الارشيف - الآن متاح لأي شخص اللعب في ملعب برشلونة ؟؟

Pages: 1

الآن متاح لأي شخص اللعب في ملعب برشلونة ؟؟
(انقر هنا ان احببت مشاهدة الموضوع الاصلي بالالوان و الصور )

Posted by: hosam abdulaziz

اعلن نادي برشلونة انه سيضيف اعتبارا من الموسم القادم خدمة جديدة لمشجعيه تتيح لهم امكانية استئجار الملعب الشهير نيوكامب للعب اي مباراة عليه مع اصدقائهم بمقابل رمزي جدااا هو 40 الف يورو

و سيسمح النادي لـ 35 شخص باللعب
اضافة الى اعطائهم قمصان النادي مكتوب اسمائهم عليها.
اضافة الى طاقم تحكيمي
و كل شخص يود متابعة هذه اللعبة من المدرجات عليه بدفع مبلغ 60 يورو

و لمن يود الاحتفاظ بهذه اللعبة على دي في دي يجب عليه دفع مبلغ اضافي قدره 6000 يورو

----------------------------------
شو رأيكم يا جماعة نشكلنا شي فريق من منتدى زيدل و نستأجر الملعب شي يوم
يعني كل واحد بيطلع عليه شي 1150 يورو
ياللي بيحب يسجل اسمه من هلق

Posted by: shadi alkhalil

كل اهالي خبب سيكونو مشجعين للعيبة زيدل اذا حبو يروحوا يعني مايفكرو انو محدش حيشجعهم بس لايزعلوش مننا اذا شجعناهم عشاشات العرض الكبيرةةةةةة من خارج الملعب

Posted by: wajdy barakat

خبر حلو ولو اني ما كثير اعتبر متابع للرياضة وبما انو البرشلونة مو النادي المضل لدي بس الفكرة معقولة وانا حابب انضم لفريق المنتدى وبتوقع بعد الاختبار اني كون حارس المرمى هههههه

Posted by: Nada1981

مرحبا جميعا

مابعرف كيف فريق برشلونة عم يعرض هيك شغلة

لأنه لمى زرنا الملعب من شي كم سنة برحلة مع المدرسة لمى رحنا على برشلونة و كان زيارة الملعب من ضمن الرحلة, ماخلونا حتى ننزل للمدرج الثاني لحتى نتصور, بين كل مدرج و مدرج واقف حرس منشان العالم ماتنزل و كل حركة كنا نعملها كانو يصرخو فينا على انه ممنوع و مابعرف شو و هلا رح يخلو العالم تنزل لتحت كمان

لمى سئلنا عن السبب قالو لانه بيخافو حدا يدخل و يحطله شي قنبلة بلملعب يفجره, هو طبعا معهم حق بس كمان شي ومنه, يعني ماخلونا نتصور على راحتنا حتى.

حسام انا مستعدة ادفع و العب معكم, لاتنسو انا كنت بفريق كرة قدم, يعني بعجبكم بل اللعب
بس بدي رقم 13 من بعد اذنكم, لانه هدا كان رقمي بلفريق

تحياتي

ندى

Posted by: فاروق القدومي

اوووووووووووووف**

طيب أنا سجلوني معكم. بشرط أكون الحكم الرابع بلكن اخذت خصم 50 % وما طلع علي كتير.....واذا ما صار نصيب اكون حكم...رح اكون الحارس البديل اذا وفينا ال24 لاعب**

حسام انت اكيد رح تكون الرقم 9 وبقلب الهجوم**

*قدومي*

Posted by: sulieman safar

الصديق الغالي حسام ومافي اغلا منك غير رنيم وما في اغلا رنيم غير الخال العبودي وما في اغلا من الخال عبودي غير ابو عرعوش ومافي اغلا من ابو عرعوش غير السهورة يمكني طلعت عن الموضوع شوي ام يا ترى انو هالموضوع لا يستحق الذكر أو الدخول فيه.
عم جرب طريقة جديدة في الكتابة لا تواخذوني.
يضربوا نادي ومشجعين برشلونة حتى ولو كان الغالي حسام واحد منهم.
ولكن تبقى محبتي لكم.
سليمان

Posted by: talal_alachkar

حسام انا رح كون الحكم الخامس و الي هوي الجمهور يعني 60 يورو حلوين هههههههههههههه

طلال

Posted by: lamia

انا انا برررررررروح ... و حطوني حارس مرمى ... ملاحظتي دقيقة و طويلة بوصل لكل الاهداف و ردة فعلي سريعة ... ===>>> شوفو المدح ههههههههههههههههههههههههه

انا بدي رقم 5 .... ههههههههههههههه

موقع زيدل سوريا حمص .. خدمات تشات و دردشة ... أرشيف المنتدى