الارشيف - أحلى غزل في بحور الزجل 3

Pages: 1

أحلى غزل في بحور الزجل 3
(انقر هنا ان احببت مشاهدة الموضوع الاصلي بالالوان و الصور )

Posted by: HITMAN

شقرا عليها دلق حالو تلج صنّين ------ سبحان يلّي جبلها بطهر ديّاتو
كانت بعمر الورد من عمر تسع سنين ------ كبرت و بقيت لهلق بالعمر ذاتو
شو خصر إلها شو إلها زنود معسولين ------ شو تم ياما حلف نوار بحياتو
شو شفاف ردّوا ابن تسعين للعشرين ------ و انهزّ و تفتّحوا شرايين دمّاتو
شو سنان أكتر من البلّور مبيّضين ------ و الفل عنهن أخد صورة لرفقاتو
شو عنق من سحبتو الغزلان محسودين ------ منّو تعلم غزال البّر لفتاتو
شو جبين كلو حلا شو خدود محمرّين ------ شو صدر متل الندى حبات عنباتو
و الشعر كلو خصل عالكتف مجدولين ------ ما ضلّ صايغ تا جنّوا فيه عقلاتو
من فوق نزلت بقالب نور أو تخمين ------ فضى عليها الخلقها كلّ أوقاتو
عالبحر مرقت متل نسمة هوا بتشرين ------ بلّش ينط السمك فرحان جواتو
و كلّ فرخ يسأل فرخ و يقول هيدي مين ------ وكتار طقّوا وقبل ما تشوفهن ماتو
و لم شاف لونو بلون عيونها الحلوين ------ بلّش يكب البحر عالشطّ موجاتو

موقع زيدل سوريا حمص .. خدمات تشات و دردشة ... أرشيف المنتدى