الارشيف - بشرة سارة لاهل زيدل

Pages: 1

بشرة سارة لاهل زيدل
(انقر هنا ان احببت مشاهدة الموضوع الاصلي بالالوان و الصور )

Posted by: shado

يعني كيف بدي قول الخبر ماني عرفان واخيرا واخيرا واخيرا يا اخواني الاحباء رح يتزفت الطريق العام ونخلص من الغبرا والتكسير والنشح والمسبات و و و و و و.........؟؟؟؟؟؟؟؟؟؟
وهل الخبر اكيد الا اذا سائت احوال الطقس ورح يبدء التزفيت بتاريخ 7/4/2008 برش مادة الفيول او الزيرو و التزفيت رح يكون ثاني يوم انشاء الله ومندعي لا الله انو ما يتراجعوا عن هذا الموعدطبعا لانو متعودين على هيك قصص بس من الحرقة مجبورين نصدق ولو شوي بس مبينتها عينة خير لانو اليوم شالو كل الطراب والكوم الي على جانب الطريق وعم يحاولو يخلصو الرصيف بقى يوم السعد وقت رح نشوف هالطريق خالص ومخلص وبدون اي تحفير لاي سبب كان من قلب الحدث محدثكم

shadi awad

Posted by: hosam abdulaziz

شكرا شادي عالخبر اللي بنتمنى يكون حقيقي كما خبروك عنه
لأنه متعهدنا كان مخطط ينهي المشروع بـ 3 شهور , بقا فرقت معه عشبر القصة.

انا بقول الله يكون بعونكم عهالسنة اللي قضيتوها, انا السيارة صرلي 6 شهور ما غسلتها غير مرة وحدة و فهمك كفاية.

Posted by: wajdy barakat

والله انشالله يطلع حكيك صح من ثمك لباب السما لانو بصراحة صرت سمعان مية تحديد لتزفيت الطريق بس الاكيد انو قبل نهاية الشهر الحال ...انشالله والله هالطريق طلع حلو بالانارة وانشالله بالتزفيت ....

بس الي عندكن خبر سيء وهوي انو رح يباشروا العمل بالجزء الثاني من الطريق اللي بيمتد من الكازية وحتى مقبرة الفردوس يعني التكسير رح يظل بس على الاقل الغبرة رح تحل عنني وخاصة عن اهالي زيدل اللي بيتهن بجانب الطرق ....شكرا شادي والله يسمع منك

Posted by: hosam danial

ليش لسع لهلق ما زفتو ؟؟؟؟؟؟؟؟؟؟؟
والله الاخبار وصلت لعنا انو اتزفت ومشي حالو
الله يسامحكن ما حدا خبرني
يعني اذا اخبرت اشو رح يطلع بأيدي سوي
يالله على كل حال عوجا
وبعدي شادي يعني ما بعرف اشو بدي قلك
بتصدق لو مانك حاطط اسم شادي عواد تحت
ما بعرف انو انت اللي عم تفوت
شكراً أخي شادي على هالخبرية
ورح نحطك مراسل الحارة الغربية

Posted by: abode durra

شكرا اخ شادي على هالخبر الحلو يعني هالطريق صلو قبل ما اجي عا اميركا بشي كم شهر و هاي صللي هون شي اربعة اشهر و يعني اخيرا فكرو يشدو حالهن و يزفتو

و الله مبروك لأهاي زيدل و عقبال ما يكملو الطريق لآخرو و كمان اذا حدي بيحط صور للطريق بعد التزفيت و الانارة(حسب ما سمعت) بكون ممنونوا و شاكروا كثير

مبروووووووووووك

Posted by: suher issa

شكرا شادي للخبر بس يعني الحقيقة انا بنت ما بصدق لشوف بعيني لان انا متلك عايشي على الطريق العام وبعرف شو حاسس لان مجربة هل الشعور
يعني شي بضيق الاخلاق وانا قلت ما رح روح لسوريا والطريق لساه هيك لان قد ما ضيقلي خلاقي سنة الماضية وخلاني ما صدق سافر لان الما بجرب وبيعرف كيف عانينا البيوتهم على الشارع ما بيعرف شو عم نحكي
مشكلة كرهوا المغتربين تروح على زيدل نص من الطريق ونص من الكهرباء سنة الماضية يعني كلشي بيطور بالعالم بس نحنا عم حس عم نتراجع لورا
يالله انشاءلله بجد بكون هل الخبر سليم 100% وهي احلى بشارة بسمعها
لكم كل الاحترام وشكرا

Posted by: رنا انطون جربند

الحقيقة شكرا على هالخبر الحلو لانو نحنا و بيتنا مو قريب عالطريق العام تعبينا غبرة
الله يهنيكن للناس الي بيوتهن عالطريق
وانشالله بتنذكر وما بتنعاد

Posted by: Issa Safar

لي لي لي لي لي لي لي لي لي لي لي لي لي لي لي ش ش
الف مبروك لاهل زيدل وشكرا للبلديه (عدم الموءاخّذه من ابنه الخاله سمر)

Posted by: كاترين

الف الف الف الف مبرووووووووووووووووووووووووووووووووووووووووووك

لكل اهالي زيدل

افرحتلكوا من جوات قلبي

اول شي لانا هون كلنا اخوة ومصلحتنا وحدة واللي بفرحكم بفرحني

تاني شي انو الله يلطف فينا ويزبطوا الشوارع اللي عنا كمان

يعني في شوارع بعد ما سكرت المعابر انقطعت كل هالمواد وضلت الشوارع بدون تزبيط

عقبالنا يارب

Posted by: m-sattah

شكرا" لكم جميعا" لتعاطفكم معنا نحن سكان الحي الشمالي ولكن شو قولكون ممكن تكون كذبة واحد نيسان؟

Posted by: matar

شكرا للمراسل على نقل الخبر مباشرة على شاشة الموقع ونتمنى التغطية الشاملة لمراسم التزفيت المزفت ويعني بدها زغرودة من الجميع ولسا لازم حدا يقوم ويذبح كم خروف
(( يعني حلها جيت من سنةع الضيعة وكان هيك حال الطريق وهاي ارجعت من كم يوم و الحال على حالهه للامم والتقدم للضيعة )))

Posted by: hosam abdulaziz

اقتباس:

شكرا للمراسل على نقل الخبر مباشرة

يمكن مراسلنا متواري عن الانظار لأنه اخباره بلشت تفوح ريحتها , و عأرض الواقع ما شفنا الشيء اللي بشرنا فيه

على كل امر متعودين عليه بوعود المتعهدين لهيك رح نحقن حالنا بجرعة تفاؤل على امل تنحل القصة باسبوع ثاني.

Posted by: shado

لك يا جماعة والله خجلان منكن وما رح برر اي شي لانو الشغلة مو بايدي كنت متامل انو تحنو شي شوي وصارو صادقين بس ذيل....................................اعوج؟ طبعا للمعلومة انا ما الاتجلت هالشي ولا سالت عنو انما هني جاو لعندي وقالولي يالله خلصنا سبعة الشهر رح نحط الفيول وثماني الشهر رح نزفت فما حبيت احتكر الفرحة لنفسي حبيت شارك الجميع بالفرحة ويا فرحة ما تمت لكن للامانة عم يجرفوا الطريق ويرشو مي ويدحلو يعني ما رح اعطي موعد هالمرة انما قربت تنحل وللاخ الي كتب انو معقول تكون كذبة نيسان يا خوفي تكون كذبة شهر نيسان اما حسام لك انا ماني متواري عن الانظار من لا شي من الغبرا الله وكيلك الي خفت بهاليومين واخيرا بوعدكن انو ما عاد اوعد بشي الو علاقة ب البلدية او المتعهد المصون وشكرا

Posted by: shado

عذرا للاخطاء الاملائية بسبب السرعة لانو ما عرفت شلون بدي رد على السحبة الي راح تصير مثل الكذبة

Posted by: sulieman safar

...............عذرا للاخطاء الاملائية بسبب السرعة لانو ما عرفت شلون بدي رد على السحبة الي راح تصير مثل الكذبة
شادي حكياتك حلوات حتى ولو حطيتهن بالمقلوب.
خوذ نصيحتي وارجاع لعندهن وهددهن وقلهن اذا ما بيزفتوا الطريق العم سليمان ما رح يجي لزيدل واذا ما نفعك التهديد قلهن انو زيدل رح تحط مزاودي على عقد سباق الفورميلا فيها وعندها شوف شو بيصير .
ولك ولأل عواد جميع محبتي.
سليمان

Posted by: samar dahi

شادي انا زعلت عليك من وقت نزلت الموضوع ....وما حبيت شارك فيه حتى ما خجلك ...لاني عارفة الوضع وعارفة انو مستحيل هالشي واذا كان المتعهد هوة اللي قلك هالكلام فخوذ على كذب ...انت ما بتعرف المتعهدين ....؟؟؟؟؟؟
ياه يا شادي ...هاي اجا 7 الشهر وما تزفت الطريق ..يالله شو بدنا نعمل تعودنا على الكذب وما عاد نصدق ..
بس هالمرة انا رح خبركم خبر اكيد انو رح يبلش المتعهد بأعمال الزفت يوم الجمعة هاد...
عيسى وين الزلغوطة ...بدي وحدة على شاني .....مو بس لشادي بدك تزلغط ....
قولو انشالله .....
بس بدي قلكن كمان شي نسيتو ....انو بس من جهة وحدة رح يبلش المتعهد بالتزفيت مشان يترك مجال من الجهة الثانية للسيارات لحتى ما تتوسخ ...شايفين اديش قلبو على الناس ....والله فيه الخير .....
على كل حال قربت تنحل على قولة اللبنانية ....

Posted by: Issa Safar

شو هالاخبار الزفت يللي عم نسمعها عالزفت (يلله بنبوس اياديكم زفتوا هالطريق الزفت قبل موسم الصيف منشان سمعه الضيعه وخاصه البلديه) وبعدين الكن مني زلغوطه وعزيمه على احلى مطعم بحمص ok

Posted by: RUSHA AWAD

ايوا....اذا المتعهد حمصي رح يزفت جهة ويترك جهة بدون تزفيت
ياجماعة مشان الله بدني هالطريق يخلص قبل الصيفية حاج
السنة الماضية كانت بتزفت ولو انو الطريق ماكان مزفت
صار الواحد بدو يبارك عالتزفيت, سبحان مغير الأحوال

مع حبي واحترامي
رشاعواد

Posted by: wajdy barakat

واخيرا بلش رش الفيول اليوم الاربعاء ورح نشوف الزفت بعد هالايام الزفت ......ملاحظة بلش رش الفيول مع عيد المجانين (بعيد عنكن) يعني بجوز يجن المتعهد ويصبو شيء على غير العادة وينهي الطريق الاربعء الجاي يعني مع العيد الجاي ههههههههه

Posted by: sweet-w

الحقيقة الكلام يعجز عن وصف الفرحة

اليوم الضهر الساعة 3 ونص

كانت المفاجئة .. انا وراجعة ع الضعية

اتفاجئت انه .... فيه شي أسود . محطوط فوق التراب

ما صدقت عيوني .. قلت بيجوز .... عم اتخيل

بس يلي معي أكدوا .. انه هذا زفت ..

يعني .. الحلم صار حقيقة ... وبلشوا تزفيت الطريق

Posted by: samar dahi

هلق الخبر الحلو ...
انو اليوم اجا لعنا على البلدية عضو المكتب التنفيذي الاستاذ عامر خليل ...واجتمع مع المهندسين اللي بالبلدية وطلب ورا المتعهد والمهندسين المشرفين من الخدمات الفنية ...
وكان كثير مزعوج من وضع الطريق لانو اتفاجأ بانو الطريق لليوم مانو متزفت فالحقيقة كانت ردة فعلو كثير قاسية على المتعهد والمهندسين المشرفين ...
وبالحرف الواحد قلو للمتعهد بانو بدو يستلم الطريق منو ب15 الشهر فطلب المتعهد مهلة ل20 ولكن الاستاذ عامر اصر على انو الطريق بدو ينتهي ب 15 ....وطلب من مهندسين البلدية انهم يضلو على اتصال فيه شخصيا لحتى يعرف مدى الدقة بالتنفيذ ...
انشالله خير يا جماعة القصة مشي حالها اخيرا ....ورح يقرب الموعد عشر ايام ...لانو هوة أصلا عقد المتعهد بيخلص ب 25 الشهر هاد فيكثر خيرو لانو رح يخلص ب15 ...والله برافو عليه ....
يا جماعة صدقوني البلدية ما إلها علاقة كان بالطريق العام ...لانو عقد المتعهد مع الخدمات والمهندسين المشرفين من الخدمات ونحن ما كان النا علاقة بجسم الطريق نهائيا ....بالإضافة لكل المشاكل اللي صارت فيه ...صدقوني انو كرهنا حياتنا من ورا الطريق العام ......
بس يالله مشي الحال ....وهاي المتعهد عند وعدو انو ينهي الطريق قبل نهاية مدة العقد .... مبروك لأهل زيدل اخيرا

Posted by: mariam

الخبر الاحلى اليوم 00000000000000000000000
رشوا الطريق بالفيول واذا الرب سمح بكرة بيتزفت بس المشكل ياجماعة الاخبار الجوية خبروا عامطر ونحنا بحاجة مطر فوين بدنا نوجه صلواتنا 00000000000منشان المطر او الزفت

Posted by: nadeen abdulazi

لا تظلموا المتعهد...................لاْنو مانو حمصي بظن انو حموي هاهاها
بس عندي سؤال ؟كم المسافة اللي رح يزفتوهي ؟
لاْني اليوم واني راجعة شفت الفيول المرشوش وطبعا اصطهجت من شدة الفرح بس لما انزلت من المكرو
اتفاجات انهن راشين لعند المعمل بس
معقول يزفتو القسم الغربي وياجلوا الباقي لسنة الجاي [بجوز ما بتكفي الميزانية]

Posted by: Issa Safar

والله يا جماعه المنتدى مالكن علي يمين انو بعد قراءه الموضوعين(الخد الايمن وتزفيت الطريق)
لا عدنا نعرف ننام لا على جهه اليمين ولا اليسار ولا عالبطن ولا عالظهر وبدل من ذكر ى
رائحة اليانسون والعرق من المعمل اصبحت رائحة الزفت ضاربة فينا وطاوشتنا
ولكن املنا بالله والبلدية والمتعهد كبير وانشالله ساعة الفرج قريبة وراح الكثير وما بقى الا القليل

Posted by: shado

واخيرا وليس اخرا بلشو تزفيت اليوم الساعة ثماني وربع وصدقوني كل واحد شوفو بالمكرو او وقفت معو عم يضحك من كل قلبو وطبعا انا اول واحد وعقبال التمام عا خير وهل مرة رح اوعدكن عن جد انو بس خلص الطريق رح صف سيارتي قدام الدار و هي مغسلي وللمعومة سيارتي لونها كحلي لانو لونها ما كان معروف لمدة سنة بسبب الغبرا ومعليش اذا فرقت معي على كم يوم بس يخلصونا من هالقصة

من قلب الحدث ومن افراح الجماهير كان معكم محدثكم

shadi awad

Posted by: samar dahi

اليوم بلشنا التزفيت ....ما أحلى هالطريق بدو يطلع ......والله عن جد يا جماعة صابنا فرحة أطفال لما شفنا آليات الزفت بلشت اليوم ....وكيف الناس تهني بعضها بهالشي ....

الشي المضحك المبكي يا جماعة على قولة شادي اللي بوقف بقلب الحدث و بيشوف الفرحة بعيون الناس ...يا الله شو هالمشهد مؤثر .....
الف مبروك من كل قلبهم يقولوها كل أهل الضيعة وقلبهم فرحان ...لانو بعد هالمعاناة كلها الواحد مانو مصدق هالشي ....

يالله يا مغتربين تعوا ولا تخافوا .....الطريق بجنن بياخذ العقل قد مانو حلو ....هاي بالنهار كيف لو شفناه بالليل ....؟؟؟؟
مبروك عن جد ...مبروك أخيرا ...

Posted by: hosam abdulaziz

مرحبا جميعا
و الف مبروك بدء عملية التزفيت
و هي الصور الاولية للحدث العالمي بتغطية مباشرة من موقع زيدل

ملف مرفق 3762

ملف مرفق 3763

ملف مرفق 3764

و عقبال التمام عخير دون مشاكل او منغصات.

Posted by: hosam abdulaziz

و للي بيحب يمتع ناظريه بمنظر الطريق و هو منوّر بالكامل (هلق مكسب الله يعلم بعد شهر كم لمبة رح يسمحولهم باضائتهم)

ملف مرفق 3765

ملف مرفق 3766

Posted by: shadi

Sory to Write in English but here there is No Arabic Language.
First of all I would Like to Say hi to every body in Zaidal Syria .
Secondly i would like to Share you happyness by seeing these lovely pictures really it's look like every thing gana be ok after I return back home .
we all suffer a lot of this road and finally the dream becomes true
may be the Micro proplem (other dream ) will solve by days to suit this nice street .
Shadi Abdul Aziz
Malaysia
Bangi
2008/4/10
Syira Time 7 pm

Posted by: samar dahi

هاي أول مرة ما بدي امدحك يا حسام ...
الله يصلحك ...ما كنت فيك تقرب شوي لقدام مشان تصور صور الطريق المزفت بالكامل ...
يعني رحت نقلت صور مشوهة للطريق وهني عم يشتغلو فيه ....وصور الطريق المنور بدون تزفيت ...
لو مقرب شوي لعند الحارة الغربية ...كان بيظهر الطريق على جمالو ...وخصوصاً بالليل ...هلق انا جيت من هناك..الحقيقة يا جماعة منظرو بالليل حلو ......
على كل حال حسام ....لازم تاخذ صور غير هدول ...بلكي بكرة بيكون تزفت جزء منيح منو ....
واذا ما بتقدر أنا بصورو وبنزل الصور ....خلي الكل يشوف الطريق على حقيقتو ....
اوكي حسام
مبروك من جديد للكل ....

Posted by: wajdy barakat

حلوين هالصور يا حسام .....ليش يا سمر مزعوجة من الصور .....على فكرة الصور من عنا بالحارة يعني قريب على بيتنا او بالاحرى قدام شارعنا وهيك حارتنا صارت مشهورة ....شو سمر ليكون غيراني ؟؟؟ ههههه
الف مبرو ك والحقيقة اليوم دشنت الطريق وسقت عليه يا اخي غير شكل بدون جور وحفر ومطبات يعني صارت النزلة على حمص ب 10 دقائق بعد ما كانت تاخذ 1/2 ساعة ......عقبال التمام على خير ههههه

Posted by: fr george massis

يعني شكرا كثير فرحتونا بهالخبرية وبالحقيقة ماصدقت لشفت صور الخال وبتمنى تاخذولنا كم صورة من الحارة الشرقية مشان على السريع نروح ونحط اوكي على الحجز
ناطرينكم ..................
والله معكم

موقع زيدل سوريا حمص .. خدمات تشات و دردشة ... أرشيف المنتدى