الارشيف - بنت القمر, ينعاد عليكي

Pages: 1

بنت القمر, ينعاد عليكي
(انقر هنا ان احببت مشاهدة الموضوع الاصلي بالالوان و الصور )

Posted by: RUSHA AWAD

الصديقة الدائمة للموقع بنت القمر
كل عام وانت بألف خير وانشالله تحققي كل أمنياتك وطموحاتك "مو ضروري بسنة وحدي"
انشالله على طول بتضلي صديقة النا بهالموقع ومنعايدك ومنقلك "كل ماتكبر تحلا وتصير احلا واحلا".....

مع حبي واحترامي
رشاعواد

Posted by: talal_alachkar

أضم صوتي لأختي العزيزة رشا
و أقول للغالية بنت القمر إنشالله كل أيام حلوة مثل القمر و كل عام و انت بألف خير

طلال

Posted by: wajdy barakat

اذا القمر حلو بنتو كيف بدها تكون؟؟؟؟؟؟؟؟؟ ينعاد عليكي كل سنة بالخير والصحة والعافية.....وعقبال 99.5 سنة تقضيها سعادة وفرح ..........

Posted by: hosam danial

كل عام وانت بخير بنت القمر
وعقبال 103 سنة يا رب

تقبلي مني هالهدية المتواضعة

ملف مرفق 3703

Posted by: ABUODEE

كل سنه وانت بالخير

وعيد ميلاد سعيد

ويا ربي يجعلها سنه خير عليكِ وتحققي كل الي تتمنيه

ملف مرفق 3704

Posted by: بنت القمر

مممممممممم
أقف خجلاً انا كلماتكم
بالفعل خجلتوني
الصديقة رشا عواد كلمات رائعة من مشرفة اروع
الصديق طلال الاشقر الدائم والمثابر بكل نشاط ونقاش بالمنتدى تحياتي لك
الصديق وجدي بركات هاد من زوئك ياغالي والقمر نوروا ع الكل
الصديق حسام دانيال هديتك بكل رحابه استقبلتها
ومشكور ياغالي
الصديق عبودي لطالما من اكثر متابعه ولقرائة مواضيعك الواقعية المبسطة
التي ترسم الضحكة لم يقرأها
شهادتي مجروحة فيكم
بجد مبسوطه وقت فتت للمنتدى وقريت العنوان
تقبلوا احترامي
واتفضلوا معي ع الحفله اللي عاملينها بجو مبسط
بس لاتخافوا بيطلعلكم كيك وعصيررر

وداعاً للرجيم

بس هالليلهة مو كل ليلة

Posted by: Nada1981

اخت بنت القمر

كل عام و انتي بألف خير و رح زود على الاخ حسام دانيال وقلك عقبال ال 105 سنيين يارب

ملف مرفق 3706

بتمنالك حياة سعيدة وانشاءالله بتحقق كل امانيكي

ليكي انا مالي دخل بتخبيلي حصتي من الكاتو, وانشاءالله بنجتمع معك بسوريا شي مرة و بتطعمينا الكاتو وياستي ولا يهمك العصير على حسابنا

انشاءالله بنتبسطي بحفلتك و بتكون ناجحة و مثل مابتريدي

تحياتي

ندى

Posted by: samar dahi

كل عام وانت بألف خير صديقتنا بنت القمر ...
انشالله كل ايامك قمار مشعشعة بحياتك
الك كل الحب
سمر

Posted by: فاروق القدومي

بنت القمر**

كـــل عام وانت بخير واتمنى لك حياة سعيدة وعقبال ال 98 عام**

واذا ضروري الكيك بيكون عليكِ مو عليي**

*قدومي*

Posted by: mario

كل عام و انت بخير اختنا الغالية
و انشالله عقبال ال 105 سنة و 23 يوم عم نزاود ع بعض (حتى العمر مزاودة ههههههه)
و انشالله يكون يوم عيدك خير عليكي و تنبسطوا بالحفلة و نصيحة الغي دعوة هالاعضاء عالحفلة لانو اكيد انت غالية عالكل و الكل محبين و الكل رح يروحو و قتهي الله يعين هههه
انشالله كل ايامك خير و سعادة
و لك تحياتي

Posted by: sulieman safar

صدقاً انو بدي عايد طمع بالحفلي ولذلك ألف مبروك عيد ميلادك اختنا بنت القمر واطال الله عمرك والله يخلينا اياكي كصديقة نتبادل المحبة معها.
ومن بلاد الكنغار والأشجار______ اتمنى لكي السعادة ليلاً نهار.
ولكي محبتي تطبيشي.
سليمان

Posted by: بنت القمر

مشكورين يالغوالي
الصديقه ندى مشرفتنا المتميزة دوماً بِـأرآئها ومواضيعها
يعطيك الف عافية
الصديقة سمرر مشكوره عيوني ع معايدتك اللطيفة
ويعطيك الف عافية بشغلك
الاخ الصديق فاروق القدومي يسلموو بجد خجلتني معايده هون وع المسنجر كمان كلفتك حبر كتابة مووو ههههههههه
الصديق ماريوو مشكور ياغالي بس لاتخاف زياده العمر ما راح تاثر بهيك مرحله عمريه يعني ختياره
هههههه
الصديق الغالي ع قلوب الكل معايدتك اللي لغاية بنفس يعقوب ما هيك
خلص وقت اللي بجي لسوريا وبتكون انت نازل هنيك احلى زياره الك راح تكون
كلمة اخيره للكل ما بدي اوصل للمية سنه
لانو بصير بدي صيانة فل اوبشن دخيلكون للسبعين منيح

Posted by: lordfady

كل عام وانتي بخير بنت القمر

ان تصل متاخرا خير من ان لا تصل

Posted by: imad_dahi

كل عام وانت بألف خير با بنت اخت القمر يالي القمر خالك

هو صحيح انتي بنت القمر بس لا تنسي هالجملي مين قالها

يا قمر .. يا يا يا يا قمر .... يا يا يا بنت اخت القمر يالي القمر خالك

اكيد عرفتي مين .... لانو بالعادي انتي بتعرفي انا كيف بلش كلامي

هاي بقولها ابو وديع .. في بدايه اغنية حلف القمر باحدى حفلاتو

ما في احلى من ليلي تكون سماكي مضاوية بنجوم وقمار ..

وسنينك تكون ملياني حب وحنان

وكل نجمة تقلك ينعاد عليكي وكل قمر يضوي حب بعينيكي

وكل عام وانت بألف خير وح زيد على ندوش وقلك عقبال 110 سنين

مع تحيات .... ابو شريك

Posted by: حكيم عيون

اقتباس:

المشاركة الأصلية كتبت بواسطة بنت القمر

كلمة اخيره للكل ما بدي اوصل للمية سنه

لانو بصير بدي صيانة فل اوبشن دخيلكون للسبعين منيح

هيدا القمر لـِي بْأرضنا مْـفتونْ....................و عا حـُبّها صرلو دَهَر و قـْرون ْ

بنتو إذا بتدِقْ بالسبعين ْ..........................يا دوبْ يمكنْ يطلعلها سْـنونْ

بتـضل غنـّوجي مثل نسرينْ ................طفلهْ.. مَ يدْحـَكْ عطرها المجنونْ

بهالمنتدى بتعطي المدى تلوين ْ ...............بحكياتها الـْ فيها الدفا مخزونْ

لولا صَدَفْ ميلادها بتشرينْ ...................ما كان بيعوف الورق الـْغصونْ

بآذار اللهْ رادها تخمينْ .........................تِخـْلـَقْ , تحتـّى يردْ فيها الروحْ

من بعد ما داقتْ شقى كانون ْ

====================================
كل عام وإنتي بخير للصديقة بنت القمر .
وإنشالله تبقى أيامك مليئة بالسعادة والفرح
-- حكيم عيون --

Posted by: بنت القمر

أنا حاسة حالي بين اهلي مو بين اعضاء ما بعرفون
بمعايدتكم غمرتوني بلطفكم
اللورد فادي معايدتك وصلت مو متأخرة لانو انا قريتها بوقتها يسلمو ياغالي
الصديق الغالي عمادووو انا القمر ياعماد مو خالي ولا عمي بيجوز هالمرة يكون القمر ابن الجيران

الصديق حكيم عيون كلمات اقف احتراماً لها ولقائلها واقول لك
متقلباً في رغد الحيـاة يعيش مترفاً.. يقطف من مروجها ما يحلو له من ألوان ورود .. ويسكب الشهد حلوا في خلايا السطور ..
تتراقص الصفحات في طيات فكره ، ويغدق عليها من أنفاس الفرح فتنتشي جذلاً

Posted by: ziad sattah

كل عام و أنت بخير : بنت المنتدى بنت القمر

ينعاد عليكي بالصحة و السلامة

و دام قلمك الراقي ..

Posted by: كاترين

مرحبا

كل عام وانتي بالف الف خير بنت القمر

وان شالله كل ايامك تكوني منورة زي القمر وهو بدر

والله يحقق احلامك ويحميكي

تحياتي

Posted by: iyad tahhan

كل عيد و انت بألف خير أخت بنت القمر
عقبال المية و خمسين سنة بالصحة و العافية
مع تمنياتي لك أن تحققي كل أمنياتك

Posted by: عبير طبيقي

لأحلى قمر
لـ بنت القمر
كل عام وأنت بألــف خيـر
وانشالله بتحققي كل اللّـي بتتمنّيـه

ملف مرفق 3712

Abeer

موقع زيدل سوريا حمص .. خدمات تشات و دردشة ... أرشيف المنتدى