الارشيف - بدايات موقع زيدل

Pages: 1

بدايات موقع زيدل
(انقر هنا ان احببت مشاهدة الموضوع الاصلي بالالوان و الصور )

Posted by: Kinan

الحقيقة بتذكر انوة قبل بمرة نوضع لينك او موضوع من هالشي بس حاولت دور ما لقيتو

على كل حال اللي بيحب يشوف موقع زيدل في بداياتو يعني بـ 2001 تفضلو هي اللينك:
http://www.zaidal.tripod.com/index.htm

طبعا وقتها كان على سيرفر مجاني و معبا الموقع دعايات من فوق و تحت
على كل حال شكرا لجميع اللي ساهمو بنمو و تطور موقع زيدل و انشالله للاحسن

Posted by: hosam danial

عن جد يا خال
رجعتني لورا كثير
ويقول الحمد الله
الموقع صار كبير
ومنفتخر فيه
وبتذكر مر ة فت
على موقع أفضل 100
موقع سوري
وكان موقع زيدل ثاني واحد
طبعاً مو هاذ اللي حاطو انت
واتصلت بأخوك وسام عم قلو
كان هوي قاعد عم يشوفو
كانت فرحتنا كبيري
وانشالله بيصير افضل موقع
بالعالم بهمتكن أكيد

شكراً كثير الك خال

Posted by: hosam abdulaziz

و الله رجعتني يا كنان لشهر تشرين الاول بالـ 2001 وقت خبرني يوسام انه عمل موقع لزيدل و نقلني اللينك
و ما فيني اوصفلكم شو كان شعوري وقت شفت العلم السوري و عنقود العنب
و هالصور اللي من الضيعة او معلومات القرية
يعني كان شي اكبر من انه يتصدق اني شوف كلمة (زيدل ) على الانترنت.

شكرا للايادي التي صنعت هذا الصرح من تأسيسه حتى اليوم.

Posted by: samar dahi

شكرا كنان على هالتذكرة هاي ..اديش حلوة كانت البدايات ....بذكر انو اديش كنا فخورين بهالشي ...مع انو انا ما كنت اعرف الوقع من هذاك الوقت ...انا عرفتو من وقت صار عندي كمبيوتر واشتركت بالانترنيت يعني من سنة 2002 ....
الحمدلله انو الموقع اليوم صار اشهر من النار على العلم .....والو رواد كثار ...والمنتدى صار كثير مميز وفيه اعضاء كثير ...كل هالشي بفضل الله بالأول وبعدين بفضل هالشباب الطيبة اللي لاحقوا كل تطورات الموقع ..
بدي اذكر هون الزميل والصديق الغالي كثير على قلبي ...المهندس وسام عبد العزيز ....انا ما بنسى اديش كان عندو حماس لهالموضوع ...وما بنسى كمان اديش خدم هالضيعة والموقع بكل شي عندو من إمكانيات كثير متواضعة ....شكرا شكرا يا وسام ...الله يوفقك بغربتك ويعطيك انت وانجيل على قد نيتكم الطيبة ....اشتقنالكم كثير ....
وبالطبع هون ما فينا ننسى ابونا جهاد اللي كان الو ايادي بيضاء بهالشي ..شكرا ابونا ...
وبدي اشكر كل الشباب اللي رفعت هالمنتدى رح اذكر الدكتور فكتور وردي ..والمهندس جورج عرعوش ..والصديق ردين الأشقر ...وبالطبع قبل الكل الغالي حسام عبد العزيز ....ما بعرف اذا نسيت حدى ...(بعتذر مسبقا ).....الله يوفقكم يا شباب بحياتكم وتكونوا دايما منارة لهالضيعة الحلوة ...مع اني بفقد كثير منهم اليوم بالمنتدى ....ولكن المهم تكونوا بخير ...
وبالمرحلة اللي بعدها كل الشكر لكل شخص بنى ولو حجر صغير بالموقع ...
الشكر لكل اهل الضيعة اللي دايما بشجعوا الموقع ...
الشكر لكل عضو بمنتدى زيدل من خارج القرية اللي دخل على هالبيت وحس حالو بين اهلو ...اهلا فيكم كلكم ....
وبدي ادعي لهالموقع الحلو بالدوام والاستمرار ...لحتى يكون دايماً القنديل اللي بضوي على كل الضيع مثل قنديل فيروز اللي كسر كل العتمة وكل الظلام ليظهر النور لكل الناس ...
شكرا للجميع ..
مع كل الحب
سمر

Posted by: angel

أنا بدي أشكر كنان لإني أول مرة بشوف هالنسخة من موقع زيدل... ماكانت على دوري

بس لحقت بداياته بعد ما اتكرم أبونا جهاد وحجز الموقع على السيرفر المدفوع ....لهيك دائما منشعر أنا ووسام إنو الموقع هو طفلنا الأول ... لإنه كان ياكل ويشرب معنا وشاغل نصف وقتنا واهتمامنا...
وبدي اشكر ثانيا الأخت الغالية سمر على تمنياتها ودعواتها ... واستغل الفرصة لعبرلها عن سعادتنا بوجودها الغالي والغني بالمنتدى... وحابة بس ضيف عالقائمة اللي ذكرتها .. الغالية سناء الجلحوم ..أم ملحم.. لإنها ركن أساسي ودعامة للموقع منذ البدايات .. من أمام وخلف الكواليس ..
تحية للجميع ... لكل من أسس ودعم وواكب وأغنى وجدد وترك ذكرى عطرة في موقع زيدل...
وإلى الأمام...

موقع زيدل سوريا حمص .. خدمات تشات و دردشة ... أرشيف المنتدى