Pages: 1
عبودي مدرس العلوم
(انقر هنا ان احببت مشاهدة الموضوع الاصلي بالالوان و الصور )
Posted by: talal_alachkar
الأستاذ عبودي مدرس علوم
الأستاذ عبودي : يا عمي سليمان ، كيف تحافظ على اللبن من الفساد ؟
عمي سليمان : نخليه في البقرة يا أستاذ .
الأستاذ عبودي : طيب هات ثلاثة أنواع من منتوجات الحليب .
عمي سليمان : جبن مثلث ، وجبن قوالب ، وجبن سايل . لا يشيخ
يلتفت الأستاذعبودي إلى حسام دانيال في الزاوية الثانية من الفصل .
الأستاذ عبودي : وأنت يا حسام دانيال ، قل لي من وين نستخرج السكر ؟
حسام دانيال : من الخيشة يا أستاذ . بالله عليك من الخيشها
لأستاذ عبودي : طيب كيف تثبت أن الأشياء تتمدد بالحرارة وتنكمش بالبرودة ؟
حسام دانيال : مثلاً .. اليوم في الصيف أطول من اليوم في الشتاء . اما اجابه محترمه
الأستاذ عبودي : إجلس الله يصلحك ، وتابع معي .
الأستاذ عبودي : اسمعوا ، أحسن واحد في الفصل هو الطالب عبدالله عرعوش .
يا عبدالله عرعوش : ما ذا فعل " جيمس وات " عندما رأى البخار يخرج من الغلاية ؟
عبدالله عرعوش : أكيد سوى شاي . هههههههه
احمر وجه الأستاذ عبودي وظهرت علامات الغضب . لو مكانك انتحر
لما أحس طلال الأشقر أن الأستاذ عبودي زعلان وغاضب قال عندي لك يا أستاذ نكتة بتوسع صدرك ،
قال له الأستاذ عبودي : عطناها يا طلال الأشقر .
قال طلال الأشقر : فيه مدرس علوم رزقه الله بولدين توأم سمى واحد ( أول أكسيد الكربون ) وسمى الثاني ( ثاني أكسيد الكربون . والله انها بايخه زيك هع هع
الأستاذ عبودي : طيب يا طلال الأشقر ، عندي لك سؤال قبل ما أكتب استقالتي .
طلال الأشقر : تفضل يا أستاذي الكريم .
الأستاذ عبودي : هل يستطيع الناس العيش على الأرض بدون أوكسجين .
طلال الأشقر : طبعاً لا يمكن .
الأستاذ عبودي : ( فرحاً ) ممتاز .. صفقوا له .. طيب متى اكتشف الأوكسجين ؟
طلال الأشقر : اكتشف عام 1773 م .
الأستاذ عبودي : ممتاز جداً ، صفقوا له .
طلال الأشقر : لكن سؤالي يا أستاذ .. كيف كان الناس يتنفسون قبل هذا التاريخ ؟ ...............يلعن ام التحطيم
وبعد أن سمع الأستاذ عبودي سؤال طلال الأشقر ( أذكى طالب في الفصل ) بدأ يجمع أوراقه ،
وتوجه إلى غرفة المدير وسام عبدالعزيز ، وقدم استقالته .ما الومه والله
وهو الآن يبيع لقاح نخل في سوق الجمعه، وعايش في سعادة وراحة بال ولله الحمد الله يرزقنا ويرزقه هههههههه
Posted by: Kinan
الله عليك يا طلال منين جايبهون هذول
بس لفييت و بالاخير ما صار و ما طلعت حالك اذكى واحد هههههههههههههه
على كل حال كثير حلوة
بس خطي يا عبودي شو صار فيك بالتالي و الله زعلت عليك هههههههههه
Posted by: sulieman safar
شكراً طلال ضحكتنا والله يعطيك العافية. كنت أتصور الخال عبودي في أدوار كثيرة في الحياة واليوم رح حاول على مبادئ موضوعك حط واحد من هالأدوار وبدعيكم جميع على التقسيم على نفس النغمة.
في عيادة الطبيب النفساني عبودي.
د. عبودي: هات لنشوف من شو عم تشكي؟
المريض : يا دكتور عندي وجع راس كبير ومستمر.
د. عبودي : ليكون عم تقرا كتابات منتدى زيدل!
المريض : ليش شو علاقة كتابات منتدى زيدل بوجع الراس.
د. عبودي: بالضبط ما بعرف ولكن اللجنة الطيبية للمنتدى عم تحاول "استئصال" الاسباب ونشلا رح نحلها قبل ما
تنحل ازمة المازوت.
المريض: ليش دكتور انت عم يصيبك وجع راس من ورا كتابات المنتدى؟
د عبودي: وجع راس وبس ! هذاك اليوم قريت كتابي للخال سليمان ومن بعدها رحت لأقضي حاجي وصرت خربط
بين العامودي والأفقي ولقيت حالي عم اقضي حاجتي على سطح البناي.
المريض: يا لطيف دكتور!!!!!!!!!!!
د.عبودي: وانا بعطيك كفالي انو اذا بتقرا كتابي وحدي لطلال بيصير معك اسهال وما بدي كفيلك عن كتابات
حسام عبد العزيز وعبد الله العرعوش, ولكن المسكين عبدالله عم يتعلم مكسيكي وفي شوية جمل
عم تطلع معو بالمقلوب وبيجوز يرجع يركز كتاباتو , بالمكسيكي طبعاً.
المريض: وطيب شو العمل يا دكتور؟
د.عبودي: رح اعطيك هالدوا بيجوز يشتغل وبيجوز ما يشتغل, مافي كفالي.
( وهنا يأخذ المريض الراشيتا ويقرئها!!!!!!!!!)
المريض: شو دكتور عم تقول هون انو الدوى بيجوز يسبب للعماء والطرش؟
د.عبودي: اي , اذا كنت محظوظ واخذ مفعولوا الدوى بيصيبك طرش وعماء وما بتعود تقرا بالمنتدى وبيروح عنك
وجع الراس.
المريض: يكثر خيرك دكتور انا طبت!!!!!!!!!!
د.عبودي: وكيف طبت قبل ما تاخذ الدوى؟
المريض: طبت من الفزع دكتور.
د.عبودي: مافي لا فزع ولا شي, كلياتها شوية وجع راس.
وللخال عبودي ولكم محبتي طبعاً.
نشلا بتعجكم وبقرالكم كتابات على تنسيقكم الخاص حول الأدوار الخيالية للخال عبودي.
Posted by: sulieman safar
الخال عبودي في مكتب بيع العقارات.
(وهنا يدخل الزبو ن الى المكتب)
الزبون : مرحبا
عبودي: ميت مرحبا وكيف فينا نساعدك؟
الزبون: يا ريت فيني شوف مدير المكتب.
عبودي: أنا مدير المكتب.
الزبون: مو عا هيئتك, وبعدين ويين سكريترتك.
عبودي: انا المدير والسكريترة والكل بالكل.
الزبون: يا اخي انت حاطت قطعة أرض للبيع في واجهة المكتب مساحتها بالمتر ولكن سعرها بالقدم.
عبودي: اي شغلي بسيطة, وهاي بنسويها على شان انو البايع يفهم شو عم يبيع والشاري يفهم شو عم يشتري.
الزبون: اي هاي فهمناها, ولكنك حاطت قطعة أرض للبيع ومساحتها بالمتر والسعر بالكيلو! اي يعني هاي ما بتفوت بالراس.
عبودي: اي عندك حق ولكن عم يجينا زبونات ما بتعرف الفرق بيت المتر والكيلو والقدم وعم نبيعهم هالأراضي هاي.
الزبون
وبصوت عالي) كمان هاي فهناها. ولكنك حاطت قطعة أرض عرضها متر واحد وطولها ميت متر وبأسعار خياليي, ولك يا أخي انا ما ضل فيي عقل.
عبودي: ولك يا أخي على مهلك هاي ارض بتطل على المنتدى الترفيهي لا تنباع ولا تشترى ولكنا عم نزازي للعالم فيها.......بتشرب شاي.
الزبون: في عندك وسكي؟
عبودي: عفواً انا بشرب غير ارغيلة.
وللخال عبودي ولكم محبتي طبعاً.
سليمان
Posted by: ABUODEE
بما انكم استفزيتوني فرح يصير فيكم متل المثل الي بيقول(وجنت على نفسها براقش)
اي انا لمن كنت استاذ كان التلاميذ الي عندي شي مو طبيعي من درجات الغباء
عبدالله عرعوش / حسام دانيال/ طلال اشقر/ كنان عبدالعزيز
اما الخال البروفسور سليمان هذا قصة تانية
بيرضيكم ان بدرس الجغرافية عم اسأل سؤال :
هات ثلاثة براهين تدل على أن الأرض كروية الشكل ؟
عبدالله عرعوش بيجاوب : الكتاب يقول أنها كروية الناس يقولون انها كروية و أنت يا استاذ عبودي قلت أنها كروية
برجع بسال حسام دانيال نفس السؤال : اثبت ان الارض كروية؟
حسام بيجاوب : أنا لم أدٌع ذلك حتى أثبته!...
وبتسالهم ليش ماحافظين درس الجغرافيا بيجاوبوني قال شو
البروفيسور سليمان قال لهم ان أحداث جسيمة ستقع و ستغير خريطة العالم .
اخي كلّو كوم وطلال كوم
بدرس العلوم الله غضب علي وسالتو :
لماذا يدق القلب ؟
بيقوم طلال بيجاوب : لكي ترقص المعدة 
يعني الصراحة طلاب شي بيرفع الراس
اخي بدرس العربي واكيد سمعتو بهالسحبة هاي طلعت من عند طلال
سالتو مامعنى كلمة سبيل؟
فقال:تعني طريق ...قلنالو كتير منيح
طيب شو معنى كلمة سلسبيل؟
بيجاوبني وبيقول :طرطريق!! اي شو هالحكي يااخي
اما عن عبدالله عرعوش فحدث ولا حرج
قلنالو بدرس العلوم اعطيني اسم حشرة ياعبدالله
قال: نملة... قالنالوا اوخ كتير منيح طيب عطيني اسم حشرة اخرى
قال : نملة اخرى يا استاذ... 
اي شو الشغلة بيع فجل
اصلا انا طلعلي قرون من ورا هالطلاب
لكن بسألو لعبدالله ليش الماء يعطي صوتاً عندما يغلي؟
بيجاوب عبدالله :لأن الجراثيم تطلب النجدة.........اي والله شي بيجنن
انتو تخيلوا كنان هذاك بالحيط طاول
الله غضب عليّ وسالتو:ما الشيء الذي لا يذوب في الماء؟
بيروح الافندي بيجاوبني :السمك يا أستاذ..!!
قلنا معليش بيتعلم رجعنا سالناه بدرس الرياضيات ياكنان عندك قطيع من الغنم كيف تعرف عدد أغنامك؟
الافندي بيجاوب:بسيطة...أجمع عدد الأرجل وأقسم المجموع على أربعة
اي والله والله شي بيوجع الراس هالطلاب
حسام الدانيال هون حطّنا الجمّال
سالناه: ماهي فائدة الأذنين ؟
الله يصلحو بيجاوبني : تمنع النظارة من السقوط يا استاذ.....
رجعنا سالناه لك ياحسام ركز شوي معي:ما هي أخوات ان ؟
قال: إن - أن - لعل - ليت - كيت .
سالته مستغربا : ومن أين كيت هذه ؟
حسام : من اخوات ان بس من أم ثانية....اي شو هالحكي مو زابط منوب
الخال البروفيسور سليمان قلنالو ياخال ماتعريف العاصفة
شرطكم مافكر جوابو على راس لسانو:العاصفة هي هواء مستعجل
طلال سأل الخال : كيف الحال؟؟
الخال بيقلو لطلال : منصوبُ دائماً!... عاملي مدرّس لغة عربية
رجعنا غلطنا وقلنالوا للخال: شخص ولد عام 1954، فكم يكون عمره الآن؟
الخال سليمان بيجاوب: هذا يتوقف على مااذا كان متزوجا ام لا!...
اي شي بيشيّب وفي قصص كتير بتجلط لهالشلة
حلّفتكم ...هذول طلاب بيحقلهم يحكوا عن الاستاذ عبودي!؟؟!
Posted by: sulieman safar
في سوق الخضرجي عبودي.
وهنا يفتتح المشهد والخال عبودي مرتدياً املوكه الجلدي واقفاً أمام سوقه المتواضع للخضرة والفواكه وينادي:
احلا من العسل يا بصصصصصصصصصل.
معطر ومبهر يا ثوووووووووووووم
تعا ودعو يا حويلتو هلئ بيئولوا كان هون.
وما ان الخال عبودي يتمتع في مناداته الجملية تأتي اليه احد المحاسبات من المحل وتقول له:
عبودي في زبوني هون بدها تشوفك؟
عبودي: نشلا تكون احلا منك
المحاسبة: اي ما فشرت انا مافي احلا مني بالسوق كلو.
عبودي : هيك اللي بدو يتغزل فيكي؟
المحاسبة: اي تراك معروف, مر عيد فالانتاين وما شفنا منك لا وردي حمرا ولا حبة شوكلاتا, اي شو نحنا
بالسعودية
عبودي: هلق زعلتيني....................
المحاسبة: بلا زعلتك وبلا بلوط تعا شوف الزبوني قبل تطلع خلاقها عليي وعليك.
وهنا نصبت اذناي الخال عبودي شبكاً لما قالته المحاسبة وغير سرعة مشيته من حلزون الى سلحفات حتى وصل الي الزبونة المذكورة وتتفاجئ جداً عندما لمح في مرصاد عيناه فتات ذو قامة ممشوقة ورقبتاً طويلة وعينان خضراوتين يحرسهما رموش كالسيوف وكأنها تخطف قلب الخال عبودي من أول نظرة مما ادى الى ارتباك في مقدرته على الكلام.
عبودي : اهههلين وسههههلين بهالعين وبشو فيني اخدمك؟ المحل كلو على حسابك.
الزبونة: ( ومع ابسامة خفيفة) الف شكر الك ولكن كلشي اللي بدي اياه هوي حزمة كرافس.
عبودي: صرلي عشرين سني بهالمصلحة ولكني ماني سمعان بشي اسمو كررررككركك ولكن في عندنا لفت وفجل
وبصل وثوم وبندورة وخس وقرنبيط واللي بدك اياه ولكن يا للأسف ما عندنا كررررككركك
الزبونة: كرافس. ولكن معليش في عندكم اسفراغ؟
عبودي: شو هاذ الأسغفار؟
الزبونة : اسفراغ ومعروف باسم ثاتي " كشك الماز"
عبودي: اي وصلينا لهون , في عندنا خسمة انواع من الكشك. في كشك هجت وكشك بلدي وكشك برز وكشك
مطحون وكشك مجروش.
الزبونة:لالالالالالالالالالا انا بدي كشك الماز . واذا كرافس ما عندك واسفراغ ما عندك لشو فاتح سوق هالخضرة؟
لا تواخذني سكر وروح لأميركا.
عبودي: والله تحيرت من هون عم يقولوا سكر وروح لأميركا وبأميركا عم يسكروا ويجوا لهون ولكن خلص انا بدي
استبد برايي.
الزبونة : وشو رح تعمل؟
عبودي: بدي سكر ورح معك.
وللخال عبودي ولكم محبتي طبعاً.
Posted by: hosam danial
طيب الاذنين أذا مو للنظارات لكن شو فوايدهن
بعدين شلون الارض كروية ونحنا واقفين وما عم نقع
Posted by: talal_alachkar
أنا بطلب من كنان عبد العزيز
يشغل محرك البحث تبعو GOOGLE
ويشفنا عبودي
سكر المحل و راح مع الزبونة لوين ههههههههههههههه
Posted by: عشتروت
الأحبة جميعاً
أتابع وبكل شغف هذا الموضوع الذي يدل على روح الألفة والفرح والسعادة في قلوبكم
بالفعل رسمتم الضحكة على شفاهنا إضافة إلى هذا الخيال الجميل في حبك الحوار
روعة بانتظار التكملة
همسة : عبودي ممكن تغير صورتك الرمزية 
وحياة الرب بخاف بالليل اكتب موضوع لما بشوف هالصورة وهالوردة الحمرا ريتا ما تبلى 
Posted by: hosam abdulaziz
شباب فعلا موضوع شيق و حوارات ممتعة و مضحكة
و اكثر ما عجبني الفكر المسرحي الجميل عند العم سليمان , بيحسس الواحد انه كتاباته هي نصوص جاهزة للمسرح و قابلة للتمثيل اما جمهور.
برافو عم سليمان بتمنى ما تنقطع هالاعمال بس رجاء خليني بعيد عن قائمة الابطال لأعمالك.
Posted by: sulieman safar
الى الصديقة عشتروت
الى صاحبة الاقتصاد في التفكير والتعبير
الى ملخصة الجمال لكلمة.
الف شكر لكي على الاحساسات المشحونة بالصدق والمحبة.
اما الصديق الغالي ابو الحوس لا يوجد عندنا كفالات لمثل طلباتك والسبب بسيط جداً. عن قريب رح قدم مسرحية " في خطوبة الخال عبودي" واكيد رح اتصل بالغالية رنيم وبالتنسيق معها رح تشوف حالك كبطل المسرحية.
مافي شي بيمشي بلا دعايات بهالايام.
انتظروا مسسسسسسسسسسسسسسرحية :
" في خطوبة الخال عبودي"
وللصديقة عشتروت والغالي حسام والخال عبودي ولكم جميع محبتي طبعاً.
سليمان
Posted by: talal_alachkar
عمي سليمان
أنا قبلان كون مصوراتي بالخطبة
بس ماتحطني شبين هههههههههههه
طلال
Posted by: emado1
الغالي عبودي دلوه على تاجر ابقار بضيعة شرقي زيدل
الزلمة راح واخد الشباب الطيبة معه
وبدل مايفوت لعند التاجر راح بالغلط لعند زلمي ناطر عريس لبنته فتخيلوا شوصار؟؟؟؟؟؟؟
مرحبا عمي
اهلا بالشباب اتفضلوا
والله الشباب فاتوا وقعدوا
عم نحنا جايين لعندك بطلب
هاتي القهوة ياوضحة
ياعم مابنشرب القهوة لحتى ناخد طلبنا
اشربوا ياعمي واللي جايين فيه بتروحوا فيه
طيب مادام هيك خلينا نحكي بالتفاصيل
اي مية اهلا وسهلا
كم وحدة عندك
والله في عندي بالبيت اربعة
بس هيك والله انا كنت مفكرهن اكتر
والله هني كانوا سبعة بس اله جبر بخاطر تلاتة منهم
اي انشالله بيكون النا نصيب بالباقيات
الله يقدم اللي فيه الخير
اي وايمتى فينا ناخدهم
بس نويتوا وجهزتوا البيت
والله ياعمي من ناحية البيت انا مجهزلهم زريبة كبيرة ومهواية على تلات جهات
قصدك شقة مو هيك
متل مابدك سميها
مو مشكلة انا قالولي عنك انك بتحب تمزح
اي وشلون انتاجهم انشالله يكون انتاجهم منيح
والله التلاتة التانيات كل سنة عندهم توم
عظيم معناها خلينا نحملهم بالسيارة لانه الشحن عالباب ونحنا مستعجلين
شو تحملهم ماتحملهم شو مفكر حالك عم تشتري بقر
لكن شو مفكرني جاي سوي
وهون الزلمي بلش تكسير بالطاولة وكاسات الشاي ولسه عم يركض ورا عبودي لهلق
Posted by: talal_alachkar
وله يا عمادو هاي قوية
بس ما عرفت منك الشباب شو صار فيهون
وطمني أنا ماني بيناتهم ههههههههههههههههه
طلال
Posted by: a_aroush
عبــــــودي ضـــــابـط جديد فــــي الجيــــــــــــش
( عبودي بيصفر بالصفيرة وجه الضو.... من سوادات راسه الصفير عم يطلع و ما في حدا من العساكر عم يفقيق ... شو هالجيش اللي شادين في الظهر ولك شـــــــــــــوووووو هاذ ... ولك يا حوش فيقوا بينادي عبودي اسرائيل صارت هون ... )
أخيراً جتو فكرة .... عبودي صار ينادي .... فيقوا هيفا وهبة وصلت قعود شوف هيفا قبل ما ترووووووح ...
و هون استنفر الجيش كله و فاق .. بس ولا واحد لابس سرواله ...
عبــــودي بيصيح ..... انتبـيــــــــــــــــــــــــــــــــــــــــــــ ـــه .
كلو بينتبـــــــــــــــــــه و بيحط ايديه ورا ظهروا .... و بيصفو جنب بعض ...
عبودي لأول عسكري ... و هو العم سليمان ... انت ليه مانك منتبه ولالالا ...
سيدي أنا صف ظابط .....
اي و شو يعني إذا كنت صف ظابط ولالالالا ....
سيدي عم ظبط الشباب بالصف مانك شايف شلون مجعلكيــــن
ايواااااا ... هي هي شغلة الصف ظابط لـــــــكن .... يا حبيبــــي اي انتصرنا من وراكن .....
عبودي ... بيمر عالصف واحد واحد .... بيسأل العسكري طلال الأشقر ..
وين سروالك ولالالالا ؟ ..
طلال بيحكيلو بالاشارات بايديه و بيقول... عندي كوي ... و ضيعت السروال ..
عبودي .... انت ما بتسمع ولالالالا ليه عم تحكي بالاشارات ...
طلال يتكلم ... سيدي أنا ظابط إشارة ...
ضابط إشارة .... اي ..... الله يقويـــــك
ولك شو هالجيش الهرياااااااااان هاااااذ .... ولك والله رح شق هدومي ... شو هالعساكر هي من ويـــــن جايبينهن هذول...
بيشوف العسكري حسام دانيال رايح جاي ما بيوقف.... مثل اللي ضايعلو شي ... بيسأله شو مضيع ؟؟؟؟
ماشي سيدي
كيف ماشي و انت رايح جاي مثل الديك و راسك بالأرض
ماشي سيدي
ولك شو مااااشيييييييي ... طب أنا ما قلت انتبه يعني بتوقف محلك و بتحط ايديك ورا ظهرك بانتباه ..شو عم تعمل ....
ماشي سيدي
هون الظابط عبودي بيبلش فيه بالخيزرانة ... ولك شو ماشي .. كلو عندك مااااااااشي ..
العسكري حسام هربان من الخيزرانه .... سيدي اي مو أنا من المشاة شو بدي اعمل لكن ...
عبودي بيوقف ... بيخلع الرتب و بيرميهن بالساقية .... ولك اي تضربوا أنتو و هيك جيش مجانين ...شو هالجيش هاااااذ ... اي ما بطول بجن معهن هذول ...
و هو عم يحكي مع حاله ... بيشوف العسكري عبدالله عرعوش واقف بانتباه ... قااااال أووووف مليح اللي في واحد مو مجنون ...
بيقلو برافو يا ....
هششششششششش بيقله عبدالله ..
عبودي : شو ف........
هشششششششششششششش
ولك شو...
هششششششششششش
بيقرب عليه عبودي بهدوء و هو عم يطلع حواليه و بيحكيه بالنحويشة ..... شو فيــــــــه ....
هشششش سمااااع
عبودي : شووووو سمعان شي انت ؟
لالالالاء
عبودي.....يهمس .... لكن شو عم تعمل ليه مفتح أذانك هيـــــك ؟
عبدالله : حطوني اتسنّط على العدو و لهلأ ما حكو ولا كلمة !!!!!
عبودي .... بيلبس طاقيته العسكرية ... بيضرب تحية .. وبيحط مسدّ سه براسه ... و بينتحر ....
Posted by: suher issa
وهو حاطط المسدس لينتحر فلحقوه العساكر وقالولو لشو الانتحار الحياة حلوة بس استقل والافضل لك
المهم فكر بالقصة عبودي وقدم استقالته وطلع
ومرة قاعد بالبيت فكر شو ممكن يشتغل شي شغلي ما فيها وجع راس
فكر فكر
قال اشتغلت معلم جننوني الطلاب الاغبياء
اشتغلنا خضرجي ما ماشل الحال
اشتغلنا بمكتب عقارات كمان
اشتغلنا بتجارة البقر كنا رح نبتلي ببقرة كبيرة طول العمر
اشتغلنا ضابط جيش رحنا ننتحر من العساكر
وف وف على هل العيشي كلشي ما عم يضبط معي
شو بغدر اشتغل هلق ليكون بالي مرتاح وكون مبسوط
راح قدم على كم شغلي وبالتالي لقا شغل بمركز انترنت
ففكر ان احسن شي هل الشغلي هيك بعمل تشات مع رفقاتي وهيك بربح منيح وكمان ما فيه وجع راس
المهم اتكل على الله وهيك صار
بلش الشغل عبودي اول نهار
متل العادي فات يتصبح برفقاتو بالانترنت وبالموقع
اول ما فات شافو طلال فسلم عليه طلال
طلال > مرحبا عبودي كيفك؟
طلال> عبودي انت هون؟؟؟
عبودي>اهلا طلال يه هون بس شوي
طلال> ما مشكلة المهم مبسوط بشغلك الجديد ؟
عبودي > طبعا اول نهار بس بضل احسن من شغلي الماضي
طلال> تمام الله يوفقك
وبعد شوي وهو بيحكي مع طلال فات عمي سليمان
عمي سليمان> مرحبا خال عبودي شو عامل يا خال وكيف بشغلك الجديد
عبودي> اهلا خال الحمدالله بس لسا بالش اليوم ما بعرف بس لحد الان منيح وانت كيفك عمي سليمان
عمي سليمان> تمام خال انا وخالتك نهلا كمان بتسلم عليك ووعم نذكرك بكاسة عرق هلق وامسية طرب مع الكل شو رأيك بشي اغنية هلق من خالتك نهلا
عبودي> والله يا خال بتمنا بس متل ما شايف اول نهار بالشغل ولازم اتعلم وكون منيح ما بصير مضيها حكي
عمي سليمان> انت لا تحكي بس اسمع خليك بالشغل بس حط يذنك الموسيقيا
عبودي >طيب خال عم اسمعكم انا
وبلشو الغني عبوددي يسمع ونسا الشغل وكلشي حوليه يفوت زبون يطلع زبون ولا هو هون
عبودي>الله الله يا خالتي نهلا على هل الصوت سمعنيا بعد الله يخليكي
عمي سليمان > خالتك نهلا هلق لازم ترتاح انا كمان لان عندي بكرا خيارات ولازم فيق بكير سلام والي اللقاء
المهم طلع عمي سليمان بعد شوي فات عبدالله
عبدالله > مرحبا عبودي شو انت ون لاين شي انا مخفي فايت لان ما بدي يشوفوني عمي سليمان وطلال حسام وندى وسهير وباقي الشلة بس حبيت سلم عليك انت بالذات لان بدي اسألك عن شغلك الجديد
عبودي> اهلا بعبدالله كيفك وكيف شغلك انت وكيف بعد ما رجعت من جاكسنفيل مرتك خلتك تفوت على البيت كنت هكلان همك يا زلمي ان بعد ما ترجع كيف رح يصير بمصيرك وكنت بالبال
عبدالله> والله يا عبودي معك حق اكلنا قتالي كبيرة وبهادل من حسام كمان وخليها لربك يعني رحنا نعيد بالعيد الحب صار عيد الكره والبهادل ما خليني قاعد ببيتي اريح من هيك روحا
عبودي> ولا يهمك عبدالله الواحد بيتعلم مشان ثاني مرة وهي تعلمت
عبدالله > يه صح معك حق المهم شغلك منيح انت
عبودي> يه احلى شغل لحد الأن ما اشتغلت مثل العالم الخلق مضيتها حكي واحد فايت واحد طالع وبحكوني طلال فات وعمي سليمان وما سمحت ما اسمع لخالتي نهلا وهلق انت
عبدالله >انا ما بدي عطلك عبودي اذا عم تشتغل بس حبيت اطمن عليك وعلى شغلك
عبودي> شكرا عبدالله بس ولا يهمك بس تفوت بنت حلوة وما عاد حكيتك يعني اعرف اني مشغول
عبدالله> شو تعلمت مني مبين اعرفت سر المهني يعني لما كنت طنشكم وقلهم فيه شغل هي الحقيقة مو لان فيه شغل هي لان بتكون فاتت شي بنت حلوة وبشرد وما بعرف احكي معكم بعد
عبودي> منكم تعلمنا عبدالله وهلق بدي اعتدر منك رح اشتغل شوي منحكي بعدين
عبدالله ولا يهمك الله معك
بعد ما خلص حكي مع عبدالله فاتت ندوش
ندوش> مرحبا عبودي شو صاير تشتغل منيح انسبطت لقيت حدا يتسلا معي لان والله بضل بالنت انا وما كنت لاقي عالم تتسلا معي فهلق شغلك مناسب هيك منتسلا وما بتصيق خلاقي
عبودي> يه اهلا بندوش والله منيح انبسطي وانا كمان انبطست هيك شو ما بدك ابقي دقيلي منحكي هلق بشتغل 12 ساعة قبال الكومبيوتر بمعنا وقت نحكي ونكرركر ومعي وقت اكتب بمنتدى زيدل ونكتب نكت بدي لاحق مطبخي المشهور
ندوش> يه والله يا عبودي احسن شي عملته هي دشرت كل شغلك هداك ولحقت هل الشغلي مناسبتلك
عبودي بعقلو عم يقول وف وف وف شو هل المصيبي هي كل نهار رح ضل احكي مع هدول واحد طالع واحد فايت ومجبور استحملهم كلهم ومشكلة شو فيه حجة اغدر قولها حتى وف لاين ما بغدر فوت لان رح يعرفو ان هون اكيد وين بدي كون غير بالشغل مصيبي
رجع عبودي وكمل مع ندى
عبودي> لكن يه هو لهيك انا مبسوط مشان احكي معكم كلكم وهيك اخباركم بلاحقها باستمرار ولووووووو
ندوش> طيب عبودي رح روح اكل وبرجع بحكي معك مزال هلق دائما هون معنا وقت كتير
عبودي > الله معك ندوش وصحة وهنا يه اكيد معنا كتير وقت ايام نحكي مع بعض باي
عبودي قال واخيرا فيني ارتاح شوي والله نشف ريقي وتعبت قد ما حكيت وكتبت وانشاءلله هيك رح ضل استحمل هل العالم صبح وظهر ولليل لنشوف شو رح يصير بحالي
بين ما عبودي راح واجا وشرب ماي
رجع لو حسام
حسام> عبودي مبروك الشغل الجديد
عبودي> الله يبارك فيك شكرا
حسام>شو خبرني شو عم تعمل بالشغل
عبودي>مضيها حكي وصاير عم سلي العالم يعني بدي بلش اقبض من العالم لان صايرا تسلاي
حسام>وليه عم تحكي هيك
عبودي>ولك يا زلمي هي من وقت اجيت ما شغلتي غير احكي مع هل العالم وهي الضايق خلاقو بده يحكي ما الك غير عبودي وهي بشغلو ما عنده زبائن بفوت بده يتسلا مع عبودي وما فيه غير عبودي هون وكمان بدي وكمان ندى قال منيح مبسوطة ان عم اشتغل هون هيك بتتسلا معي بالحكي لان هي مداومي بالنت وما ملاقي غيري تحكي معه
حسام>شبك يا زلمي طول بالك معصب لهل الدرجة بس ما كون عم ازعجك انا؟
عبودي > لا ابدا معقول تزعجني اهلا وسهلا فيك بس حبيت فش خلقي شوي
حسام>ولا يهمك فش خلقق وانا الحقيقة ضايق خلاقي وبدي فش خلقي معك ادا معك وقت طبعا
عبودي> معي معي ولا يهمك احكي
حسام>والله امور المنتدى مجننتني كتير والله ويلي المشرفين وويلي الادارة وويلي الاعضاء واكتر شي جنني ان عبدالله كان بعيد الحب وتصور مع رنيم وقضا يوم معها بدال ما كون انا هنيك معها يعني راسي مطوش من كلشي واجا عبدالله كملهي معي
عبودي> طول بالك حسسام خلص هو رجع ولا شو زعلان مزال هو بمحل وهي بمحل ورنيم بتحبك لاشلها بهدا عبدالله كبير وظهره بيوجعه يعني انت لساك شب ومستحيل رنيم تتطلع بعبدالله فلا تزعل الله يخليك
روق وانشاءلله بتكونو مع بعض قريبا
حسام> شكرا عبودي الحقيقة حبيت فش خلقي لان ما لقيت غيرك احكيلو بعرف انت سري معك
عبودي>اهلا حسام ولا يهمك يمتى ما بدك انا موجود الصديق وقت الضيق
حسام> طيب ما بدي عطلك انا رح روح شوف صيانة بالمنتدى
عبودي>موفق
عبودي طقت خلقو ومستحي ما يرد على حدا لان رح يعرفو ان هو هون والمهم خلص حكي مع حسام
ما شاف غير سهير نطتلو
سهير>مرحبا عبودي كيفك ؟
ما رد عبودي
سهير>عبودي ولك وينك مزال هلق كنت تحكي مع الكل وليه ما بدك تحكي معي رد السلام على القليلة
ما رد عبودي
سهير>عبودي ولك هيك بتشتغل ولا بتقلي بخبر منهم ان عم تشتغل بهيك شغلي
ما رد عبودي
سهير >انا انبسطلك لان حلوة الشغلي بتتسلا فيها ومريحة وهيك منضل على اتصال
سهير>اكيد مشغول وما رديت لكن بحب خليلك مسج لوقت ترجع
سهير>بالتوفيق بشغلك منحكي غير يوم
عبودي>ولك شو بدك مني حلي عني انت وهون خلوني اشتغل بقا حاج ضيقتولي خلاقي واحد بفوت وواحد بيطلع
وانا رح دشر الشغل هلق بدكم شي مني انبسطو بقا
شو هدا لاحقيني لهون كمان انا اعتزلت وباي
Posted by: ABUODEE
تم استجواب جميع من علّق على هذا الموضوع لمعرفة اسبابه ومسبباته
ومن ثم حُجز الجميع وبدا التحقيق معهم فردا فردا
الضابط عبودي ينادي: فوتولي المجاريم واحد واحد ((مجاريم جمع مجرم))
المجرم الاول طلال
الظابط :اهلا بالشباب الطيبة نورتوا الفرع والله
طلال: والله ياسيدي الفروعة كلها منوّرة بوجودكم
الضابط عبودي: قر واعترف اكيد بعد بساط الريح رح تعترف مين هاذ عبودي المنفوشي ولااك؟!؟ّ
وليش مانك رابط حزامك؟؟
طلال: ليش انا لابس البنطلون بالاول حتى حط الحزام
قررر لشوف مين ورا هالقصص هاي
والله ياسيدي مو انا
طررررراخ واجاه كف مخمّس ماعرف من ايا اتجاه
خذوه على المنفردة
الي بعدو....الخال سليمان
تعا لنشوف وقعت ولا رماك الهوى؟
الخال سليمان :والله انتو بتجيبو الي بحياتو مابيجي
خيزرانة رقعت عليه والعلم عند الله من وين الضربة
قرررر لشوف مين هاذ عبودي الي عم تكتبو عنو؟؟؟ لا يكون جحا بالزمانات كان اسمو عبودي ونحنا مالنا خبر هاااا؟؟
مين الي خبى عنا هالمعلومة وخلى المي تمشي تحتنا .. قرررر لشووف
الخال سليمان:والله ياخال انا مالي خبر شي ولا حتى مابعرف حدى بهلاسم مين جحا هاذ؟!؟؟
اشحطوه على الدولاب لعند المساعد حسنين ابو كرسيين ودولابين وسلامة هالعينتين
الي بعدو
عبدالله تعااااا لهون لنشوف نحنا صرلنا زمان مراقبينك واجا الوقت الي تتحاسب فيه
عبدالله فايت مع عسكريين شايلينو من ايديه وشاحط رجليه شحط
ليش مانك لابس البوط ولك؟؟ ((البوط كلمة غير معروفة الاصل تاتي بمعنى الصبّاط او الحذاء ))
عبدالله : يا ثيدي نمرة رجلي لما فتت لهون كانت 41 وهلق صارت 51 والبوط زغر على رجلي .. انا شو فيني اعمل؟ّ!
وكيف بتخليه للبوط يزغر بدون ما يعطينا خبر هااا
عبدالله :بدك تعذرو للبوط مابيفهم بس بيوعدك مابقى يعيدها ابدا
وليش لسانك عم يقرط وكانو مو قاعد بمحلو؟؟
عبدالله : مافي شي ثيدي حدى من الشباب حاول يقصلي اياه بث ماطلع بايدو
اشحطووووووه لعند المساعد جميل
شو مجاعد سميل يا ثيدي الله يثتر عليك بلاه للمثاعد بلاه يا ثيدي ((حرف الثاء هو حائل بدل حرف السين وذلك لوجود عطل صغير باللسان))
طرررررررراخ اكلها مدري بكس مدري سطرو كف ماعاد ميّز يمينو من ثمالو..عفواً قصدي شمالو
الي بعدووو
الشاعرة المتالقة عشتروت
وهنا تتغير ملامح الغضب والغضنفر بدخول الشاعرة عشتروت
-هلا وغلا ومليون هلا والله نور الفرع بوجودك معنا
الشاعرة فوراً بتنتفو للضابط عبودي بيت شعر... (بتنتفو تاتي بمعنى ترتجل)
مابدي كنافة ولا نابلسية ** كانت تحلاية صارت قضية
بدي عبودي وبالمنفوشيّة ** يرندح عتابا وعلى دلعونا
الظابط بيطالع المسدس وبيرقع كم طلقة لبيت الشعر وبيصيح ....
فورا اخلاء سبيل وجيبولي العسكري الي القى القبض على شاعرتنا عشتروت
مين العسكري الي عملها ولاااك؟؟
العسكري حسام دانيال وراسو بالارض انا سيدي انا
كف طائر جو جو حطَّ على رقبة العسكري فتلو فتل ودار دار وخبط بالارض
اشحطوه للعسكري لعند عبدالله خليه يتسلى معو شوي
الي بعدوووو
حسام عبد العزيز هوي وعمادو فايتين شاحطين بعض وشعراتهم معمول فيهم شوارع بماكينة الحلاقة
عمادو القصير على يمين الضابط وحسام الطويل على يساره
الضابط بحركة خفيه حاول طرق عمادو بس ماصابه جات الضربة بحسام
قرّرر ... يا عمادو مين ورا هالحركة هاي
عمادو والله هوي ياسيدي انا مالي علاقة
كف ثاني لعمادو ماصابو جات براس حسام
ولك قر واعترف لشوف مين السبب ومين المسبب ولك
عمادو: والله ياسيدي هوي كل شي عم تقول عنو
ولك ماعم تفهم شو عم بحكي ولك مين هوي اه ؟؟
عمادو: حسام سيدي هوي السبب والمسبب
الخيزرانة جات على امل تصيب عمادو لكن للاسف صابت رقبتو لحسام
هون حسام استنفر وطلع بالعالي يا سيدي انت عم تحقق معو وانا باكل القتلة والله ظلم
الظابط جاييك الدور لا تستعجل
اجى الضابط لعند حسام وقبل ما يحكي ولا كلمة
سبقه حسام وقال : انا كل شي بتقول عنو حضرتك بس لا تضرب
الضابط وعم تكذب كمان ...نزلولي حسام عن الكرسي خليني طولو
العساكر بيجاوبو للضابط يا سيدي حسام مانو على الكرسي حسام واقف على رجليه...
الضابط طيب جيبولي الكرسي لكن لحتى اطلع لعندو وعلقت ياشباب وعينكم ماتشوف الا النور
كف من هون ولطمة من هناك وماعاد يعرف ابو الحيس من وين الكف عم يجي
اشحطوووووهم كلهم لتحت وحطولي اياهم على كرسي الاعتراف
الي بعدو فوتولي ســهير لنشوف هالمجرمة الخطيرة
طراخ طريخ دج دم دووووب طخ دروم تك دج (( هاي الجملة تعني وجود معركة وحدى عم ياكل قتلة))
سهير لا تضربي عم قلك للمرّة الاخيـ... (( قُطشت الكلمة لوجود ظرف في المكان ))
طررررررررراخ والله مابقى عيدها يا سسهير بوعدك
دج دووووب هريبة يا عساكر انتشرووووا
اكلها الضابط علقة مرتبة وصار مانو ضابط ونقلوه من بعد هالعلقة على المستشفى واعتزل هالمصلحة من ورا سهير والقتلة الي اكلها منها
Posted by: sulieman safar
في مكتب المهندس عبودي
وهنا نشاهد دخول ست الى مكتب عبودي ترتدي كبوت فرو يشهد في جماله لبعض الحيوانات التي انقرضت عن وجه الكرة الأرضية تحمل تحت اباطها لا يقل عن عشرة مجلات أجنبية.
الست: مرحبا عبودي
عبودي: اهلين وسهلين بالست كوكب, شو هالزيارة المفاجئة!
الست كوكب: والله يا عبودي مافي مفاجئة الا اني سمعتلك بخطبي
عبودي: لا تصقدي شي, كلها اشاعات باشاعات.
الست كوكب: نهيال الي بدها تاخذك, اكيد رح تصمملها احلا بيت
ليك عبودي لو انك على دوري كنت ما باخذ غيرك
عبودي: تسلمي كلك ذوك .ولكن كما يبدو وحسب قول الخال سليمان انو اني خلقان الفين سني متأخر
وعشرين سني مبكر.
الست كوكب:يه تئبرني شو معنات هالكلام؟
عبودي: يعني لو اني خلقان من الفين سني كنت بكون موضة عند الصبايا ولو اني خلقان بعد عشرين سنة
كمان كنت رح صير موضة عند الصبايا.
الست كوكب: ليش عم تحكي هيك عبودي؟ مخولتني وما عم افهم عليك وبعدين ليش مكتبك بارد هلئد؟
مانك مشعل الصوبيا؟
عبودي: اكيد مشعل الصوبيا ولكن ما فيها مازوت. وخلينا من قصة المازوت وبشو فيني ساعدك.
وهنا ترمي الست كوكب مجلاتها على طاولة المهندس عبودي وتفتح احدهما وتقول له
.......... عبودي بدي اياك تصمملي بيت ويكون حمامو من هالشكل.
عبودي:أه حمام ماري انطوانيت؟
الست كوكب: بس على اكبر شوي. وبدي الصالون يكون مثل , وهي تفتح مجلة اخرى, صالون قصر فينيسا
العظيم.
عبودي: اي بس يا ست كوكب هذا الصالون عشرة امتار بعشرين متر وماني عارف شو بدي قلك.
الست كوكب: سوي اكبر شوي؟ مثل ما بدك والله يخليك لا تزيد غرف النو م عن العشرين.
عبودي: طيب قديش بدك كبر المطعم عفواً المطبخ؟
الست كوكب: انت جبتها قد مطعم. ولا تنسى المدخل بدي اياه يكون هيك وهي تفتح احد صفحات مجلاتها.
عبودي: لارش دو ترايمف.
الست كوكب: ولك تئبرني شو فهمان صرلي عم اتدرب على هالكلمة عشرة ايام وما تعلمت الفظها.
عبودي: لا تواخذيني ست كوكب حتى ولو رسمتلك مخطط بيتك مثل ما طلبتي ما رح تصدقو بلدية المنتدى.
الست كوكب: ليش منو قلك اني رح عمرو بالمنتدى؟
عبودي: لكن ويين بدك تعمري.
الست كوكب:ليش بيوت من هالشكل ويين بيعمروها غير بزيدل؟؟؟؟؟؟؟؟؟؟؟؟؟؟ ولك تئبرني.
وللخال عبودي ولكم محبتي طبعاً
سليمان
Posted by: syria & joleat
حلووووووووة يا عبدالله عرعووش ....
بصراحة يلي بيكون مسؤول عن هيك جيش معو حق ينتحر ...
و هلأ عرفت ليش كل المدرسات يلي بيدرسوني طالعلون قروون على راسوون...
و عماستنا بفارغ الصبر قصتك عمي سليمان يعني تأليف عمي سليمان وبتحكي عن عبوودي شو بدها تكون ... واضحة ..
سلام ـ ياسمين _
Posted by: sulieman safar
وهنا يدخل الزبون الى حجرة مطلية باللون الأسود يعلو على جدرانها ثلاثة هياكل عضمية للثيران تشير قرونها الى فضاء داكن مخيف ويوجد فيها طاولة مطلية باللون الأسود ويجلس على كرسي اسود اللون المنجم عبودي مرتدياً لباس اسود لا يظهر منه الا عيون تشع ضوء احمر برتقالي وكأنها تخرق الزمان والمكان.
عبدوي: أجججججججللللللللللللسسسسسسسسسسسس
(يصيطر الخوف على الزبون وما أن يرى نفسه مرتمياً على كرسي اسود.)
عبودي: شوووووووووووووووووووووو قصصصصصصصصصتك
الزبون: (وبصوت مقطع) انا بحب وحدي وبدي مشي عليها ولكن بدي اتأكد من الجواب.
عبودي: شغلييييييييييي بصييييييييييييييطة
(وهنا يرمي المنجم عبودي لائحة الأسعار مكتوبة على ورقة سوداء باللون الأحمر الدموي)
التكلم مع الأرواح..................... 100 الف بالمندل
حب , خطوبات وجيزات ............ 50 الف بالمندل
ربح اليانصيب.......................... 30 الف بالمندل
حظك لأسبوع..........................20 الف بالمندل
حظك ليوم.............................. 10 الاف بالمندل
( وهنا يتوهل الزبون من الأسعار الخيالية ويمر وجهه في كل الوان قوس القدح)
الزبون: شو هالأسعار هاي , اي ما بتخلي عقل بالراس.
عبودي: هااااي تسسعيرة نققققققققققابة المنجججمين لمممممممنتدى زيييييييييدل
......... واذذذا ماااااااااا عجججبك فلللل فيييي غييرك عممممممممم يسسستناااا
الزبون: انا بدفع ولكن بدي جواب مكفول.
عبودي: شششغغلنا كللللللووووووو مكككككككفووووووووول
( وهنا يوضع الزبون 50 الف على الطاولة السوداء)
عبودي: وييييييييين البقاااااية؟
الزبون: شو بقايا؟ هيي شغلة خطبي والتسعيرة واضحة.
عبودي: اييييي بدييييي اضررررررب مننننننندل للبنننننننت ومننننننننندل لحماااااتك
...........بالمصصصصصصير ومنننننننندل لألألأم حممممممماتك بالمصصصصصير.
( وهنا يسمع الزبون كلام يرطب اذنيه ويضع مائة الف اخرى على الطاولة)
عبودي: معععوضضضضين.
عبودي : شوووووووو اسسسسم البننننننت
الزبون: رجاء والرجاء من الله.
( وهنا يحركش عبودي وراء الطاولة ويتفقد اذا كان هناك أي كتابات جديدة في منتدى زيدل ويدمدم مع نفسه بصوت خفيف........ يا بخبخ يا بخبخان احضر لهذا المكان.......... والزبون ينظر الى عبودي مملوء في أمل لا يختلف الكثير عن أمل صاحبة البيت عندما تصلي فخ للفئران وتنسى ان توضع الطعم فيه)
عبودي: شششششششششو اسسسسسسسم امهههههههههها
الزبون: فضة, الله يفضها علينا بالخير.
( وهنا عبودي يعيد نفس الروتين ويوضع رد في منتدى زيدل لكينان عبد العزيز)
عبودي: ششششششششو اسسسسسسسسم اممممم الامممممم.
الزبون: ضحى, ولك كل التضحيات يا رب.
( وهنا يغلق عيناه عبودي وكأنه يغيب لمدة عشر دقائق والزبون يتقلى على نار وسرعان ما يفتح عيناه عبودي )
الزبون: شو طلع معك؟
عبودي: ماااااااا فييييييي أمممممممممل
الزبون : وكيف عرفت؟
عبودي: لووووووو اخذنننننا أوووول حرررررررف منننننننن اسسسم البنتتتت
..........وأووووووووول حررف منننننننن اسسم اممممممممها
......... وأووووووووول حررف منننننننن اسسم ستتتتتتتتتتتها
......... بيييطلع معععععععنا كككككككلمة " رررررففففففضضضضض":
الزبون: ( وبغضب) شو عالزعبرا هاي!!!!! يا ريتني حاكي مع ستي بهالمصريات
عبوديوبكل برادة دم) هذذذذذذذذيك بددددددها عششششششرين منننندل.
وللخال عبودي ولكم محبتي.
سليمان
Posted by: talal_alachkar
عمي سيلمان مسؤول محل عراضات شامية
مرحبا عم أنا حسام عبد العزيز عريس جد يد و بدي عراضة شامية بمعيتك و بدي ترفع راسنا
العم سليمان – مية أهلين و سهلين بالعين ، تكرم عيون العرسان و أحلى عراضة شامية كمان .
العريس حسام عبد العزيز – الله يكرمك عمي سليمان قديش بيطلع علينا مصاري خيو .
العم سليمان له يا زلمي منتحاسب بعدين هلق عطيني العنوان .
شارع منتدى زيدل الحارة الغربية بيت حسام عبد العزيز .
العم سليمان يتصل بعكيد العراضة الشامية عبدالله عرعوش .
الف السلام عليكم عكيد.
العكيد عبدالله عرعوش – أهلين بالقبضايات أهلين بعمي سليمان .
عمي سليمان – عكيد عنا عرس بالحارة الغربية منزل حسام عبد العزيز .
بقا بكرة بتمر لعندي على المكتب لأعطيك العنوان و المصاري عكيد .
العكيد عبد الله عرعوش – أحلى عريس تكرم عيونو و أحلى عراضة .
تلفون أخر للعم سليمان صاحب محل عراضات شامية
العم سليمان – ألو أهلين عيني شو المطلوب
الزبون الثاني – الله يخليك عم سليمان عنا عزا لذكرى المرحوم الشهيد الي إنفعس على الطريق الي مرق عليه طنبر الجار .
العم سليمان و هو يذرف الدموع على التلفون – اي الله يرحمو و يسكنو فسيح جنا تو اي تكرم عينك أحلى خوري رح يصلي على روح المرحوم .
العم سليمان يتصل بالخوري عبودي سلوم – اي سيدنا كيف الحال عندي إلك شغل في عنا ذكرى المرحوم الشهيد .
الخوري عبودي – نحنا بالخدمة عم سليمان.
العم سليمان إذاً بكرة بتمر لعندي على المكتب لأعطيك العنوان أبونا
ثاني يوم يأتي العكيد عبد الله عرعوش و الخوري عبودي و يسلمهما العناوين .
بعد شي ربع ساعة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
العم سليمان أوف يلعمى على هالغلطة خربطنا بالعناويين يلعمى شو هالغلطة هاي
في الجانب الاخر
يدخل العكيد أول العراضة و هو يقول
شـن كليلة شـن كليلة شو هالليلة ... شو هالليلة
مـن هالليلة حمل السلة ومن هالليلة صار له عيله
الله يعينه على هالليلة!
عريـس الزين يتهنّـى يطلـب علينا ويتمـنى
عريـس الزين يا غالي أفديه بالـروح والمالي
يا عريـس كفّك محنى يا عريـس كتر ملبّس
يا سـباع البـرّ حـومي اشـربي ولا تعـومي
اشـربي من بير زمـزم زمـزم عليها السـلام
ويا سلام اضرب سـلام عللي مظـلل بالغـمام
الغـمـامـة غـمتـو غـمتـو ومـا لمتـو
غمتـو خـوفـاً عليـه وعلينـا ... وعـليـه
وعلـى من زار قـبره وعلـى من حـج إليه
و هنا يلتفت العكيد عبد الله عرعوش مستغرباً و الجميع ينظر إليه بإستغراب و هذا اخر ما تذكره العكيد عبد الله عرعوش بعد ما هجموا عليهم أهل الشهيد بالكراسي و الطربيزات .
الخوري عبودي يصل متأخر إلى العنوان فيذهب مباشرة إلى مكان وجود المايكروفون و يبدأ في تلاوة الصلاة الجنائزية على روح المرحوم
من أن بي و إن مات فسيحيا
لايسعني في هذا المصاب الجلل إلا أن أحي ذكرى من سبقونا في شهادتهم السامية لينقذونا و ينقذوا أنفسهم من هذا العدو الشيطاني ....
و هنا يقاطعه العريس حسام عبد العزيز و يقول له
يا أأأأب----- بووووونننااااا عن ششوووشو عم تحكي و شو مصابكم جلل و شو كلنا على الطريق إنت عن شو عم تحكي أبونا
الخوري عبودي – عن الشهيد الي نحنا بصدد ذكراه اليوم ؟
العريس حسام عبد العزيز الذي قاطع الخوري عبودي – يا أبونا أنا اليوم عرسي أنا ماني شهيد و ماني أول واحد بيتزوج و محدا جبرني لأمشي على هالطريق .
الخوري عبودي – الله يسامحك يا عمي سليمان على هالغلطة .
في قسم الشرطة
النقيب طلال الأشقر – يا حبيبي يا سلام على الحمام و النعام أهلين بالشباب الطيبة و الله نورتوا فندقنا اي والله .
هنا العم سليمان منورين بوجودكم سيدنا .
خخخخخرررررررررررسسسسسسسسسسسسس و لك....... هنا يقول النقيب طلال
شو أنا عم رسيبشن عم رحب فيكم ولك خراس ولا كلمة .
ولك يخرب بيتكم على هالعملة الي عملتوها
عراضة عرس بتروح على عزا شهيد
و خوري بيصلي حزن ببيت العريس حسام عبد العزيز
ولك يخرب بيتكم شو أنكم طووووووووووووووووووووووووووووووووووط . مقطع محذوف للرقابة ؟؟؟؟؟
العم سليمان – دخيلك سيدنا زرعها بذقني هالمرة خلص معد تتكرر الله وكيلك .
النقيب طلال الأشقر – يا بني أدم أنتوا أقلقتوا راحة المواطن
ولك المواطن أنا عندي أهم شيئ في ها لبلد
و لك أنتوا حسستوا المواطن بالإنزعاج و الضجر من الي عملتوه
و لك أنا بق دس المواطن
ولك أنا {{ هنا النقيب بصوت عالي }} بعبد المواطن بعد الله
هنا العكيد عبد الله عرعوش يخرج خنجره من خصره و يصيح {{ الله و أكبر الله و أكبر......و يبدأ عراضة شا مية .....ألف السلام عليكم ألف السلام عليكم }} ......
عند هذا المشهد يخاف النقيب طلال من خنجر العكيد عبد الله و يشهر مسدسه النكل الأربعطعش و يقول {{ وقف عندك ولك إرفع إيديك ولك }}
هنا يتدخل العم سليمان و يعطي النقيب طلال ملبس كان مجهزهم للعريس حسام و هنا يرضى النقيب على الشباب
و يخرجون من المخفر بعراضة للعم سليمان لأنه أخرجهم هههههههههههههههههه .
طلال
Posted by: sulieman safar
قصتك حلوي كثير وبتتصدق كمان ولكن دير بالك يمكن حسام رح يزعل منك لسبب انو قال ما بدو يكون بطل بمثل هذه المسرحيات وبيني وبينك ان بمسرحيتي القادمة رح يكون حسام كواحد من الزوائد على شان لا ينبسط ولا يزعل. واليكم دور من الأدوار الكثيرة للخال عبودي.
الصيدلاني عبودي
وهنا يفتتح المشهد وعبودي واقف أما صيديلته وهو ينادي بصوته الجميل:
عندي دوى للذكى ومعبى بظروف
واللي بياخذ منو شمي بيصير فيلوسوف.
وما أن يقاطع صوت نداء عبودي الجميل صوت شفاف رقيق يدخل الاذن بموجاته العذبة بدون شعور.
........ صباح الخير عبودي
عبودي : يسعد هالصباح غندورة
غندورة: شو! شلون الشغل؟
عبودي: ما دام شفتك عند هالصباح الشغل اكيد رح يكون مليح واذا ما بعت شي بالمرا رح يكون
...........المربح معي.
غندورة: حاج غزل عبودي وشو بدي خبرك, اهلي خطبوني لبرا مبارح بالليل.
عبودي: لولولولولولولولييييييييييييييييييييييييييييييييييي يش والف مبروك.
غندورة: يه, حسبت انك رح تزعل وعلى طول كنت فكر انك بتحبني.
عبودي: على شو بدي ازعل يا غندورة وصحيح انا بحبك وبحب كل بنات الحارة. وشلون هالعريس؟
غندورة: شو بدي قلك يا عبودي!!!!!!!!!!
عبودي: معو مصاري كثير؟
غندورة: اي اي اي
عبودي: طويل؟
غندورة: لاء لاء لاء .
عبودي:بدو يعمل عرس كبير؟
غندورة:اي اي اي
عبودي: ذكي؟
غندورة: شو بدي قلك يا عبودي! هالعريس مثل مثل مثل!!!!!!!
عبودي: مثلي؟
غندورة: لاء لاء لاء , مثل بيت بطابقين.
عبودي: شلون يعني؟
غندورة: الطابق التحتاني ماشي حالو ولكن الطابق الفوقاني شوي كركوز. وسمعتك عم تنادي عن
.......... هالدوى قلت بلكي بينفعو.
عبودي:هاذ الدوى تطبيق ايدي ومافي منو ومبارح شحنت عشرين كرتوني للخال سليمان
.......... بأستراليا
غندورة: ولشو بدو هالدوى خالك سليمان؟ اي هوي هيك ما حدى عم يفهم عليه.
عبودي: اي بالضبط.
عبودي: هاي كرتوني خلي عريسك يجربها.
(وهنا تفتح كرتونت الدوى غندورة وتوجد فيها عشرت اكياس بلاستكية منفوخة بغاز ما.)
غندورة: يه عبودي حد علمي انك بتغش!!!!
عبودي: وميين قلك اني بغش؟
غندورة: هالأكياس معبيي هوى!
عبودي: اقري التعليمات غندورة.
( هذا الدواء لا يصلح لسن فوق الخمسين)
غندورة : وليي هاذ دواك ما رح ينفع عريسي وشو الحل؟
عبدودي: اخطبيني.
غندورة وعبودي:
وللخال عبودي ولكم محبتي.
سليمان
ملاحظة:
الحلقة القادمة تكون أخر حلقة في هذا المسلسل تحت عنوان " في مطبخ الشيف عبودي"
فرجونا شطارتكم و يمكننا ان نحط اربعة أو خمسة حلقات تحت نفس العنوان ونختار الحلقة الرابحة, ولي أقل من حلقة في مطبخ الشيف عبودي.
Posted by: sulieman safar
وهنا يذخل الجرسون الى مطبخ مملوء بالدخان ويعلو عليه اصوات ......... دير بالك على الصراصير وما تنسى الحرادين والضفاضع.
أي شيف عبودي في كم زبون مصرين على شان يشوفك قبل أن يطلبوا الطعام.
عبودي:يضربوا مو عارفين قديش انا مشغول.
( وهنا يتجه الشيف عبودي الى طاولة من المئة طاولة لمطعمة المشهور ومن ثم )*
عبودي : اهلين وسهلين بالشباب والصبايا
( وهنا يوجد الشيف عبودي الخال سليمان وأبو عنفوش وفي صحبتهم ندووووووووووش والسهورة وكانه يتعوذ من الشيطان من هثل هذه الزبائن)
الخال سليمان: اي عبودي اليوم نحنا عازمين الصبايا على عيد الحب وبدي براعتك بالطبح والنفخ.
عبودي: اي ولا يهمك خال , انتم طلبوا ونحنا تحت اليد.
ابو عنفوش: ليك عبودي! مو طلبوا ونحنا تحت اليد, اذا ما بيكون الطبخ ميي على ميي نحنا بنصير
................ تحت اليد.
عبودي : ولا يهمك ابو عنفوش , شو بيطلبوا الصبايا؟
ندوووووووش: مافي عندك غير الصراصير والحرادين والضفادع اليوم.
عبودي: والله يا ندوش في عندنا كم طير خفاش ولكن ماني فاعل حطهم على قائمة الأكل خوف
........... من هجوم الزباين.
ندددددددوش: الله يخليك عبودي انا بدي طير خفاش مقلي في زيت كماة اوسترالي وكم ذيل
..................حردون
عبودي: اي ولا يهمك ندوش وشو بتحب السهورة الأمورة اللي مافي منها بالمعمورة؟
السهورة:كم ضفضعة على ذوقك عبودي ولا تنسى شوية صاصة سوي مع القليل من الثوم
............ وشوية كزبرا.
عبودي :اتركيها عندي وشو بتحبوا يا شباب؟
الخال سليمان وابو عنفوش: شي كم جربوع محشيات.
عبودي. شغلي بسيطة.
( وبعد فترة من الزمن يأتي الطعام وينتهموه الشباب والصبايا وكأنه ليس هناك ماضي حاضر أو مستقبل ومن ثم يأتي الجرسون وبيده الفاتورة ويسرع لفتحها ابو عنفوش)
ابو عنفوش: أووفففففففففففففففففففففف خمسة ألاف دولار!!!!!!!!!!!!!!!!! عم سليمان
................قديش سعر الدولار الاسترالي بهالايام؟
العم سليمان: عم يتحسن
ابو عنفوش: بدك يتحسن على شان نغدر ندفع هالفاتورة.
(وهنا ينظر العم سليمان للفاتورة ويتوهل ويعلن الافلاس وما أن يظهر الشيف عبودي)
عبودي: اي شباب, الصبايا على حسابي , ولكن انتم في عندي تنضيف شوية جرابيع بالمطبخ
..........تفضلوا.
وللخال عبودي ولكم محبتي.
سليمان
Posted by: talal_alachkar
و الله عمي سليمان مليح الي بس إنقضت بنتظيف كم جربوع هههههههههههههههههههه
طال
Posted by: abode durra
قصص حلوة كثير و لكن سؤال صغير هل هذا الموضوع تسكر يعني ما عد تحطوا شي قصص او نحط شي قصص ههههههههه
Posted by: sulieman safar
ولك يا ابو الدرررررررررر في شي بيتسكر بوجهك الحلو؟؟؟؟؟؟؟ اغنينا من افكارك الظريفة.
ولك ولأبو الطل محبتي.
سليمان
Posted by: suher issa
عمي سليمان دكتور في مشفى المجانين
يوم ومثل كل يوم الدكتور سليمان يذهب على المشفا المجانين
دخل مكتبه الخاص وقعد كالعادة طلب من الممرضة فنجان قهوة قبل ان يبدأ العمل مع المرضا المجانين
جلبت له الممرضة القهوة وشربها وطلب ارشيف المرضة لكي يبدأ العمل ويدور ويراهم كيف حالتهم
وذهب مع الممرضا للكشف فدخل او غرفة لكي يراهم وبدأ بالحديث معهم كالعادة
الددكتور سليمان>> مرحبا ما اسمك انت؟؟؟؟
المريض >>>عبودي المجنوون حاضر سيدي
الدكتور سليمان>>>كيف حالك اليوم ؟؟
عبودي>>>>بخير والحمدالله ولكن العساكر الاغبياء لم يعجبني وضعهم لا يحاربو معي ضد العدو
دكتور سليمان>>>>بسيطة ولا يهمك سنربح وانت تحارب فقط تابع فأنت تحارب بالنيابتا على الجميع
عبودي>>>> اعرف لهكذا اسمحلي الان سوف اتابع القتال .... فالنحارب من اجل الوطن !!!!!
دكتور سليمان>>> طيب روح بالتوفيق ههههه
وهو يتابع جولته صادف مريض اسمه حسام يحمل سكين ويريد ان يقتل مريض اسمه طلال
فقال له الدكتور سليمان >>>>> ماذا تفعل يا حسام لماذا تريد ان تقتل طلال ماذا فعل بك؟؟؟
حسام >>>سأقتله رأيته يعطي بوسا حبيبتي الغالية ولم يطلب مني ازن لو طلب مني كنت قبلت ولكن عملها من ورا ظهري ولم اسمح له
انتظر قليلا اعرف القصة من طلال فأكيد عطاها بوسا من محبة صداقة
حسام>>>>لا ........لا........لا .......فأنه عملها لكي يخطفها مني
دكتور سليمان >>>>دعنا نسأله اولا ....
دكتور سليمان>>>لماذا اعطيت بوسة لحبيبة حسام ؟؟؟
طلال>>>>لا هي وقعدت من يده وجاءت لعندي فهي قالتلي لا تحبه ولا تريد ان تكون معه فما زنبي انا فحبتني انا لانني امشط لها واشربها واكلها حتى سميتها حبيبتي رنا
وهنا حسام مسك السكين مرة تانية يريد ان يقتله
حسام>>>اعطني حبيبتي انها لي !!!!!!!!
طلال >>>>> لا تريدك هي... اسألها !!!!!
حسام يسأل حبيبته (لعبة باربي)
حسام>>>>>لا تحبيني انت؟؟؟؟ ........وهل تفضلي طلال عني؟؟؟؟.......يا خائنة كل النساء مثل بعضها اذهبي معه لا اريدك بعد الأن ولم اقع بحب امرأة مرة تانية
وذهب حسام حزين لان بقيت حبيبته اللعبة مع طلال
فذهب طلال مع اللعبة حاضنها وسعيد
فهنا الدكتور سليمان كمل الكشفية وهوو يرا حالة المرضا الباقية وان هناك مريضة اسمها رشا كانت تنظر لحسام وطلال كيف يتقاتلو فكلمها الدكتور سليمان وقال لها
الدكتور سليمان>>>ما بك تنظري يا رشا وانت غاضبة
رشا>>>انا بغار ارا ان هذه البنت تخطف مني كل الرجال هنا ما عندها هي ما عندي انا صحيح انها شقرا.......عيون زرق.....جسم حلو.......ولكن انا احلى منها ولكن اتوقع انها ملعونة وتعرف تجزب الرجال فيجب ان اتعلم قليلا منها ويجب ان ادعها تبعد عن طريقي
الدكتور سليمان>>>>يا رشا انت بس للسانك طويل كوني متلها سكوتي ولا تتكلمي كثير وشوفي كيف كل الرجال سوف يتبعوكي انت احلى منها اكيد
رشا >>>طيب رح اقص للساني الان بس اخاف ان قصيتو للساني لا استطيع ان اكل بوضة واحبها كثير افضل ان ابقا بلا رجل على ان ابقا بلا اكل بوضة
وهنا رشا اقتنعت ذهبت والدكتور تابع الكشفية وهو ماشي وجد مريضة اسمها ندوش تسمع موسيقا ام كلثوم وترقص فقال لها
دكتور سليمان>>>على ماذا ترقصي يا ندوش؟؟؟؟؟
ندوش >>>>ارقص على اغاني نجوى كرم فاحبها كثير
دكتور سليمان>>>>يا ندوش هي ليست نجوى كرم انها ام كلثوم
ندوش >>>>انت لا تعرف انها نجوى كرم تغني بستناك وبتمنا اعيش العمر معاك حبيبي
دكتور سليمان>>>>يا ندوش بستناك هي ليليسا مو لنجوى كرم
ندوش>>>انت شبك ما بتفهم بالموسيقا وعم تحكي روح اتعلم الموسيقا وتعا قلي انا كنت مشرفة موسيقا بمنتدى زيدل من زمان واخدت تقدير جيد جدا من كل الاعضاء لان كنت نزل موسيقا خليجية وبنانية واشهر المطربين اللبنانيين كانوا celine dion و enrique iglesia و الكل كانوا مبسطوطين مني انت ما بتفهم بالموسيقا انا خلقت من بطن امي وانا اغني كان يوم اسود يوم ما اجيت ....كان يوم اسود يوم ما اجيت
دكتور سليمان >>>طيب لا تزعي ندوش مثل ما بدك اسفين معك حق انا ما بفهم
ندوش >>>ولا يهمك انا ما بزعل بس عطيتك درس موسيقي ببلاش
وهون الدكتور سليمان خلا ندوش ترقص لحالها وكمل مشواره وصادف الدكتورة مريم
دكتور سليمان>>>>شو دكتورة كيفك شو انت كمان عم تعملي جولي بالمشفا ؟؟
دكتورة مريم>>>>اهلا دكتور والله شي بجنن عم حس المرضا بدال ما تتحسن عم تجن اكتر هو ان ما عم نعرف انداويهم او هون الحابين يضلو مجانين ام هون احسن مني ومنك بس بفضلو الجنون على ان يكونو طبيعيين
دكتور سليمان>>>> الله حسيت ان هون الطبيعيين وانا بلشت جن منهم
دكتورة مريم>>>>>يعني دكتور سليمان انت من طبعك مهضوم وعبقري يعني بتجنن بلد انت هاهاهاها
طبعا عم امزح معك دكتور اسفة
دكتور سليمان>>>>انت لا تفكري حالك طبيعية كمان اذا الك عمر معاشرة هل المجانين معقول ما تتعلمي منهم شيء وتصيري مثلهم ها ها ها
دكتور مريم>>>>يه معك حق بهي هلق خلينا نكفي لان لسا عندي كتير بدي شوف بشوك دكتور بعدين
دكتور سليمان >>>طيب دكتورة موفقة
دكتور سليمان يتابع مشواره ولو في طريقه مريض اسمه عماد وهو ينادي
عماد>>>>كولا ...برتقال.....سبرايت.......بيرا.....للبيع
دكتور سليمان>>>>شو عماد شو عم تبيع مبين وكيف الشغل معك؟؟؟
عماد>>>>كلهم بخيلين وما بدهم يدفعو هي الي ساعتين فاتح المحل وعم نادي كل ما حدا قرب بيسألني اديه الكولا لما بقلهم 200 ورقة بروحو شو هل العالم الرخيصة هي شو انا فاتح لاخصر ام لاربح او مفكرين فاتح لأهدي هذول مجانين مفكرين هيك الشغل ببلاش
دكتور سليمان>>>>بس يا عماد الكولا كتير ب 200 ليرة لازم ترخصها شوي وشوف كلهم بيشترو منك
عماد>>>>شو 200 ليرة غالية انا كنت رح حطها ب 500 بس قلت حرام بحطها ب 200احسن طلعو ما مقدرين ان مرخصتها مشانهم
دكتور سليمان>>>>طيب شو رأيك اشتري منك انا كولا اعطيني وحدة
عماد>>>>يه طيب استنا هلق وقت تسكيرو وبدي استريح لما برجع تعا ببيعك
دكتور سليمان>>>مثل ما بدك يالله روح وانا برجع لما بتفتح مرة تانية
كمل الدكتور سليمان طريقو ولو مريض اسمو عبدالله مسوي حالو راكب ماتور فوقف للدكتور وقلو
عبدالله>>>>دكتور اركب لوصلك بدور معك منشوف هل المجانين هدول واحسن ما تمشي على رجلك الطريق طويل
الدكتور سليمان>>>>شكرا عبدالله كلك زوق بس يالله انا بدي امشي لان المشي منيح لصحتي
عبدالله >>>>رح تخصر ادا ما ركبت ورح تزعلني منك
الدكتور سليمان>>>>طيب يالله ركبني معك لشوف
عبدالله >>>بلش يشعل الماتور ويعمل .....عين ......عين.....عين ....عين ويقول شو باين ما عم يدور الماتور شو صابوا هلق كان يشتغل بلكي فاضي وبده بانزين
الدكتور سليمان >>>يه على الاغلب هيك روح عبيه وتعا
عبدالله >>>>بس خايف يكون ما من هيك ويعطل وكيف بدي ركب الصبابا معي وادرج معهم والحقهم بعدين
الدكتور سليمان >>>>لا تزعل اكيد بيتصلح
عبدالله>>>>طيب دكتور رح شوف شو فيه وانا بعتدر منك لان ما غادر وصلك معي
الدكتور سليمان >>>>ولا يهمك غير مرة
تابع الدكتور طريقه ولو شاف مريضة اسمها سهير تبكي بالطريق وقلها
الدكتور سليمان>>> ليه عم تبكي يا سهورة؟؟؟
سهورة>>>يا دكتور وين ما رحت بقولولي مجنونة بس
الدكتور سليمان>>>>وانت بتسمعي منهم بكونووا غيرانين منك لأنك انت ازكا بنت هون واحلى بنت
سهير>>>بعرف اني ازكا بنت واحلى بنت بين هل المجانين بس ما لازم يسموني مجنونة بس هيك بكل دولة فيها ريئس دولة او فيها ملك دولة لازم يسموني ملكة المجانين ام ريئسة المجانين لان انا اعلى منهم كلهم وكلهم مجانين من بعدي لهيك عم ابكي
الدكتور سليمان>>>طيب لا تزعلي بكرا بحكي معهم انا بقلهم يقولولك ملكة وبقلهم ان انت اعلى منصب بينهم
سهير>>>>شكرا بتوقع بستاهل هل المنصب هدا لان انا كرزتو وانا اول ما اجيت لهون ولازم يحترموا الاعلى منهم
الدكتور سليمان>>>طيعا طبعا اكيد انت بتستاهلي كل هدا ويالله لا تزعلي واضحكي
سهير >>>يالله دكتور انا رايحة بدي دبر بادي غارد على شان يحموني ويرافقوني دائما
الدكتور >>>>طيب روحي الله معك
دكتور سليمان هون خلص من الكشفية وصار وقت يروح على البيت وراح
ولما وصل لقا مرته نهلا بالبيت وسألته
نهلا>>>كيف اليوم كان؟
الدكتور سليمان>>>كيف بده يكون كلهم مجانين يعني شي بجنن
نهلا>>>يه بسيطة سليمان معاشرة المجانين احسن من معاشرة النكديين والطبيعيين ولهيك انا معك طول العمر لان حسيتك انت مجنون وهيك صرت مجنونة بحبك
ملاحظة>>>>>الما بيعرف ان نحنا هون كلنا احباب واصدقاء ومنضحك مع بعض وكلشي مجرد ضحك بضحك ونحنا شلة منحترم بعض ومنحب بعض على شان لا حدا يفكر ان الكلام بجد هي مجرد للضحك وبتمنا تعجبكم القصة بمشفا المجانين
والى اللقاء وشكرا
Posted by: abode durra
ذاقت خلاق عبودي من كثرة الشغل و التبديل من شغله لشغله و قال احسن شي ريح حالي و اتقرج عالتلفزيون شي شوي بلكي بتخطر ببالي شي فكرة
بيقعد عبودي عالتلفزيون و بيقلب من محطة لمحطة و مابيجي عبالو شي لحتى ....................................
بتتطلع موسيقى لمسلسل باب الحارة و هون هالموسيقى بتشد انتياه عبودي و بتخليه يتشوق يحضرو
و بتبلش الحلقة و عبودي عم يتابع و يتابع و بتابع لحتي يخلص المسلسل و هيك بتجي على بالو فكرة جهنمية و قال احسن شي صيرعقيد حارة منتدى زيدل " يلعما اني ليش ما جات هالفكرة ببالي من قبل " (عبودي يتحدث مع نفسه)
و هيك عبودي ما بيكذب خبر ومن صباح اليوم للي بعدو بيفوت عاللمنتدى و بيعلن حالو العقيد و بيفرحو اعضاء المنتدى (أهل الحارة ) و بيهللو للعقيد و بيروح العقيد للمضافه (الواقعة بشارع المنتدى الترفيهي) و بتبلش الوفود تجي تبارك لعبودي بالمهنة الجديدة للي اتخذهي
و كان صف الزوار كما يلي:
1)عبدالله صاحب القهوة: مرحبا عقيد شلونك مبروك الزعامة و انشالله من شوف عا وجهك الخير يا رب بس في عندي طلب صغير منك انو تعود تشرفنا عالقهوة لعنا و من ضيفك كاس قهوة و اركيلة عا حساب القهوة .
و يخرج عبدالله راجيا قدوم العقيد
2)حسام دانيال الخباز: مبروك عقيد اي ها من زمان هيك شي زعيم من شكلك بلكي بحل مشاكل المنتدى و عندى عدة استفسارات اول شي بدي تغيرولي المخبز و تسوو آلي حاج كل يوم برح موت من التعب و الطحين بيضل معبيني و الاستفسار الثاني شو عنوانك لحتى صير ابعثلك الخبزات
بيجاوبوا عبودي و بيطلع حسام
و فجأة بيجي الابضاي طلال و بيقول "عقيد عقيد في واحد اسمو العقيد حسام الدانيال جاي عالحارة و حاطط الشر بعيونه و ال شو جاي يعلق مع صاحب القهوة عبدالله مشان صورة بحفلة ما و ما بعرف عقيد شو نعمل
بيجي عبودي العقيد بوقف بعزم و بيقول ما فشر روح طلال صيح لابو عرعوش و لاقوني عند باب الحارة
و بعد شي ربع ساعة ما منشوف غير هالعالم مجتمعة و كل واحد مجهز سلاحه أو شبريه و بدو يعلق و لما كانت العلقة على وشك البدء بيجي الحكيم سليمان صفر و بيهدي الشعب و بعزمهن لعندو عل البيت و كل الشباب بعقدو بالغرفة الضيوف و بيبلش العم سليمان الحوار و بيقول:
اخ حسام دانيال و الله ما بعرفك هيك شلون بتسمع من كلام العالم و بتخليهن يوسوسوا براسك لحتى جاي تتقاتل مع اخوك ابو عرعوش ولو يا زلمي هدي حيلك و خليني نسمع القصة من المعلم ابو عرعوش
ابو عرعوش : اخي حسام انتي بتعرفني بحبك كثير و مو معقول سوي شي يزعجك بقى خليني نضل حباب و صحاب مثل اول و منرجع اصدقاء
و هون بيرد العقيد وبيطيب خاطر الاثنين
يلا يا زلم و حلوان المصالحة عندي بالمضافة و جايبلكن افخر انواع الاكل من مطبخي الشهير
و هيك بيتصالحو الشباب و بيرجعو صحاب
بس بيني و بينكن عبودي ما عجبتوا هالشغلي و قال بعقلو اشو هاذعلىكل مصالحة او مشكلة صغيره بدياعمل عزيمة و ضيافات مبين هالشغة كسيرة و ما مليحة بلاها احسن و هيك كان و باليوم الثاني و بيعلن عبودي استقالته من من منصب الزعامة و بيرجع يصير بلا شغل هههههههه
(الشخصيات الواردة في القصة لا تمت للحقيقة لاي صلة و نعتذر عن تشابه الاسماء )
شباب عجبني الموضوع و حبيت شاركن فيه و اسف اذا اي حدى انزعج
تحياتي
Posted by: talal_alachkar
بالعكس أخي عبودي
أنت هلق إنضميت رسمياً بمشاركتك الرائعة لعيلة باب الحارة أه قصدي لعيلة المسرح الزيدلي لمنتدى زيدل .
مشاركتك رائعة و ضحكت و قت أستقال العقيد و خاف على مصرياتو ههههههههههههههه.
أهلا و سهلا فيك .
طلال
Posted by: a_aroush
يعطيكن العافية و شكرا عالضحكايات .. و أهلا بعبودي معنا .. شلة مجانين البفوت فيها ما بيطلع جهز حالك ... عفكرة لازم اشكر Syria & Joleat عالتعليق .. و الحقيقة اللي اوحالي بالموضوع كيف كان يشق حالو مدرب العسكرية من خيبتني ..
اليوم قلت بدي ارجع معكن عالمزح .. يمكن أريح من الجد بكثير ..
.................................
طلال يأخذ عن عبودي كتف .
عبودي : شو هالعلقة العلقتني ياها يا زلمي .. عم يعملوا فيي مثل أفلام اسماعيل ياسين .
طلال : اي ولك خلينا نضحك شوي مو أحسن ما نضل آخذينها جد .
عبودي : هلأ الي عم تقلي بحب الجد .. لالالا .. بس خوذ عني كتف شوي والله هلكوني مسرحيات.
طلال : خلص ولا يهمك بكرا بخبر الشباب .
طلال : عالمسينجر..BUZZ ... عبدالله كيفك ما بعرف إذا هون بتضل invisible .
عبدالله : أهلين بهالعين .. هون كيفك .. شايفك بس والله خايف الك صباح الخير تسحب معي القصة للمسا .
طلال : ههههههههههه يخرب كوشك هلأ أني اللي ما بخلص حكي ولا انت الما بخلص منك , قاعد بالستور و بدك حدي يسليك .
عبدالله : ولك اي بدي افطر فيك قبل ما تتعشي فيي .. شو في أخبار هات لنشوف .
طلال : هاذ عبودي قال بدو آخذ عنو كتف بموضوع ... عبودي مدرس العربي
عبدالله : اي بكرة منعملك مسرحية الك شو فيهي .. بتحب بلش هلأ ؟
طلال : اي يالله هات لنشوف .
عبدالله : طيب ... عامل مسرحية جديدة رح حطك البطل رح سميها .. طلال دليل سياحي .
( طلال بيضحك من الهوي المارق من العنوان بلش ضحك )
*****
طلال دليل سياحي
طلال بيستقبل وفد سياحي أجانب من المكسيك و أمريكا و استراليا . شباب و صبايا .
طلال : أهلا أهلا .. يو ويلكم ان ماي كانتري سيريا .
أحد السياح : نو آبلا انغليس سنيور .. ( ما بحكي انكليزي ) آبلا اسبانيول ؟ ..( بتحكي اسباني ؟ )
طلال : بوكيتو .. ( يعني شوي ) .. وينك يا سهير هلأ تسعفيني شو بدي اعمل فيها هي .. بس يالله حلوة عالاشارات بفهمها .. ما هو كل كلامي مع الصبايا بالاشارات .
طلال : سنيوريس .. سينيوريتاس .. ليديز آند جنتلمن .. ( كيف بدو يفهمهن هذول .. بيبرم أصابعه ... بيسألهن يعني عوين .. و بيلف ايده يعني وين بدكن تدوره تتفرجوا )
صبية بتفهم عليه بتقله : أنا بهكي أربي شواي .
طلال : أوووف اي داخل عليكي تعي.
الصبية : لالالا سنيور .. عيب .. ما بسمهلك .
طلال : شو .. ما .. لالالا انتي مانك فهمانة شو عم قول .. ما قصدي هيك .. يا عيب الشوم منك ... ولو معقول .. قصدي قول أنك جيتي بوقتك .
الصبية : آه إذا هيك مأليش .
طلال : شو اسمك
الصبية : غوالالوبي لوبيز .
طلال : والله لبي .. اي عاشت الأسامي أهلين .. وين بتحبوا تروحوا .
غوالالوبي : ألا قلّة الحمص .
طلال : قلعة حمص اي .. اي فهمت يالله أمشو .
وصلو لهنيك ... مندهشين كثير .. و بيطلعوا يمين شمال .
غوالالوبي : سنيور .. هذه ليست قلة الحمص .. نو .
طلال : كيف لاء .. شو رح تعرفي أكثر مني لكن شو عم بعمل انا هون .
غوالالوبي : نو نو نو .. سنيور ..( معها صورة بتورجي طلال ) .. سي ألّة الحمص .
طلال : أيوااا ... قلعة الحصن .. اي انت قلتي قلعة حمص .. هي اسمها .. الحصن .Krak des Chevalier
غوالالوبي : لالالا سنيور انتا رزيل شو هي شوفو لير .. لوكو .. كابرون .
طلال : له .. لك له يحرق حريشك شو فهمتي عم قول .. يلعما شو هالمصيبة هي .. كيف بدي فهمها .
...... وينك يا سهير تفهميلي هي.
Posted by: a_aroush
سائح أمريكي : يو دونت سبيك انغلش أور سبانيش هاو كم يو هاف ذس جوب ..
طلال : شو شو ... شو عم تقول .. شوي شوي مستر .. سلولي بليز.. آي نو انغلش غود ... واط يور نيم از ؟
السائح : Richard ..
طلال : ريتش قرد ... سماع.. ليسين .. آي نو أندرستاند .
ريتشارد : واط أذر لانغويج دو يو سبيك بسايد إريبك ؟
طلال : آه آه هي فهمتها شو بحكي لغات اي... بلجيكي .. بيلجوم .
ريتشارد : أوكي كان يو تيك أص ناو تو ذا كراك دي شيفيليرز .
طلال : أوكي أوكي يالله .. كم كم .. بيراتي سنيوريز.. انتو هنيك والله لوبي و رفقاتك .. بيغمزها طلال بطرف عينو و بيأشرلها يمشو وراه .. و بيطلعو الباص .
الشوفير ( العم سليمان ) : على وين شباب
طلال : على قلعة الحصن زكاتك خلصني من هالشلة طالع معهن كثر الحكي و ما عم افهم على حدا شي .
سليمان : بيمشي بالباص و بيسأله .. ليه انت ما بتحكي لغات ثانية
طلال : اي بلجيكي بس ما حدا بيحكي بلجيكي .
سليمان : أكيد واسطتك ثقيلة لحتى صايرلك هالشغلة .
طلال : اي خلصنا ليه في حدا عم يتوظف من دون واسطة .. و محسوبك أخذتها من قصيرو لشو ادرس سياحة و ضيع وقت .. الواسطة بتعمل كلشي .. و خصوصاً لو واسطتك أبو علاء .. بعدين وين لاحقني عأساس انت بتعرف تسوق لحتى حاطينك شوفير .. يا حبيبي على هالشوفير ماشي و البطحة بايدو.
سليمان : ولك سترها .. و خذلك شفة .
غوالالوبي : سنيور سنيور .. كيرو ير ال بانيو .... بورفابور .. ألتو .
سليمان : ولك شو بدها هي شفلي .
طلال : لي أنا اللي رح افهم عليها .. هي رح تجنني اليوم .. والله لوبي .
طلال : شو بدك .. واط .. كي .. صرعينا اليوم مالنا شغلة غيرك .
غوالالوبي : بتأشرلو .. سنيور .. بورفابور .. كيرو ير ال بانيو . ( يعني لو سمحت بدي استعمل التواليت )
سليمان : ولك مانك شايفها بتحصر .. يمكن بدها تستعمل التواليت .
طلال : بيأشرلها .. أوكي أوكي .. أونو مومنتو ( لحظة ) .. بالاستراحة .. ريست ريست ايريا .
غوالالوبي : أبوراتي ... أوريتا .. كابرون .
طلال : عجل بسرعة شوي عم سليمان هي يمكن مو قادرة تتحمل كثير .
العم سليمان بيدعس بانزين كلشي و فيه .. الركاب بيصيرو كلهن بالمقعد الوراني فوق بعض .
ريتشارد : ايزي .. مااان .
سليمان : شبو هاذ
طلال : متمسك بالبوري و رجليه طايرين بالهوي .. عم يقلك من زمان عميل هيك .
سليمان : ولك وين صارت هي .. ليقوم نطت من الشباك .
طلال : لا لاء ليكها بس طيرتها انت لورا .. الله يعلم يمكن ما عاد بحاجة للتواليت .
فجأة بيشوفوا وراهن سيارة شرطة مشعلة أضويتها و زمورها عالآخر .
Posted by: a_aroush
سليمان بيوقف الباص .. و بيجي عليه الشرطي عبودي درة.
عبودي : وراقك لو سمحت .
سليمان : يا أستاذ هذول معي سياح و كنت مضطر امشي بسرعة .. في وحدة بدها تستعمل التواليت .
عبودي : حبيبي كل اللي مرقت عليهن بهالسرعة عملوها تحتهن من دون تواليت .. حتى شوف البنطلون عاجبك شو عملت فينا .. هات وراقك لشوف .
سليمان : يا استاذ هذول سياح .. بدنا نراعيهن .
عبودي : سياح ؟ .. اي الله لا يعطيك العافية كان ممكن مشيك بخمسا و عشرين ورقة .. بس هلأ لاء لأنو بتوصل للأمم المتحدة .. و ما بدنا ننزع سمعة البلد .. هات وراقك لشوف .
غوالالوبي بتنزل من الباص بسرعة و بتدفع عبودي من الطريق .
عبودي : ولك شو بها هي ليه هيك مستعجلة و راحت تركض بين الشجرات .
طلال : هي هي السبب ليه أسرع الشوفير .. زكاتك سامحو هالمرة .
عبودي : مين حضرتك ؟
طلال : أنا الدليل السياحي تبع هاذ الوفد .. سامحنا هالمرة .. و نشالله منخلي أبو علاء يعوضلك ياها بشغلة ثانية .
عبودي : بيركب السيارة و بيزمر على بيتهن طاير أول ما بيسمع اسم أبو علاء .
ريتشارد : واي ذا بوليس غت سو سكيرد آند لفت إن اي هيري . ( ليه خاف الشرطي و راح بسرعة ) .
طلال : خاف من أبو علاء .
ريتشارد : أبو ألاا .
بيطلع ريتشارد من الباص و بينهزم بسرعة بين البساتين .
سليمان : ولك شبو هاذ .. كمان هاذ بيخاف من أبو علاء .
غوالالوبي : بتطلع من بين الشجر ابتسامتها من الاذن للاذن .. مرتاحة عالآخر .. و بتطلع على ريتشارد هربان بتسأل .. لماذا يهرب هذا الرجل ؟
سليمان : من أبو علاء .
غوالالوبي بتعملها مرة ثانية بس هالمرة بالبنطلون .. و بتوقع مغمى عليها من الخوف .
طلال : ( بيشيلها عالباص ) .. هلأ بربك ضروري كان تخوفها بأبو علاء .
سليمان : اي و مين يعني هاذ أبو علاء .. و ليه خايفين منو هالأد .. يلعما واصلي أخبارو عأميركا و المكسيك .
طلال : وطي صوتك مانك عارف عمين عم تحكي.. مشي الله يستر عليك .. مشي خلينا نرجع ناخذ وفد غير هالوفد المنحوس هاذ .
Posted by: sulieman safar
الف شكر لكم جميع على المشاركة وخصوص مسرحينا الضغير عبودي الدرة. ولكن يا عبودي بدي وجهلك شوية نقد مسرحي على شان تطلع مسرحيتك الجاي انجح. على سبيل المثال حسام الدانيال بيحكي مثل البسيني ومن الضروري انو في مسرحياتك القادمة تكثر من كلام يحتوي على احرف الصوتية الناعمة. عندك عبدالله العرعوش بيدج كلامو دج ولذلك من الضروري انك تكثر بكلامو أحرف الغير صوتية وهيك بتطلع لهجة المسرحية أحلا بكثير. رجائاً تقبل نقدي لأني ما بعرف شي عن المسرحية.
السهورة الأمورة اللي مافي منها بالمعمورة مسرحيتك عجبتي أكثر الكل لأنك بالفعل اخذتي لنسفك ثيم صعب وهو الجنون وعجتني فكرتك في أخر المسرحية وهي " المجنون أفضل من النكد".
ولكم محبتي المسرحية.
سليمان
ملاحظة:
خلال هالكتابي نحط مسرحيي جديدة . الله يعطيك العافي عبدالله وبنظري انت هلق صرت بالأول .
Posted by: abode durra
و بعدين بيروحو طلال و العم سليمان على المطار مشان يسترزقو و بيبلشو يطلعو على لائحة الطيارات و بعدين بيروحوا على باب الفادمين و بينتظروا
بيجي اول مسافرين من الطيارة الاولى و بيطلع عالم من الهند و بيتفاجا طلال بواحد لابس مثل شي بطانية و عم يسألو بعربية مكسرة
الهندي " اذ توريد هال ماعك شي ماصاري انا بيدي ماصاري ميشان سوح بيالبلد"
طلال " شو شو نعم بدك مصاري فرقنا ياه ما ناقصني غير انت حل عنا ياه"
وبيروح هوي العم سليمان على غير منطقة و ينتظروا الطيارة اللي بعدهي
و بوصل الطيارة اللي بعدهي و بيقولو على المكرفون "نعلن الان عن وصول الطائرة الفادمة من الولايات المتحدة الأمريكية "
و فجأة بنط طلال من الفرحة و هوي مبسوط كثير
بيجي لعندو العم سليمان و بيقلو " شبك يا زلمي فضحتنا و لك ليش عم تنط هيك و خير اشو في"
طلال "هات البشارة"
عم سليمان " ولا يهمك اشو في "
طلال:"مانك سامع جاي الطيارة الاميركية "
عم سليمان" أي شو يعني شو صار"
طلال:" يا اخي شبك هذول زناغيل و بيدفعو كثير و ما فهمت"
عم سليمان" آآآآآآآآآآآآآآآآآه هلأ فهمت "
طلال "أي اني بروح لهذيك الجهة و انتي خليك هون"
وبيطلعو الاركاب و فجأة بيطلع عبدالله العرعوش من الباب و بدور بين الحاضرين و بيجي لعند العم سليمان
عبد لله " اهلا و سهلا عم سليمان كيفك يا و الله اني جاي مفاجاة على سورية و ماني قايل لحدي و لك شلون عرفان و جاي تستقبلني ؟؟؟"
العم سليمان " الحمدلله على السلامة عبد الله ولو يا زلمي معقول ما استقبلك"
عبدالله " و لك جيت بوقتك ليك اني ضاعو مصرياتي علىالطريق بتعرفشي حدي فيه يوصلني على زيدل ببلاش"
العم سليمان "احم احم اه مافهمت"
عبدلله " عم قلك ضاعو مصرياتي على الطريق و ما معي ادفع و بدي روح عاز يدل"
العم سليمان " اههلا فهمت أي ليك هناك في مكتب تكسي و اكيد فيهن يساعدوك
و بيدلو العم سليمان على المكتب و بيروح عبدلله يشوفو
و بيعود طلال و بيجلسو عا جنب وبيقول " اشو هالحظ هاذ ما مليح منوب"
العم سليمان خير اكيد مو اضرب مني "
طلال" ليش اشو فيه"
العم سليمان " ال و اني عم استني بطلعة عبدالله العرعوش "
طلال " هاها مليح و اشوو فيهي "
العم سليمان " بدوا حدي يوصلو على زيدل "
طلال "أي و اشو قلتلو "
العم سليمان " بعثتوا على هذاك المكتب تبع التكسي اللي بآخر هاذ الصف"
طلال" و ليك ليش عملت هيك هاذ اميركاني و بيدفع كثير و مع بخشيش كني اخناه بالمكرو"
العم سليمان "اشو هاذ يدفع ال هاذ عبدلله ما معو مصاري ال ضاعو منو و بدو حدي ياخذو عاز يدل ببلاش و اني البنزينات اللي معو ما بيكفوني "
طلال " شو هاذ ما معو مصاري يا عيني على هالزباين "
العم سليمان " أي ما قلتلي انتي اشو صار معك "
طلال " اشو بدي قول لا قول كنت عم اتطلع على هالركاب و عم دور على زباين"
العم سليمان " ايه و بعدين"
طلال" و كل ما اجي لعند شي غروب( groupمجموعة ) بتطلع متعاقدة مع شي حدي غير"
العم سليمان " افففف و ما لقيتولا زبون"
طلال " ولا واحد آآخ شو بدي احكي يا زلمي بهالبلد الواحد بدو سنة يدور على شغل و اذا لقى شغل ما بيمشي الحال"
العم سليمان " أي معك حق و الشغل ما بيلتقى غير بالواسطة و ما انتي كمان مانك شايف هالاسعار شلون مرتفعة و البنزين سعروا صار عالي "
طلال " و لك بعرف بس الوحد اشو بدو يقول يضل ساكت احسن"
و فجأة بيجيهن صوت عالي و عم يصرخ" ولك اشو هاذ انتن قاعدين بمطار و اللا بقهوي و شو عم اسمع عم تحكو عل الحكومة"
طلال بيطلع لوراه و بيقول" ولك هاذ انتي عبودي الدرة "
عبودي " احترم حالك شو ولك ما ولك عريف مع مين عم تحكي"
العم سليمان "و مع مين عم يحكي"
عبودي " مبين ما الكن خبر"
طلال "لا والله"
عبودي" أي رفعوني و حطوني بالمخابرات !!!!!!!!"
العم سليمان" أي اهلين و سهلين اشو بدك"
عبودي " تفضلو معي بدني نحقق معكن "
طلال " بدك تحقق أي استني شوي بس لا احكي مع ابو علاء هذيك المرة قلي انو بدو يحكي معك"
عبودي ما بيستغرب او بيضهر أي تائثير من حكي طلال
العم سليمان" اشو مانك سامع مع مان بدو يحكي"
عبودي" أي سمعان خليه يحكي مع المعلم أبو علاء مزالو هوي رفعني و حطني بالمخابرات"
طلال" آآآآآآآآآآآه أي اهلين و سهلين اشو قلت بدك ما سمعت مليح اول مرة"
عبودي " اني قلت اتفضلو معي بدني نحقق"
العم سليمان" يالله عبودي سامحنا هالمرة و اللهما عد نعيدها "
طلال" أي عبودي ولو نسيت اهل ضيعتك بهالسرعة خلص اخر مرة
عبودي " أي يالله روحو معليش اني كنت عم امزح معكن ولو ما اليوم كذبة اول نيسان"
طلال" ههههههههه يقرف عم عمرك على هالكذبة خوفتني كثير"
عبودي " اسكت شو هاي يقرف عمرك كنت عم امزح معكن بس بشغلة التحقيق بس اني صرت بالمخابرات عنجد يالله اذا بتريدوا طلعو من هالمنطقة و وقفو ورا الخط الاصفر اللي على الارض"
العم سليمان " أي عفوا يالله ولو مو بس رح نرجع ورا الخط الاحمر قصدي الازرق "
طلال" و لك الاصفر"
العم سليمان" أي الاصفر و رح نطلع برا المطار كلو "
و بيطلع طلال و العم سليمان برا المطار و هني عم يلعنو هل الحظ بهاليوم المنحوس
انشالله عجبتكن هالقصة و ما كون ازعجت حدي و تحياتي
Posted by: ABUODEE
طلا ل ((ذو السمع الخفيف)) يقف بمنتصف حمص عند الساعة القديمة عم يدور على تكسي
واذ بـ حسام دانيال شوفير التكسي((ذو السمع المحدود)) يتنظر زبون
طلال: يا اخ ..هاي التاكسي بتروح على زيدل عساحة الشهداء الجديدة ؟
الشوفير حسام دانيال: على الحديدة !!... ليش انت شحّاد؟؟
طلال : شبها رشا العوّاد !!على اساس بهالوقت بتكون بالمطار
حسام دانيال: ليش عم تقول عني حرّار؟!! اذا مانك مصدّق اسال حسام وكنان
طلال: معك حق.. لازم نمر على شي دكّان لازم اشتري لحمة
حسام دانيال: اي والله الدنيا زحمة ..بهالوقت موعد خروج الموظفين
طلال : عبد المعين !! لا والله .. مابعرفو
حسام دانيال: ليش ما بتشربو!! لا يكون خايف من شي فيروس؟
طلال: اوف كيف لكن .. انا الي بيسمع لفيروز ؟؟ !!!احلى اغنية الها تبع طريق النحل
حسام دانيال: اي اي بعرف انك فحل ...يالله خلينا نتيسر احسن ما استأجرلي شي موتير
طلال: سهير سهير ماغيرها !! وكيفها هالامورة المضروسي؟
حسام دانيال:اي اكيد الشغلة محسوبة ومدروسي
طلال: لاء مو على فيروزة عم قلك على زيدل احسن ما اخبطك شي كف وشي عشر لطوووش
حسام دانيال: ايوااااااااا جنب بيت ابو عرعوووش اي قول هيك من زمان .. يااااا مان
طلال: الخال سليمان تعبان ... لك شبو!!!امبارح كان مثل الغزال
حسام دانيال: نيّالك على راحة البال!! على كلٍ انت اركب ورح ، وصّلك لحد الباب
طلال : مين هني اولاد الكلاب؟؟ !!! وانا اللي كنت مفتكرك موزون و محترم
حسام دانيال : غلاف الاوزون انخـرم !! مين هوي الي خرمو ..مين ؟؟
طلال: بدّك اسـبرين ! ليش مانك حامل سيتامول؟
حسام دانيال: اشتريتو جديد للدينمو وسعرو كان بوقتها غالي
طلال: خالي.. هوي انت بتعرفو لخالي؟؟كبير شوي بالسن
حسام دانيال: الجن.. يخرب كوشك شو راكبك عفريت
طلال : لا والله ..ما معاي كبريت.. انت بدّك اياه ليش .؟
حسام دانيال: اي والله جاي على بالي شنكليش .. انت طلاع وبدي فرجيك احلى نافورة
طلال: والله ليش لاء منشوف الفرفورة
حسام دانيال: وكمان بدّك تمر لعند مريم الدكتورة؟؟؟
طلال: يالله اامشي حاجتك طق حكي .. قال ..بدّو يصيد عصفورة قااال
حسام دانيال: بما انك عم تسالني عن الحال .. رح قلك الحمدلله؟؟
طلال: شبو كمان عبدالله؟؟..لا تقلّي بدك تمر عليه وتعملو زيارة
حسام دانيال: لا تقولها ... كيف خربت السيارة؟
طلال: اي بعرف انو مانك سريع مثل الطيارة !!
حسام دانيال: اوعى لا تحكي منوب على الجارة .. والله والله بقوسك بالبارودي
طلال: اي والله اشتقنالو لعبودي .. عم تشوفو لهالشب ؟
حسام دانيال: اعوذ بالله مين بيسترجي يسب؟ كل شي الا هالشغلة
طلال : والله بدي زور كل الشلة يالله دوووس االله يبعتلك عروس
حسام دانيال: مقبولة عزيمتك على المكدوس
في هذه الاثناء تمر سهير (( ذات السمع المفقود ))من جانب الاثنين
صباح الخير ياشباب
طلال : مين بالظبط الي كسر الباب؟
حسام دانيال : والله على حد علمي بالشنطة مانو جايب معو ثياب.. بس فيكي تساليه لطلال
سهير : هلق وقتك ووقت ام كلثوم والاطلال ..انزلو ساعدوني بحمل جرّة الغاز
طلال : لاء وعم تحكي بالفصحة كمان ها ها ها قال بدها تتفرج على التلفاز.. مابتلبقلك هاللهجة
حسام دانيال : شو عرّفك انها عاملة على الاكل عجّة.. يعني حضرتك صاير المتنبي؟؟
سهير : مين هوي هاذ الصبي ..وشو كان عم يعبّي .. لا تقلي حرامي
طلال: ماحدى عم يشجع بهالايام الكرامة.. ماحدى فاضي اصلاً
الخال سليمان (( سمعو خفيف )) جاي من بعيد على البسكليت وقف ليشوف شو هالتجمّع الي صاير
الخال سليمان :ولك شبكن متجمعين هيك وعاملين متل الي ناطر دورو بالمؤسسة الاستهلاكية
طلال: الله عليك يا خال وعلى مزحك قال شو.. بدو بسكليت عالبطارية
حسام دانيال: اي خال بتنحل المشكلة اذا حطيت عليك بطانية
سهير : اف ومن امبارح لهق ماخلصت الخالة نهلا من الكبة المقلية؟..وكمان سمك بالصينية .. اي شو اختراع ذرّة؟؟
الخال سليمان : يخرب كوشك ..شو عرفك اني رايح لعند عبودي الدرّة؟؟
طلال: لا تحلف خال صادق .. ليش عم تحلف بالعدرا.. بعدين مابدك تغير هالبسكليت؟؟
حسام دانيال : دخيلك انت والبسكويت ..
مرّت دوريّة وشافت التجمّع بنص الشارع
نزل الضابط عم يصرّخ ليش هالتجمع بنص الشارع ليش متجمعين؟؟؟
الخال سليمان : اوف .. انا مالي خبر شي كوكاكين ..
طلال: لك شو هيروين ما هيروين .. الله يستر عليكم نحنا مظلومين
حسام دانيال : وليش لحتى نكون مطلوبين؟؟
لا يكون شميتو ريحة الشنكليش؟
سهير : لا تصدقو يا شاويش .. شو حشيش ما حشيش..
بهالوقت مرّت قطة من الشارع
الخال سليمان قال للقطّة : تعي بيس بيس
الضابط :والله انا قلبي كان حاسسني من الاول انكم جواسيس
قدّامي على القسم لشوف
Posted by: فاروق القدومي
الاستاذ عبودي كان في المدرسة اول امبارح وكان عم يعطي حصة وقبل نهاية الحصة بعشر دقائق قرر يلطش الوقت المتبقى من حساب الطلاب ويحرمهم من 10 دقائق ثمينه......وقال:
بما انو في عنا متسع من الوقت بدي اسألكم يا شباب.....**
مين عنده او مين ببيع خواريف؟؟**
رد عليه احد الطلاب وهو كـــنان قائلاً:
كـــنان: استاذ اه احنا في عنا خواريف**
الاستاذ: بالله عليك....طيب قديش بتبيعوا الكيلو واقف؟؟**
كـــنان: ..ايا استاذ السود والا البيض؟**
الاستاذ: لا البيض**
كـــنان: البيض ب 300**
الاستاذ: ليش والسود؟**
كــنان: السود ...كمان ب 300**
الاستاذ: بالله عليك.......طيب ليش شو بتطعموهم؟**
كــنان: ايا استاذ السود والا البيض؟**
الاستاذ: لا البيض**
كـــنان: البيض...منطعميهم برسيم**
الاستاذ: ليش والسود؟**
كـــنان: السود منطعميهم...كمان برسيم**
الاستاذ: بالله عليك....ليش انتو وين حاطينهم؟**
كـــنان: ايا استاذ السود والا البيض؟**
الاستاذ: لا البيض**
كـــنان: البيض عنا بالبيت**
الاستاذ: ليش والسود؟**
كـــنان: السود ....كمان عنا في البيت**
الاستاذ: بالله عليك.....ولك انت فقعت قلبي كل ما اسألك عن شغله بتتقولي السود والا البيض وبالاخر بطلع نفس الاشي**
كـــنان: استاذ انت مش فاهم اشي....البيض النا....!!!**
الاستاذ: ليش والسود..؟**
كـــنان: السود؟؟؟؟؟.................كمان النا......هههههههه**
*قدومي*
Posted by: talal_alachkar
رائعة عزيزي فاروق
يعني جننتو للأستاذ عبودي و مع 
