Pages: 1
هل تستطيع أن تغمض عينيك؟
(انقر هنا ان احببت مشاهدة الموضوع الاصلي بالالوان و الصور )
Posted by: lordfady
مرحبا يا جماعة كنت عم بقرا باحد المنتديات وحبيت هيدا الموضوع وحابب اخد رايكن فيه كمان ...............
تركَ رجلٌ زوجتهُ وأولادهُ مِن أجلِ وطنه قاصداً أرض معركة تدور رحاها علىَ أطراف البلاد ,
وبعد إنتهاء الحرب وأثناء طريق العودة أُخبَرَ الرجل أن زوجتهُ مرضت بالجدري في غيابهِ
فتشوه وجهها كثيراً جرّاء ذلك ..
تلقى الرجل الخبرَ بصمتٍ وحزنٍ عميقينِ شديدينِ ...
وفي اليوم التالي شاهدهُ رفاقهُ مغمض العينين فرثوا لحالهِ وعلموا حينها أنهُ لم يعد يبصر
رافقوه إلى منزلهِ, وأكمل بعد ذلكَ حياتهُ مع زوجتهُ وأولادهُ بشكلٍ طبيعي .. وبعد ما يقاربَ
خمسةَ عشرَ سنةٍ توفيت زوجتهُ ... وحينها تفاجأ كلّ من حولهُ بأنهُ عادَ مبصراً بشكلٍ طبيعي ..
وأدركوا أنهُ أغمضَ عينيهِ طيلة تلكَ الفترة كي لا يجرح مشاعر زوجتِه عند رؤيتُه لها .....
تلكَ الإغماضة لم تكن من أجل الوقوفِ على صورةٍ جميلةٍ للزوجة .... وبالتالي تثبيتها في الذاكرةِ
والاتكاء عليها كلما لزمَ الأمر , لكنها من المحافظةِ على سلامة العلاقة الزوجية
حتى لو كَلّفَ ذلك أن نعمي عيوننا لفترةٍ طويلة خاصة بعدَ نقصان عنصر الجمال المادي ذاكَ
المَعبر المفروض إلى الجمال الروحي
ربما تكونُ تلكَ القصة مِنَ النوادر أو حتىَ مِنْ محض الخَيال , لكنْ ...
هل منا من أغمضَ عينهُ قليلاً عنْ عيوبَ الآخرين وأخطائهم كي لا يجرح مشاعرهمْ ؟؟
Posted by: lordfady
ارجو تثبيت هيدا الموضوع وشكراااااااااااااااااااااااااااااااااااااااااااااا اااااا
Posted by: كاترين
لا اله الا الله
عنجد قصة مؤثرة
يا الهي 15 سنة مغمض عيونو كرمال زوجتو ومشاعرها
هاد تطبيق عملي للحب الصادق واحترام المشاعر
هالانسان جواتو مشاعر واحاسيس راقية يا ريت تكون عند الكل
بس للاسف مشاعر نادرة الوجود خصوصا في ظل هالعصر يلي بنعيش فيه
مليء بالكزب والخداع والنفاق
صدقا بحاول كتير اتغاضى عن اخطاء الاخرين بس بدل ما ياخدو راجع الهم بيتمادو
بننصح بادب واحترام وبنحاول ما نغلط
بس الناس اتغيرت عن زمان وهمها المصالح واللي بيتغاضى عن خطأ غيرو بفكرو ضعيف
غمضت عيوني كتير وما شفت غير جروح كتيرة
بس ما بعرف بضل الواحد يحاول ويجرب
ممكن تضرب السنارة وحد يكون بيستاهل انا نغمض عيونا كرمالو
يسلمو كتير لورد فادي
موضوع كتير حلو وبيجذب الواحد
تحياتي
بنت فلسطين
Posted by: Ozone
قصة معبرة
التغاضي عن عيوب الآخرين ضروري لأستمرار العلاقات
فالجميع لديه عيوب ... قد لاترى العيب في نفسك ويخيل لك أنك خال من العيوب...لكن غيرك يراها ... وعامل الناس كما تحب ان يعاملوك...أذا تفضح عيوبهم سيفضحوا عيوبك
Posted by: lordfady
بتشكرك كتير ع تعليقك الممتاز يا كاترين
بس وين راي بقية الاغعضاااااااااااااااااااااااااااااااااااااء بهيدا المنتدى
Posted by: love tamoura
عن جد قصة مؤثرة
و معبرة
هيدا هو الرجال بكل معنى الكلمة
حلو التضحية
فهالرجال فكر بمرتو و ولادو
و مشى وراء مصلحتون
و نسى حالو
القصة مش مهم اذا كانت حقيقية أو لاء
المهم انها تغير فينا
Posted by: hosam danial
بدي علق ولكن برأيي الشخصي
وبجوز يكون غلط:
ما بيصير الرجل يكذب على مرتو بأي شيئ
وأذا شاف وجها مشوه شو فيها يعني
أذا بيحب بصحيح بيتقبل كل شي من زوجته
وأذا هيي شايفتو عم يطلع فيها
ورغم كل التشوه اللي فيها
بيحبها
انا متاكد انو رح تحبو أكثر
وشكراً أخ لورد فادي
قصة بتستحق المناقشة
حسام
Posted by: lordfady
بتشكركن ع المشاركات بس انا طلبت من الادارة تثبيت الموضوه بس ما مشي الحال 
Posted by: love tamoura
اقتباس:
"ما بيصير الرجل يكذب على مرتو بأي شيئ
وأذا شاف وجها مشوه شو فيها يعني
أذا بيحب بصحيح بيتقبل كل شي من زوجته
وأذا هيي شايفتو عم يطلع فيها
ورغم كل التشوه اللي فيها
بيحبها
انا متاكد انو رح تحبو أكثر"
مهما كانوا بحبوا بعض
ستظل تظن المرأة انو هي أقل منو
و انو بيظهرلا أنو ما بيهمو شكلها
بس أد ما جربت تقنع حالها
ماحا تقدر
هو ضحى
و هالكذبة(أنا ما بسميها كذبة)هي لمصلحة المرأة و العيلة كلها
أنا مستعدة أكذب اذا كانت الكذبة لمصلحة الاخرين و ما بضر حدا
حلو الواحد يقول رأيو حتى ولو كان برأي الاخرين غلط
لأنو هيدي اسمها شجاعة
Posted by: lordfady
شكرا يا LOVETAMOURA
بس برايك ممكن الواحد يسوي هيدا الشي بهل الوقت سواء كان اذا كان الشب او البنت ؟؟؟
عم نشوف كتير حالات طلاق عم تصير ومسان مواضيع تافهة كتير 
صارت الناس انانية ما بتفكر غير بحالها 
شو رايك؟؟؟؟؟؟؟
Posted by: love tamoura
صح
بس بعد شوي حننسى كلمة "فداء"
للأسف صار في كثير ناس أنانيين
اقتباس:
"بس برايك ممكن الواحد يسوي هيدا الشي بهل الوقت سواء كان اذا كان الشب او البنت ؟؟؟"
يعني اذا شفنا تضحية منستغرب
أو منستهبلو للشخص
بس و الله التضحية أحلى شيء
و بتعبر عن مدى طيبة المضحي
و عن محبته
يعني مين فينا يغمض عيونه ساعة
ما حدا
هلق هالقصة مس قريبة للعقل
بس يتبين مدى حب الانسان لعيلته و لمرته
والله يهدي الجميع
Posted by: lordfady
بتشكرك يا love tamoura ع رايك
بس نحنا مجتمعنا لوين رايح ما بعرف الانانية عم تاكل العالم صرنا اضرب من اوروبابس بناخد منن العادات السيئة
موقع زيدل سوريا حمص
..
خدمات تشات و
دردشة ...
أرشيف المنتدى
vBulletin Copyright ©2000 - 2008,
Jelsoft Enterprises Limited.
vB Easy Archive Final ©2000 - 2008
- Created by Stefan "Xenon" Kaeser
