الارشيف - اوشعنا لابن دواود ...

Pages: 1

اوشعنا لابن دواود ...
(انقر هنا ان احببت مشاهدة الموضوع الاصلي بالالوان و الصور )

Posted by: samar dahi

احتفلت الطوائف المسيحية الكاثوليكية في العالم اجمع هذا اليوم بعيد الشعانين مستقبلين الآتي باسم الرب بتراتيل (اوشعنا لابن دواود اوشعنا رب الجنود) .
ففي كنيسة القديس بطرس في الفاتيكان ترأس البابا بينيدسكتوس السادس عشر القداس الاحتفالي بحضور الآلاف من المؤمنين الذين غصت بهم ساحة الكنيسة وذكر البابا في عظته العراق متمنياً ان تنتهي الحرب والكراهية والحقد في قلوب الناس ويحل السلام الذي أتى به سيد السلام سيدنا يسوع المسيح وذكر ايضا سيادة المطران بولص فرج رحو واثنى على وفائه لرسالته في دعوته وثباته على ايمانه ...
أما في قريتنا الحبيبة زيدل فقد كان قداس الشعانين مميزاً بحضور سيادة المطران جورج كساب والسفير البابوي اللذين باركا الجموع الغفيرة التي كانت متواجدة في كنيستنا .....
عيد الشعانين عيد الأطفال الذين قال عنهم السيد المسيح (دعوا الأطفال ياتون إلي ولا تمنعوهم ) ...هذا العيد الذي يعيد لذاكرتنا ايام الطفولة الجميلة فكلما سمعت ترنيمة سار المسيح (عازر بعد عازر ) اتذكر ايام كنا اطفال وكم كنا نسعد بسبت العازر الذي لا زال حتى يومنا هذا يوم مميز في زيدل
عازر بعد عازر والعازر مسكينه جينا لنبشركم بالهنا وسرور
عيد الشعانين قد زادت محاسنه عن كل عيد عيد الشعانين
يا ربي احرس هذا البيت وصحابه وترجع غيابه بالهنا وسرور
ترنيمة تعيد لكل منا طفولته التي نفتقدها دائما ......
اليوم بالذات كانت لهذه الترنيمة طعم جديد بحضور سيادة راعينا الجليل مع سيادة السفير البابوي الذي القى وعظة القداس بلغته الفرنسية الجميلة والتي ترجم سيادة المطران كلماته الرائعة حيث كان محور الوعظة هو التنشئة المسيحية بحكم أن هذا العيد هو عيد الأطفال فقد ركز على موضوع التعليم المسيحي وقيمته لهؤلاء الأطفال وكانت جملة رائعة من سيدنا جورج بأنه هنا في سوريا يبدأ التعليم المسيحي للأطفال إنطلاقا من بيوتهم فلا تجد طفل إلا ويعرف قصص الإنجيل والصلاة الربية والسلام الملائكي وهذا فخرنا بأن اطفالنا يتلقون التعليم منذ نعومة اظفارهم وختم سيادة السفير كلمته بمباركة أهل القرية ....
وبعدها قام ابونا والمطران و السفير (مع حفظ القاب الجميع ) بمباركة اغصان الزيتون وتوزيعها على المصلين وبعدها انطلق الجميع إلى الدورة في شوراع القرية ليبارك سيادة المطران والسفير مع ابونا شوارع قريتنا وبيوتها
بعد القداس دخلنا إلى صالون الكنيسة لإلقاء التحية على راعينا الجليل والسفير البابوي وكم كان سعيدا سيادة السفير بهذا الحضور الجميل من أهالي زيدل ومن هذه الدورة المباركة في شوراع القرية ...وعلى هامش الأحاديث عبر سيادة السفير عن محبته لسوريا وأنها بالفعل بلاد السلام والعيش المشترك وعلق سيدنا جورج وأضاف بان سوريا كانت نقطة انطلاق كل الأديان السماوية وانسنتها ....هذه هي سورية بلد العيش المشترك وبلد الأمان وبلد الإنفتاح على الآخر وقد عبر عن هذا سيادة السفير بكلماته الفرنسية الجميلة عن هذا الفكر والذي ظهر عليه اقتناعه الكامل به ....
نشكر لسيادة راعينا الجليل المطران جورج كساب ولسيادة السفير البابوي حضورهما في هذا العيد المبارك وكل التمنيات أن يعاد على الجميع هذا العيد بالخير ....
سؤال على الهامش : قولكم سيدنا جورج ليش جاب السفير على زيدل خص نص ...؟؟؟؟؟ يا حزركم ليش ...؟؟؟؟
اللي بيعرف الو جائزة مثل جوائز حسام دانيال .....

Posted by: emado1

كل عام والجميع بالف خير
وانشاءالله ينعاد على جميع المسيحيين بالخير والبركة
وكما دخل السيد المسيح الى اورشليم
لتكن مشيئة الرب ونزورها بامان وسلام من الله
ملف مرفق 3685

Posted by: mario

اخوتي الاعزاء كل عام و انتن بالف الف خير و انشالله شعنينة مباركة علالجميع
اما بالنسبة لسؤالك يا اخت سمر ليش زيدل بالذات فبعتقد انت بتربحي الجاءزة لانك مجوابي علي ينفسك يعني اكيد لانو اهل زيدل ما في احلي من جمعتهن بالكنيسة و كلهن قلب واحد و عيلة وحدة و بيقدرو الضيف ......الخ يعني اكيد مشان يكون السفير مبسوط لازم يكون بزيدل
فمبروك الجائزة اختي سمر ..(.هو عطى و هو اخذ) ههههههههه
كل عام و انتم بخير ثانية

Posted by: ziad sattah

مبارك الآتي بـ اسم الآب ..

ينعاد على الجميع بألف خير ..
و سلام و بركة ربنا يسوع المسيح مع الجميع ..
-------------
أمّا عن سؤال سمر فـأعتقد أنني عرفت السبب . و الله سيّدنا يستحق ّ و لنا الفخر بذلك .

Posted by: RUSHA AWAD

شعنينة مباركة للجميع وانشالله سلام المسيح بكون معنا جميع بهاليوم وبكل يوم ومنقدر نرجع أو بالأحرى نتعلم كيف نكون بريئين مثل براءة قلوب الأطفال..... الحقيقة يا سمر اليوم باخر دقيقتين بالقداس وقت فاتو سيدنا جوزيف يونان وابونا سلوان مع الشمامسة حتى ينهو القداس كانت الجوقة بعدها جوي "واني معهن" وعم يرتلو ترتيلة عازار بعد عازار بس بشوية اختلاف بالكلمات بقوم عصام اخوكي بيطلع ببيتين من الأبيات اللي كني متعودين نسمعهن بالضيعة ومابتصدقو قديش انا شخصيا انبسطت وحسيت للمحة بسيطة اني واقفي بكنيسة سيدة النجاة بزيدل.....ينعاد عليكن كل سني بخير يا رب.
بالنسبة لسؤالك سمر, سيدنا جورج بيستاهل بس بنفس الوقت ما منسمح فيه ومنحب يضل قريب قلبا وقالبا من زيدل ومن رعية زيدل اللي تعودت على وجودو حتى بعد ماصار مطران..بتمنالو كل التوفيق

مع حبي واحترامي
رشاعواد

Posted by: hosam danial

كل عام وانت بخير
وشعانين مبارك للجميع
وانشالله الله بيرجع الغياب لبيوتهن
سالمين وبصحة وعافية
والله لايحرم حدا هالحظة

ووقت كنت عم شوف
الصور الصراحة راحت تنزل الدمعة من عيني
بس انشالله رح نلتقي معكن بهالعيد شي يوم

ومن شان سؤال سمر:
السفير البابوي وين ما راح
مارح يلاقي احلى من مراسم الاعياد
مثل مراسم زيدل
وشو منشان جوائز حسام الدانيال
ليكون مو عاجبينك

على كل حال كل عام وانتوا بألف خير
حسام & ريما

Posted by: samar dahi

يا جماعة بس نسيت شي كثير مهم ...
انو اشكر حسام على تغطيته لكل احداث الكنيسة ....شكرا حسام على الصور الحلوة .....
شكرا على متابعتك لكل المناسبات ...وما بدي انسى اكيد الأخ نبيل نعوم من موقع محبة زيدل اللي على طول متواجد ليغطي اي مناسبة بالكنيسة ....شكرا لحسام ونبيل والله يعطيكم العافية ....

Posted by: talal_alachkar

شعنينة مباركة للجميع و ينعاد على الجميع بالصحة و الخير أمين يارب .

بدي بس ذكر بشغلي
أنو السيد المسيح و قت دخل أورشليم ، تم إستقبالو بأغصان الزيتون .
و بعد أسبوع صلبوه على خشب شجرة الزيتون .
الي صارت رمز للسلام مع الحمامة البيضاء .
بتمنى كلنا بداخلنا أنو نستقبل يسوع بغصن زيتون
و نصلب الشيطان بدل ما نصلب يسوع بعد فترة من إستقبالنا له .
وشكراً
طلال

Posted by: hosam abdulaziz

لا شكر على واجب سمر
طالما انا موجود بهالقرية رح حاول جاهدا غطي كل الاحداث الهامة .

بالنسبة لتساؤلك:
ممكن زيارة السفير لحمص تكون لسبب ما مثل ما فكرتوا .
بس تحديدهم لزيدل لأنه بكل سورية ما بلتقى مثل كنيسة زيدل عصعيد طائفة السريان الكاثوليك تحديدا ان كان بالعدد او التميز بالترتيب و الاداء
و اللي بيشوف هالجوقة مع هالشمامسة بترتيهم و ادائهم بيعرف قيمة كنيسة سيدةالنجاة عمستوى القطر.
ناهيك عن الحضور الجماهيري اللي بيقارب الـ600 شخص.

شكرا سمر عالصورة اللي اخذتيلي اياها .
كل شعنينة و انتم بخير.

موقع زيدل سوريا حمص .. خدمات تشات و دردشة ... أرشيف المنتدى