الارشيف - مبروك لهولندا

Pages: 1

مبروك لهولندا
(انقر هنا ان احببت مشاهدة الموضوع الاصلي بالالوان و الصور )

Posted by: Nada1981

مابعرف شو بدي سميها؟ معجزة ولا تكتيك ولا....................

ألف مبروووك لجميع عشاق الفريق الهولندي فعلا المباراة كانت حلوة واكتر من رائعة

فوز مستحق 100% وانشاءالله الايطاليين بيعوضو الخسارة بلمباريات القادمة

الدفاع الايطالي ماكان كويس ابدا و يمكن غياب كانافارو اثر على الفريق والدفاع

بينما الفريق الهولندي كان عم يلعب بطريقة مختلفة تماما عن طريقة لعبه بلمباريات السابقة والمباريات التدريبية, يمكن هيك كانت خطة المدرب انه مايظهر كلشي عنده ليوم المباراة. و عن نفسي بقول انه الفريق الهولندي كان أحسن مع غياب نجمه روبن وبرأيي هلشي كان من صالح الفريق الهولندي..........

اكيد مارح احكيلكم عن الفرحة بهولندا و بعتقد الشعب الهولندي مارح ينام اليوم من الفرحة وخاصة وانا عم اسمع بلحظات هي صوت المفرقعات والسيارات والزمامير والاحتفالات بكل محل.

ندى

Posted by: الريم

مبررررررررررررررررررروك هولندا الفوززززززززززززززززززززز
وعلى مين ايطاليااااااااااااااااااااااااااااا
عنجد انه فريق المفاجأت وبيستاهل البطولة
الطواحين الهولندية تسحق ابطال العالم

Posted by: imad_dahi

مبروك هولندا ..
والله كان لعبهم روعة وشي حلو كتير ...
بالنسبة الي صارت من المؤهلات للكاس ..لانو عنجد لعب حلو ...
ولا اروع من هيك تكتيك وكيفية وصول الى منطقة ال 16 للخصم, ودفاع جميل
والطليان... الله يساعد .. وكأنو اول مرة بيفوتو ع ملعب .. لا عرفو يمكسو طابي ولا يوصلو للمرمى..
حتى ولا تمريرة متل العالم والخلق

لساتنا باول مباريات ولسى في كتير مفاجئات

Posted by: Kinan

الف مبروك للمنتخب الهولندي
طبعا انا عندي هولندا اكثر فريق اوربي و كثير بحبو
انشالله هالسنة بتكون خير و بياخذو البطولة بما انو البداية حلوة و فازو على ايطالية بطلة العالم فا اشنالله خير
و الف مبروك لمشجعين الفريق البرتقالي

Posted by: hosam abdulaziz

الف مبروك للطواحين الهولندية
اذا وصلتو للنهائي رح تفكفكم انشاء الله الماكينات الالمانية
كان اللعب رائع و استحقيتم الفوز بس الاستمرار اهم من البداية الموفقة.

Posted by: فاروق القدومي

مبروك لهولندة الفوز الصريح وانشاء الله المنتخب البرتقالي بيرتقي للدور المقبل.اتمنى ان اشاهد النجم روبين في المباراة المقبلة**

*قدومي*

Posted by: Nada1981

اخ فاروق

من الاسباب الي خلت هولندا تربح هو لانه روبن مالعب معهم

روبن لاعب اناني وشفناه بلمباريات السابقة والمباريات التدريبية كيف انه لساته بيلعب بطريقة انانية ظاهرة

انا كمان بتمنى يلعب

بس منشان تخسر هولندا ههههههههههههههههههههه

Posted by: فاروق القدومي

ههههههههههههههههههههههههه لك يا ندى حرام عليكِ والله انه أسرع لاعب في المنتخب وحركاته ملفته وبتجنن ورايح يثبت جدارته، وأنا حبيته من اول ما شفت لعبه**

*قدومي*

Posted by: Nada1981

كمان مرة مبروك لهولندا الفوز والتأهل للدور الثاني

والله مابعرف شو عم يصير

اليوم اثبت الفريق الهولندي انه بيستحق لقب البطولة خاصة بعد فوزه على ايطاليا بنتيجة كبيرة 3-0 وعلى فرنسا 4-1
لو كان الفارق صغير كنا قلنا حظ...........................

بصراحة ماحدا بهولندا كان متوقع الشي الي صار

بعد المباراة حسيت حالي بيوم راس السنة الساعة 12 بليل مع كل المفرقعات والاحتفالات

هلا مدام هولندا امنت التأهل بتوقع المرة الجاي تلعب بطريقة عادية مع لاعبينها الاحتياط حتى تريح اللاعبين الاساسيين و تضمن ماحدا ينصاب. بس المشكلة اذا رومانيا ربحت هولندا وقتها بتكون اكبر المفاجئات: بنقول وقتها باي ايطاليا و باي فرنسا

خلونا نتابع ونشوف شوفي مفاجئات جديدة كمان

Posted by: Kinan

الف مبروك لهولندا عنجد ما فينا نحكي ولا كلمي على اللعب مبارح حضرت المبارة لعبو كثير حلو و اللعبة كثير حماسية و بتستحق الفوز 100%
و طبعا اذا طلعت من مجموعة الموت مثل ما عم يسموها بهالنتائج شو ضل لقدام
انشالله السنة هولندا بتاخذ البطولة لانو اذا بتضل هيك تلعب هي المرشح الاول للكأس

موقع زيدل سوريا حمص .. خدمات تشات و دردشة ... أرشيف المنتدى