الارشيف - دق الجرس

Pages: 1

دق الجرس
(انقر هنا ان احببت مشاهدة الموضوع الاصلي بالالوان و الصور )

Posted by: emado1

بمناسبة الفالنتين
هذه القصيدة القديمة والتي تفتح جراح من احب وكان رده الهجر والزواج من شخص اخر اغنى
قصيدة قديمة الفها ولحنها وغناها الفنان ميخائيل اسبر والذي اطلق عليه اللاسطورة وديع الصافي اسم وديع الزاهي
يقول
دق الجرس قلتلهم باكليل مين
واعملت حالي مامعي بعرسك خبر
صعبت عليي المسألة والحب دين
صليت لذنبك بحبي ينغفر
ودعت حلمي العاش بعيوني سنين
وابكيت مستقبل حياتي المنتظر
واحملت جرحي ورحت اوقف لك اشبين
امشي معك بجنازتي بالمختصر
ولما قدام المذبح حلفتي يمين
وقلتي نعم والحكم بامرك صدر
وبنقل المحابس عالشمال من اليمين
اخر امل قدام عيني انتحر
ومن بعد تقديم التهاني للقرين
تقدمت هنيكي بنظرات الحسر
وودع كفوفي من كفوف الناعمين
لمس الوتر مجروح بيحاكي وتر
قلت ابتسم لاتحكي للحاضرين
واكتم بقلبي سر عن عين البشر
سرك بقلبي كان ورح يبقى دفين
مادام قلبي دليب وقلبك حجر
ضويت بالزياح شمعات الحنين
وامشيت مشية جيش بالحرب انكسر
واتسمروا فيكي عيوني جايعين
ليودعوكي وياخدوا اخر صور
ورجعت بالتذكار مع قلبي الحزين
راجع قصائد قيس بليالي السهر
ومطرح ماكنا للهوى ننصب كمين
رحت اسقي الاض من عيني عبر
ومين بدي لوم بين الظالمين
فقري هواكي ولا هجوم القدر
لومك الك ولا بلوم الحاسدين
اللي فرقونا وعنك بغض النظر
(......)باقي على حبك امين
وبطلب من ربي اللي بحبك امر
انشالله سعادة راسك في كل حين
لازم اذا الغفران عبالك خطر
بدك تزوري صومعة شاعر سجين
رح تلاقي قلب مقطوع الوريد
وصخرة صغيرة اسمك عليها انحفر

Posted by: مدين الغضه

شكرا لك عماد على هذه القصيدة الرائعه
وهذه الذكرى الجميله للعملاق وديع الصافي
والحمد لله على سلامته

Posted by: عشتروت

شكراً عمادو على هذه القصيدة الجميلة بمناسبة عيد الحب

كل عيد وأنت بحب

موقع زيدل سوريا حمص .. خدمات تشات و دردشة ... أرشيف المنتدى