الارشيف - رحلتي إلى محطة المحروقات

Pages: 1

رحلتي إلى محطة المحروقات
(انقر هنا ان احببت مشاهدة الموضوع الاصلي بالالوان و الصور )

Posted by: iyad tahhan

ربما سيفهم البعض أن أكتب موضوعاً فكاهياً و ما العيب في طرح مشكلة يعاني منها المواطن بأسلوب فكاهي يكون أقرب إلى جميع القرّاء ؟
أعزائي و أخص منكم من هو يمتلك محركات الديزل ( المازوت ) حين تقرر الذهاب إلى إحدى محطات الوقود لتؤمن لمحركك قوته اليومي عليك أخذ الحيطة و الحذر من العواقب التي يمكن أن تواجهها في طريقك و لذلك أقترح عليك عزيزي أخذ كل المستلزمات الضرورية لهذه الرحلة :
طبعاً ملاحظة : قبل كل شيء يجب عليك أن تسأل باستمرار كل المارة من أما المحطة أو أن تذهب أنت لتستعلم متى سيأتي ..... و توقع أن يقول لك إذا أتى مساءً سيكون التوزيع في الصباح الباكر و في هذه الحالة يجب عليك النوم الباكر و لتستيقظ في الساعة الرابعة فجراً لتلحق نفسك في أول الطابور مع العلم أنه لن تكون أنت من يفكر بهذا التفكير فقط بل هناك من فضل النوم أمام المحطة .
أولاً : يجب أن تتوقع أنك ستقف في طابور طويل من السيارة التي تعاني نفس مشكلتك .
ثانياً : يجب عليك أخذ القليل من الطعام تحسُباً لبقائك لساعات طوال في انتظار دورك .
ثالثاً : يجب عليك أخذ بعض وسائل الترفيه أو أي من المشروبات الساخنة مثلاً ( متة , شاي , قهوة ... إلخ ) أو بعض السوائل الباردة و طبعاً حسب حالة الطقس .
هذا و بكل بساطة أقول أنك حين تقطع كل هذه المسافة الشاقة التي تبلغ أحياناً 1 كيلومتر و تقول في خاطرك الحمد الله أني سأصل أخيراً يصرعك منظر اعتدت عليه و هو أن ترى عامل المحطة بكل ابتسامة يقول لك انتهى و انشالله بكرا يكون عندك حظ و تلحق تعبي مع وضعه للوحة كرتونية كُب عليها لا يوجد ..... و تعود أدراجك مُكتئب .
إلى متى هذه المعاناة و ما هو سببها ؟

Posted by: النبكي الطيب

الاخ الكريم انت وين عايش؟ وبعدك عم تسأل عن سبب المعاناة ؟
راح اعيدلك السبب وهو معروف للكثيرين ومؤلف من ثلاث اسباب
1- الجشع والطمع
2-الدناءة
3- استغلال السلطة
وللاسف حتى الان السلطات الامنية لم تستطيع ان توقف زمرة
من المهربين المدعومين من بعض اصحاب النفوذ ربما لانهم اقوى منهم
او هم شركاء في التهريب
والمواطن المسكين يسمع ويشاهد ما يجري وليس بيده حيلة ولا يدري من اين ياتي الحل
واما اصحاب المحطات التي تزود المهربين بالمازوت فاقول لهم خافو من الله ولا يجعلكم الجشع والطمع
عرضة لدعوات الناس فدعاء المظلوم ليس بينه وبين الله حجاب

Posted by: sulieman safar

بما انو الموضوع موضوع مزح انا رح اعطي رأيي فيه اكيد.
الصديق الغالي اياد:
قرأت ما كتبته بدقة ولكنه يبدوا انك لا زلت تحتاج الى حنكة وفن لكي تستغل الموقف لصالحك وعلى سبيل المثال:
لو وضعت تنور متنقلة على ضهر شاحنتك, وتأكد انها تعمل بواسطة المازوت, وابتدئت تخبز وتبيع خبز التنور اكيد انك رح تسوي مصاري اكثر من صاحب المحطة. وعند نفوذ وقود التنور اكيد الكل رح يعطيك دور لكي تملئها ومن ثم تملئ شاحنك وتذهب الى بيتك مملوء قلبك بالفرح وجزدانك بالمال.
الصديق النبكي الطيب:
انت ذكرت...............من المهربين المدعومين من بعض اصحاب النفوذ ربما لانهم اقوى منهم
او هم شركاء في التهريب .
لعلك توافقني ان المهربين يبيعون المازوت بأرباح باهظة ويرجعوها الى البلد الحبيب, اي انهم في طريقهم الخاصة يكسبون أرباح للوطن,و كلنا من الوطن والوطن للجميع.
ولكن الحل الجذري, كوني عبيت مازوت منذ عشر دقائق وبسعر دولار ونصف اميركي للتر, هو رفع سعر المازوت الى مستوى السوق العالمي اي 75 ليرة سورية للتر(10 اضعاف) وعندها نتخلص من الصديق اياد وتذمراته وشاحنته وتنوره والمهربين وصاحب المحطة والمحطة والجشع والطمع.
ليس هناك أي حل اخر.
ولكم محبتي.
سليمان.
ملاحظة للصديق اياد:
من بعد ارتفاع سعر المازوت قد يجوز انك تحتاج الى بطحة عرق بدل من المشروبات التي ذكرتها.

Posted by: iyad tahhan

أول شي بدي اشكر الأخ النبكي الطيب على مشاركته للموضوع
ثاني شي يا عم سليمان انا و انت ما اختلفنا على التنور و بعدني ناطر رجعتك للنبلش بمشروع التنور بالضيعة بس انك تعطيني استثناء لانو استغل التنور مؤقت حتى توصل انت على الضيعة بخير و سلامة هيك بكون ممنونك بما انو الفكرة كثير حلوي و خصوصي قدام محطة زيدل لوجود عدد كبير من السيارات واقفي ناطرة دور لتعبي مازوت و اكيد رح تجوع هالعالم و أكيد رح يعجبها منظر خبز التنور و هيك هي بتاكل بالصحة و العافية على قلبهون و انا كمان بعبي مازوت و جيبي كمان و طبعاً رح ارجع قلك استغلال التنور مؤقت لتوصل انت بالسلامي و تستلم ادارة التنور .
بس ياريت عم سليمان بلا فكرة الحل اللي ذكرتها عن رفع اسعار المازوت بالمساوات مع الاسعار العالمية ولا يعني على حظي بدك تخرب مالطا .
مشكور عم سليمان على روحك المرحة بالرد و عل اطيب خبز تنور من ايدك

Posted by: silva

شكرا للأخ اياد لطرحه للموضوع لأنه يدل على عمق المعاناة لجميع المواطنين ..وما نتمناه أن تنتهي الازمة بأقرب وقت ..ولعله لم يذكر معاناة المدافئ فهي نظيفة ولن تحتاج الى تنظيف لأن بعض اصحابها لم يصلهم دور الصهريج المازوت ...ومن وصل اليهم لن تكفيهم الكمية
ثقتنا كبيرة بالخلاص القريب

Posted by: كاترين

مرحبا

صراحة الموضوع جذبني لسبب واحد انو هالشي موجود كتير عنا بغزة

قبل فترة انقطع بنزين السيارات ومافي سيارات في الشوارع

وياعيني عندي امتحان نهائي بالجامعة وحلني عاد ضل ربع ساعة للامتحان وانا لسه ضايل علي امشي ساعة وربع من وين بدي اصل مستحيل مافي سيارات
والحمدلله لطف الله بعتلي واحد من السما كان بسيارتو وماشي كان لازم اتصرف وقفتو وحكتلو مشكلتي والحمدلله ابن حلال رضي يوصلني للجامعة واخدت الامتحان وعدا اليوم على خير

هاي مجرد مشكلة من اقل المشكلات اللي بنواجهها بغزة ناهيك عن ارتفاع الاسعار وانخفاض الدولار وجشع التجار بخبوا البضاعة ليبيعوها بالغالي كمان لما بيدخل بنزين مين بياخدو وبيحتكرو السلطة طبعا لسياراتهم واعمالهم

مافينا نحكي الا حسبي الله ونعم الوكيل على اللي كان السبب
الله يصبرنا على الوضع ويفك ازمتنا وازمة الكل

تحياتي

Posted by: sulieman safar

الصديقة كاترين الف مبروك وصولك الى الامتحان على الوقت واتمنا لكي النجاح. ولكن شو بدك لقد هبطت دقات قلبي وضغطي الى 23 على 11 قبل وصولك الى الامتحان النهائي وادعي الرسوب الى كل من كان سبب رهفتك من الحكومة نزولاً.
ولكي محبتي.

Posted by: rsafar

والله وماني عارف ليش محملين الاصة كل هالأد ليش ما بتنظرو للناحية الإيجابية فيها؟؟؟؟؟؟؟؟؟؟؟

يعني لما مابتعبي السيارة كل يوم يا إياد رح يخف مصروفها من جهة ورح تخفف تلوث بالبيئة من جهة تانيي

أما بالنسبي للصوبيات يااخت سيلفا بتصور كل هالشي من شان يتوجه المواطن للطاقة النظيفة يعني من شو بتشكي المكيفات والبطانيات؟؟؟؟؟؟؟؟؟؟؟؟؟؟

بس عجبتني فكرة التنور لأني بحب خبز التنور كتير لكن بتمنى ما يكون عالمازوت لأنو هيك رح تقطعنا من الخبز كثير عالأقل لحد ما يجي دورك بتعبايت المازوت من شان هيك بقترح عليكن ترجعوا عالحطب أوفر وأطيب!!!!!!!!!!!

بس منين خطرت ببالك فكرة رفع سعر المازوت يا عم سليمان؟؟؟؟؟يعني مو مكفيتنا الحكومي جايينا انتي كمان!؟!؟!!؟!؟!؟!؟

تقبلو مني كل المحبة

رامي

Posted by: hosam abdulaziz

انا سمعت انه الدولة رح تعمل المازوت عالبونات
يعني مثل السكر و الرز كل عيلة بيطلعلها كذا ليتر سنويا تناسبا مع عدد الافراد.
مثلا كل عيلة 5 افراد بيطلعلها كوبونات بقدر 5000 ليتر.
كل واحد عنده سيارة شحن بيعطوه بقدر 50000 ليتر سنويا
طبعا هذول بسهر 7 ليرات لليتر.

و اي ليتر بتشتريه بلا كوبون بيكون بسعر عالمي لنقول 50 او 75 ليرة .

و هيك بيكونوا حموا المستهلك العادي , و حاربوا المهرب.

شو رايكم

Posted by: hosam danial

طيب اذا عملوا المازوت على الكوبون
بيتخلص الشعب من هالحالي اللي
حكا عنها اياد
أنا بعتقد هيي هيي ..لانها عوجا
طيب بالمؤسسة في كوبون وعلى أساس نظام
أنا ماشفت شي من الترتيب والنظام
و كثير ناس ما عم تنتظر الكوبون تبع المؤسسة
وعم تشتري من المؤسسات الخاصة
لهيك انا متأكد رح يصير هيك بالكازيات
ورح يضل تهريب لانو العالم ما رح تكفيها
المخصصات اللي من الدولة ورح اتم الفوضى
لانو مثل ماقال النبكي
في ناس أقوى من السلطة
ملف مرفق 3615

Posted by: sulieman safar

بالفعل انو بالتالي طلع معنا حل للأزمة والشكر الكبير للصديق الغالي حسام , مو حسام الدانيال هذاك ما بيطلع معو غير النكث, وهو حل الصديق الغالي المافي منو حسام عبد العزيز. ولك انت خرجك تكون مدير الحكومي مو مدير المنتدى.
ولكم محبتي.
سليمان

Posted by: ABUODEE

اخي الحل موجود والشغلة بدها على قولة الخال سليمان بدها شوية مرونة بالتفكير
الحكومة لازم توزع على الشعب احصنة
اي نعم احصنة

كل عيلة على دفتر العيلة بيطلعلها حصان (فرس يعني) خيول
ومعو بوناتو تبع الاكل(العلف)
واذا انقطع العلف كل مواطن بياخذ حصانو واقرب حشيش بالمنطقة بيدق فيه
هيك بنكون وفرنا استهلاك مازووط قصدي مازووت
وبالمرة كمان بنكون خلصنا البيئة من التلوث الدخاني والحشيشي
لانو على حد علمي الحصان مابيطالع دخان
واكيد بتصير الدولة تعمل دورات لركوب الخيل
يعني الشعب مانو متعود يركب
خليه يتعلم ركوب الخيل خطي بيصير عندو هواية وحرفة بنفس الوقت

مابدها كتير تحميل والموضوع كلو مرن وبدو شوية مرونة
وتحياتي للجميع ولصاحب هالرحلة

اما اذا بدك تريّح حالك من كل هالصرعة يا اياد مالك غير تشتري شي بقرة
اربحلك من تنور الخال سليمان لانو على مايبدو هالمشروع صار معروض على كذا واحد
مني وانت ماشي من قبل الخال

والكم وللخال تحياتي الحارة

بس بعد فترة رح تلاقي الشعب بلّش تهريب الخيول على لبنان
بيطلع على الخيل من الحدود بيبيعو بلبنان وبيرجع بيفوت على بسكليت
مافي خوااااص

Posted by: hosam abdulaziz

اقتباس:

يعني الشعب مانو متعود يركب

عجبتني هالجملة عبودي , بس يمكن كانت ازبط لو نسخناها و ضفنا الها ن بتصير ازبط و معبرة اكثر.

Posted by: iyad tahhan

شكرا اخت كاثرين على الرد و أكيد كلنا مندعيلكون بغزة انو الله يحميكون و يخلصكون من هالظلم العالمي .
أخ rsafar أكيد كلنا مع نظافة البيئة لاكن اذا البيئة بس على حظي و حظ أصحاب السيارة و اللي عايشين ببيوتهم عم يدفو على المازوت شو بدنا نقول على المصفاة و على باقي المعامل اللي المدخنة الواحدة فيها بيطلع دخان بالجو ما يعادل كل مداخن سيارات و بيوت حمص و كمان إذا قلنا لازم نرجع على الحطب بعتقد هذا الشي كمان رح يأثر على البيئة بما انو رح نقص كل الشجر حتى نعملو حطب للتدفئة .
صديقي حسام يعني الفكرة من الناحية الطبيعية للحل تعتبر مقبولة بس اذا كانت رح تتطبق بالفعل ما تصير مثل باقي المواد التموينية و مواد البناء .
صديقي حسام دانيال أي شي تعملو الدولي مقبول المهم ما توقف و تقول مافي حل و نحنا منقول انشالله نوصل لحل .
عبودي يا عبودي والله الفكرة و الحل تبعك صعب كثير لانو يمكن الحصان بايامنا صار اغلا من السيارة و مغنج اكثر من البشر و اذا اجينا لأكل الحصان بدي قلك انو الحشيش بهالايام مع قلة المطر صار عملي نادرة يعني ممكن نوصل لتهريب الحشيش من برا مثل تهريب المازوت و العلف أسعارو غالية و بهيك حال رح يضعف الحصان و الله يستر شي نهار نوصل انو الحصان يصير بدو مين يشيلو أو بالمعنى الاصح مثل ما قال حسام .
شكرا لردودكم جميعا

Posted by: lordfady

هيدا الشي صاير بسياراااااااات المازوت

الحمد الله عندي سيارة عالبنزين

موقع زيدل سوريا حمص .. خدمات تشات و دردشة ... أرشيف المنتدى