الارشيف - الكنافة النابلسية**

Pages: 1

الكنافة النابلسية**
(انقر هنا ان احببت مشاهدة الموضوع الاصلي بالالوان و الصور )

Posted by: فاروق القدومي

طريقة تحضير الكنافة النابلسية**

المقادير :

كيلو عجينة كنافة **

وكيلو جبنة بيضاء حلوة**

((وكل ما كانت الجبنة اكثر كل ما كانت ازكى))

فستق حلبى للتزين**

قطر (( 3 كوب سكر و كوبين ماء ))**

الطريقة:

نضع العجينه في وعاء على النار وندهنها بملعقتين سمنه للتحميص...فينا نعملها بدون تحميص بس التحميص افضل واشهى...**

نفرد العجينة في سدر او صينية واسعه ما تكون الها حفه عالية... بشرط نكون ماسحين الصينية بشوية سمنة ولا ننسى الصبغة لاضافتها مع السمنة ....منكون مجهزين الجبنه مبروشه ونفردها كطبقة ثانية على وجه الصينية ومن ثم طبقة ثالثه من العجينة ولكن شيئ بسيط...يعني طبقة خفيفة**

ومن ثم نضع الصينية على النار ومن المفروض ان تكون النار موزعه بالتساوي على الصينية او نفتح كل عيون الغاز (هيك احنا منعملها)**

وبعديها نبلش نلف الصينية حتى تسيح الجبنة... وبالملعقة ندوس على الاطراف لتبقى متماسكة....وبالملعقة ذاتها نرفع الطرف بعد ان يتماسك لكي نرى ان كانت قد تحمرت من الاسفل...وعندما نشعر بأنها تحمرت(حوالي نصف ساعه) نحضر السدر او الصينية التانية ونغطيه و نقلبه بطريقة سريعه وعندها يصبح القاع هو الوجهه.. ونرى اللون الاحمر على الوجه اي الصبغة....وهنا نستمر باللف لحوالى 10 دقائق فقط او اقل ومن ثم نصب القطر على الكنافه ونرش الفستق الحلبي على الوجه للضرورة....بدون الحلبي مالو طعم**

على فكرة انا اعمل الكنافه كل سنة مرة**

تتهنى عمي سليمان بالحلوى رقم واحد(الكنافة النابلسية)**

وصحة وعافية للجميع**

*قدومي*

Posted by: sulieman safar

شكراً خيي ابو القدوم رح جرب اعمل كنافي نابلسية وسوف أواتيك في النتيجة ميت شكر الك على تلبية الطلب واكيد رح وديلك طريقة عمل شي أكلة غريبة عجيبة. كنت أتحدث مع صديق كان قد أكل رجلين الضفادع ووصفها بأكلي رائعة ولا بد انها أتية في اتجاهك بواسطة منتدانا الكريم.
لك محبتي.
سليمان

Posted by: hosam danial

يخرب كوشك من زمان مشتهي الكنافة النابلسية
وماني فاضي روح جيبها
لانو بدي 40 دقيقة للاقي المحل اللي في الكنافي
وهلق انت زوتها عليي
بس عن جد شكراً
اليوم بدي خلي ريما تسويها
بس شلون بدي سوي

اقتباس:

عجينة كنافة **

وشكراً كثير الك بدك بوسي على هال الاكلة
وتفضلوا شباب

Posted by: فاروق القدومي

عم سليمان**

معقول انا بوصفلك الكنافه تروح توصفلي ضفادع....الله يسامحك ...**

طيب عندي حل انت جربها الاول واذا طيبة لا تتردد في وصفها لي...مع العلم ان الضفادع تسرح وتمرح امام بيتي هذه الايام، وكل يوم بتعرقل باربع خمس ضفادع ما بعرف ليش هالايام بالذات....**

حسام**

40 دقيقة مشي؟ والا بالسيارة؟ او بالدراجة الهوائية؟ ما بظن بالطيارة!!!!.....هههههههههه**

بالنسبة للعجينة لازم تشتريها من محل بيع الكنافه تبع الاربعين دقيقة، واذا ما في عنده رح اكتبلك الوصفه مرة تانية...أنا بعرف وصفتها بس مو بدقه...تحتوي على طحين وسميد واشياء بسيطة أخرى**

شكراً لحضورك الحلو**

*قدومي*

Posted by: فاروق القدومي

صورة الكنافه لما تكون زابطة عالاخر**

هالقطعه للعم سليمان....صحة وهنا**

*قدومي*

Posted by: CrAZy PIpE

شكراً على الوصفة الحلوة كتير
وعالفكرة فادتني كتير

موقع زيدل سوريا حمص .. خدمات تشات و دردشة ... أرشيف المنتدى