الارشيف - رفع جديد لسعر البنزين إلى 40 ليرة سورية

Pages: 1

رفع جديد لسعر البنزين إلى 40 ليرة سورية
(انقر هنا ان احببت مشاهدة الموضوع الاصلي بالالوان و الصور )

Posted by: Kinan

اسعار البنزين ارتفعت السبت للمرة ثانية خلال اقل من ستة اشهر ، ليصبح سعر الليتر 40 ليرة سورية من 36 ليرة، الأمر الذي أكده مصدر مسؤول في مؤسسة "محروقات" مشيرا إلى أن قرارا من وزارة الاقتصاد قد صدر في هذا الشأن.

وبدأ تنفيذ القرار اعتبارا من الساعة الواحدة من بعد منتصف ليل الجمعة – السبت بعد أن تم جرد موجودات محطات الوقود من البنزين وتم تعديل العدادات ليصبح سعر الصفيحة 800 ليرة سورية.

وهذا الرفع لسعر البنزين هو الثاني بعد أن تم رفعه في مطلع تشرين ثاني الماضي من 30 ليرة إلى 36 ليرة سورية، ليكون سعر ليتر البنزين ارتفع 10 ليرات خلال أقل من خمسة أشهر.

وفي تعليق على الخطوة الجديدة برفع أسعار البنزين قال استاذ الاقتصاد في جامعة دمشق إلياس نجمة ،والذي كان رئيسا للجنة الموازنة في مجلس الشعب، لـسيريانيوز إن "الزيادة الأولى في أسعار البنزين كانت مقدمة لزيادة ثانية، لأن الدولة بحاجة إلى موارد أمام العجز الكبير في الموازنة العامة".

وتستهلك سورية نحو 2 مليار ليتر من البنزين سنوي، والزيادة الجديدة سوف تؤمن زيادة في موارد الخزينة تبلغ ثمانية مليارات ليرة سورية.

وغالبا ما تكون الآثار التضخمية لرفع سعر البنزين في سورية محدودة وأقل من تلك التي يمكن أن تحدث عند رفع سعر المازوت، حيث يوصف المجتمع السوري بأنه "مدمن على المازوت".

وكانت الأنباء عن خطط حكومية لرفع أسعار المشتقات النفطية ساهمت في رفع أسعار مختلف السلع في السوق السورية.

وأصبح من الثابت الآن أن خطة الحكومة لـ "إعادة ترشيد الدعم" أخذ طريقه إلى التنفيذ عبر توزيع قسائم المازوت المدعوم على الأسر بواقع ألف ليتر مازوت لكل أسرة، ليتم بعدها رفع سعره.

وتشير دراسة صادرة عن المصرف المركزي العام الماضي الى حدوث "ارتفاع كبير" في حجم الدعم المقدم للمشتقات النفطية" خلال الخمس اعوام الماضية ( 2002-2007) وصل إلى معدل نمو وسطي قدره 90%.

وتشرح دراسة للمصرف المركزي وجهة النظر الحكومية التي ترى في عملية "اعادة النظر" في موضوع الدعم "ضرورة" للحد من عمليات التهريب وارتفاع فاتورة المستوردات النفطية ، والتخفيف من تكلفة الدعم على الموازنة العامة ، و"الاهم .. محاولة ايصال الدعم لمستحقيه" بحسب الدراسة الحكومية.

و الله الواحد احسن شي يشتري بسكليت ان كثرت ما بتحط عليها 50 ليرة تصليح كل شهر و من ناحية ثانية الواحد بيعمل رياضة

شو رأيكون بالفكرى؟؟

Posted by: talal_alachkar

و الله يا كنان هون كمان إرتفع سعر البانزين يعني اللتر الواحد 1.53 يورو يعني اللتر بيساوي 115 ليرة سورية .
و هون كمان كثير ناس صارت تستخدم الباصات و الترام و الميترو لأنها أرخص شيئ لحد الان .
و أنا من هؤلاء الناس و الحمد الله و هيك بكون عم ساهم بحماية البيئة ههههههههههههههه.

طلال

Posted by: sulieman safar

خبر حلو لشلة الفورميلا.
شغلي بصيطة كينان لأنو من يومين ارتف سعر البانزين بأستراليا ما يعادل سبع ليرات سورية للتر وأما المازوت ارتفع بقيمة عشر ليرات سورية. سماع مني وبلالك البوسكليت لأنو سعر الحديد ارتفع 60% في يوم واحد والحبل عالجرار. سعر المحروقات رح يصير عالمي ومافي دولة بالعالم , عدى دول البترول, فيها توقف في طريقه والبسبب لذلك هو زيادة العدد للسيارات الخاصة في الدول النامية وعلى سبيل المثال هناك ولاية صناعية في الصين يسجل فيها سبعة ألاف سيارة جديدة في الاسبوع الواحد وكذلك الأمر في الهند. والمشلكة الأكبر والأكبر هو بأن الاحتياط العالمي للنفط ليس كما يدعى بل هو أقل بكثير وكل ذلك يشير بأن جيل الشباب الصغير من امثال كينان سوف يعودون الى ركب البوسكليتات والخيول وهم يحلمون بشراء سيرات الفورميلا.
كل عام وانتم بخير ولكم محبتي بدون سيارات .
سليمان.

Posted by: wajdy barakat

والله يا كنان الوضع بهوي وخاصة للفلاح اللي مثلي وعندو بيك اب وحاليا عم فكر حول على المازوت وطبعا بس لادارة الاراضي اما الحياة اليومية رح نحولها مشي او رح صلح البسكليت اللي عندي ويغلو ليشبعو والاهم من هذا يغلو سعر المحاصيل الزراعية مشان يخلق شوية توازن.........وشكرا

Posted by: mario

و الله مبين هالبانزين عم يغلى بكل مكان بسوريا و عندالاخ طلال ببلجيكا و العم سليمان كمان عم يقول غليان و هلق اني بقلكن كمان باميركا غليان و حديث الناس هون كلو ع غلاة هالبانزين و بس يغلى البانزين الله وكيلكن هون بياثر ع كل شي (حتى للشعب الاميركاني طبعا عم احكي) لانو كل عيلة عندها شي 3 سيارات و كلو بيسوق مسافات بعيدة كل يوم يعني بينعد من المصروف الاساسي بالاضافة للاجار و الاكل يعني الشعب الاميركاني دوم بيحسب حساب للبانزين هلق مثلا سعر البانزين بكلفورنيا تقريبا 3.70 $ للجالن اللي هوي ما بعرف كم لتر الحسبي عليكن هههههه هاذ العادي في الاحسن منو شوي 3.80 و الممتاز 3.90 و هلق كم اسبوع اكيد بدو يوصل ال 4 $ و ع فكرة هون كل يوم بتغير سعر البانزين بين طلوع و نزول بس بينزل شي 1 بيني و بيرتفع شي 10 المهم انو اللي بدو قولو انو من شي سنتين بس كان سعر الجالن 2$ يعني بهالسنتين ارتفع للدبل و الله يستر من الباقي فهون الشغل دبل مو 4 ليرات ههههههه بس الله يا ستر يا شباب و هاذ اللي منقولو و بس......بس وقت اللي بطلع ع هالفري ويي و بشوف هالترافك و عدد هالسيارات اللي بالالافات بقول اكيد بدهن يغلو و اسع بدو يصل لل 10 $ و ياريت البسكليتات بتوفي بالغرض يعني عم نسوق نص ساعة عالشغل منعود نسوف يوم كامل عالبسكليت الله يستر

Posted by: Kinan

و الله يا ماريو حالتكون تعباني يعني الله يساعدكون بس خيو كل واحد على عملتو بيشتغل يعني يعني هون اذا بدك احسبلك اياها على الدرهم بتطلع اغلى من عندكون بس وقت رح من حولها على الدولر بيطلع سعر الجالون العادي 1.57 و الخصوصي 1.7 اما الممتاز 1.84 على فكرى كان ارخص من هيك بكثير بس شو بدنا نعمل و عم نسمع انو ناويين يغلوه بعد

على كل حال انا بدي اسمع كلام عمي سليمان و روح شفلي شي جحشي

بما انو الحديدي غليان و ما رح نقدر نشتري بسكليت عالقليلة هذاك بينفع يعني الواحد بيستفيد من فضلاتو بالزراعة
منستنا لحتا ينزلو السيارات عالكهرباء او الطاقة الشمسية شو بدنا نساوي

مع فائق الحب و الاحترام

كنان عبد العزيز عبد العزيز
الامارات العربية اللمتحدة، أبوظبي

موقع زيدل سوريا حمص .. خدمات تشات و دردشة ... أرشيف المنتدى