Pages: 1

أحلى غزل في بحور الزجل 1

(انقر هنا ان احببت مشاهدة الموضوع الاصلي بالالوان و الصور )

Posted by: HITMAN

بكير إنتي و أنا رحنا عادرب العين و الطير كان وقتها مبلش بالغناني
حتى صبايا البلد كانو تنين تنين و جرار تلمع بنور الشمس ملياني
هونيك لما وصلنا لمفترق دربين شفنا زهور و شجر بالفي برداني
و وديان يعطو صدى من دقة القلبين و قبال هاك النهر غزلان جفلاني
يم العيون الخضر يا موردي الخدين عا اللأرض إنتي و شهر نوار خلقاني
و إيدك بإيدي التقت يا ناعمي الإيدين تا صار دم الفرح يمشي بشرياني
بحبك و لكن إلك باقي عليي دين و الروح عندك لفك الرَهن علقاني
و تا كنت حبك بعد أكتر يا نور العين يا ريت عندي بصدري شي قلب تاني


Posted by: حكيم عيون

شروقية حلوي ومهضومي
وما فيها ولا كسر
وفيها كثير صور جميلة
يسلم تمّك خيي HITMAN
بنتمنى نسمع منك أكثر وأكثر ..



موقع زيدل سوريا حمص  .. خدمات تشات و دردشة  ... أرشيف المنتدى



vBulletin Copyright ©2000 - 2008, Jelsoft Enterprises Limited.
vB Easy Archive Final ©2000 - 2008 - Created by Stefan "Xenon" Kaeser