الارشيف - مبروك التكريم

Pages: 1

مبروك التكريم
(انقر هنا ان احببت مشاهدة الموضوع الاصلي بالالوان و الصور )

Posted by: hosam danial

اقتباس:

قام المجلس البلدي في مدينة بيلوروزنتي بتخصيص يوم 16 تشرين الثاني يوم المغترب السوري
في هذه المناسبة يتم اختيار ثلاثة مغتربين من الجالية ويقلدهم السفير السوري او القنصل ارفع وسام يعطى لمغترب بالبرازيل وهي ميدالية الرئيس حافظ الأسد مع شهادة تقدير تخليدا للذكرى
وفي هذا العام تم التكريم في دار القنصلية وبرعاية وتكليف من السفير السوري الدكتور علي ذيابو قد قلد القنصل ليسيو كدر كلا من السادة الياس مخلوف وكامل الحنا والسيدة حبسة صفر (الأخرس) وجميعهم زيدليون وو ذلك يوم 22-11-2007

الف مبروك التكريم ألنا وللسادة الياس مخلوف و كامل حنا والسيدة حبسة صفر
الحقيقة شي بيرفع الراس
وهيك أشخاص بيستحقوا التكريم لانو تعبوا كثير وتحملوا كثير لصاروا
بوقت يستحوا التقدير

بس بدي طلب من الاب جروج مصيص يعطينا تفاصيل اكثر عن التكريم.

Posted by: samar dahi

الف مبروك التكريم لابناء زيدل ...الحقيقة شي بيرفع الراس ......
بس يا حسام انا عرفت الياس مخلوف وحبسة الاخرس بس ما عرفت مين هوة كامل حنا ممكن تعرفنا مين اهلو بزيدل اذا ممكن ....
مبروك الك يا ابونا جورج مصيص تكريم ولاد جاليتك .....
سلام لكل اهل البرازيل من عندك

Posted by: sulieman safar

اي والله هاذ خبر حلو كثير والف مبروك للمكرمين وخصوص العمة الغالية على قلوبنا جميع حبسة بركات اخرس صفر, هيك صار اسمك مزبوط مو هيك عمتي.
ولكل اهل البرازيل محبة كل اهل استراليا.

ملاحظة للغالية سمر :
ويين دحشتيلي ابونا جورج بالنص؟؟؟؟؟؟؟؟؟؟؟؟؟؟

Posted by: fr george massis

سلامات للجميع
تفاصيل حول التكريم يا حسام مافهمت عليك بالزبط بس هالعادة جديدة بالبرازيل لأنو هاي ثاني سنة بتم والحقيقة انو وقت مجلس المدينة قرر تسمية نهار 16تشرين الثاني يوم المغترب السوري قامت القنصلية والسفارة بمشروع التكريم لأبناء الجالية حيت يتم اختيار ثلاثة اشخاص يشار لهم بالنان ومعروفين وخدموا الجالية فأول سنة كرم كلن من السيد نديم ابو عيد الله يرحمة والسيد محيسن محيسن شماس الكنيسة الدائم والسيدة شمسة عطالله أرملة المرحوم يوسف الفراس وهذه السنة اختير ثلاثة اخرين وهيك كل سنة نحنا على موعد مع تكريمات جديدة والحق يقال الجالية كلها بتستحق هيك تكريم .......
اما ياسمر كامل الحنا هوي ابن عم اللزم للأبو اليان الحنا والعم ابو شعلان
والعم سليمان عقبال عندكم بهيك تكريمات وشكرا على التهنئة باسم كل الجالية العربية السورية في بيلوروزنتي
والله معكم..................

Posted by: wajdy barakat

مبروك التكريم لكل الاشخاص المغتربين بسسسسسسسسسسسسسسسس اهم الشي ستي الغالية حبسة بركات الاخرس صفر ولوووووووووووووووووو انوووووووو اني بعتبرهي بركوتيية بالاذن من كل بيت صفرررررررر ههههههههههههه وعقبال كل المغتربين............وشكرا حسام للفتة

Posted by: hosam danial

أن كانت من بيت صفر او من بيت بركات أو من بيت دانيال
هاذ مانو مهم المهم ضحكتها لكل شخص
وقلبها الطيب .
الله عاطيها روح مرحة مافي منها.
وبتستاهل تكريم على صفاتها الحلوي

بعدين العم سليمان ووجدي
يمكن هيي رح تتبرى منكن
لمن رح تشوف تعليقكن

Posted by: mario

الف مبروك جميع الاشخاص المكرمين و مبروك لزيدل تكريم اهلها
و شكرا الك ابو الحسم عالخبر الحلو اللي بيرفع الراس
بس الحقيقة انا ملاحظ انو الاشخاص السني و السنة الماضية اللي ذكرهن الاب جورج يبدو لي انو كلهن من زيدل فالسوال انو الجالية هي العربية او السورية او الزيدلية هههه
و الله يوفق الجميع و يعطي كل شخص على قد ما بيعطي

Posted by: fr george massis

مرحبة ماريو كيفك وكيف الهل اشتقنالك كثير
الجالية الزيدلية كبيرة ببلوروزنتي وقديمة كثير بس في غير اكيد من حمص وصدد والفحيلة وفيروزة ومسكنة بس بمنطقتنا نحنا الأكثرية .............
على فكرة كنيستنا قلب يسوع من سنة 1925 بيخدمها كهنة زيدليين وهني على التسلسل:
ابونا جورج اليان الحنا
ابونا شمعون يازجي
ابونا توما سيف
سيادة المطران لويس عواد
واخر العنقود جورج مصيص
بقى الجو العام زيدلي وفيك تقول يلي بدك اياه
والله معك.....................

Posted by: shado

مبروك لكل الي تكرموا من اهلنا ب البيلو هوريزونتي والله يطول بعماركن وشكرا ابونا لانك خبرنا هيك خبر حلو بس بدي خص شخص هو الاب والاخ الياس مخلوف ابو كليبر الف الف الف مبروك التكريم وكل اهل البرازيل بيستاهلو كل خير و محبة

:greet ing:

Posted by: silva

ألف الف مبروك لكل من تكرم وتحية تقدير للفكرة الرائعة فهي تعبر عن القيمة المعنوية العالية لمن اطلق الفكرة والتي اتمنى ان تعمم على كافة الاماكن والبلدان

موقع زيدل سوريا حمص .. خدمات تشات و دردشة ... أرشيف المنتدى