الارشيف - على رصيف المحطة

Pages: 1

على رصيف المحطة
(انقر هنا ان احببت مشاهدة الموضوع الاصلي بالالوان و الصور )

Posted by: lordfady

اعرف و نحن على رصيف المحطة انك تنتظرين رجلاً آخر

و اعرف أنني لم أكن سوى مروحةً صينية خففت عنكِ حرارة الصيف ورميتها بعد الصيف

و اعرف ايضاً أن رسائل الحب التي كتبتها لكي لم تكن سوى مرايا رأيت فيها غرورك

و مع هذا سأحمل حقائبك و حقائب حبيبك

لأنني استحي أن اصفع امرأة تحمل في حقيبة يدها البيضاء أحلى أيام عمري

Posted by: talal_alachkar

مرحبا فادي
الحق عليك ليش أشتريت مروحة صينية الله يسامحك
لو انك مشتري مروحة يابانية أصلية ما كانت سافرت .
مع محبتي لك للمزح فقط

طلال

Posted by: lordfady

مرحبا طلال هلا تركت الموضوع ولحقتلي المروحة؟؟؟؟؟؟؟؟؟؟؟؟؟؟

انا بدي رايك بالموضوع مو بالمراوح

Posted by: wajdy barakat

والله يا اخ لورد لو انك اشتريت مكيف حامي بارد ما كان صار اللي صار ممممووووووووووو؟؟؟؟؟ ههههه
بس على كلن اني محلك عطيتها كف وهديت رفيقها كفين هههههه على كلن ولا يهمك الف بنت بتتمناك

Posted by: عشتروت

اقتباس:

المشاركة الأصلية كتبت بواسطة lordfady

اعرف و نحن على رصيف المحطة انك تنتظرين رجلاً آخر

و اعرف أنني لم أكن سوى مروحةً صينية خففت عنكِ حرارة الصيف ورميتها بعد الصيف

و اعرف ايضاً أن رسائل الحب التي كتبتها لكي لم تكن سوى مرايا رأيت فيها غرورك

و مع هذا سأحمل حقائبك و حقائب حبيبك

لأنني استحي أن اصفع امرأة تحمل في حقيبة يدها البيضاء أحلى أيام عمري

الأخ فادي

خاطرة قصيرة ورسالة بسيطة لم أجد فيها فكرة جديدة

كل الأقلام الشابة تكتب حول قصة حب فاشلة، ورسالة

كتبها للحبيبة وندم على كتابتها بعد اكتشافه خيانتها وإلى

ما شابه ذلك ...

يا ترى
هل جرب أحد منكم أن يكتب عن خيانته هو مثلاً؟

هل تجرأ أحد من الشباب أن يكتب كيف يسمح لنفسه ما

لايسمح لحبيبته أو أخته ؟؟؟

هل فكر أحدكم أن يكتب خاطرة عن هموم مواطن أو

شاب في تأمين لقمة عيشه أو في حصوله على وظيفة بعد

تخرجه من الجامعة ؟؟؟

أغلب ما يكتب من قبل الشباب هو حول خيانة الحبيبة

وكأن الرجل هو الملاك المنزه ....

لماذا تلقون اللوم دائماً على المرأة؟؟

إلى متى تبقى أفكار شبابنا ذكورية ؟؟

إلى متى يبقى مجتمعنا ذكورياً ؟؟؟

فادي أردت رأيي وهذا هو وأنا أنتظر جديدك ولكن

بأفكار جديدة وموضوعات إبداعية.

أتمنى أن أقرأ خواطر أكثر موضوعية وبأفكار جديدة

وبطرح جريء.

همسة :

الأخ فادي كلمة ( لكي ) دائماً احذف منها حرف الياء

وعوّض بدلاً عنها الكسرة = لكِ - أنتِ - وهكذا

بكل المحبة

ثناء

Posted by: lordfady

والله الحء معك يا ثناء وبتشكرك ع الرد اوكي بدي غير شوي باسلوبي بتنزيل المواضيع
ع فكرة عم تشجعيني حط مواضيع لما بشوف حدا بيعلق عليها وخصوصا الاخطاء الاملائية

Posted by: عشتروت

اقتباس:

المشاركة الأصلية كتبت بواسطة lordfady

والله الحء معك يا ثناء وبتشكرك ع الرد اوكي بدي غير شوي باسلوبي بتنزيل المواضيع
ع فكرة عم تشجعيني حط مواضيع لما بشوف حدا بيعلق عليها وخصوصا الاخطاء الاملائية

اللورد فادي أهلا ً بك دائماً

وثق تماماً أن من يريد مصلحتك وتطور كتاباتك هو الذي ينتقد مواضيعك ويقدم لك النصائح من

باب الإفادة وليس التجريح .

أنتظر مواضيعك الجديدة وسنعلن قريباً عن مسابقة في كتابة الخاطرة نخبركم عنها في حينه .

بكل المحبة

ثناء

همسة :

بما أنك تكتب في قسم عذب الكلام الرجاء منك الابتعاد

عن الكتابة باللغة العامية قدرالإمكان مع الشكر.

Posted by: celine

ما بعرف اذا بيحقلي رد بطريقتي هو انو الموضوع ذكرني بمسرحيةلفيروز انا كتير بحبها واللي هيي المحطة ........واللي بتدور حول صبية اسمها وردة بانتظار قطار رايح عالشمال هيي اخترعتو وهيي عم تستناه وقدرت تقنع الكل فيه وانو السكة الحديدية للقطار موجودة بحقلة بطاطا وعلى الرغم من انو مافي أي سكة أقنعت الكل وصارت محطة ......واجتمعوا المسافرين وقطعوا بطاقات واجو بياعين الكولا والقهو ة ووووو ........وبالاخير انقطعو كل التذاكر وهيي راحت بالعجقة ومالحقت تقطع تذكرة واجا القطار اللي رح ياخدها لعند حبيبها اللي بالشمال و النهاية الرائعة ........مع اغنية ايماني ساطع يابحر الليل ..........مهما تأخر جايي .........يمكن اللي ذكرني بهالمسرحية انو في بين وردة والأخ( لورد فادي) (واللي أنا ما بعرفو ولا بعرف قصدو من الخاطرة )في قاسم مشترك هوي هنن الاتنين عندهن ايمان بشي معين أو فكرة معينة ..........حلو الواحد يكون عندو ايمان بفكرة ........أنا عجبتني الخاطرة على الرغم من ذكوريتها ......وأكيد انا تجردت من هالفكرة وحبيت الخاطرة وأكيد بوافق الأخت ثناء الرأي ........

لماذا تلقون اللوم دائماً على المرأة؟؟

إلى متى تبقى أفكار شبابنا ذكورية ؟؟

إلى متى يبقى مجتمعنا ذكورياً ؟؟؟

وبتمنى نتجرأ ونطرح مواضيع أقوى .............

حدا يعطيني ورقة حدا يعطيني ورقة ...........فيروز المحطة

Celine......................

Posted by: issa george

مسااالخير على الجميع ..

بحب أسأل السيدة عشتروت إذا كانت هذه الكلمات لشاعرنا الكبير نزار قباني (الله يرحموا ) رح يظل رأيها هيك ....؟؟

وشكراً للجميع

Posted by: talal_alachkar

عزيزي فادي
لقد عنيت المعنى في المروحة و لكنك للأسف لم تكتشفه

معروف أن المراوح الصينية صناعة تقليدية تجارية لعمر قصير و مؤقت .
ومعروف أن المراوح التي هي صناعة يابانية قوية و متينة و لا تتأثر بالعوامل الجانبية و طويلة الأمد .

هل وضحت الفكرة ؟؟

إن لم تتضح لك سو ف أشرحها لك مع المحبة في رد ثاني .
وشكراً

طلال

Posted by: lordfady

بتشكرك celine ع مشاركتك بصراحة انا حبيت حط هيدي الخاطرة بزاوية عذب الكلام بس هيك لمجرد كتب عن حبيبة تركت حبيبها لاسباب متل ما بقولو المعنى في قلب الشاعر

انا بحب الشعر عن الحب اكتر من اي اشعار اخرى

وبتشكرك كتير يا طلال انا ما قصدي كمان شي بس كنت حابب اخد رايك ب الخاطرة بس هيك انتا اخ عزيز وياريت نتعارف اكتر ع بعض
بصراحة انا ماني من مدينة زيدل بس حبيت هيدا المندى كتير وحابب كون صديق للجميع بهيدا المنتدى وانشا الله بنزوركن شي يوم ع مدينتكم

والك شكر خاص يا ثناء ع مشاركاتك والرد ع المواضيع اللي عم حطها
بتشكر الجميع

Posted by: talal_alachkar

عزيزي فادي
بما أنك صاحب معدن أصيل فيجب عليك أن تختار في هذا العالم كل ما هو أصيل مثلك .
الذهب عندما تضعه في سنسال من معدن أخر غير الذهب ، فيبدأ بالتأكل لأن المعدن الغريب ليس بالذهب و يبدأ بأكل معدن الذهب.
أرجو أن تكون الفكرة وضحت
و شكراً لك

طلال .

Posted by: lordfady

بتشكرك كتير يا اخي طلال اكيد وصلت

وانشاالله نكون اصدقاء بكل معنى الكلمة

Posted by: بنت القمر

خاطرة قصيره موضحة ما فيها خبايا ولا الغاز
حبيب خانته الحبيبه
بس انشالله هالخيانه ما تيجي بدافع انتقام
وتعتزل الحب والنساء
اما بالنسبه لما ذكرتموه جميعكم
المجتمع بالعكس ليس ذكورياً بل نصفه انثوي بمعنى الكلمة
والخيانه تاتي من الطرفين سيدة كانت أم رجل
هذا رأيي الشخصي
لكم محبتي

Posted by: lordfady

بتشكرك يا بنت القمر ع التعقيب ع الموضوع
بس الخياة اللي قصدت فيها هي تركتو ربما لانو شافت شخص اغنى منو وهيدي الحالات كتير تحصل عند البنات اكتر من الشباب بتترك حبيبها كرمال المادة

Posted by: painmaker

lordfadi:
عشت
خاطرتك لامست شيئا بداخلي

Posted by: lordfady

شكرا يا pain maker
بتمنى انو راي الجميع كشعر وليش ك حالة معينة انا عم لاحظ انو اغلب الرد عم يفكرو انو عم بقصد البنت بحد ذاتها

Posted by: painmaker

مرحبا لورد:
هذا ما قصدته بالضبط
أتمنى عليك متابعه خواطري
سأنتظر ردك فهو يهمني
تحياتي

موقع زيدل سوريا حمص .. خدمات تشات و دردشة ... أرشيف المنتدى