الارشيف - السورية للطيران تعلن

Pages: 1

السورية للطيران تعلن
(انقر هنا ان احببت مشاهدة الموضوع الاصلي بالالوان و الصور )

Posted by: imad_dahi

بعد المساعي الحميدة للشركة السورية للطيران ونظرا لارتفاع اسعار البطاقة . قامت الشركة السورة عن اعلانها عن تقديم اوسع المجالات الترفيهية للمسافرين

حتى انها اعلنت مؤخرا عن تقديم ...

ما رح قول شوفو الصورة هي لي بتقول

Posted by: abode durra

ههههههههه يعني الواحد صار بدوا يطلع بالطيارة السورية بس مشان هالصورة
خبر مليح يسلمو اخ عماد ضاحي

Posted by: hosam danial

بتعرف عماد يا ريت يكون هالخبر صح
لانو الطيران الفرنسي حطنا أكل
ما بيدخل على معدتي بنوب
و اول مرة بجوع بحياتي
وقت سافرت على الطيران الفرنسي من قلت الاكل
لا والله الصراحة حطونا كثير
بس كلو ما فعرف من ايش مصنوع
وشو حاطين فيه
بقى اذا في شاورما بدي صير اطلع
على الطيران السوري
ملف مرفق 3691

Posted by: talal_alachkar

عماد يخرب كوشك على هالسحبة
يعني يمكن بعد ما غلوا الأسعار هاي السنة عوضوا الشعب شوي بسيخ هالشلورمة ؟؟؟؟؟؟؟
انا سمعت في شركة طيران ثانية سورية إسمها الؤلؤة للطيران سمعت هالخبر على التلفزيون السوري إذا حدا بيعرف شو قصتها ياريت يخبرنا
شكراً عمود هههههههههههههههههه
طلال

Posted by: sulieman safar

ولك عماد اساك بنكثك الفورملية؟ هاي الصورة تركيب بتركيب
وبدك تجيب زباين للطيران السوري ومانك عارف شلون
يخربكوشك مثل ما قال الغالي طلال.
ولأبو العمدان والشاورمة محبتي.
سليمان

Posted by: matar

شكرا عماد على هل الصورة الحلوة كتير
على عيني وعلى راسي
بس نصيحة للجميع بعد عدة تجارب شخصية على متن الخطوط السورية ما بنصح اي حدا يجي عليها
بتقول اف شو صاير راح خبركن شو صاير ...........
حبينا نجي على الضيعة بالعيد الكبير الماضي وكانت السورية عاملة تخفيضات قلنا منيح بس بعد ما تأخرت الطيارة شي 8 ساعات ما بقى في شي منيح راحت السكرة واجيت الفكرة
طبعا انا مقيم بجدة - السعودية
هي من جدة لدمشق ؟؟؟ وقت الرجعة يعني بالعكس من الشام لهون بس تأخرت 3 ساعات
ولما انزلت بالصيف ما تغير شي كان التأخير ساعتين بس ولله لا يورجيكون شو عملوا فينا
بعد ثلاثة تفتيشات على ارض المطار وماخلو جهاز لاومرينا عليه رجع الامن يلي ع لطيارة يفتشنا ولما ما لقا شي صار بدوا اي شي حلوان وصار بدو يفتح كل علب صغير وكبيرة بشنطة اليد يلي معي
وبعد اخد وعطا اجى الكابتن و مشي الحال
طلعنا ع الطيارة وشو اكل خمس نجوم لاورا _*
(على فكرة انا مش متحامل على الطيران السوري بس يلي بشوف غير شركات بيلاحظ الفرق انا مجرب السوسرية والمصرية والسعودية)
لذلك بس وانا نازل بعد كم يوم غيرت الحجز على شركة تانية
مع ذلك بعد سوريا ما في بتبقى بلدي الغالي كتير
وتحية للجميع

Posted by: إنانا

شكراً أخ عماد على الخبر وبأكد لك أنو قد ما تزبط بالصورة، وأبدعت بالفوتوشوب، وما حدا عرف أنها تطبيق ،فما حدا رح يصدق؟؟؟؟

أما الأخ طلال فتكرم عيونك وهي الخبر عن اللؤلؤة كاملاً:

وزير النقل: 25% من رأسمال اللؤلؤة للطيران يعود للسورية دون تكاليف

و"للشركة القرار في تسيير رحلاتها بما يتكامل مع عمل السورية".‏

قال الدكتور يعرب بدر وزير النقل أن شركة الطيران العربية السورية ستمتلك 25% من شركة اللؤلؤة للنقل الجوي دون ان تقدم شيئا (دون تكاليف).

وشركة اللؤلؤة للنقل الجوي هي إحدى شركات الطيران السورية الخاصة المرخص لها للعمل بموجب المرسوم رقم 4 لعام 2004 بشراكة بين شام القابضة بنسبة 40%، وشركة العقيلة الكويتية وشركائها بنسبة 35%، في حين تبقى النسبة الباقية للسورية يقوم الشركاء بدفع حصتها فيها..

وكان القانون رقم 4 لعام 2004 منح مؤسسة الطيران السورية الحق الحصري لتقديم خدمات النقل الجوي والخدمات الارضية في المطارات السورية كما سمح لها بإحداث شركات مشتركة تقوم بتقديم جزء من هذه الخدمات على ان تصدر بصك تشريعي، وهو ما أعطاها حق امتلاك هذه النسبة في الشركة الجديدة..

وأقرت الحكومة في جلستها الأسبوعية مشروع المرسوم المتضمن إحداث شركة مساهمة مغفلة مشتركة عربية سورية تسمى شركة لؤلؤة السورية المساهمة المغفلة وفق أحكام قانون التجارة السوري وتعديلاته وأحكام قانون الاستثمار الصادر بالمرسوم التشريعي رقم 8 عام 2007..

واعتبر بدر في تصريح للثورة "إقرار مجلس الوزراء مؤخراً لإحداث شركة لؤلؤة السورية للنقل الجوي قرارا مهما سيسمح بفتح آفاق مهمة لتطوير خطوط النقل الجوي الى عدد كبير من المحطات باعتبارها أول شركة للنقل الجوي مشتركة مع مؤسسة الطيران السورية..".

ويبلغ رأسمال الشركة 250 مليون ليرة موزعة على (500) ألف سهم قيمة كل منها 500 ليرة سورية وستقوم الشركة مبدئيا بتشغيل 4 طائرات وهناك خطة لرفع عدد الطائرات بالتدريج ولمدة خمس سنوات بحيث تزداد تغطية هذه الشركة لعدد اكبر من الخطوط.‏

وأوضح بدر "أن لؤلؤة السورية لها القرار أن تسير رحلاتها على أي خطوط داخلية او خارجية بالتنسيق مع السورية وبما يمثل تكامل هذه الخطوط مع عمل السورية".‏

كما أشار بدر إلى أنه "لا جديد بالنسبة لموضوع شراء الطائرات لزيادة عدد الأسطول السوري ولكن هناك استدراج عروض من قبل السورية لاستئجار طائرات وقد تم مؤخرا قبول احد المعروض وهذا العرض يدرس فنيا بدءا من تاريخ 8/1 الجاري ونحن بانتظار نتائج الدراسة الفنية لإقرار استئجار طائرات".‏

وتعاني مؤسسة الطيران العربية السورية من نقص في أسطولها منذ أربع سنوات بعد أن تم فرض الحظر الأميركي على سورية الذي منع تنفيذ عرض شركة ايرباص منذ سنتين, وطلب الشركات الأوروبية الحصول على إجازة من الإدارة الأميركية للموافقة على بيع طائرات لسورية لأن أكثر من 10% من مكونات الطائرات تحتوي على تكنولوجيا أميركية والحصول على الطائرات مرهون بالموافقة من إدارة التجارة الأميركية بموجب قانون المواطنة بين الشركات.‏

وكان هناك مباحثات سورية روسية حول شراء 7 طائرات أليوشن اشترطت خلالها وزارة النقل بإنشاء مركز لصيانة وخدمة الطائرات الروسية المتواجدة في الشرق الأوسط على الأراضي السورية مقابل شرائها الطائرات الروسية "اليوشن" . إلا أن الصفقة رافقها الكثير من التردد والتأرجح بين المنع والموافقة خصوصاً بعد الأنباء التي طالت خلوّ تلك الطائرات من شروط الأمان وتوقفها عن العمل عام 2005 نتيجة أعطال في المكابح!!

سيريانيوز

تحياتي....

Posted by: mario

ولك شو شاورما ما شاورما شفلي بقديش التكت خيو اذا تحت ال 2000 $ ما شي الحال ههههههه لانو الحقيقة هالسيخ الشاورما بيشهي و اشتقنا للشاورما شو بدكن هوي في شاورما هون بس شاورما البلاد غير شكل
و خصوصي شاورما ابو فادي هههه لانو البهارات شوي من الصين و شوي من اليابان
و شوي من ايطاليا فبتطلع غير شكل

Posted by: imad_dahi

اي كل شي بالطياران السوري تطبيق , وقفت على صورة السيخ الشاورما

هلق بيني وبينكن , وخصوصا لحسام , لي مشتهي الشاورما بالطياران السوري ياخد معو الصورة
وبس تجي المضيفي وتسألو شو بيحب ياكل جاج والا لحم عادي ( يعني كالعادي من 6 سنين لهلق) .. بفرجيها الصورة ويضل ساكت

هي هالمضيفي لحالها ح تفهم ... اذا بتفهم

وانا والله مرة سألوني شو بتحب تشرب؟

قلتها انا بدي اشرب ........

حزرو شو طلبت .......

مارح عجزكن

طلبت ارغيلي ...........

بس قالتلي المضيفي بطلع بدخنها ع البلكون, برا ....

قلتلها اوكي بس لا تسكرو علي الباب لانو بخاف ضل لحالي برا .....

علقاني مع حمصي خطي

ع كل حال سيخ الشاورما باين عليه طيب بس قبل ما نسأل اذا الصورة تطبيق والا لأ لازم نسأل يا ترا .. شو لحمة هالشاروما ..جاج والا لحمي عاديي

وينها ندوش هيك شاورما بدها ازايز كورونا .... مو بردا

كان معكم المضيف عماد من شركة السورية للمغتربين حمص - روما
وصونا

Posted by: ABUODEE

واللــه يا طبّوش عمادوف هالسيخ شي بيشهّي
بس الســورية للـطيران شي بــ(( ))

قد ما يتطوروا مارح يتقدموا
ورح يضل التخلف موجود وحصري على الشركة السورية للطيران
لنشوف تاليتها معهم

Posted by: hosam danial

وبعد ما صار في إقبال
على الطيران السوري
من ورا الشاورما
صار الطيران الاماراتي
ينافسه ويحط بياع سوس
بالطيارة
ملف مرفق 3705

Posted by: abode durra

اي لاء هيك صارت كبيرة لاازم الواحد يحجز على سورية بالروحة بالسورية و الرجعة بالاماراتية ههههههههه

موقع زيدل سوريا حمص .. خدمات تشات و دردشة ... أرشيف المنتدى