الارشيف - اهلا بحزام الامان

Pages: 1

اهلا بحزام الامان
(انقر هنا ان احببت مشاهدة الموضوع الاصلي بالالوان و الصور )

Posted by: hosam abdulaziz

قبل ان ابدأ اريد ان اروي قصة حصلت معي البارحة:
يقولون خذوا اسرارهم من صغارهم
و انا اريد ان اقول خذوا العبر من صغارهم
كنت بزيارة تهنئة بالسلامة لعائلة رفيقي المقيمة في امريكا , و خلال الجلسة اضطريت للمغادرة لمشوار قصير , فأحبت بنته اللطيفة الصغيرة بعمر الربيعين فقط ان تذهب معي (يمكن حبتني من اول قعدة)
و فعلا اخذتها هي و طفل آخر يكبرها بالعمر سنة (الطفل من المقيمين بسورية)
فقمت من باب الحرص بوضع البنت بحضني و انا عمسوق , و الطفل الآخر جلس من الخلف
بس يبدو الغيرة دبت و صار يبكي بده يقعد هو محل هالبنت الصغيرة بحضني
و من مبدأ اخذته عقد عقلاته قمت بوضع هالبنت ذات العمر سنتين بجانبي على الكرسي الأمامي

و المفاجئة الكبيرة التي اذهلتني حقاً , ان الفتاة مدت يدها باتجاه حزام الامان محاولة سحبه !!!!!!!!!!
تصوروا بعمر سنتين لا تكاد تعرف تلفظ اكثر من عشرات الكلمات ارادت وضع الحزام

و فعلا قمت انا بالمساعدة و سحبت الحزام و وضعته لها في محله , و بدأت بعدها الفتاه بتوضيبه ليتناسب مع طريقة جلوسها

و فعلا طوال المشوار حوالي ربع ساعة استمرت بالجلوس بمكانها و الحزام موضوع عليها دون اي تذمر او شكوى من هذاالقيد (قيد بالنسبة لنا فقط)
بينما الطفل الآخر المقيم في سورية لا يمكن ان يقبل فكرة وضع حزام الامان.

العبرة من هذه القصة , انه موضوع حزام الامان موضوع عادة لا اكثر
فالذي يربى على الالتزام بالنظام , يستمر كذلك , فهذه الفتاة تعودت منذ ابصرت النور انه لا مجال للجلوس بالسيارة بدون حزام الامان (في الولايات المتحدة)
اما الذي يفرض عليه النظام متأخرا , فلا رادع له سوى العصا ليقبل به.

و هذا ما لاحظته اليوم في ذهابي للمدينة حمص:
شي جميل جدا حوالي 90% من السائقين (خصوصا سائقي التكاسي الصفراء و السرافيس) يضعون الآن حزام الامان
و السبب هو الالزامية الحيقية التي فرضت على التطبيق + الغرامة المادية الكبيرة التي يسببها عدم الالتزام به.

النظام جميل عندما يطبق على الجميع , و اتمنى ان يطبق القانون السوري للسير بطريقة قانونية على الجميع, و عدم سحق هذا النظام بايادي بالعي الرشاوى.
لذلك اقول بكل سعادة , مرحبا بالنظام و مرحبا بحزام الأمان.

للاطلاع على قانون السير اضغط هنا

Posted by: sweet-w

أخ حسام أكيد حزام الأمان ضروري للسلامة
بس المشكلة عنا ... فيه بعض الشوفيرية بيحطوه بس بالمنطقة يلي فيها شرطة
وبس بعدوا عنهن بيشولوه كأنه هم وانزاح عن قلبهن
أكيد منتمنى من الجميع الالتزام بالقانون للحفاض على سلامة الجميع

Posted by: Kinan

حازم الامان عادة اكيد لانو عنا بسوريا يمكن اللي بيحط حزام الامان بيتضحكو عليه
بس برة لانو كل الناس بتحط حزام و عليها مخالفات كبيرة فا الكل بيحطو
انا بسوريا ما كنت حط حزام الامان ابدا هلق صرت قبل ما دور السيارة لا شعوريا بسحب حزام الامان و بحطو لانو اذا ما حطيتو صرت حس انو في شي ناقص
يعني مغا بعرف انو شغلة مصممة لا تحمي حياتك ليش ما منستخدمها ما بعرف و لا الواحد مننا بيستنا لا يصيبو شي بعدين بيتندم و بيصير يقول يا ريت لو اني حاطط حزام الامان
على كل حال انشالله بتضل الناس متقيدة فيه لانو اكثر من مرة شددو على الحزام و بعدين رجعت الناس ما تلتزم و الشرطة ما عاد دققت عليه

Posted by: hosam abdulaziz

حكالي شخص طالع بالمكرو لزيدل
انه الشوفير بس قطع دورا المواصلات , قام فك حزام الامان
و كأنه هو لابسه كرامة عيون الشرطة بس.

لهيك هيك ناس لازمها بوليس سري يكون بدون سيارة و يتنقل بالسرافيس و المكريات بدون ما حدا ينتبه.

Posted by: Nada1981

مرحبا جميعا

حزام الامان بلنسبة الي صار شغلة روتينية, اول مابقعد بلسيارة وقبل ماشغلها بحط حزام الامان. حتى لوماكنت انا عم سوق اول شي بعمله بحط الحزام.

اوقات لمى كنت بسوريا وكنت اركب مع شي حدا كنت اول شي اعمله حط الحزام مع انه ماكان ضروري, لانه بحس الشغلة هي اخترعوها للامان مابس لحتى ياخدو مخالفات عليها, مخالفة حزام الامان عنا 90 يورو, بس عنا الشوفير مانه ملزوم بمخالفة الي قاعد جنبه اذا ماكان حاطط الحزام, يعني كلواحد بيدفع عن حاله. هلا طلعولنا قرار جديد انه الي قاعد ورا كمان لازم يحط الحزام بس القانون لسى ما اتطبق على الاخير.

ياريت لو الشوفيرية تعرف انه حزام الامان لمصلحتهم ومانه بس للمخالفات.

شكرا حسام على الموضوع

ندى

Posted by: mazen youssef

حزام الامان أنقذ حياتي وحياة أبني

تعرضت لحادث منذ 3سنين وجه لوجه مع سيارة 4/4 والسرعة كانت 120كم فشكرت الله مليون

مرة على السلامة وشكرت حزام الأمان فلولاه لكنت طرت من السيارة من دون مبالغة

فأتمنى من جميع الأخوة عدم الأستهتار بهذا الحزام لانه بعد الله هو يحميك من الموت

تقبلو مروري وحفظكم الله من كل مكروه

Posted by: syria & joleat

ياريت بس هييك يا حسااام لو تشووف من شي سنتيين تقريبا وقت اللي نزلنا عسووريا قبل قصة المخالفاات على الحزاام
كنا وقت نركب بالتكسي اذا حطيينا حزاام الامان يقلنا جااين من الخليج ما هيك وينهب بالحسااب بعدين على اساس كل واحد بالخليج عندو بير بتروول تحت بيتوو ....

سلام _ ياسمين _

Posted by: imad_dahi

حزام الامان بايطاليا مخالفتو كبيري متل ما قالت ندووووش

وهلق السيارات الحديثي , اذا ما حطيت حزام الامان بتضل تزمر وما في شي بيطفي المنبه الا انك تحط حزام الامان

اسمو حزام امان ... من اسمو معروف شو غرضو ..ومو غللط ابدا التعلم ع هالعادي

وحزام الامان هو حضارة ... ...............

Posted by: hosam abdulaziz

اقتباس:

وهلق السيارات الحديثي , اذا ما حطيت حزام الامان بتضل تزمر وما في شي بيطفي المنبه الا انك تحط حزام الامان

عماد شكرا لمرورك , انا اكيد انه بسورية في سيارات موديل الـ 2007 ما فيها هالتقنية و السبب مثل ما فهمت
انه كل تاجر (الكبار) بيحددوا المواصفات القياسية للسيارة , و اللي بيستوردوا عسورية بيطلبوا ما تكون بتزمر عحزام الامان لبعضها, رح اعطيك امثلة
بالخليج(كل المرايات اللي عمين و يسار السائق بيجي عليها تنبيه بشأن اختلاف الابعاد بينما بسورية لأ.)
بكندا , كل السيارات بمجرد ما تدورها بتشتغل الاضوية الامامية (حتى بوضح النهار)
لهيك التجار بتتحكم بمواصفات السيارة وفق معايير الدولة اللي عايشين فيها.

نقطة ثانية , في دفعات مثل ما تفضلت اجت بتزمر مدة دقيقة تقريبا
فشو عملوا عنا السائقين , صاروا يبروا الحازم من خلف المقعد و يحطوه بمكانه الطبيعي و بالتالي ضحكوا عالسيارة و معد تميز الحزام محطوط عالسائق او عالهوا

و بالتالي اذا ما عدلنا النفسيات و الوعي البشري ما رح تزبط القصة , و التقنية رح تكون عامل مساعد لا اكثر.

Posted by: Fadi Harris

إن شاء الله بنضل هيك وبنضل عم نتطور إلى الأمام حتى نصير مثل هل الدول المتطورة وأحسن منها كمان

موقع زيدل سوريا حمص .. خدمات تشات و دردشة ... أرشيف المنتدى