الارشيف - لماذا الزواج؟؟؟

Pages: 1

لماذا الزواج؟؟؟
(انقر هنا ان احببت مشاهدة الموضوع الاصلي بالالوان و الصور )

Posted by: love tamoura

حبيت اطرح هالموضوع
لأنو عن جد هالمشكلة موجودة خصوصا بالعالم العربي

يعني الشاب اليوم بيتزوج
و ما بيكون عندو الا غرفة وحدة و يدوب مطبخ و حمام

و كل همه انو يجيب ولاد كتيييير
و عيطولوا بابا
و ما بيفكر كيف و وين حيعيشون

بس يصير عندو ولاد
بيعصب منون
و ببعض الأحيان
من كثر الفقر بيفرض عليهن انون يشتغلو
أو عالقليلة بطلعون من المدرسة

بيعتقد بعض الناس انو هالمشلة انتهت
و بطل في حدا يفكر هيك

بس للأسف
هالمشكلة مهما كذبنا عحالنا
هي موجودة
اذا مش بالمنطقة لي انت عايش فبها
أكيد بالبلد
و خصوصي بالبلاد العربية

Posted by: lordfady

وهذا هو التخلف بحد ذاته

لانو الواحد بيجيب 10 ومرات بيجيب دزينة اي دزينة ولاد هيدي مو غريبة الواحد يجيب دزينة ومن زوجة وحدة وبيكبن بالشوارع

اما بالبلدان الاوروبية بيجيبو ولد واحد او اتنين عل الاكتر انا بحكي كتير من ناس من برة كصداقة او من طبيعة الشغل اللي عم بشتغلو مرات بسالن كم ولد عندكن بيقولو واحد او اتنين بسالن ليش بيقلولي مشان نعلمن منيح ونوفرلن كل متطلباتن

اما عنااااااااااااااااااااااا غير شكل

Posted by: mazen youssef

مرحبا ياشباب .....................................دخلت عالموضوع لاقرأ لماذا الزواج فطلع معي لماذا كثرة الاولاد... طبعا الوعي الاجتماعي والتنظيم والتقدم بكل معاييره هو السبب بهذه الظاهره ففي بلد مثل فرنسا لتشجيع جلب الاولاد يعفى الشخص من عدد كبير من الضرائب بعد الولد الرابع كل هذا ناهيك عن المساعدات التي تقدم للاسرة رغم هذا لايخلفون اكثر من ولد أو أثنين ما مثلي عندي ثلاث الله يخليهم ويخليكم بخير جميعا أما لماذا الحكومة تشجع الانجاب لانه حسب الدراسات فرنسا الان 60مليون انسان ... وفي عام 2025ستصبح 50مليون فنحن ينقصنا التوعية الاجتماعية اكثر من اي شيء أخر

Posted by: hosam danial

ليش كانو يجيبوا ست وسبع ولاد

يا سيدنا :
اول كانو يعتمدو على الزراعة كثير . وكان الاب لحالو ما يقدر
يتحمل شغل الارض كلها فكان سبب كثر ة الاولاد مساعدة الاب بالعمل
وما كان يحسبو حساب انو بالايام رح يكون العالم غير هيك وانو رح يكون في مجلات
أكثر من الزراعة .
وفي بعض الاشخاص بيقولولك بيجي الولد وبتجي معو رزقتو
أي شو هالرزقة اللي بتخرب بيت الواحد
اي الله وكيلك في ولاد ميتي من الجوع وين راحت رزقت هالطفل
هاذ كلام تخلف
ومن شان ما نبعد عن الموضوع ليش الزواج
مظبوط معك حق الواحد مانو قد هالمزح لا يمزح
لانو صار الشغلي بدهي تروي

Posted by: love tamoura

اقتباس:
"دخلت عالموضوع لاقرأ لماذا الزواج فطلع معي لماذا كثرة الاولاد"
معك حق يا مازن
بس أنا كان قصدي لماذا الزواج الشاب اذا لم يكن مرتاح ماديا

أما يا سيد حسام عن ان الولد بيجي و بيجيب رزقت معه
فمعك حق هيدا كلام بدل عالجهل
و قلت الثقافة

هلق خفت هالظاهرة
بس ما زالت موجودة بكثرة في الضيع

و الله يهدي الجميع

Posted by: lordfady

[quote=love tamoura;36588]اقتباس:
"دخلت عالموضوع لاقرأ لماذا الزواج فطلع معي لماذا كثرة الاولاد"
معك حق يا مازن
بس أنا كان قصدي لماذا الزواج الشاب اذا لم يكن مرتاح ماديا

بحب علق ع هل الموضوع
يعني بس الواحد المرتاح ماديا بيتزوج ؟؟؟؟؟؟؟؟هيك قصدكlove tamoura؟؟؟؟

Posted by: emado1

يعني معليش اسمحولي بسؤال
اذا الواحد امكانياته المادية محدودة بيضل اعزب طول العمر ؟؟؟؟؟؟؟؟؟؟؟
يعني شرط اساسي انه يكون عنده بيت خمس غرف وصالون ومنتفعاتن
وسيارة موديل سنتها صافة عالباب
ياجماعة الله يعين الشباب بهالايام
لحتى الواحد يفكر بالزواج بدو مليون ليرة رصيد مبدئي
بقا سيبوها لربكم
وخففوا طلباتكم
حرصا على الجنس البشري من الانقراض

Posted by: wajdy barakat

لماذا الزواج ؟؟؟؟؟ لانه سنة الحياة ومكملها ولابد للرجل من ان يجد المراة المناسبة التي خلقت لتتم معه الحياة بكل شدائدها ومصائبها .....ولكي يتابع الجنس البشري بالاستمرار ....

لماذا كثرة الاولاد؟؟؟؟ الحق على الزوجين فانا لا اعتقد بان كثرة الاولاد لا زالت موجودة كما كانت سابقا وانا لا انكر اصلا وجودها ومدى ضررها وهي تخلف بحد ذاتها ....لكن مقاييس الحياة اختلفت وموازينها اختلت فسابقا كان الجميع يعيشون ببيت واحد ويتناولون الوجبات الغذائية سويا اما اليوم فقد تغيير الوضع .....

اصبح اليوم من الضرورة ان يكون الشاب بوضع مادي جيد يسمح له باتخاذ قرار الزواج ( وهون برجع لحكي حسام وقولو بان الولد بيجي وبتجي معو الرزقة ) اما انا فساقول (ان لم تلد وبفمك ملعقة من ذهب فقد جارت الدنيا عليك ) وهيك منقول للشباب الله يعينكن ولكن ليس بالضرورة ان تكون الملعقة من ذهب عند الولادة فقد تاتي لاحقا من عمل ما اومن دراسةمعينة او ربما من ورقة يا نصيب او من ابنة حلال تشاطرك وضعك المادي والتفكيري ..........ولكم تحيتي وشكرا على الموضوع

Posted by: lordfady

بصراحة انا بحب الزواج بين البنت والشب بيكون ع طريقة وائل كفوري انا معجب فيه كتير و بكل اغانيه والطريقة هيي
انا ما عندي قصور ولامخدة من ريش نعام ولا كاساتي من بللور ولاجواري ولا خدام ....
بعدين بيقول ::: وهيي الجملة الاهم اذا بالفعل الشب والبنت بيحبو بعض
الحب بعمرو ما بينقاس بالمال وبالمظاهر وهل الدنيي يا بنت الناس انخاقت عالحب الطاهر ان كان حالي بيرضيكي يا اهلا وسهلا فيكي ونقسم عاللقمة بالنص

هيدا هو الحب الحقيقي واذا البنت بدا تتجوز الشب مشان مالو ووضعو المادي فالافضل بلا هالجوازة لانو في متل بيقول يا اخد القرد ع مالو بروح المال وبيضل القرد ع حالو

شو رايكن؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

Posted by: love tamoura

اقتباس:
""دخلت عالموضوع لاقرأ لماذا الزواج فطلع معي لماذا كثرة الاولاد"
معك حق يا مازن
بس أنا كان قصدي لماذا الزواج الشاب اذا لم يكن مرتاح ماديا

بحب علق ع هل الموضوع
يعني بس الواحد المرتاح ماديا بيتزوج ؟؟؟؟؟؟؟؟هيك قصدكlove tamoura؟؟؟؟"

سأوضح أمرا

ليش بيجيب الرجال أولاد اذا ما فيه يعيشونهم عيشة محترمة؟؟(مش هيدا السؤال لي كان لازم قوله يا أخي فادي؟)

بس ما تنسى يا أخي أنو عنا بالعالم العربي من فروض الزواح(هالكلمة pzl ما تتاخذ بالمعنى الحرفي) هو انجاب الأولاد

يعني الواحد بيتزوج
و ضروري السنة لي بعدها يكون عندو ولد
و الا الله يستره من حكي الناس

اقتباس:
"بصراحة انا بحب الزواج بين البنت والشب بيكون ع طريقة وائل كفوري انا معجب فيه كتير و بكل اغانيه والطريقة هيي
انا ما عندي قصور ولامخدة من ريش نعام ولا كاساتي من بللور ولاجواري ولا خدام ....
بعدين بيقول ::: وهيي الجملة الاهم اذا بالفعل الشب والبنت بيحبو بعض "
و بما أنا بحب تامر حسني فالرد حيكون بأغانيه

ممكن أول الزوج يستحمل نق المرة بس بعدين
"أرجعلك يعني حرقة دم أسمعلك كل كلامك هم"
"ضاع أمان و بحور حنان خسارة فيكي الحب"

يعني خليا ننكون واقعيين
مهما كان الحب كبير
في حد أقصى لتحمل الفقر
يعني المرأة بتساند الرجال
بس الا ما يجي يوم و تفجر فيه

Posted by: lordfady

اقتباس:

المشاركة الأصلية كتبت بواسطة love tamoura

اقتباس:

و بما أنا بحب تامر حسني فالرد حيكون بأغانيه

ممكن أول الزوج يستحمل نق المرة بس بعدين
"أرجعلك يعني حرقة دم أسمعلك كل كلامك هم"
"ضاع أمان و بحور حنان خسارة فيكي الحب"

يعني خليا ننكون واقعيين
مهما كان الحب كبير
في حد أقصى لتحمل الفقر
يعني المرأة بتساند الرجال
بس الا ما يجي يوم و تفجر فيه

بس كنت حابب قلك يا love tamoura انو اذا كنتي مفكرة السعادة الزوجية وقت الواحد بيكون مرتاح ماديا وغني انا بخالفك الراي لانو اذا بتدخلي بالمجتمعات الي بيقولو عليها راقية بتشوفي الاخوات متقاتلين مع بعض كرمال المصاري وما بيحكو ما بهض الا اذا كان الن مصلحة مع بعض وكمان يا نيال الشب اللي البنت بتركض وراه مشان الغنى تبعو وسياراتو لانو اكيد اخدتو مشان غناه مو مشان تحبو اوكي وبالعكس صحيح وقت الشب بيركض ورا البنت الغنية
هلا الفقر الو حدود اوكي بس انا بحس اللانسا الفير بتكون عائلتو متمساكسة اكتر من الانسان الغني والزوجة بتكون بتحب زوجها وبتكون مخلصة الو لانو تزوجتو لشخصيتو مو لمالو واكيد بتعرق شو هوي وشو معيشتو
شو رايك؟؟؟؟؟؟؟؟؟؟؟؟؟؟؟؟؟؟؟؟

واذا حدا حضر فلم تلمر حسني عمر وسلمى رح يشوف كيف البات قاتلة حالها ع الشب الغني تامر حسني

Posted by: love tamoura

اقتباس:
"بس كنت حابب قلك يا love tamoura انو اذا كنتي مفكرة السعادة الزوجية وقت الواحد بيكون مرتاح ماديا وغني انا بخالفك الراي لانو اذا بتدخلي بالمجتمعات الي بيقولو عليها راقية بتشوفي الاخوات متقاتلين مع بعض كرمال المصاري وما بيحكو ما بهض الا اذا كان الن مصلحة مع بعض وكمان يا نيال الشب اللي البنت بتركض وراه مشان الغنى تبعو وسياراتو لانو اكيد اخدتو مشان غناه مو مشان تحبو اوكي وبالعكس صحيح وقت الشب بيركض ورا البنت الغنية
هلا الفقر الو حدود اوكي بس انا بحس اللانسا الفير بتكون عائلتو متمساكسة اكتر من الانسان الغني والزوجة بتكون بتحب زوجها وبتكون مخلصة الو لانو تزوجتو لشخصيتو مو لمالو واكيد بتعرق شو هوي وشو معيشتو
شو رايك؟؟؟؟؟؟؟؟؟؟؟؟؟؟؟؟؟؟؟؟"

أكيد معك حق

اقتباس:
"واذا حدا حضر فلم تلمر حسني عمر وسلمى رح يشوف كيف البات قاتلة حالها ع الشب الغني تامر حسني"

يعني زعلتني منك
أصلا البنات كان يركضوا وراه رأنو حلو و جذاب
و في بعض البنات(لي كتيييييييييييييييييييييييير قلال) بيركضو وراه مصاريه
بس عرفت تعطيني مثل(هههههههه)

Posted by: lordfady

اقتباس:

المشاركة الأصلية كتبت بواسطة love tamoura

اقتباس:

يعني زعلتني منك
أصلا البنات كان يركضوا وراه رأنو حلو و جذاب
و في بعض البنات(لي كتيييييييييييييييييييييييير قلال) بيركضو وراه مصاريه
بس عرفت تعطيني مثل(هههههههه)

يعني هلا بدك تقليلي انو تامر حسني احلى من وائل؟؟؟؟؟؟؟؟؟؟؟؟؟؟؟

وائل وبس وااااااااااااااااااااااااااااائل وبس واااااااااااااااااائل وبس

Posted by: mazen youssef

مساء الخير للجميع شباب وصبايا الموضوع شائك شوي لانه كل مجتمع وله خصوصيته وكل انسان له ربما رأي يختلف عن الاخر أما نقول لماذا الزواج .... أو لماذا الاولاد......... أو لماذا الهواء..... أو لماذا... الغذاء......... لانها برأي كلها غريزة وحاجة عند الانسان المهم يجب ان يكون عند الجميع من شباب وصبايا الوعي الكافي لاختيار الاخر بحيث تكون الخلافات بعد الزواج قليلة وعدد الابناء يكون مدروس وبرأيي لايوجد زوجين في العالم بدون مشاكل ان كانت مادية او اجتماعية والشاطر الذي يستطيع أن يحتوي ويحل المشكلة ولا بد من التنازل من كلا الطرفين لكي تستمر العلاقة الزوجية التي هي من المفروض علاقة مقدسة .......تحياتي للجميع

Posted by: allbaseet

الزواج هو من ضرورات الحياة الاجتماعية واستمرار الجنس البشري وكل شاب في مقتبل العمر يفكر في الزواج وكذلك حلم الأهل هو تحقيق زواج الأبناء وبقدر ما تكون الحياة قاسية معيشيا" ومتطلبات الزواج صعب تحقيقها فهي سهلة أيضا" يحققها الشاب الواعي الناضج فكريا" ففي مجتمعنا العربي نجد تعاون الأهل مع الأبناء في مجال تحقيق هذا الزواج وتأمين المسكن والأهل يضحون ولو على حساب راحتهم وأكلهم ولبسهم وحاجاتهم ليوفروا ما يساعدهم على تحقيق حلمهم الذي أشرنا إليه وحاجات الزواج تختلف بين مجتمع وآخر فأهل البنت يطلبون أن يكون عريس ابنتهم مالكا" لمنزل مريح والبعض يقول المهم منزل وقبل أن يسألوا عن صفات العريس وبعضهم يضعون الشروط المادية وغير المادية مثل سمعة العائلة ومكانتها الاجتماعية وما إلى ذلك من الشروط التصعيبية والبعض الآخر لا يسأل سوى عن صفاته الخلقية والعقلية والاجتماعية ليوافقوا ويقولون لا أحد يموت من الجوع وهذا ما يجب أن يكون فالشاب الجيد الواعي البعيد عن كل المساوىء الاجتماعية قادر على كسب عيشه مع أسرته بشرف ومجالات العمل كثيرة لمن يبحث عنها ولو أخذنا مثالا" أحد الشباب يعمل بحرفة مهنية معينة عليه أن يوفر من دخله ولو القليل ومع الزمن يشكل الموفر مبلغا" قد يساعده وإذا كان دخله لا يكفي يمكنه أن يتزوج فتاة موظفة لها دخل يساعده ويتفاهم كلاهما على تأمين ما يحتاجا إليه ويتعاونان على تأمين المنزل ولو بعد الزواج ولست مع كثرة الأولاد ولا مع قلتها وخير الأمور أوسطها أي بحدود ثلاثة أولاد لكي لا يتقلص عدد السكان في أي بلد وكما قال الحبيب مازن عن فرنسا ولماذا الزواج فهذا القول يجب أن يبتعد عن عقول وأفكار الشباب لأنه يمكن أن تؤمن الحاجة الجنسية ولكن يؤدي ذلك بالنتيجة إلى تفكك المجتمع وانحلاله بينما الزواج يحافظ على ترابط الأسرة والمجتمع وبقاء العادات والقيم الاجتماعية التي ورثناها ونحبها ونحافظ عليها لأننا نحرص على أن تكون علاقاتنا الاجتماعية صحيحة ونعامل بنات الغير كما نريد أن يعامل الغير بناتنا وأبنائنا والزواج سهل وصعب في آن واحد فيمكن أن يكلّف المليون ويمكن أن لا يكلف الخمسة بالمائة منه والمهم الاختيار الصح لشريكة العمر بفكر صائب ودراسة واقعية ودقيقة وتفاهم كامل وتوضيح كل الأمور المادية وغير المادية قبل الزواج ونجاح الزواج ليس بتوفر المادة فكم من الأغنياء يسمعون الجيران وغير الجيران عن اختلافهم وكم من الأسر الفقيرة تعيش في هناء البال والسعادة الزوجية وشكرا" .
******** البسيط

Posted by: mazen youssef

لك تحياتي أخي البسيط لقد وضعت يدك على لب الموضوع ........... كلام جميل ربما أوصلت الفكرة التي أفكر بها بطريقة سهلة للاعزاء بالمنتدى فشكرا لك وتقبل مروري.............

Posted by: 0نادر

lllllllllllllllllllllllllllllllllllllllllll llllllllllllllllllllllllllll

موقع زيدل سوريا حمص .. خدمات تشات و دردشة ... أرشيف المنتدى