Pages: 1
تحدّي إلتزام
(انقر هنا ان احببت مشاهدة الموضوع الاصلي بالالوان و الصور )
Posted by: علي عامر
اللي قدّ الحمل يتحدّى
من بعد ما بالشعر طببت الحروق = بيضلّ شاعل دم حرفي بالعروق
بجولات إلهامي أنا شمس الشروق = وأهل الشعر بغروبهن ظهرو الفروق
واسمي علي وأعلى من خيام الصبير = والكل تحتي بثقل رعدن والبروق
Posted by: جعفر حيدر
اقتباس:
المشاركة الأصلية كتبت بواسطة علي عامر
اللي قدّ الحمل يتحدّى
من بعد ما بالشعر طببت الحروق = بيضلّ شاعل دم حرفي بالعروق
بجولات إلهامي أنا شمس الشروق = وأهل الشعر بغروبهن ظهرو الفروق
واسمي علي وأعلى من خيام الصبير = والكل تحتي بثقل رعدن والبروق |
ضلك رقيق وحاج تفتح مشكلة
روح التحدي فيك مش مستاهلة
بردك إذا بدي .. وبرجع بعتقك
وبعلمك تكتب قصيدك يا علي
***
أوعاك تفتكرني شاعر كبير
انا على قد حالي
بكل المحبة خيي علي
جعفر
Posted by: ziad sattah
اقتباس:
المشاركة الأصلية كتبت بواسطة جعفر حيدر
أوعاك تفتكرني شاعر كبير
انا على قد حالي
بكل المحبة خيي علي
جعفر |
شـــــــاعر إنِتْ قَدّ الدِّني و أكثر
وْ مِشْ عن عَبَث سَمّوك يا حيدر
خـَيّـي عـلي لـمـّا التَقيتو كْبِرت
وْ حِلمي : معك تا إلتِقي وْ إكبَر
Posted by: علي عامر
اسف على التأخير انشغلت بعدّة قضايا
لا تفتكر انّك ي جعفر برمكي = وتتجاهل شروطي بساح المعركه
لكن مازالك ما بتقدر بالحكي = ولا بالفعل ع الإلتزام بمملكه
وحتّى تعلّمني على نظم القصيد = هاتلك شي ردّ تكون روحو محنّكه
هلا بيك خيي جعفر
Posted by: علي عامر
هلا بيك خيي زياد
منوّر والله
والشاعر الحيدري اخ ومنّا وفينا
تحيّاتي للجميع
Posted by: جعفر حيدر
اقتباس:
المشاركة الأصلية كتبت بواسطة ziad sattah
شـــــــاعر إنِتْ قَدّ الدِّني و أكثر
وْ مِشْ عن عَبَث سَمّوك يا حيدر
خـَيّـي عـلي لـمـّا التَقيتو كْبِرت
وْ حِلمي : معك تا إلتِقي وْ إكبَر
|
طلي بفخر ياحروف ملياني
حب وحلم وصوات وغناني
وضمي عيوني بين ديكي ضم
تتصير روحي هيك عمراني
وابقى أنا وحباب قلبي لم
نلم الفرح بقلوب علياني
كيف بشكر اللي صار بي وأم
للشعر .. كلماتي شو عجزاني!!
جعفر
Posted by: جعفر حيدر
اقتباس:
المشاركة الأصلية كتبت بواسطة علي عامر
اسف على التأخير انشغلت بعدّة قضايا
لا تفتكر انّك ي جعفر برمكي = وتتجاهل شروطي بساح المعركه
لكن مازالك ما بتقدر بالحكي = ولا بالفعل ع الإلتزام بمملكه
وحتّى تعلّمني على نظم القصيد = هاتلك شي ردّ تكون روحو محنّكه
هلا بيك خيي جعفر |
بلا مفخرة .. ردودي أنا يا عامري
مش برمكية .. حيدرية بخاطري
ومش جايي حتى أرفعك عالمشتري
جايي اتعلم منك النظم الطري
لما لمحت الحكي صاير مهتري
والفعل بعضو بهرجة.. وبعضو فري
فضلت أسكت تا يصحيني كلام
يستاهل الردة .. تبيع واشتري
Posted by: جعفر حيدر
اقتباس:
المشاركة الأصلية كتبت بواسطة علي عامر
هلا بيك خيي زياد
منوّر والله
والشاعر الحيدري اخ ومنّا وفينا
تحيّاتي للجميع |
الشكر الك أستاذي
وأنا سعيد بالحوار معك
وباعتبارك ألي أني صديق دون معرفة مسبقة
أكرر شكري ومحبتي
جعفر
Posted by: علي عامر
مازال يا حيدر الك شمخة جبين = وفيك التواضع بالشعر كنز الثمين
لا تمتحنّي وتنصعق حيثي فطين = ولو كنت م بتستوعب السّر الدفين
لا تروّج حكايات تهجي الخالدين = وتزعج بضعف الصمت حكي الملهمين
احسن م سبع الشعر يا هـ البربري = يبلعك من بعد تقطيعك بـ حين
اهلا وسهلا برجعتك اخي
الشاعر المبدع
يا هيك المعنّى يا بلا
مودّتي
علي
Posted by: جعفر حيدر
اقتباس:
المشاركة الأصلية كتبت بواسطة علي عامر
مازال يا حيدر الك شمخة جبين = وفيك التواضع بالشعر كنز الثمين
لا تمتحنّي وتنصعق حيثي فطين = ولو كنت م بتستوعب السّر الدفين
لا تروّج حكايات تهجي الخالدين = وتزعج بضعف الصمت حكي الملهمين
احسن م سبع الشعر يا هـ البربري = يبلعك من بعد تقطيعك بـ حين
اهلا وسهلا برجعتك اخي
الشاعر المبدع
يا هيك المعنّى يا بلا
مودّتي
علي |
صامت أنا والصمت قوة خارقة
وحروف صمتي للقصيدة خارقة
وأبيات شعري للثرثرة حارقة
ومن جن عبقر سرّ سرّو سارقة
حاسب على حروفك الحدي مارقة
لتكون عن قانون شعري مارقة
أحسن معلق مشنقة صمتي معك
وما يضل منك يا علي ولا بارقة
***
أرجو أنو تغير خطك
لأني ما عم أفهمو منيح
والشكر لك موصول بالمحبة
Posted by: علي عامر
الصمت ان وصفتو قوّة جنون الهوا = ولو كان للإحراج في بقلبك غوى
مش ثرثره حكي النبوغ ، ومستوى = شعري حلم مجنون وبفجري الدوا
وقانونك عبادة صنم مرّ وهوى = لمّا النبي حطّم صمت كفرك حوى
وحتّى ان شنقت الشعر يا جعفر بليد = التاريخ رح يحكي بنضالي والقوى
لعيونك عمّي جعفر
Posted by: جعفر حيدر
اقتباس:
المشاركة الأصلية كتبت بواسطة علي عامر
الصمت ان وصفتو قوّة جنون الهوا = ولو كان للإحراج في بقلبك غوى
مش ثرثره حكي النبوغ ، ومستوى = شعري حلم مجنون وبفجري الدوا
وقانونك عبادة صنم مرّ وهوى = لمّا النبي حطّم صمت كفرك حوى
وحتّى ان شنقت الشعر يا جعفر بليد = التاريخ رح يحكي بنضالي والقوى
لعيونك عمّي جعفر |
يا صمت ضلك وحي بعيون الكلام
حتى نبوغ الشعر يضربلي سلام
بدنا شمس تفتح فجر فوق الأنام
بدنا فجر يطلع من كوام الركام
يا جنون حاجتنا دوا وكفر وملام
جايي بشعري روقك حتى تنام
شعري الصنم يللي ما واحد حطمو
حتى الرسول الأعظم ببيت الحرام
م: التمثال الوحيد الذي لم يحطمه الرسول في الكعبة هو:
تمثال السيدة العذراء
جعفر
Posted by: علي عامر
الالهام يا جعفر حكي وظروف ناس = مش بس نسمه ت الندي يحرّر يباس
والشمس نار الهمس باعتلا جراس = وحتّى الفجر يطلع ، طرد قلبي النعاس
شعري انتفض بعد المصيبه وعا أساس = جايي بصمتك انت خالي من الحواس
لكن عندما تشوف للعذرا الصنم = رح يجبرك تحكي شعر لمعات ماس
Posted by: جعفر حيدر
اقتباس:
المشاركة الأصلية كتبت بواسطة علي عامر
الالهام يا جعفر حكي وظروف ناس = مش بس نسمه ت الندي يحرّر يباس
والشمس نار الهمس باعتلا جراس = وحتّى الفجر يطلع ، طرد قلبي النعاس
شعري انتفض بعد المصيبه وعا أساس = جايي بصمتك انت خالي من الحواس
لكن عندما تشوف للعذرا الصنم = رح يجبرك تحكي شعر لمعات ماس |
عا موسم الأشعار متل الشمس سيح
وخلي مجالك كل هالكون الفسيح
وكلما علينا عصفت من الوهم ريح
خلي الحلا ينقط زجلنا والفصيح
ويا شاعر الجايي معي عالمستريح
مرّن زنودك هون مش رح تستريح
تركي أنا تمثال للعدرا ... ومعي
لفيفة وفيها روح وهموم المسيح
كل الحب والتقدير لك يا شاعرنا الجميل
Posted by: علي عامر
اعذرنا ع التأخير موسم الزيتون بلّش
والأرض رسمال القلب والحب
لا تكفر ن كان النبع عندك شحيح = و ع الصّمت شلاّلي حكي والعطر ريح
وهمك مجالو غر شكل تا تستريح = رح فيّقك بين الهجا وبين المديح
مش بالزنود الشعر يا عامل فصيح = بالفكر لكن انت بالفطره كسيح
ولو ما حكي الإيمان بقلوب الورى = م تمرّد على الصمت فادينا المسيح
مودّتي وتقديري
موقع زيدل سوريا حمص
..
خدمات تشات و
دردشة ...
أرشيف المنتدى
vBulletin Copyright ©2000 - 2009,
Jelsoft Enterprises Limited.
vB Easy Archive Final ©2000 - 2009
- Created by Stefan "Xenon" Kaeser
