Pages: 1

بنات الناس لعبة .. واختك لا ؟

(انقر هنا ان احببت مشاهدة الموضوع الاصلي بالالوان و الصور )

Posted by: بنت القمر

سمعة البنت كالزجاج اذا انكسر يصعب اصلاحه وحياتها . وكرامتها ليست ملكها , خصوصا بالمجتمعات العربية .. للفتاة حقوقها وكرامتها وانسانيتها.. فتعلمت وتفهمت ما لها وما عليها ..
الا انها في بعض الاحيان تنساق وراء كلمات معسولة من ذئب شرس كل همه ان يفتك ويفترس بعرض هذه وتلك من البنات.. متناسيا ان له أخوات وام وخالات وعمات .. والكثير من الاقارب البنات ..
ما هو مفهوم شرف الفتاة لديك ..
ما رأي الشاب الذي يغازل وفي لحظة يري اخته في نفس موقعه مع شاب اخر فتثور ثائرته ..
واذا كنت تمنع اختك من تكوين صداقة مع شاب ( يصبح عدوك لو انك عرفت ذلك عن اختك) فلماذا ؟ تقبل ذلك على نفسك؟ وكأن بنات الناس لعبة واختك فقط هي الانسانة ..
سؤال ايضا للبنات : هل تقبيلن لنفسك ان تكوني علكة في فم كل شاب يتباهى امام اصدقائه بانه يحبك !
هل تقبلين بحب رخيص حب أرقام ؟ هل حبك من أي مكالمة أو نظرة هو الحب الذي تنتظرينه ؟
هل لوعة العاطفة ولذة الحب أجبرتك لكي تخوضي التجربة ؟ .. لكن أتوقع أن لذة الحب التي تقع فيها الفتاة واعتقادها أن حبيبها غير (كأن الله خلقه خلقا آخر) مستحيل يخونها ويجعلها تعيش في أحلام لا يمكن لأي كلمات في الحياة تقنعها لأن الواقع الذي تراه في خيالها أقوى تصديقا من أي كلمة تقرئها أو تسمعها ..



Posted by: Ozone

من طرق باباً عليه أن ينتظر الأجابة...

الشباب لايعاكسوا أي بنت... البنات هم الاتي يجلبن لهم من يعاكسهم بتصرفاتهم ولبسهم ... وحين يحصل مايحصل تأتي الندامه


Posted by: wajdy barakat

صديقتي بنت القمر برايي ليس كل الشباب سواسيةوليس كل البنات يقعن في مصيدة الشباب فهناك اللواتي يجعلن من الشباب كرة تتدحرج على هواهم واانا لا اقصد كل البنات ......وهناك شباب من خيرة الناس لهم وزنهم وشخصيتهم القوية المفروضة على كل المجتمعات ....وانا لا ارى عيبا في ان ارى اختي تقف مع شاب احبها وبادلته الحب وتكلمت معه على الهاتف لكن ضمن الاصول وبعلمي (عن تجربة) ولم ارى اي مشكلة وانا شخصيا صريح لابعد الحدود وكلمات الغزل العفيف لا تخرج الا من لسان اشخاص هواة (هذا رايي) وانا لا انكر جمال هذه الكلمات لكن البوح بها ليس بالامر السهل والتفوه بها يجب ان يكون عن علاقة واضحة صريحة (مو بالضرورة دائمة) ولكن منا رايه شكرااااااااااا لك على الموضوع الصريح الواقعي


Posted by: mdri sho

اقتباس:
ما رأي الشاب الذي يغازل وفي لحظة يري اخته في نفس موقعه مع شاب اخر فتثور ثائرته ..

صح معك حق ....
بس ممكن اسالك سوال...
شو رأيك بالبنت الي بتغازل اكتر من شب بنفس الوقت ...؟؟
يمكن كلامك بيزبط ابل عشر او عالاقل خمس سنين
بس هلء..... ...................... تسق( يعني لا بالعربي)
صارو البنات أشطر من الشباب بهالقصص ...


Posted by: painmaker

مرحبا بنت القمر:
لن ينصفونا كل ألأوادم مهما تحدثنا يبقى العقل الشرقي كما هو ولو مرت ملايين السنين الضوئيه
وقد رأيت رأي العضوozone !!!!
وتحياتي لك على فتح هذا الموضوع


Posted by: Ozone

Painmaker
انا ماحكيت الا بالواقع

وبعدين السنة الضوئية يقاس بها المسافه وليس الزمن


Posted by: imad_dahi

الموضوع مو موضوع ليش انا بسمح لحالي وليش ما بسمح لاختي

انا ما بدافع عن الشب ولا بلوم البنت بس اسمعو هالنتكتي لي الكل بيعرفوها

فاتت بنت ع محل لبيع الكروت : قالتلو عندك كارت مكتوب عليه الى حبي الوحيد . قالها اي قالتلو اعطيني منو شي عشرة عمول معروف

الغزل صار فن .. وشطارة ولي ما بيعرف يغازل بعيد عنكن بيصير حمار بعين العالم
واذا غازل بيصير نسوجي ... واذا حب بيصير ملاعب وان ما حب بيصير عديم الاحساس

شو الحل شو ما بيعمل الواحد بيطلع عليه سيط

القصة مو لكن شو عم اعمل القصة حكي الناس

اذا الواحد بالفعل حب ما حدا بيصدقو ..... واصلا ممنوع الحب ..... متل ما بيقول غوار بمسرحية ضيعة تشرين : مو عيب البنت تحب خطيبها !!!!!!!!


انا لما بكون بمجتمع بيتفهم معناه ما بيهكل هم اختي اذا بتحب والا لا


والشب في عليه حق لما بيحاول يخبي عن اهل البنت ...... من هون بيبين شو بدو ؟؟؟؟
اذا بحب بواجه وبيبني علاقتو ع هالاساس
واذا بيخاف او متردد ... فخليه ع الغزل بدون حب ..... الا ما يلافي بنت بتحب الغزل لي بدون حب


ان مع بنت القمر ليش بسمح لحالي وما بسمح لغيري

بس مو كل الشباب متل بعضون ولا البنات احسن من الشباب
كلنا بالهوا سو

باي باي


Posted by: hosam abdulaziz

نحن ما لازم نزعل من الصراحة:
شخصية البنت بتلعب دور كبير بكبح جماح الشب (طبعا انا عمبحكي عن المجتمعات القروية اللي بنتمي الها)
فالبنت اللي بتمشي مثل القلم و ما بتتطلع لا يمين و لا شمال غير لترمي السلام.
فكوني اكيدة انه ما حدا بيفكر يتحركش فيها(ما بيمنع من استثناءات بتزت كلام مقبول غالبا بيكون مديح لهالبنت)
------------------
اما بالمدينة فشيء لا يطاق و معيب , و انا صارت معي انه بوجودي وقت تكون معي زوجتي او قريبة الي , بنسمع كم كلمة من هون و هون.
فكيف وقت تكون البنت لحالها , الله يكون بعونها , لا ان كانت راكزة او ملعبة رح تزمط من تعليقات الشباب الي ما فيني قول عنهم الا انهم بلا مربى.

بنت القمر انا شخصيا تجوزت و بحياتي ما لطشت بنت و لا بعرف اصلا شلون بيلطشوا
اما لو سألتيني عن تجارب مع الاخت فما عندي تجربة لعدم وجودها , بس لو عندي انا بتصور بتوافق مع وجدي بالعقلانية بهيك امور و عدم رفضها بالمطلق بس ضمن اصول.


Posted by: كاترين

مرحبا

راح احكي من واقع تجربتي وفي نطاق الحياة الجامعية اللي هي مركز البلاوي في الغالب

صراحة حتى لو البنت مشت كويس بالشارع برضوا الشباب ما بيتركوها بحالها

والله في الجامعة بكون ماشية ومحترمة حالي بس هيك جنس الشباب ما بيتركوا حد بحالو

لازم يرموا كلام اقل ما فيها بيحكوا والله صارلي شي اسبوع مش متغزل بحد وبكونوا بيطلعوا في البنات

من فوق لتحت لك شو هالعالم هاد

كمان ما بدي كون ضد الشباب عنا بنات والله بيلبسوا اشيا بتخلي الواحد غصب عنو يجري وراها ويرميلها كلام بس لمجرد التسلاية وهي المجنونة بتكون مفكراه انو معجب فيها
وبتصير تلبس كل يوم شكل وتمشي من نفس المكان لتشوفو(((( يا عيني عالم مرباية ))))
وهدول ولا شي
في مركز جوالات كمان قبال الجامعة شو البنات بضلهم طول اليوم هناك يعملو الله يعلم
لدرجة بيغيبو عن المحاضرات ليقعدوا مع الشب افففففففففففففففففف حياة بتقرف

ما بعرف كيف هالبنات بيبيعوا حالهم بمنتهى البساطة عنجد حياة مأساوية
والمشكلة بفكروا انو اللي بيعملو من درب التقدم والحضارة ((((((ياييييييييي بيفهموا كتير )))

يعني والله البنت هي الاساس بنظري

كنت زمان اظلم الشباب بس من يوم ما دخلت الجامعة غيرت رايي

بس هاد لا يعني انو الشب بريء وما اللو دخل

بالعكس احيانا بكون هو كل المشكلة وبورط البنت معو وللاسف في كتير بنات بس يسمعوا كلمة بحبك بنسوا حياتهم وبصيروا يجروا ورا الشب

اللي نفسي العالم تفهمو انو كلمة الحب مش مجرد كلمة بتنحكى
هي احساس ومشاعر صادقة وبتحمل كل معاني الوفاء والتضحية والاخلاص
ولازم نكون متاكدين من مشاعرنا قبل ما نحكيها ونكون قدها ونتحمل مسؤوليتها


Posted by: mario

الحقيقة الموضوع حلو و شكرا لطرحه .....بس قبل ما فكر براي كنت قد قرات فكرة الاخ عماد و الحقيقة عجبتني كثير يعني انو وقت هالمجمع بيغير نظرتو للحب يعني ما بتعود تهكل هم لا ع اختك و لا من حبيبتك ......بس يعني القصد كمان انو يخف هالتلاعب بعواطف الاخرين و يكون الحب بمعني الحب و ليس الملعبة
و شكرا بس حبيت مرور سريع


Posted by: syria & joleat

مرحبا ...
بس حبيت دافع عن البنت ( مو لأاني بنت ) وقت حكيتو عن اللبس المشكلة يلي متسترة ويلي مشخلعة ما بيرحمون عيون الشباب ..... شو بدنا نعمل نضل بالبيت؟؟؟؟

وشغلة تانية دائما الناس بيفكرو البنت يلي بتهتم بحالها بتكون مشان تغري الشباب ... لاء البنت بطبيعتها بتحب تكون حلوة واكبر دليل انو احنا مدارسنا مو مختلطة ( وما في شباب اخر الدوام على الباب ) ومع هيك بتلاقينا مرتبين وما احلانا...

طبعا انا ما عماحكي بشكل عام بس عن نسبة محددة من الناس ...

وفي شباب الله يكملون بعقلون لو شافو وحدة بتحط هيفا بجيبتها ما بيعبروها ...

بالمختصر في بنات هيك وفي شباب هيك .......

والله يهدي الجميع ....

سلام _ ياسمين _


Posted by: talal_alachkar

قرأت مقال
بعنوان
الشاب العربي يطلب عذرية الفتاة العربية و لكنه لا يطلبها من الأجنبية .
يتحدث عن سخافة الكثير من شبابنا في المهجر و حتى في الداخل من إقامة علاقة مع فتاة و إن كانت جدية يسألها عن خلفيتها الإجتماعية و علاقاتها .
و لكنه ينسى خلفيته و علاقاته متعذراً بما سمح له عن الفتاة .
يمرح و يلعب مع فتاة الغرب بحجة أنه يتسلى
و لكن الفتاة الغربية مخلصة و محبة أكثر من بنت العرب و لكنها للأسف أخذت فكرة خاطئة من شبابنا الذين يلعبون في أعراض الناس .
و عندما يقرر أن يتزوج يبحث عن من لا علاقة لها في ماضيها .
عذراً ربما أخذت الموضوع من ناحية أخرى و لكم محبتي .

طلال


موقع زيدل سوريا حمص  .. خدمات تشات و دردشة  ... أرشيف المنتدى



vBulletin Copyright ©2000 - 2008, Jelsoft Enterprises Limited.
vB Easy Archive Final ©2000 - 2008 - Created by Stefan "Xenon" Kaeser