة على سورية وانشالله بتتكرر نفس الفرصة حتى تجتمع الشلي كلها بسورية مثل هالسنة المميزة جدا.


مع حبي واحترامي
رشاعواد