الارشيف - الفورمولا 1

Pages: 1

الفورمولا 1
(انقر هنا ان احببت مشاهدة الموضوع الاصلي بالالوان و الصور )

Posted by: talal_alachkar

لمشجيعي سباقات الفورمولا 1
سوف سنطلق السباق الأول يوم الأحد الواقع في 16/03/2008
كل التوفيق للمكلارين ميرسيدس في هذه البطولة
مع أنني أحب كيمي رايكونن و سوف أحب الفيراري لأنه موجود فيها فقط .

طلال

Posted by: hosam abdulaziz

ولك يا طلال حاج تخبص
نقيت الفريقين المتوقع انهم ينافسوا لتشجعهم ؟؟؟؟
حدد من هلق يا الفيراري او المرسيدس

بس بدك الصراحة هالرياضة بعد شوماخر ما بتنحضر , بعرفك ما كنت تطيقه بس هي الصراحة.

Posted by: sulieman safar

..............بس بدك الصراحة هالرياضة بعد شوماخر ما بتنحضر , بعرفك ما كنت تطيقه بس هي الصراحة

مو ناقصنا غير شلة الفورميلا تفوح علينا مثل الدبابير.

بدك الصراحة حسام هالرياضة ما بتنحضر لا من قبل ولا خلال ولا من بعد شو مكار.

ولكم كثر الازعاج مني والمحبة طبعاً
سليمان

Posted by: Kinan

و الله يا طلال انا من زمان ما عاد تابعتها ما عاد في وقت بس لهلق اذا بقدر احضر ليش لاء و انشالله ناوي سنة الجاي بس يفتتحو حلبة ابو ظبي بـ 2009 انو احضرها عالواقع
معوم من هلق ما تقول ما حكيت :d

Posted by: sulieman safar

مبروك للغالي كينان ولكن ياجماعة يا حضور يا بني أدم !!!!!!!!!!!!!
حدا بيحط مصاري لحتى يشوف سيارات تلف وتدور حول دائرة مع العمرفة بأن هذه السيارات سوف تنقرض داخل عشورن سنة وكانت مسببة لأكبر كارثة للبيئة في المئة عام السابقة. وفي عالم بيقولوا على مهلك عم سليمان كلها شغلت غرور بيمر فيها المرء وبتمضى.لا لالا لا لا لالا لا
انا لا أرضى بذلك ولسبب انها عبارة عن مرض بالنفس مسترطل(كلمة جديدة) ليسبب السرطان في المستقبل. أين أنتم من التغير في الطقص الجوي العالمي والذي يهدد بانقراض البشرية؟
تضربوا انتم وسيارات الفورميلا.
ولكم محبتي
سليمان.
ملاحظة.
هل يا ترى انو الغالي كينان يتصور نفسه في سيارة فورميلا في شوارع زيدلنا الحبيبة تمشي بسرعة السلحفات؟ والله هيك حق معو.

Posted by: hosam danial

والله يا عم سليمان الصراحة أنا من مشجعين الفورمولا 1
ومثل ما قالوا بعد شوماخر ما بتنحضر
لانو مارح يصير منافسة
وأنا كنت أسهر للساعة خمسة الصبح لاحضرها مباشر
بس أذا بدنا نحكي هيك: أنو حرام الواحد يحط مصاري ليشوف
سيارات عم تبرم
ليش ما بتقول : 24 لاعب وملايين المتفرجين ومدري كم حكم
مدووشين ببلاستيكي وهي كرة القدم
والكن مني أكبر تحيي

Posted by: Kinan

خال حلوة منك هاي بالستيكي لانو اني يمكت اذا كنت تابع شي بالرياضة هوي الفورميلا 1

عم سليمان يعني التلوث كلو طلع من سيارات الفورميلا 1 و نسيت كلشي بيعمل تلوث بس ولا يهمك عازمك الك كمان مع طلال بس مو لا تحضر الفورميلا 1
لاء عازمك على كم قنينة نبيت شو رأيك ؟؟

Posted by: talal_alachkar

يعني يا شباب المنافسة باينتها حامية و لسا السباق ما بلش
أول شي حسام عبدالعزيز
حبيب القلب حسام انا متل مابتعرفني معشوق المارسيدس و من محبي كيمي و قلت سوف أحب الفيراري لأنه موجود فيها يعني لو مانو موجود مرح حب الفيراري هههههههههه.
عمي سليمان
يازلمي الله يسامحك كل الكيماوي الذي تستعمله و البخ الكيماوي الذي تبخ به الخيارات هذا كله ليس بضرر على البيئة هههههه.
للمعلومات
تم فرض شرط على الحلبات بزرع أشجار دائما الخضرة في الحلبة توازي إنتاجها للأوكسجين و إستهلاكها للكربون ما يعادل صرف جميع سيارات السباق للكربون .
أما الان فتم تصميم جهاز KIRS
للحد من التلوث الناتج عن السيارات .
يعني عمي سليمان صار فيك تقول أنو سيارة الفورمولا 1 أنها أخف تلوث من تركتورك الي عم تفلح فيه الخيارات كانك راكب شي فيراري الله وكيلك هههههههههههه.

معلومة جديدة
شركة مرسيدس بينز لها 40% و رون دينس و منصور عوجة 25 % تقريباً و 35 % للعائلة المالكة في البحرين .... هذه حصصهم في شركة المرسيدس للفورمولا 1 .
وشكراً

طلال

Posted by: Jon Aroush

والله يا شباب رجعتوني 7 سنين لا ورا أخر مرة بحضر فيها هاللعبة الي بعتبرها أكثر لعبة حماسية aver see
وليش حدي يسألني ليش بسبب إعتزال الاعب ميكي هكنن الفلندي سائق الميرسيدس ميكلارن سابقاً ولي كان عقدت المتعجرف الألماني لا 5 سنوات

مايكل شوماخر
و للعم سليمان بؤلو أني كنت مثلك هيك فكر لاحتى رائبت كيف اللعبة و قوانينهي و طريقة اللعبة و طريقة تقسيم اللعبين بين صانعين و سائقين بالنتائج .... تغيرت نظرتي إلهي so
تعلم كيف اللعبة و أني متأكد 100% أنك رح تصير تفيء بالليل الساعة 2 و 3 الصبح مثل حسام و أني لا بس تحضر التجارب الرسمية مو حتى السباق الرئيسي

>> talal + Hosam

Posted by: hosam abdulaziz

اقتباس:

ولي كان عقدت المتعجرف الألماني لا 5 سنوات

شكرا جون ضفتلي بردك معلومتين جداد
الاولى انه هاكينن كان عقدة شوماخر !!!!!!!!!!
انا لا اؤمن بوجود عقدة لمايكل شوماخر سوى مايكل شوماخر نفسه لدرجة انه بسنة الـ2005 وقت عملوا تغيير جذري بالفورملا واحد ضد مايكل شوماخر و الفراري بعدالموسم الممل وقتها نتيجة سيطرة مطلقة للفيراري
و صرحوا علانية وقتها بانه هالقوانين اصدرت لكبح جماح هالثنائي.(اهمها كان تغيير مبدأ التجارب الرسمية جذريا)
بعدين شو هالعقدة هي اللي طلع من الرياضة بسبب سوء نتائجه و تدني مستواه و عأساس طلع يريح سنة بس صاروا 8 و ما بين و لعد يبين.

الثانية انه مايكل شوماخر متعجرف:
انا ما رح ناقش بخصال هالبطل , بس الشعبية اللي عملها مايكل شوماخر للفورملا واحد (كانوا خايفيين تنهار بعد اعتزاله) اضافة للشعبية اللي بيتمتع فيها هالسائق حول العالم كافية لوحدها لدحض كلامك.
و ما بحياته شخص متعجرف غدر يعمل نجومة عالمية.
رح اعطيك مثال قريب منك:
كان في نجم اسطورة من وقت قريب بعالم كرة السلة اسمه مايكل جوردان ما ظل كبير و لا صغير بكل انحاء العالم الا و حبوا هالنجم و فريقه شيجاغو بولز و لهلق الكل بيحكي باسمه.
و في لاعب حاليا من مدينتكنم و انتم بتعشقوه اسمه كوبي براينت و امكاناته الفنية قد تصل لما كان عليه مايكل جوردان , لكن لو قارنا بين شعبية اللاعبين على مستوى العالم لتجاوز جوردان , لبراينت بمئات النقط و السبب هو عجرفة الثاني و نفسيته الحامضة حتى مع زملائه.
شعبية جوردان عالمية , بينما براينت محصورة بين مشجعي الليكرز.

لو رجعت للفورملا استطيع اعطاء مثال هو الونزو
الونزو سائق ممتاز لا جدال في ذلك , لكن طباعه منعت من صناعة نجم Star في عالم الفورملا واحد و تكشفت هذه النفسية خلال تجربته مع المرسيدس. و التي دفع غاليا ثمنا لها.

على كل شكرا لمرورك و انا شايف بعيونك الحرقة اللي عاملك اياها شوماخر انت و صديقك هاكينن.

Posted by: sulieman safar

اهلين جون واكبر سلام للعروس واهلها الكرام. حطيت السلام بالأول لأني متأكد انك رح تغضب بعد قرائت هالكتابي وما توصل السلام في حين اني حطيتو في أخر الكتابة.

..............والله يا شباب رجعتوني 7 سنين لا ورا
حميد ربك في عالم رجعة للعصر الحجري بالتفكير من ورا هالرياضة.
أنا كنت تابع هالرياضة ليوم ما سمعت مقابلي مع اكبر متعجرف في تاريخها, نيكي لودر. الزلمي قال اذا مر على سائق على وشك الموت ومحتاج لمساعدته بيضل داعس على البانزين وماشي لأنو الربح اهم من الحياة( هلق بيقول حسام الفتها من عندك عمي سليمان). شو هالبهايم وصدقاً في هذا العصر نحنوا ليس بحاجة الى الرجوع الى قوانين الغاب .
يبقى تحليل هالرياضة عندي عبارة عن غوة وغرور مخلوط في جهل لما هوا رياضة. يعني تصور جون حسام وحسام ثنيهم طوال = شو مكار طويل= احتمال انو الحسامين يصبحوا سائقين فورملا . بصراحة تشجيع من اطرافهم اعتبرها عبارة عن منطق السراويل البدون مطاط, اذا لم تمسكها بيدك دائماً قد تسلت وتتعرض للهزل والضحك. لذلك جون لف يطقك وشيل من حارة الفورميلا ما والا رح تعلق بيناتنا بالشعر ولعلي أعطيك مثال:

شلي ما بتفهم بنخر المساس
ورح يصيروا سيري بين الناس
ارجوكم اعلنوا الافلاس
قبل ما تصيروا للناس مداس
واحتاج لتنجير روسكم بالفاس.

لجون العرعوش ولكم محبتي .
سليمان

Posted by: a_aroush

والله و مية أهلا بأخي الغالي جون , اي من زمان عملو منتدى للفورميلا ون لنشوف جون معني .

الله يكبر العقل بالعالم , والله مثل ما بيقول المثل : ال......... لو طارت بتغطي عين الشمس , شو هالرياضة وشو هالحر هاذ !! والله عم سليمان قد ما تحاول تقنعهن صعب ان تقنعهن بس عبيلهن الفراغ

. معتبرينها رياضة كمان و متعة !! المشكلة انها مانها متعة لا للي بيخضروها مباشر بالواقع و لا للي بيحضروها عالتلفزيون .

بدي افهم شو رح يطلعله متعة للي عم يحضر السباق بالواقع عم يستني كل النهار تحت الشمس او المطر عم ينتظر لتمر سيارة , اي ضارب على قلبة ما يروح يطلع عالاوستراد الف سيارة بيمرقوا بدقيقة . أما اللي عم يحضر عالتلفزيون يعني من اول السباق لآخره نفس المشهد ( سيارة ورا سيارة ) يعني الواحد ممكن يفوت عالتواليت و بعدها يتحمم و يحلق دقنه و يطلع و المنظر هو هو ما راح عليه شي لساهن سيارتين ورا بعض .

لا و كنان بيقول لطلال :

اقتباس:

و الله يا طلال انا من زمان ما عاد تابعتها ما عاد في وقت

عندي خبر الك كنان ما راح عليك ولا مشهد .. لساهن سيارتين ورا بعض

بس كله كوم و منتدى خصوصي للفورمولا ون كوم ..

.

عفكرة هي مشاركتي ون .. بمنتدى الفورمولا ون .. أكيد ما رح يجيني منها لا اهلا و لا سهلا

الله يخليلكن هالعقلات جوزناهن قال و عذبني قلبني تعا جن معي عم سليمان.

Posted by: imad_dahi

Mabrouk lel Ferrari

o ya Talal .. ayam el maclaren ra7et ya 3eni

sar abel ma tfakro tnafso el ferrari, lazem tenafso el BMW la 7ata tawslo lel Ferrari

موقع زيدل سوريا حمص .. خدمات تشات و دردشة ... أرشيف المنتدى