الارشيف - وين العالم ؟؟؟؟؟

Pages: 1

وين العالم ؟؟؟؟؟
(انقر هنا ان احببت مشاهدة الموضوع الاصلي بالالوان و الصور )

Posted by: Kinan

اعضاء منتدى زيدل الغالي على قلوب الكل

اول شي تحياتي للجميع

هلق في ملاحظة انو بالفترى الاخيرة صاير في جمود بالمنتدى وقلة مشاركة و حابب اعرف السبب

هل هوي انو المنتدى صاير ممل و المواضيع غير شيقة او مانها مهمة
او انو الاعضاء ملت من المنتدى و الانترنت
او انو في ناس ما بترد و تشارك غير اذا اغضاء ثانية ردت و شاركت بالموضوع
او انو هالفترة فترة اعياد و العالم مدووشة بالعيد

الصراحة صاير الموضوع يضل شي اسبوع باخر عشرة مشاركات
بلييز ممكن المشاركة و مناقشة الاسباب

شكرا لجميع الاعضاء و محبين منتدى زيدل الاغالي

تحياتي للجميع

Posted by: فاروق القدومي

اهلا كنان شكرا لاهتمامك بالمنتدى واهله.....**

متل ما حكيت في شوية فتور بس ما تخاف ما بعد الفتور الا السخونه ورح تشوف الايام الجاية خاصه بالعطل الصيفية رح يولع المنتدى وما رح نلحق عليه...لنشوفك انت شو رح تعمل لما نولعها اكيد رح تكون معنا**

*قدومي*

Posted by: مدين الغضه

أخي العزيز كنان:
لربما هناك فتور في المواضيع التي تطرح
فحجم المشاركة(أعتقد)بحجم الموضوع -لدى أعضاء زيدل-
ففي الصيف تلتهب بنا وبكم معا"

Posted by: Ozone

أنا أعتقد أن موضوع منقووووووول ، لفادي ... خوف الأعضاء من المنقول... صار كل واحد بدوا يعتكف ع التأليف مشان مايصيرة متل ماصار لفادي.

Posted by: sulieman safar

الغالي كينان
لا بد انو من بعد كل فترة بيصير فيها كتابات كثيفة, مثل ما حصل في الشهر السابق, يلوها فترة هدنة في الكتابات وهذه هي طبيعة الأمور لا أكثر ولا أقل ويوجد شوية تأثير من ورا انها ايام عيد وبعدين بلشت الصيفية نوعاً ما واكيد رح يقل عدد المشاركات كالعادة وبعدين بيضل نخب الكتابات أهم من عدد الكتابات.
ولك ومنك أجمل الكتابات ومحبتي.
سليمان

Posted by: Nada1981

مرحبا جميعا

شكرا كنان على الموضوع

انا بلنسة الي ماعم شوف المواضيع الجديدة الي بتستاهل الواحد يتعب حاله و يرد عليها, و بما انه الفترة هي فترة اعياد و انشاءالله بتنعاد على الجميع بلصحة و الخير فأكيد الجميع مشغولين بلعيد و التحضيرات و انشاءالله عن قريب بنشوف مواضيع جديدة و مشاركات جديدة من الجميع

عم سليمان والله كلامك جواهر الله يديمك

اخ اوزون لاتخوف الاعضاء من جديد لانه المواضيع المنقولة مسموح فيها مادام الكاتب عم يكتب انها منقولة او ذكر صاحب المقال و بكميات محدودة, و بعتقد ماحدا مننا اساء للاخ فادي بشي بس من حق الادارة و المشرفين توجيه الملاحظات اذا كانت ضرورية.

تحياتي للجميع و شكرا كنان للأهتمام

ندى

Posted by: organist

مرحبا ياكنان

إذا كان عالأعضاء مقيمين في زيدل عما يحصل خمول بالإنترنت من 9حتى 1 ليلا

هذا الشي عما يخلينا ما نشارك وبتعرف هذا أنسب وقت للدخول عالمنتدى

بقى إنشالله بيتحسن وضع الإنترنت مراح إنقصر تكرم عيونك غالي والطلب رخيص

موفق بغربتك

Posted by: Kinan

اخ فاروق شكرا الك كمان و انشالله اذا صار في قوة بالمشاركة اكيد رح شارك بس مو بكلشي اكيد بالشي اللي انا بحبو و بهتم فيه
عم سليمان معك حق انو لازم اوقات يصير في فتور بالمشاركة
اما من ناحية اوزون ترى ما بتصور انو موضوع فادي منقول الو علاقة لانو في كثير مواضيع منقولة عبارة عن حكم او قصص او .....الخ ما في الها تعليق يعني فادي على قولتو حاططها مشان العالم تستفيد منها
ندى شكراا كثير و ينعاد عليكي يا رب
اورجينست انشالله قريبا............. بتزبط الخطوط و بيمشي الحال و بتصير الخطوط منيحة كل النهار

شكرا جميعا للردود

Posted by: love tamoura

معك حق يا أخي كينان

يعني حتى أنا
بطلت عم شارك متل قبل

في كتير أسباب بتأدي لهشيء
أنا بعتقادي أن موضوع فادي سبب من الأسباب
و كمان أن المواضيع مش دائما عم تاخد لي تستحقه من الردود
بقى ما بطل عم يكون في كتير مواضيع

انشاء الله تكون فترة و بتمر

Posted by: silva

أعزائي لكم تحية وشكر على الردود الروعة ..والمشاركات مليحة والآتي افضل ان شاء الله والسبب اتوقع لكل منا سببه والمهم ان نلتقي على محبة هذا المنتدى والاخلاص له وهذه الردود دليل عظيم على اهمية الموضوع ونتمنى بث الحماس في النفوس من جديد لكم الاحترام وشكرا

موقع زيدل سوريا حمص .. خدمات تشات و دردشة ... أرشيف المنتدى