الارشيف - إشـْيا بْلا حَكِي

Pages: 1

إشـْيا بْلا حَكِي
(انقر هنا ان احببت مشاهدة الموضوع الاصلي بالالوان و الصور )

Posted by: حكيم عيون

جفنكْ شِكِيْ

لمّا عْلى خيّو تِكِيْ

تَ يقول إشْيا بْلا حَكيْ

قال النـَعَس خدني عَ غفلهْ وخـَانْ

وعيونها الـْمَ بيرحموا .. سُلطانْ

أقسَى بألفْ مرّة

منْ النومْ..

والحرمانْ.

ومطلوبْ تـَمِّي رفـِّلو

بريشة نـْعامهْ .. هِفـِّلو

وهو معَكْ ..

تا يوجعَكْ ..

سهرانْ .

.............

بتشكـَّرو لْ أَنو رَفـْضْ

وعا لون عينيكيْ إنتفضْ

متلو متلْ ..

هِبَّالْ قهوهْ قـْبالنا...

بهالبرد مِشْ سِئلانْ

عادولتو تمرَّدْ

يمَّا متلْ..

سيفْ إنغمد بالصخرْ

صرلو دهر ْ

منْ صخرتو ...

تجرَّدْ.

رسَّامْ تَ يغيِّر صدى الألوانْ

حَقـّو على الطرْقاتْ يتشَرَّدْ

.............

مَشّي معو

ولَ تعاندي

مَ بظنّ ْ قوّهْ بتردعو

وخـلـِّي شْفافكْ عالهدى

يصفـّوا ..الـْ هالأزمهْ ابتدى

عا سكبة الفنجانْ

==============

د.ماجد سطـّاح

Posted by: جعفر حيدر

مَشّي معو

ولَ تعاندي

مَ بظنّ ْ قوّهْ بتردعو

وخـلـِّي شْفافكْ عالهدى

يصفـّوا ..الـْ هالأزمهْ ابتدى

عا سكبة الفنجانْ

---------------------

يا عيني عليك يا دكتورنا

يا عيني عليك

والله ريتهن يسلمولي

جعفر

Posted by: يعقوب

كتير حلو ياخال

منشان هيك سمت حالك طبيب عيون.خيال جميل وصور أجمل.ياريت كلما بتشوف عين حلوه

بتحرك مشاعرك تلقطلها بكمرتك هيك صور.

موقع زيدل سوريا حمص .. خدمات تشات و دردشة ... أرشيف المنتدى