الارشيف - فوق وتحت عيونها بيوجعوها وينك يا حكيم العيون تدوايها؟؟

رْجِعْنَا بَعِد غَيْبِة عَ زَيْدَلكُو = الإحْسَاس دَلّ شْعُورْنَا وْدَلْكُو

عَ مُنْتَدَى فِيُّو الشِّعِر مَجْدُول = بِالزَّنْبَق.. وْبِالحُبّ.. جَدَّلْكُو

جْدَايِل شَعَر أشْقَر حِلُو مَسْدُول = وْمِشْط الوَفَا عَ الكِتف سَدَّلْكُو

وْلَو صِرْت عَبِّي المَال بِالمَكْيُول = وْإغْرُف مِن مْغَارِة عَلِي بَابَا

بْمَال الدِنِي كِلُّو مَ بِبْدِلْكُو

*/\*/\*/\*/\*/\*/\*/\*/\*/\*/\*/\*/\*/\*/\*

إْنْتِبِه يَا شَاعِر مْحَنَّك عَ نَصَّك = قَبِل يِغْرَق بِبَحْر الدَّم نِصَّك

عَ طَاوِلْة المَفَاهِيم العَرِيقَة = إرْتَمَى تِحْت الوَرَق مَكْسُور قَصَّك

فِيك تْعَالِج عْيُون الخَلِيقَة = وْبِبِنْت الشِّعِر قلّي إيش خَصَّك؟!

جَايِي سِلّ سَيْفِي!؛. وِالحَقِيقَة = تْرَكِت نِصُّو عَلامِة بْرَاس فَاتِح

وبِثَانِي بْنِص جَايِي اليُوم قِصَّك

*/\*/\*/\*/\*/\*/\*/\*/\*/\*/\*/\*/\*/\*/\*

طَلّ النِدِي عَ الوَرْد ضَوِّي يَا حَلَك = فُوق الأرِض تِحْت الشَّمِس ضَوِّي الفَلَك

فُوق الجَبَل قِمِّة وْتِحِت وَادِي سَلَك = فُوق البَحَر مَوْجِة وْتِحِت دُر وْمَلَك

وْيَا ماجِد السَطَّاح تَا مَا زَلْزِلَك = هَات إللِّي بِتْرِيدُو وْخِذ الحِصَّة إلْ إلَك

وِإْنْ كِنِت تِحْتِي بْطَالِعَك عِنْدِي لَفُوق = وإْنْ كِنْت فُوقِي لْ تَحِت مِنِّي بْنَزِّلَك

يا مِيتْ هَلا بالـ طلّ بفنونو.................ولهفة قلبْ مشتاقْ بعيونو

و مهما بْلاد لـْغيرنا حَبَّيتْ ...................المرجْ مَ بينساهْ الـْسنونو

هالمنتدى إلنا وإلكـُنْ بيتْ ................وعَ رقابنا وعَ البيتْ بتمونوا

دعيتـَكْ أنا , مَ خـَذلتني و لبِّيتْ.............منبر بزيدلكـُنْ مَ بدّو يزيدْ

إلاَّ... رجالْ المنبر يصونوا

===================================

برضايي عْليكْ إهدى يا محمَّد .........مَ بَعدو جُرحكْ الفاتحْ مِضَمَّـَدْ

وقتْ ما سيفْ مشتاوي السماوي......نِزل و بنصْ نافوخـَكْ تِغـَمَّدْ

أنا بدوايكْ وبْداوي الشقاوهْ.......وشو خَصِّي بعِلـِّة الجفنْ المرمَّدْ

بسِفِلْ رجليكْ لولا بديتْ ناوي....بفلقة طيِّر السيف الـْ براسكْ

ت َ جيبو بذروة القطبْ المجمَّدْ

==================================

عا فوقْ بدّيْ طـَيلِعَكْ إعْلى وِ فوشْ ........فكاري إيدينْ بيحملوا فـْكاركْ نعوشْ

حيثْ التواضعْ كنز أغلى منْ العروشْ........ومنجل مَ فينو القمحْ منْ عالي يحوشْ

ومْقاومْ الـْ خلـّى الحِمى تركـِّعْ جيوشْ...وأ ُلـْمرتْ يندبْ عِطِلْ بخـْتو لـْجورجْ بوشْ

منْ تحتْ تلـِّهْ برعدْ غَطـِّتْ ريشتو...............عَ لوحة الأمجاد تَ تحط ّ الرتوشْ

=========================================

لولا شَمخْ بنيانْ لَ تضيمْ الاساسْ ................لو كنتْ ناسي بذكـِّركْ يا إبن ناسْ

ولوما الورقْ تحت القِلامْ الحِبر باسْ.............ما كان بيضوِّي الفكِر والعِلمْ ناسْ

ومْقاومْي الليْ روَّض جيوشن ْ وساسْ ......وخلـّى اليهود بساحتو يصيرو بْساسْ

لوما يشِفِّ الدمْ من تحتو الثرى ..................ما كانْ عِزّة ولَ إرتفع للنصر كاسْ

======================================

طِلْع الخَطِيب وْخُطْبِة الجُمْعَة رَوَى = مِنْ فُوق مَنْبَر تَ ضَمَايِرْكُن رَوَى

وْفُوق الجَمِر لَحْمِة خَرُوف بْتِنْشَوَى = وْفُوق الغُصُن سِهْرُوا عَصَافِيرِي سَوَا

وِمْجَاهِد الحَرب إلْ هَزَم مِيِّة لِوَى = مَ تْمَدَّد إلَّلا بَعِد مَا خَارُوا القِوَى

حَتَّى إذَا جِسْمُو إنْدَفَن تِحْت التْرَاب = بِتْعِيش رُوحُو فِي الجِنَان وْفِي الهَوا

/*\*/*\*/*\*/*\*/*\*/*\*/*\*/*\

رَحْ عِيدْهَا وْقَدِّم لَزُوَّارَك دَوَا = بْصُوتِي إللِّي فُوق نْجُوم مَنْبَرْنَا دَوَى

طِلْع الخَطِيب وْخُطْبِة الجُمْعَة رَوَى........

من فوقْ مَنبر طـِلْ بسْ كونْ العِماد .............تَ ن ْ صحتْ صيحهْ نشوفْ وجْ الأرض مادْ

لَ تكون فوق الجمر يَ محمد رماد ........................إبخاف إعمي بنفختـَكْ عـِين العـِبادْ

وشوف الورد بعد الشتي من وين عادْ.....................لمّا الطبيعهْ شلحتْ ثواب الحدادْ

تحت الشمس لبْسِتْ بياض بعرسها .....................لمّا النسغ من تحتها مَحَّى السوادْ

==============================================

قَسِّم عَلَى العَالِي بَيَت، كُرْد، وْهُزَم = تَ نْشُوف مِين الخَاسِر وْمِين إلْ هَزَم

إلْ عَامِل مَضَافِة؛. وْشَيْخ لِ مْعَنِّى عَزَم = يْعَلِّي بْوَابِ الدَار إذّا مَرَّة عَزَم

الغَيْمَات فُوق بْهَالسَّمَا إْصْطَفُّو رُزَم = وْإنْتِي تِحِت بِرْكِة وَحِل بِدَّك جَزَم

وْمَهْمَا بْتِتْعَمْشَق لَفُوقَك مِنْ تَحِت = بِتْظَل حَد المَارِد مْبَيِّن قَزَم