الارشيف - يارا ..(مهداة لـ بنتي يارا )

قـَطر النِدِي هَدَّى عَ نوَّارهْ .........الصبحْ وسَألْ شو صار يا جارهْ

عَبْمِرْ عَ زهور الجِردْ عَمشوفْ ............أعصابْ كل الورد مْنهارهْ

قالتْ حَلانا من المسا مخطوفْ ....ولا حِِسّ عَنّو , وبالقلبْ نارهْ

فرفط بدحكهْ وصار حَبّو يطوفْ.........عَ وراقها ، ويقول البشارهْ :

سِر الخَطف كل الحلا معروفْ ....روحوا إسألوا عنَّو عَ مهد زغيرْ

يارا الإجتْ عَ سريرها بَكِّيرْ ...............وغفيتْ قبلْ مَ تنامْ الِعْصافيرْ

مِشْ بَسْ خطفتْ زهوة الأزهارْ ........برمشاتها خطفتْ قلوبْ كتيرْ

وخطفتْ من الشمعاتْ نور ونارْ.........تَ تشعِّل الإحساس والتفكيرْ

وخطفتْ حِلمْ مِنْ ليلْ صار نهارْ...........وصارتْ إلو بوجودها تفسيرْ

وعِمْلِتْ سِحِر صابيعها الزغارْ................كرمال يكبر هالحلم ويطيرْ

زغيري وبَحِرْ عبيانْ بالأسرارْ...............وعيونْ بيّا ببحرها شْخاتيرْ

بتفغـَرْ ببكوهْ بيبتدي إعصارْ.....................بيغرِّقو وبيطيلعو الِفغيرْ

بيضيعْ كلما بتاخدو مشوارْ..............وبيصير معها مثلْ طفل كبيرْ

دنييْ جْديدي عاملهْ بهالدارْ..........و(الـلهْ) بيعلمْ كيفْ بدها تصيرْ :

لمّا بترجعْ حاملهْ الأخبارْ ..........مِلْ مدرسة وتركدْ عَ حضنو تغيرْ

وتقول دخلكْ طِقْ هالزنّارْ .....وهَتلـَكْ شي عَشرهْ بعد بوسة خَدْ :

دكتورنا الغالي
انشاء الله تعيش وتربى بعزك يا دكتور
والحمد لله على سلامة أمها
وعقبال دزينة إخوة وأخوات

ومحفوطة برب العالمين

جعفر

اقتباس:

المشاركة الأصلية كتبت بواسطة جعفر حيدر

دكتورنا الغالي

انشاء الله تعيش وتربى بعزك يا دكتور
والحمد لله على سلامة أمها
وعقبال دزينة إخوة وأخوات

ومحفوطة برب العالمين

جعفر

أستاذنا و شاعرنا أبو أحمد
كل الشكر إلكْ على التهنئة
وعالكلمات المذوقة اللي تعودنا عليها
بكل طلّة لإلك
تحياتي إلك وللعيلة الكريمة
إنشالله تضلـّوا بصحّة و خير
خيّك ماجد