الارشيف - أتحدى ايا بنت تسويها(خاص بالبشرة)

Pages: 1

أتحدى ايا بنت تسويها(خاص بالبشرة)
(انقر هنا ان احببت مشاهدة الموضوع الاصلي بالالوان و الصور )

Posted by: ABUODEE

يا جماعة الخير من زمان والبشرية بتستغرب ليش فلانة بشرتها ناااااااااااااعمة وفلانة بشرتها مو ناااااعمة
وكثير عملو ابحاث وتجارب وكريمات ومساحيق ومدري شو بس ماطلع معهم متل ماطلع معي
وهلق ماعاد في داعي تفكروا بالموضوع كتير
وصار بامكان ايا بنت تصير ذو بشرة ناعمة نعومة الحرير

خلينا نشوف الطريقة لجعل البشرة ناعمة وملسة

اولا عليكم باحضار صحن اكل بايت
(( مجدرة او شي اكلة حلو بايتة او ايا صحن اكل من البراد))
هاي اول شي بعدين بتنصبوا الفخ للصراصير حتى يتجمعو على الصحن
خليكم معي للاخير بعدين احكموا

ملف مرفق 3912

بعدين كل الي عليكم تلقطوا الصراصير وتحطوهم بشي علبة
وبعدين مباشرة على الخلاط الكهربائي وتخلط خلطا مبرحا

ملف مرفق 3913

واكيد كتيرين كانو يسمعو بمصطلح صرصور بلبن ...هون فيكم تزيدو شوية لبن على الخليط المبروح
وبعدين نقوم بوضع هذا المزيج بعلبة صغيرة للاستعداد لدهن البشرة بهاذا المسحوق
نقوم بتمديد العنصر المراد تنعيم بشرته على طاولة مع الحرص على تغطية الشعر فوق الوجه

ملف مرفق 3914

ومن ثم يُمرغ ويمد هذا الخليط على الوجه باستخدام فرشاة رسم او فرشاة دهان مو مشكلة مارح نختلف
ثم ننتظر بضع دقائق من 6 الى 15 دقيقة على هذه الوضعية وثم نزيل هذا الكريم عن الوجه ويغسل بماء عذب
وتمتعوا بنقاء وصفاء بشرتكم سيداتي أنساتي ساتتي

ملف مرفق 3915

هلق اكيد صارت البوسة بعد هالوصفة السحرية العجيبة حقها مصاري
واكيد النعومة هلق صارت غير ياجماعة

للفخامة عنوان.....ومع الخبرة الامان...لحقي حالك سيدتي قبل فوات الاوان
مالكم الا عبودي.... لاتسألوا فلان ولا علتان

Posted by: الريم

هيدي احلى وصفة بس ياترى مابيصير عند البنات حساسية من البف باف والشحاطة

Posted by: abode durra

هههههه شي حلو كثير و لك مو بس هيك رحت جربتهي على بنت بدهي تسوي البشرة ناعمة ههههههههه بس ما قلت الطريقةههه و وقت مسحت كلشي و شافت الصرصور

عجبك يا عبودي هههه

Posted by: Ozone

أنا أتوقع البنات يقدروا يعملوها وهم مبسوطين خاصة أذا الموضوع له علاقه بالجمال

Posted by: hosam abdulaziz

صدق يا عبودي عغيبة المرة , كثر الصحون بتبات عندي ايام بدون جلي
بس ولا مرة لقيت عليهم صراصير
غالبا بيكون نمل صغير (ذر ), و بعض انواع الأكل العفن بيسبق النملات عليهم.

لهيك يا اما بدك تلاقيلي خلطة للبشرة بالنمل , او بدك تعطيني حل آخر لجمع الصراصير و شكرااااااااااااا.

Posted by: imad_dahi

يعني الشطارة عند عبودي عنوان .... ولسى ما قريتو الكتاب

المقصود انو الطبوش عبودي مو بس بيطبش المقادير او المكونات.. لا ....وكمان بيطبش موضوعو بالصور الوثيقة ... يعني المكونات مع صور

هيك البنت ما بتتحير كيف بدها تجمع الصراصير وكيف بدها تتطبوشن بالطباش ( بالخلاط)

طيب يا شيف عبودي فهمنا هالخلطة لجمال بشرة الوجه ..
ما عندك شي خلطة من ذات المكونات لحمرة الشفايف ..
يعني لون وعناية بنفس الوقت ...

وساعتها البوسة بتسطل سطل ...

ويا حسام .. ولك قلت الصراصير ..... ما لك غير تصيح ابو بريص وشوف كيف بيلتمو حواليك ..
جماعة ابو بريص

سالوه عد 3 انواع من الحشرات : قالون ابو بريص وام بريص وبريص
طيب وتلت انواع من الحيوانات : قالون 3 بقرات

ولكم محبتي .... صرصرو بحاتكن قصدي سنفرو بحياتكوم..........

Posted by: love tamoura

لفتني كتير العنوان

و معك حق مشتحيييييييييييييييييييييييل

لأنه نتائجها 100%

لك شو الاختراع
الحقيقة شكرا عالمعلومات القيمة
ههههههههههههه
( عن جد شكرا بس كان لازم يكون الموضوع بالمنتدى الترفيهي)

Posted by: sam kassab

شكرا لك عبودي على هذه الطريقة الاقتصادية وغير مكلفة وننصح كل السيدات بان لا يفتوا الفرصة منهم
ومن بعدها ممكن بان نجد لها اسم صراصير حبنا بدل صرصار حبنا

عامل الناس كم تحب بان تعامل

Posted by: ABUODEE

اللهـ يعطيكم العافية على ردودكم المشجعة
ورح ندرس طريقة هالخلطة بالنمل وبنرجع بنخبركم بالنتيجة
وبتمنا من عنصر الحلاوة والدلع يعطوني النتيجة من هالخلطة بعد التجربة الشخصية
مع شوية صور.. قبل وبعد
وانا متاكد رح تنبسطوا كتير بالنتيجة
...
هلأ الخبر الســار والي بصراحة صدمني
انو وصلتني رسالة من هالشخصة الي رح تشوفوا صورتها تحت
استعملت الخلطة عن طريق الخطأ.. يعني على حسب قولها ما انتبهت للطريقة كتير
وراحت اخذت الخلطة وصارت تستعملها قبل النوم وبعد النوم دهن كامل الجسم وتناول ملعقة صغيرة صباحاً ومساءً

وكانت النتيجة العجيبة

¶«§»ـ_ـ«§»¶ ¶«§»ـ_ـ«§»¶ ¶«§»ـ_ـ«§»¶ ¶«§»ـ_ـ«§»¶ ¶«§»ـ_ـ«§»¶
¶«§»ـ_ـ«§»¶ ¶«§»ـ_ـ«§»¶
¶«§»ـ_ـ«§»¶
۝

ملف مرفق 3916
اثنين بواحد
برجع باكد انو هالخلطة للاناث حصراً ولا تصلح للذكور

Posted by: sweet-w

الله يعطيك العافية عبودي
بس الصرصور ؟؟؟؟؟؟
من نوع ابو بريص يلي بيعطي صوت موسيقى رائع في ليالي الصيف
او العادي الأسود !!!!!!!

موقع زيدل سوريا حمص .. خدمات تشات و دردشة ... أرشيف المنتدى