الارشيف - أول خبر حلو ومهم عن سورية (المصفاة)!!

Pages: 1

أول خبر حلو ومهم عن سورية (المصفاة)!!
(انقر هنا ان احببت مشاهدة الموضوع الاصلي بالالوان و الصور )

Posted by: hosam danial

طلب محافظ حمص المهندس محمد إياد غزال من مديري شركات الأسمدة والمصفاة وضع خطة إستراتيجية مدروسة بشكل علمي لنقل مايمكن نقله من المصفاة الحالية إلى المصفاة الجديدة في بلدة الفرقلس التي تبعد 40 كم شرق حمص بعد انجازها في العام 2015.
وفي بعد اخبار حلوي...

كما طلب غزال خلال اجتماع من مدير عام شركة الأسمدة دراسة البنية التحتية لشركات ومعامل الأسمدة وإمكانية الاستفادة من محتويات المعامل القائمة الحالية في تجهير معمل السماد المزمع إقامته في منطقة خنيفيس بشكل متزامن مع وصول مياه الفرات إليه.
وأضاف غزال قائلا "إن نقل المصفاة ومعامل الأسمدة من مكانهما الحالي لم يعد حلما بل أصبح حقيقة والمطلوب فوراً من إدارات الشركتين العمل وبشكل علمي ومدروس لدراسة البنية التحتية لشركاتهم، وجرد المعدات والأجهزة للاستفادة منها".
وأكد غزال أن "مشروعات إعادة تأهيل وتطوير المصفاة الحالية أوقفت تماماً علماً أن كلفة تطويرها مع قيمة الأرض القائمة عليها وفاتورة التلوث التي يدفعها أبناء حمص تعادل قيمة إنشاء مصفاة جديدة".
وتعد محافظة حمص من أكثر المحافظات السورية تلوثا بسبب الصناعات الكيميائية والبنروكيميائية الموجودة في مواقع غير مناسبة نظرا لاتجاه الرياح التي تقود الادخنة والمخلفات باتجاه المدينة.
من جانبه قال المدير العام لمصفاة حمص انه "كان هناك مشروعان لإعادة تأهيل المصفاة وتطوير شامل لها بقيمة 835 مليون دولار أوقف المشروع ولكن لم يصلنا أي كتاب رسمي بحيث تكون مصفاة الفرقلس بديلة عن المصفاة القائمة حالياً".
كما أكد رئيس مشروع مصفاة الفرقلس "أن الدراسة الخاصة بالمصفاة انتهت في تشرين الثاني الماضي ويتوقع أن تتجاوز كلفتها 2.6 مليار دولار وطاقتها التكريرية 140 ألف برميل في اليوم".
وكان وزير النفط والثروة المعدنية سفيان العلاو أعلن عن البدء في اتخاذ الإجراءات التنفيذية لإقامة مصفاة لتكرير النفط بالاشتراك مع كل من إيران وفنزويلا وماليزيا في منطقة الفرقلس تكون حصة شركة مصفاة حمص 15% منها.
بدوره ذكر مدير الموارد المائية بحمص أن عدد الشركات التي تقدمت بعروض لتنفيذ مشروع جر مياه نهر الفرات من دير الزور إلى تدمر وخنيفس (معامل الفوسفات) بلغ 22 شركة عربية وأجنبية، ومن المتوقع أن يزداد هذا الرقم لان فترة تقديم العروض مستمرة لغاية 20/5/2008, وتوقع أن تتم المباشرة بهذا المشروع الحيوي الهام خلال الأشهر القليلة القادمة.
لاء وهاذ حلو كمان؟ الله يعطينا خير الاخبار
وكان وزير الري نادر البني قال الشهر الفائت إن الوزارة ستبدأ خلال العام الحالي بتنفيذ مشروع جر مياه نهر الفرات إلى تدمر بطول 270 كم بهدف تنمية البادية السورية وتطويرها، كما يستفاد منها في أعمال إنشاء مصفاة النفط المشتركة السورية الفنزويلية الماليزية الإيرانية, إضافة إلى جر المياه إلى مناجم الفوسفات الموجودة في
البادية لاستخدمها في غسيل الفوسفات.
اي حلها ما هيك؟

منقول عن سيريا نيوز
http://www.syria-news.com/readnews.php?sy_seq=75050

Posted by: sulieman safar

حسام هاي أخبار حلوي مثلك وبتدل انو البلد بلش يفكر على مستوى اقتصادي راقي كمان. وفي حين تنفيذها ان شاء الله الك مني احلى هديي! طلوب البدك اياه خيوو.
حلت وبسسسسسسسسسسسس؟
سليمان

Posted by: new_zaidal

خال حسام هذان المشروعان هما جزء من مشروع حلم حمص الذي قوموا الدنيا على المحافظ منشانو و بالاضافة ال4 مشاريع اخرى هي مطار مدني دولي في الضبعة قرب القصير + حديقة الشعب 400 دنم في بساتين الوعر + مدينة سياحية في تدمر بكلفة 5 مليار دولار + مدينة سكنية بالقرب من مدينة حسية الصناعية تستوعب 20000 عائلة + مركز المدينة الذي كان سوف يتسع الى كراج تحت الارض يسع 40000 سيارة وكل هذه الدراسات اعدت مجانا و بتكلفة 10 مليون دولار قامت بها شركة الديار القطرية و المشروعات سوف تاخذ طريقها الى التنفيذ شاء من شاء وابى من ابى ولكن حسب جدول زمني محدد خلال 5 سنوات

Posted by: abode durra

و الله يا شباب هاي اخبار بتسر كثير و بتحل مشاكل كثير و اهم مشروع بنظري هوي نقل المصاة لانو محلهي اذا رادت الدولة بيسع كثير بنايات و بتخفف زحمة على المدينة و بيصير التوسع لهذيك الناحية و كمان مشروع الكراج مهم لانو بالمدين صعب الواحد يلاقي كراج باي وقت من الاوقات و انشالله بيصير الحلم حقيقة و بتتحقق كل المشاريع

شكرا حسام على الاخبار

Posted by: organist

حاليا يتم تنفيذ مشروع سوق يتضمن كل شي (مول) على طريق الشام بمساحة 8 دونم

تقريبا على وشك الإنهاء وبعد ذلك يتم البدء بالمشروع يالي ذكروا الأخ منذر طبعا هذا السوق

بدلا من المحلات يالي راح ينسقوها والسوق بعيد عن مركز المدينة بدوا ينكرف لهونيك

ليشتري حاجياتو أهلا وسهلا

Posted by: wajdy barakat

الخبر حلو والصراحة قريتو على سيريانيوز قبل زيدل وكثير انبسط بس عاد بدو سبع او ثمان سنين لينتهي يعني بكون مات حوالي ربع اهل المدينة من التلوث وغيروا .....شكرا حسام لنقل الخبر بس بدي قول لمنذر انو مشروع المدينة الغي بسبب عدم قدرة الشركة القطرية على تسديد التامين للمتضررين والذي سيكلفها ارقام خيالية لم تتوقع ان تصل اليها وشكرا منذر ع توضيح المشاريع وعلى فكرة بدؤوا العمل بمشروع حديقة الشعب والدنيا قايمة قاعدة والله يعين العالم .....

Posted by: hosam abdulaziz

و الله يا شباب و انا عمبقرأ هالمشاريع , ما غدرت اقنع حالي انكم عمتحكوا عن مدينة حمص !!!!!!!!!
مدينة حمص المهمشة منذ الاستقلال و حتى يومنا هذا , من الناحية الخدمية و التنظيمية و التطويرية وووووو بالرغم اهميتها الكبرى على صعيد القطر و موقعها المميز.

على كل انا دوم بقول عن حالي توما و ما ممكن اقتنع انه هيك مشاريع رح تصير بحمص الا لتصير عأرض الواقع (يا رب

طول عمري مشان لحق شوف حفل التدشين)

Posted by: new_zaidal

انا دايما كنت قول بحياتها حمص ما راح تصير مثل البشر و خاصة لما كنت برا بس لما اجيت بعد فترة غيرت رائيي راح قلكن ليش
اولا انا اختصاصي ادارة اعمال 93/94 بس ما حبيت اشتغل بالقطاع العام لانو ما راح تطور نفسك
بس لما رجعت دورت على شي اقدر من خلاله استرجع معلوماتي و فيد العالم
اشتغلت مدرب (دراسات جدوى اقتصادية)بهيئة مكافحة البطالة 2005 ولكن للاسف الغيت الهيئة لتعثر اغلب مشاريعها و العالم ما عرفاني كيف بدها ترد ديونها لجهلهم بالعمل التجاري مثلا واحد اخذ المصاري راح تجوز فيهم على مرتو وو احد دبر كفيل و سكر و هرب و علق الكفيل ....الخ
ثم صدر المرسوم 39لعام 2006 باحداث هيئة التشغيل و تنمية المشروعات و حتى هذا التاريخ لم تصدر التعليمات التنفيذية له
ثم بلشت اشتغل بدراسات الجدوى للمشاريع و البلدان في محافظة حمص طبعا بعقد موقع مع المحافظ انا و زملائي حوالي 40 مشروع اخذو منا شغل حوالي سنة منها ما كان ناجحا ومنها ما كان غير ذي جدوى (المشاريع عندي اذا حدا حابب يشوفهن)
المهم اريد ان اخذ رائيكم اذا فكرنا بمشروع ناجح في زيدل نساعد به على زيادة دخل البلدية و بالتالي زيادة الاموال التي سوف تدخل الى صندوق البلديةوبالتالي نستطيع تقديم الخدمات اكثر لمواطني القرية وانا راح اعملها دراسة جدوى ببلاش
عطوني افكار ؟؟؟؟يا شطار

Posted by: abode durra

حلو هلأ تحول الموضوع لاقتراحات للضيعة و هيك احلي
اخ new zaidal انا عندي شغلي كنت عم فكر فيهي من زمان و بجوز تعجبكن
و هيي اذا البلدية بتلاقي شي قطعة ارض وين ما يكون بالضيعة و تعمر فيهي شقق للاجار و هيك بيعودوا يستفيدوا منهي الشباب المقبلين على الزواج واللي ما عندهن بيت مستقل و اي حدي بدو يستاجر و كمان هيك البلدية بيصير عندهي دخل شهري مفيد من الاجارات تبع الشقق

شو رأيكن ؟؟؟؟

Posted by: rmmash

معقول
لا حلو
ظريفة الفكرة
ممتازة
.......................
لازمة
بس تكون عا دورنا
يلا بجوز ابني يلحقها
يا سيدنا اذا حفيدي لحقها
كتر خير الله

Posted by: new_zaidal

راح قلكن ليش بالارقام
اولا لو فرضنا بدنا نعمر 10 شقق مساحة كل شقة 100 متر واذا اعتبرنا الارض ملك البلدية
الارض =0
البناء عم يكلف المتر جاهز مكسي من قريبو 7000 ل س للمتر الواحد
10*100*7000=7000000 (7مليون ليرة سورية)
ولو فرضنا اجار الشقة 7000 على اسعار اليوم يعني الايرادات
7000*10*12=840000 ل س سنويا
و معروف ان هناك اهتلاك للبناء هو 5% سنويا
قيمة البناء x الاهتلاك
7000000*5%=350000 ل س سنويا
الربح الصافي=840000-350000=490000ل س سنويا
يعني فترة استرداد راس المال= 7000000/490000=حوالي 15 سنة
و معدل الربح=490000/ 7000000
حوالي 7% يعني نفس فائدة البنك على الوديعة يعني ما استفاد شي
و اي مشروع تجاري ربحو تحت 20% و فترة استردادو اكثر من 5 سنوات هو غير مجدي
هاتو غير فكرة؟؟؟؟؟؟؟؟؟؟؟؟؟؟

Posted by: sulieman safar

منذر الف شكر لحساباتك الدقيقة الراوية لكنها تدل على خطأ اساسي في تركيب الأسعار وقلة وجود مواد البناء المستعملة تناسباً مع دخل الفرد ولعله ناتج في رأيي الخاص عن الطريقة الاكليكتيكية في الطراز(شوي من هون وشوي من هناك) المستعملة في البناء في زيدل والقطر السوري أكمل (خصوص من جهة المواد)وتبقى هذه المشكلة مشكلة حضارة. أبائنا وأجدادنا كانو يعمروا باللبن ولكن اهل زيدل يلبسون العمار رخام مثل بنوك أوروبا. شو رأيك انو اللبن عم يرجع كمادة بناء في الغرب ؟ بدنا طريقة جديدة ومواد جديدة لتخفيض اسعار البناء. اما بالنسبة لاقتراح عبودي الصغير فهذا يبقى مشروع للقطاع الخاص وليس للبلدية أي دور فيه عدى المراقبة والاشراف. ولعل الصديق منذر ترك أكبر عنصر مكلف خارج المعادلة الحسابية, كلفة الأرض والتي تباهي المناطق الساحية في الغرب. لو كان في استطاعة البلدية تأمين أراضي فليكن استعمالها لأسباب حضارية كدار للفنون بشتى أنواعها. رجائاً خففوا الحمل عن صديقتي الغالية سمرووووش ما والا !
سليمان.

Posted by: samar dahi

الله يخليلي اياك يا عمي سليمان ....والله انت ما في منك....مو مثل هالشباب ....ما بشوفهم غير مبلشين بالبلدية وما حدى عم يحسب حسابي ...شايف يا عمي هالاضطهاد .....
بس انا ما ني خايفة منهم اذا انت عم تدافع عني .....
على كل حال بدي قول شي ....
عبودي اقتراحك حلو ولكن مو للبلدية ...هاي المشاريع بقوم فيها قطاعات خاصة بتكون حاسبتها بطريقة غير اللي منحسبها نحن كبلدية ....
البلدية بتقوم بمشاريع حيوية اذا بدنا نقول عنا هالإمكانية اللي نقوم فيها بالمشاريع ....ولكن الكل بيعرف انو البلدية لساها في طور المشاريع الخدمية ولسا ما خلصت (مياه ومجرور وتزفيت ...الخ )
فحلّو عن البلدية وخلونا نعرف نشتغل لانو مانا طالعين مع الناس ونحن عم نعملهم مشاريع تخدمهم فكيف اذا بدنا نفكر بمشاريع من نوع تاني......والله الناس بتعود تاكل وجهنا ...
منذر انت اقترح لنشوف .....وانا رح قلك شو الجدوى الإجتماعية من اي مشروع مو الإقتصادية .....
ولو أهل ضيعتنا ومنعرفهم ......

Posted by: new_zaidal

صديقتي سمر
راح قلق هلق كيف راح يصير توجه الدولة الجديد راح يصدر قانون قريبا (قانون الادارة لمحلية الجديد)
راح يعطوكن صلاحيات كبيرة اما عن عقبة التمويل فاقول لك مو بس موازنة البلدية فقط هي الي بتعمل فيها مشاريع ناجحة انتو ممكن تدخلو شركاء او تاخذو قروض من صندوق البلديات او تتبعو طريقة الاستثمار (bot) وهي اختصار البناء من قبل مستثمر ثم التشغيل و الاستعادة
يعني ملرة قلي السيد رئيس البلدية انو عندو مشروع مهم و هو اقامة صالة في حديقة البلدية التي كنت انت مشرفة عليها لاستخدامها مقهى + العاب اطفال و سالتو قديش بتكلف قلي حوالي 3 مليون وللي مل بيعرف انو صار في حديقة بزيدل لازم تحطيلهم الصور
بس لما سالتو قديش متوقع ايراداتها ما جاوبني بس انا راح قلليك قبل قديش لازم المبلغ يكون حتى تكون مشروع ناجح
3000000 بناء مكسي جاهز اذا قلنا ربح سنوي بس 10% يعني 300000الف اي /12 حوالي 25000ل س شهريا صيفا شتاءً و انا اشك شخصيا انو في حدا بيدفع هالمبلغ في مكان كهذا
بس ممكن يعمل عقد Bot يعني متعهد يبني ثم يستثمر 20 سنة فرضا و يرجعلكن البناء للبلدية ببلاش
بس عائديت المشروع ضعيفة راح قللك شو ساوا رئيس بلدية القصير
اخذ قرض من صندوق البلديات 25000000 وعمل 65 مقسم لسوق هال على املاك البلدية وطرح المقاسم للاستثمار لمدة 10 سنوات باجرة 1500 لكل محل + بدل فروغ
تتخيلو عائدات بدلات الفروغ كانت 70000000 يعني ربح صافي (55 ) مليون + مليون اجارت تدخل خزينةالبلدية كل عام قام رد اخذ القرض مرة ثانية بعد ما سدو و انا عملتلو دراسة جدوى لمجمع تجاري و سكني و تحت قبو مساحة 1200م+الارضي 40 محل تجاري + كسب الطابق الاول كلو ببلاش لمبنى البلدية + 40مكتب ط2+ط3 +40 شقة ط4+ط5 المشروع بتكلفة 73000000
ينجز خلال سنتين وراح يجيب بدلات فروغ متوقعة اكثر من 100 مليون+ اجالر سنوي 2 مليون ل س
يعني حقق اكثر من 50 مليون فائض للبلدية + 3 مليون يدخلون سنويا الى صندوق البلدية
ما رائيكم دام فضلكم

Posted by: sulieman safar

..................ما رائيكم دام فضلكم
أنا رأيي انك لا زلت لا تأخذ مكاليف الأرض في معادلتك الحسابية. عند اذن أعطيك رأيي الصحيح.
ولك محبتي.
سليمان

Posted by: new_zaidal

الارض عنصر مهم جدا من راس المال الثابت ولكن ليس لها اهتلاك
الارض+( البناء + مصاريف التائسيس+ الآلات و المعدات + وساثل النقل + المفروشات) و هذه لها نسب اهتلاك مختلفة ما عدا الارض
ولكن التكاليف الاجمالية للمشروع (راس المال الثابت + العامل) تحسب دائما ما عدا الارض و البناء في حال وجود اجار او استثمار
يعني فرضا الارض اذا حسبنا دنم *5000 للمتر =5000000
البناء كلف 5000000
والتكاليف الراسمالية الباقية 15000000
والربح الصافي للمشروع 1000000 ليرة سنويا
15000000/1000000= 15 سنة فترة الاسترداد في المشاريع الصناعية و الخدمية
اما في العقاريةو التجارية تختلف الدراسة تماما
و حسب لمن ستكون الدراسة (بلدية, مستثمر, بنك)

Posted by: sulieman safar

...................اما في العقاريةو التجارية تختلف الدراسة تماما
يسلم هالثم يمكني وصلت الى النقطة الأساسية وهي انو على هوات اسعار الأراضي في الوقت الحالي ليس هناك أي مشروع بناء في قرية زيدل يودي الا الأرباح الى بعد زيادة تناسب مساحة البناء مع مساحة الأرض على الاقل الى 4:1 أي 8أو 10طوابق فوق الأرض 3 طوابق تحت موقف سيارات, ولكن المشلكة تبقى تأمين الخدمات المرفقة.
مشكلي.
سليمان

Posted by: silva

حوار شيق وممتع ومن شباب متحمس ومخلص لبلده وقريته والله يخليلنا هالشباب الطموحين ونشوف افعالهم الحلوة ونتمتع بالانجازات ونستقيد من هالخدمات بارك الله فيكم وشكرا للمزيد [

ttp://img274.imageshack.us/img274/331/alight25wn.jpg

موقع زيدل سوريا حمص .. خدمات تشات و دردشة ... أرشيف المنتدى