الارشيف - الى اللقاء0000آخر الكلمات

Pages: 1

الى اللقاء0000آخر الكلمات
(انقر هنا ان احببت مشاهدة الموضوع الاصلي بالالوان و الصور )

Posted by: mariam

يبدوان الاشياء الجميلة لاتدوم000
هنا قضينا معكم سويعات جميلة 0000البعض كان راضيا والبعض كان غاضبا00البعض لم يعجبه صدى كلماتنا ورفضها بشدة والبعض قبلها على مضض000
على هذه الصفحات كان اللقاء ومهما كانت ردود كم على كلماتنا كنا سعداء بوجودنا معكم 000كنا سعداء ونحن نسمع همساتكم تغذي كلماتنا وانفاسكم تنعش احرفنا
ربما اتفقنا وربما اختلفنا 00لكن وجودنا معكم كان رائعا 00
اليكم جميعا نهدي قبلاتنا 000واليكم نرسل محبتنا 000كنا نتمنى ان يطول اللقاء 00لكنها سنة الكون ان يرحل ناس ليولد ناس0000
الى هنا ينتهي مشوارنا معكم 0000وهنا تتوقف الكلمات لتقول لكم نحن معكم وروحنا معكم لكن قدرنا ان نبتعد 000
الى هنا ينتهي المشوار وتنطلق حمائم القفص 0000لتنهي سجن سنوات 000
هنا نقف لنقول لكم 00000000000000
الى اللقاء 000
لاننا لا نقوى على قول الوداع0000000000
سامحوا احرفناالغاضبة 00واعذرونا ان اسانا يوما الى احد 000
ربما كنا قساة احيانا وربما كنا مخطئين يوماا 000
اعذرونا واغفروا لنا مابدا من علاتنا000
هنا توقف القطار وعلنا ان نتترجل 000
هذه محطتنا وعلينا النزول 000
تذكرونا دائما 000
تذكرونا لاننا قدمنا ما رايناه صوابا 00
تذكرونا فقد اعطينا جهدنا 000
هنا علينا النزول فقد اوصلنا كلمتنا لكم جميعا 00
لانكم في القلب دائما 0000
الى اللقاء0000000000
انتهى مشوارنا معكم نتمنى لكم دوام التوفيق والنجاح 000000000000000
نتمنى ان يكون طاقم الاشراف الجديد ثمرة جيدة لجهدنا وخياراتنا 000
حاولنا ان نقدم الافضل 000
وسنبقى معكم دائما 0000
هنا بيتنا وهنا مكاننا 0000
لكننا نسلم ادارته لاصحاب الموقع فيختارون البديل 000

سناء-مريم

Posted by: talal_alachkar

الكبير يبقى كبير مهمى إبتعد ، و من لايخطئ لا يطلب من الأخرين أن يعذروه ، و من كان كريماً لا ينتظر الشكر لأنه في الأصل كريم .
أنتم كنتم كريمين بتحملكم لنا و لقصاوة قلوبنا أحياناً و أفكارنا أحياناً أخرة .
نحن من يجب أن نطلب منكم المسامحة و الإعتذار و الشكر لكم .
سناء و د. مريم شكراً من القلب لما قدمتموه و ما ستقدموه في المستقبل .

شكراً و إلى لقاء قريب .
أخوكم الصغير طلال

Posted by: dream night

الكبير بيظل كبير
القائد حتى اذا تنحى عن منصبه سيظل أسمه قائد..
أنتم الكبار وأنتم القادة
أنتم الآساس
المنتدى قام على تعبكم
ومن وقتكم
وراحتكم
وأجتهادكم
سيبقى أسمكم علم مرفوع..
كنا معكم وحاولت ان أتابع معكم
كنتم مع الحق
وكنتم مع الضعيف
كنتم مع القديم.. والجديد..
القريب ..الغريب..
تعلمنا منكم الكثير..
كبرنا وكبر المنتدى بوجودكم..
وأهتمامكم
تحملتم الكبير والصغير فينا
ومنكم السماح أيظا..
أعتبرتكم أخوتي الكبار..
حاولت أن أكون منكم وفيكم..
ولكن.

أقول لكم وداعا
الى اللقاء أخوتي...

أتمنى أن تتراجعوا عن قراركم
أرجو من الآعضاء مناشدتهم معي ..

الله يسامح اللي كان السبب..

Posted by: mariam

اهلا بالاخ دريم نايت 00نحن معكم وسنبقى معكم 00اقلامنا ستجتمع معا من جديد وفي ظل ادارة جديدة قد تقدم اكثر مما قدمنا 000وهكذا هي الامور ناس تسلم الراية لناس والتجديد فيه كل الافادة لمنتدانا الغالي
شكرا طلال 000نحن بمحبتكم نكبر وبكم صرنا كبارا 00

Posted by: SAILOR

عذراً فما أراه هنا محاولة إضراب ليس أكثر ..كان من واجبكم تأمين البديل و ترشيحه وتنصيبه بينكم وبين المشرفين ...وعندها يترجل الفارس عن حصانه وهو مطمئن أنه سلم الراية لمن هم قادرون على متابعة المشوار....
التجديد جميل ولكن في اللحظات المناسبة وعندما يشتد عود من يتابع المشوار .فالمنتدى ياعزيزتي ليس شركة خاصة يعين صاحبها مدير لها عندما يتنحى مديرها..
أنصحكم بالعودة وأختيار البديل فالوقت غير مناسب الآن ..
ولو كنت من صناع القرار هنا لأجبت : ( إستقالة مرفوضة أرجعوا على مكاتبكم )..

مع كل الإحترام ..تقبلوا مروري ..

Posted by: sulieman safar

ويين صبايا؟
........يبدوان الاشياء الجميلة لاتدوم000
يعني معقول انو نظرية فيثوغارس اصبحت على خطأ وبحد ذاتها تعتمد على ان " الجمال في عين الناظر" ولعلي أوري: اذا وقف احدنا على قامته فهو يمثل احد ضلوع المثلث القائم الزوايا(الخط العامودي). وتبقى الأرض التي يوقف عليها تمثل الخط الثاني للمثلث(الخط الأفقي) ولكن يبقى القمع النظري أو الوتر أو المحراب يمثل أهم قسم من المثلث من حيث انه يعرف التناسب ما بين العامودي والأفقي وهنا يرقد كل ما هو جميل.(فهمتوا شي؟)
ولذلك استنتج بأن الجمال يدوم ولكن ما يتغير هو نظرتنا بالجمال.
وللصبايا محبتي.
سليمان

Posted by: a_aroush

ول ول ول أوووف شو القصة , شو هالخبر المفاجىء هاذ و عساه يكون خير . انتي و سناء بيوم واحد !!!!!!.

لولا اني بعرفكن مليح ما كنت تفاجأت , صحيح سميتك الك دكتاتورة بس سناء دكتاتورة أكثر منك , أكـــيد صاير شي انقلاب بالمنتدى حتى معتزلين هيك فجأة .

المهم ما حدا يقوس حالو منكن لأنه هيك عادة المناصب العليا عنا , إذا استقالوا قبل ما يموتو موت ربهن , منخبر بعد كم يوم انهم انتحروا

.

ما رح قول الى اللقاء , يعني صعب نقدر هيك نسمحلكن تمشوا , صحيح انا من الناس اللي بتحب التجديد , بس مثل ما قال .. شو اسمه لحظة ... sailor ... ما بيصير تمشو قبل ما يستلم الشخص المناسب لهيك مهمة . إلا إذا فعلاً في انقلاب و لازم نستنى بكره المنقلب الجديد يطلع عالتلفزيون .. أو بهالحالة بيطلع عشريط التمرير و بيحط حالو مدير .. مين بيطلع يا ترى ؟ ما بيطلع غير عبودي عاملو شي طبخة بمنتدى الطوارىء طيّر الإدارة فيها.

هلأ منرجع للجد و من دون مزح .. بدنا تفسير لهالقرار يعني هيك فاجأتونا بهالخبر.

Posted by: hosam danial

سناء والدكتورة مريم ...
أنا ماني فهمان شي جيت على البيت وشعلت الكمبيوتر
وفت على موقع زيدل كالعادة وأذ!!!!!!!
عنوان من هالكبار الى اللقاء اخر الكلمات وما بعرف شو؟
يعني عن جد عم اقرا الموضوع وانا ماني عم صدق
شو هال أتفاقية بيناتكن بس ما يكون شي مقلب أو
شي موضوع جديد عن الانقلابات ونكسة حزيران
وجمال عبد الناصر وهلم جرى....
و ين بدكن تروحوا... وشكرا على ما بعرف شو... واعذرونا لى ما بعرف ايش
وكثر الصفار00000
أنا ماني مصدق ما اتواخذوني
وأذا هالحكي صح انا رايح معكن
وبعلن أستقالتي تضامناً معكن
وبطلب من كل اعضاء المنتدى نطلع مظاهرة
لنشوف شو أخرتها

حزب تضامن المنتدى الزيدلي

Posted by: mariam

وللللللول ول ول 0000حاج تولول عبدالله رحت تقلبها مناحة مع انو بعد حكي سليمان يعني بدها مناحة000
اما الاح سيلر فاكيدحنا مو قليلين اصل وتقريبا بنعرف مين البديل بس مو حلو مننا انو نحنا نسميه000وقرار الاستقالة مو جديد ومو مفاجيء بس في امور كانت تجرى بالخفاء وعم تتناقش من فترة ونحنا اخترنا مشرفين بينشد الضهر فيهن لهيك ياحسام نحنا لمن اخترناكن عارفين انكن قد الحمل وبتعوضوا غيابنا لمن رح يصير 000وحبينا يصير التغيير هلق منشان الادارة الجديدة والمشرفين يحطوا خطة مشتركة يتفقوا عليها 000يعني هيك بيكونو مجموعة كاملة وبيتفقوا من اول الطريق 00ليجيهن يوم ويقررو يتركوا 000
لهيك شباب لاتخلونا نحس انو نحنا تاركين بلارجعة نحنا على قلبكن باقيين بس لحقونا ردود لانو رح نفضالكن 000وهيك ماحدا فيه يقول انتن ادارة وفيكن تتحكموا بالرد 0000
بهاللحظة في كم عضو يمكن عم يرقصوا من الفرح لانو كابوس وراح عنهن 00بس لوين 0000
يالله همتكن بشي حوارية مع سليمان بس 00بدون فلسفتو المشربكة اللي بتفوت بالحيط0000

Posted by: ziad sattah

--------------------

مع الموافقة ..

منذ بدأنا مع المنتدى و نحن نقرأ اسم السيدة سناء و الدكتورة مريم في الادارة ..

و اليوم :

أقول لهن ّ شكرا ً من القلب على كل ما قدّمتماه ..

آن َ لنا أن ننتخب ادارة نشارك نحن باختيار أسماء لها ..

و اسمحولي أن أتقدّم بمرشحين لشغل هذا المقعد ...

و أنا لم أجد أجدر و أقدر و أفضل من :

السيدة سناء جلحوم

الدكتورة مريم عبد النور

و أملي كبير أن يلاقي ترشيحي القبول منكم و منهن ّ .

_______________

شكرا ً .

Posted by: Nada1981

حلوة اخ زياد

انا برشح نفس الاسماء الي رشحها الاستاذ زياد

Posted by: فاروق القدومي

خبر مفجع ومؤثر بالفعل مع ان الدكتورة مريم. والسيدة سناء مازالتا موجودتين الا ان وقع الخبر يرعش قلب العضو المغرم بالمنتدى وادارييه المخضرمين من امثالكن**

وأنا ما بتمنى أي أحد يخرج منكن.. لانكما الانسب وخروجكن من طاقم الادارة ستكون خسارة فادحة للمنتدى واعضاءه**

اتمنى العدول عن القرار والاستمرار قبل وقوع الاضرار وبكل اصرار ممنوع الفرار والتواري عن الانظار واذا في اسرار اطلعينا على الاعذار**

*قدومي*

Posted by: suher issa

مرحبا والله القصة حمياني بالمنتدى شبكم !!!!!!!!!!!!!!!!!!!1
نهار قتال ...................نهار اعتراض................نهار مشاكل.....................نهار تبديل بالمشرفين.............نهار اعتزال الادارة على المنصب الوزاري بالمنتدى ههههههه
يعني الحقيقة ما عم افهم شو عم يصير
بتوقع انقلاب كامل لسنة 2008 جابتلنا تغيرات بشكل عام
المهم شو هل الخبر ان رح تتركوا يا دكتورة مريم يا سناء ؟؟؟؟؟؟؟؟؟؟
رح قول شيء بالنسبة للقرار تبعكم
هل السبب هو ان منصب الرؤساء يجب ان يتغير كل فترة وفترة ولم يحق ان يخدم بعد؟
ام احساس ان فشل ويريد الاستقالة؟؟؟؟؟؟؟؟؟؟؟
ام تعب من هدا المنصب ويريد الاستراحة؟؟؟؟؟؟؟؟
ام احساس ان ضده الكثير ولم يعطيه الحق بما عمل؟؟؟؟؟؟؟؟؟؟؟
ام قلة عقل وكبر راس هههههههههه؟؟؟؟؟؟؟؟
لم اقول اي شيء ابدا ولم اقول للدكتورة مريم وسناء ابقوا بالادارة بسبب لا اعرف ما السبب الذي دعاهم لهذا
لهذا اقول لهم
شكرا لكل شيء قدمتموه للمنتدى من وقت وتعب وحب فالجميع يعرف
اعرف لا تريدوا الشكر لأن عملتوه بكل محبة فشكرا مرة تانية
سوف احترم رغبتكم ان استقلتم لان اتصور نفسي بمكانكم ويجب ان استحمل الجميع واضيع وقت وبالتالي لا فائدة لكل ما اعمل لهدا انتم تعرفون السبب وان ما كان شيء مقنع لا اتصور ان سوف تستقيلو
ولكن اتمنى ان تبقوا معنا بأقلامكم الجيدة هي التي لم نستغنا عنها ابدا ولكن الاشراف ليسا مشكلة اقل وجع راس لكم
فاتمنا ان تأتي ادارة جيدة مثلكم وتطلع بلا ما تجن ههههههههه
شكرا لكل شيء ولكم القرار النهائي وتعبكم لم يذهب على الفاضي سوف تبقا بصمة جيدة بالمنتدى وذكرة جميلة لما عملتموه
واذا بدكم ادارة جديدة بالله حطونا شي دكتور مجانين بلكي بيغدر علينا هههههههه
وللمزح فقط
باي

Posted by: hosam danial

نهار قتال ...................نهار اعتراض................نهار مشاكل.....................نهار تبديل بالمشرفين.............نهار اعتزال الادارة على المنصب الوزاري بالمنتدى ههههههه
يعني الحقيقة ما عم افهم شو عم يصير

مظبوط سهير انت حاسي انو في زعزعة بأساسات المنتدى
بجوز لانو الدكتورة وسناء عم زعزعوا هالاساس وعم يحاولوا يخربو
بس أنا بقلهن ما تفكروا حالكن رح تقدروا تزعزعزا هالاساس
طالم انتوا الاساس
والمنتدى مبني على اشخاص امثالكن ومنفتخر أنو في عنا
أشخاص بيقدروا يشيلوا هالبناية الكبيرة المبنية على المحبة .
و الادارة الكريمة هي المحبة بقى ما رح تتزعزع البناية

حسام
ملف مرفق 3484

Posted by: mariam

بجوز لانو الدكتورة وسناء عم زعزعوا هالاساس وعم يحاولوا يخربو
بس أنا بقلهن ما تفكروا حالكن رح تقدروا تزعزعزا هالاساس
يمكن حتى المزحة هاي مارح نتحملها ولووووووووووووووووووو
مونحنا اللي بنخرب 00على مهلكن شباب نحنا اذا هزينا الاساس لنعبي الفراغات اللي جواتة حتى يضل متين 00مونحنا اللي بنخرب ياحسام 00نحنا بنبني والدليل انو اخترنا احسن المشرفين وبتصور الايام رح تبين انو خياراتنا صح000
فاذا البعض معتبر انو نحنا عاملينها حركة ومن هالحكي 000رح احكي بطرقة جدية 00نحنا تركنا الادارة عن طيب خاطر وماتركناها لحتى اوجدنا مشرفين بيرفعو الراس يعني نحنا مو ممكن نهدم شي تعبنا فيه لانو تعبنا غالي علينا فوق ماتتصورو 000
بتصور هيك بتكون الصورة واضحة 000حتى ونحنا برات الادارة مارح نسمح لحدا يهدم شيء الو بكل حرف ذكرى 000وبكل ركن قصة وحكاية 000لهيك الله يخليكون اذا حدا عندو كلمة حلوة يشاركنا واذا حدا حابب يستفزنا لنرجع عن هالقرار 000بتصور الامور منتهية والقرار نهائي 000اعذرونا 000واذا كان المنتدى رح يهتز اذا نحنا تركنا الادارة معناتو كل شغلنا كان غلط وكل بناءنا مالو اساس 0000ونحنا مابنينا ليجي اي حدا يقدر يهد بسهولة 000
شكلرا لكل من قال كلمة طيبة في حقنا 000
انا اليوم صرت غار من عبدالله وسليمان كل مافتحت وشفت هالميداليات عم تلالي 000وبتصور بنستاهل ميدالية 000لهيك 000طالبولنا فيها بدل مونازلين فينا بهاذل000
مع محبتنا 00
اعذروني مرة باكتب باسم المفرد ومرة باسم الجمع لانو سناء اعطتني وكالة بالكلام عنها 000خاصة بظروف النت السيئة

Posted by: wajdy barakat

بعد الانتخاب الديمقراطي الذي تم في منتدى زيدل وبعد طلب من المشرف الروحي الاستاذ زياد تم قبول كل من الدكتورة مريم وسناء جلحوم لولاية جديدة دائمة بنسبة نجاح تجاوزت 100%و لن تجدد بعد الان وسيتم تولي المناصب اعتبارا من اللحظة وحتى اغلاق المنتدى متمنين لهم دوام الصحة والتوفيق وشكرا للتصويت وناسف لرسوب المرشحين الاخرين وسنعوض لهم بمبلغ 100( كف )تصرف من مصرف ( اللي عادينا ياويل) ولكم مني اطيب التماني والف شكرا على الجهد الذي بذل سابقا والذي سبذل لاحقا وننوه السادة الاعضاء بان حفل التنصيب سيقام في زيدل وينقل مباشرة من المنتدى يوم السبت القادم تمام الساعة 8 مساء وسيتم تكريمهم واعطائهم جوائز رمزية.....

Posted by: hosam abdulaziz

كلنا عايشين ببلاد بعيدة شوي عن حرية التعبير
و عهالأساس ما تعودنا نتقبل فكرة تغيير الحاكم او الملك الا بوفاته (بعيد الشر عن قلبكم جميع)

يمكن اعلان الدكتورة بهالمشاركة الوداعية , تركت بقلبكم جميعا غصة
بينما عسبيل المثال لا المقارنة , انا من شهر تركت الادارة و ما حدا حس بشيء لأنه صارت خلف الكواليس
بيجوز من جهة , و بعدني مستمر بنفس الوتيرة قبل و بعد الادارة.
لو عاملكم هيك مشاركة وداعية كنتوا عملتوا نفس الشي او بيجوز ما تكون فرقت معكم.

بس انا متأكد ان طابع المشاركة الواداعية هو اللي ترك بقلبكم هالشيء
لأنه ان كان الدكتورة مريم او سناء بلشوا بالمنتدى اعضاء عاديين و اصبحوا اداريين و هلق بدهم يرجعوا اعضاء مقدّرين و مميزين , و هذا امر طبيعي و ضروري من وقت للثاني.
و ما بعرف شو جدوى اننا نطلب او نصر على شخص بالاستمرار بمركز هو صارت نفسه كاشة منه
او عميحس انه عميقصر تجاه فعاليته مع الأعضاء الآخرين.

فطالما هني باقيين معنا و ما رح يصيير اي انسحاب من المنتدى بشكل كلي فمرحبا بالتغيير

بس اذا القصة فيها زعل لأسباب معينة , فالأولى ان تتم معالجة هالأسباب بدل من انه ننسحب و نعالج الخطأ بخطأ.

و الدكتورة مريم او سناء
انا رح قلكم لو فعلا صار و تركتوا الادارة هالشيء رح يوضعكم بامتحان حقيقي بعدها ليبين هل تصرفكم نابع من حب للمنتدى و غيرة عليه , او كان متسرع و ردة فعل لمواقف مررتوا فيها.
و اللي بيتابع معنا بشكل طبيعي بعد تركوا للادارة هو العضو الغيور عالمنتدى و المحب لأعضائه
اما اللي رح يعتكف و يبتعد عن الأضواء , فرح يثبت للجميع انه هو اداري محب لذاته و للسلطة , و ما رح يقدر يتابع بعيدا عن السلطة , و هالشي رح يبين انه قراره كان ليس لصالح المنتدى بل لضرره.

لهيك انتم طلبتوا الامتحان و نحن رح نكون الحكم.

و شكرا لكل القرارات و الانجازات اللي صارت فترة ادارتكم للمنتدى

Posted by: Desert rose

اقتباس:

اعذروني مرة باكتب باسم المفرد ومرة باسم الجمع لانو سناء اعطتني وكالة بالكلام عنها 000خاصة بظروف النت السيئة

مرحبا للجميع :

رد على هالإقتباس حبيت إشكر الرب على الفترة اللي شاركت فيه الدكتورة مريم دفة القيادة واللي الحمدلله كانت دائماً مكلله بالنجاح كونا إجتمعنا على أهم الأسس وهي التفاهم والتعاون والمحبة والإحترام ...

أما الرد على الأصدقاء الأعزاء واللي شاركونا المعاني وكان النا معهم لقاءات اعذرونا إنّا خذلنا هالنداء ولاداعي لتكرار ماذكرت الدكتورة مريم فحضرتها وضحت الصورة كاملة .

اللي بدي قولوا و فقط مع الأسف الشديد (( وداعاً منتدى زيدل الخضراء)) مع التمنيات بإنو يكون النا لقاء ...لأن الحمدلله بالرغم من اشارات كتيرة بردود مريم إلا انو البعض بعدوا عم يتهمنا بإنو حبنا للإدارة ممكن يكون حب للمناصب .

شكرا للجميع ....وشكر خاص لمريم...... كانت فترة ذهبية للقيادة برفقتك .

....أما عن الميدالية البراقة دكتورة مريم فياستي انا مابدي غير سلامة الأعضاء وسير المنتدى ومتنازلة عن هالميدالية واللقب ...بعتقد حقنا وصلنا وخصوصاً بآخر فترة .

وطلب خاص من الصديق حسام حذف هالميدالية مع لقب إداري سابق وإستعادة ة لقب عضو مؤسس.

سناء جلحوم ......مع إنو بحب إسمي زهرة الصحراء

بالتوفيق للجميع .....تضلواااااا بخير

.............

Posted by: حكيم عيون

المشكلة إنّو نحنا مو عارفين شو اللي عمبيصير ...وشو السبب ورى هيكْ قرار ...
علماً إنـّو الإدارة الجديدة ما صرلها إلا فترة قصيرة معينة ....ولو كانت الدكتورة مريم و الزهرة سهل عليهن ترك الإدارة كان تركوها من شهر ..بوقت تعيَّن الطاقم الجديد ..
بس أبصر شو صاير ..
ولهالسبب الكلام من قبلي كعضو بهالموضوع ...رح يكون سطحي وما إلو قيمة ...
اللي بحب قولو هو شكر للدكتورة والزهرة على الجهد والوقت والسهر اللي قدّموه للمنتدى ...
وبتمنـّى يضلـّوا معنا مثل ما كانوا شمعتين مْنـَورين منتدى زيدل ...بالحديث والفكر الواعي ...
يمكن البعض يفتكرني إبتعدت عن المنتدى هالإيام ....بس بالصدق ظروفي شوي مكركبة ولهالسبب مشاركاتي قليلة بهالفترة ....
بتمنى إنوّ ماحدا يكون قصدو الإبتعاد عن المنتدى ..لأنّو بالتهاية وبعد هالعِشرة ....فاللي بيربطنا صار أكثر من صفحات ممكن نرميها ونمشي ...
ماجد

Posted by: ziad sattah

الحق يعلو و لا يُعلى عليه
إسمح لي أخي حسام أن أخالفك الرأي للمرّة الأولى

بغض ّ النّظر إن كنّا شرقيين أو لا شرقيين
و بمجاملة و من دون مجاملة
و حتّى لو كان مطلوبا ً منّي أن أسهّل تمرير عملية التغيير
و حتّى لو كان الإداري الجديد هو عضوا ًحبيبا ً إلى قلوب الجميع ...

فليس لنا غِنا ً عن زهرة المنتدى و حكيمته

كلتاهما أصبحتا على دراية و تفهّم و معرفة نفسية الأعضاء جميعا ً ( تقريبا ً ) فهذه الخبرة لن نجدها في غيرهن ّ
و في مشاركتي السابقة : عندما كتبت ُ : مع الموافقة , ثم قمت بترشيحهن ّ , لم أكن أجامل بل كنت أعني كل كلمة أقولها ...
و يمكنكم أن تجرّبوا انتخابا ً عن طريق الرسائل الخاصّة و ستدركون النتيجة بأنفسكم ....

أنا أدرك أن قولي هذا من باب الأنانية لصالح المنتدى ...
و لكن في النهاية لابد لنا من احترام رغبتهن , و الله ولي ّ التوفيق .
------------------------

Posted by: samar dahi

بدي اعتذر مثلي مثل كل الأعضاء عن التقصير بالرد بسبب سوء الخط الفظيع اللي رح يجنني ...
بطلوع الروح لحتى قدرت كمل الموضوع كلو ...تخيلوا....
على كل حال ....
مريم وسناء انا ما بدي احكي لأمدح ولكن بدي احكي واقع حقيقي بمنتدانا ...
مريم ما بتصور لاقي حدى مهتم مثلك بكل امور الأعضاء وين ما كانوا بتلاقيهم ....وما بتصور في اجمل من كلماتك في صفحات المنتدى ومثل حكمتك بالتصرفات ....فانا بزعل من كل قلبي لانو رح تتركي المنتدى يفرغ من هيك ميزات .....وبتمنى انو ما يكو ن اي زعل او حساسية هي سبب القرار ..
صديقتي سناء ....بنفس الأسلوب اللي حكيت فيه عن مريم بدي احكي عنك ..انو كمان ما بتخيل ممكن يجينا واحد مثل سناء بالنشاط والحيوية بالمشاركات وبالحركشة لكل عضو لحتى تحسسو بقيمتو ......وكمان بزعل عليك يا سناء لانو اخذتي كمان هالقرار المتسرع ...كنت بتمنى عليكم انو تترووا شوي ...وصدقا ما صدقت انو انتم جادين بهالخطوة لحد اليوم لانو شبه رح يتعين اداري جديد ....
على كل نحنا ما طالع بادينا شي غير انو ندعيلكم بالتوفيق ...وبتمنى انو ما ننحرم شوفتكم بصفحات المنتدى ....بتمنى انو ما يكون بقلبكم اي شي تجاه اي شخص ....لانو انتو الكبار اللي لازم تستوعبوا الكل .....
بشكركم من كل قلبي على كل شي عملتوه بشكركم على كل مجهود عملتوه للنهوض بمنتدى زيدل ....بتمنالكم كل خير ....
بتمنى كمان من كل اللي شارك بوداع مريم وسناء يشارك كمان باستقبال الاداري الجديد لانو كمان هوي شخص مميز ...بتمنالو كمان التوفيق ...والله يكون بعونو ....
مع كل الحب
سمر

Posted by: a_aroush

يبدو الحالة مو متحملة مزح معكن منوب دكتورة مريم ... ما بعرف ليه حسيت أنك نزعجتي.

ما كنت آخذ الموضوع بشكل جدي .. لأنه كما يبدو قراركم مأخوذ بغير وقته و لأسباب بتخفى عنا.

على كل مهما كان السبب لازم نحترم رغبكتن و نودعكن بكلمة حلوة .. شكراً الك و لسناء على جهد مميز و أداء مميز .. و بالفعل الميدالية اللي صارت جنب اسمكن بتستاهلوها .. مو مثل ميداليتي أنا و العم سليمان .

و مندعي بالتوفيق للي رح يجي بعدكن .. و بدنا نطالب تكون الإدارة هالمرة من حزب التماسيح لأن حزب الحلواة يبدو عم يحكتر كل مراكز الحكم بهالمنتدى و ما رح يخلي للتماسيح و لا بركة مي ... بدنا نصير نطالب بحقوقنا مبين .. أياااااااام

Posted by: dream catcher

الله يعطيكم العافية بما قدمتموه للمنتدى.كنتم الاساس وان تابع المنتدى بنفس المسير فقط لانكم الاساس.
أعطيتم ماتستطيعون وأكثر من طاقتكم .
أعتبر أستقالتكم وقفة عز وبطولة وشموخ وتحدي .
ياريت كل العالم بتقدر توقف متل وقفتكم مع الحق ويكونوا دوم مع كلمة الحق.
اللي صار كان كثير وكبير عليكم.
عبء لا يستطيع كل شخص ان يتحمله.
بحب بس أتشكركم من كل قلبي لانه وقفتكم معي كانت قوية . وبتوقع نفس الشي كنتوا وقفتوا مع غيري لانه موقف حق.
شكرا غاليتي سناء شكرا صديقتي مريم.
شكرا لكل شيء قدمتموه للمنتدى وفي المنتدى وخارج المنتدى.
انا رح باركلكم واهنئكم بالاستقالة.
هنيئا لكم حريتكم.
بعتذر منكم فقط عن كل اللي صار بسببي.
كنتم مع الحق و استقالتكم أثبتت ذلك.
أتأخرت كثير بالرد عذرا منكم.
أدعوا لكم بالتوفيق ..

Posted by: hosam danial

والله كنت مفكر الشغلي مزحة او شي
مقدمة لشي موضوع
بس الشغلي باين جد
على كل حال شكراً كثير الك ولجهودكن
اللي ما منساها ابداً
دكتورة مريم وسنؤوة بتضلو قدوتنا
وأنشالله من كون عند حسن ظنكن

Posted by: merellaa

كتير انصدمت بعد ما فتت عالنت وكان أول المواضيع يلي لفتني هو هاد الموضوع
المشكلة اني ما عاد عرفت شو بدي قول لاني بعرف حق المعرفة سناء شو بيعنيلها هااد المنتدى وقديش حاربت لتعمل كتير اشيا فيه
دكتورة مريم ممم يمكن ما كتير بعرفك بس ما ممكن اتخيل انو تبعدي عن شي انتي حاببتيه وانتي اسستيه
وبتعرفوا شو اكتر شي فاجأني
أنو انتوا التنين كنتوا عم تحضروا للموضوع من قبل وحكيتوا مع يلي بدكون ياهون يكونوا مشرفين وزبطتوا الامور ونحن ما عنا علم بقراركون
ما بعرف يمكن هاد القرار ما حدا بيقدر يوقف تجاهو بس بتمنى تعرفوا أنو رح نضل كلنا بحاجة لنشوف نور مشاركاتكون معنا لانها شي مهم بمنتدى زيدل
انشالله نكون عند حسن ظنكن فينا رغم انو يا سناء انتي وعدتيني تكوني سند الي ما بعرف اذا رح يتم هالوعد

شكرا الكن عن جديد والرب يكون حدكون بكلشي بتختاروه
سلام الرب

Posted by: hosam danial

يا مريم بنت بلادي
بتضلي أنت الربان
وأسمك بموقعنا قلادي
وكلماتك هي العنوان
وأفكارك إلنا زوادي
وبتطعمي الفكر الجوعان
وحياة الأبن الفادي
واللي خلقك يا أنسان
صوتك سنوؤة بينادي
وبيمشي بين الوديان
تاتخضر البوادي
ويكبر شجرك يا بستان
ورح مدلكن سجادي
من زيدل حتى لبنان
وما تفرقنا الاعادي
كلشي وفي عنا شجعان

حسام

Posted by: sulieman safar

ولا احلا من هيك حسام والله يعطيك العافية ولكنك تجهل بأنو الصبايا ما بيتبرطلوا لا بمصاري ولا بحب ولا حتى بالنكث. يمكنهن مغوطنات.
ولك محبتي.
سليمان

Posted by: mariam

من القلب بقلك شكرا 00
حسام زند بلادي 000
لما الايام تعتم انتم النا زوادة
نور العتمات يشعشع
لمن باسمع منادي000
من هون الصوت يلعلع
والفكرة والردادة
مهما الايام تبعد
معكم ماالنا حيادي
الله يشهد والفادي
منكم هالقلب تغذى
وروحي اخذت زوادة
لاتصدق لو مهما صار
فينا عنكم نتخلى
نحنا معكم صرنا كبار
وفيكن صرنا نتعلى
بكرة بتجمعنا الديار
وبالمحبة تتجلى 00
من زيدل ومن لبنان بنقلكم
اهلا وسهلا
000000000000000000000000000000000000000000000000
مشكور حسام 0000لاتصدق في حدا يبعدكن عن القلب مهما صار 00مجرد بنتلاقى بتعرف مهما صار بيضل المنتدى وكل اعضاءو بالقلب والروح
وبدي قول لسليمان 000
مابدنا جاه ولامال
كلمة حلوة تكفينا 000
ولو ماكنا لك انداد
بكلمة وحدة بتخفينا
ولو ماضلينا شجعان
ماحدا اتحركش فينا
لامصاري ولاجاهات
قدرت عا قوافينا000
0000000000000000000000000000000000000000
معليش سليمان بتعرف انو نحنا صحيح اتسمينا ديكتاتوريات بس وحياتك غير هيك مابيمشي معكن000بدكم حلم الله ليقدر يفهم عليكم 000
وهلق فضينالك 0000
لاتفكر انو حدا فيه يخلينا نغوطن 00ولو 0000حاج تلف وحاج تدور وخلي هالطابق مستور
يمكن فينا نجبلكم انهيار عصبي ونحنا بنضل متفضيين بس قلنا يالله خلينا رايقين 000

Posted by: ABUODEE

الدكــتورة مريم & الزءزوءة ســــناء

كل الشكر لاداريّ الفترة السابقة على مجهودهم في اثراء و نجاح المنتدى..
شكرا من الاعماق لماقدموه من جهد في سبيل رقي وتقدم المنتدى ....
كل الشكر والتقدير والثناء العطر للدكتورة مريم والزءزوءة سناء

*
*
*
*

Posted by: sulieman safar

معلش ما حدى يزعل اليوم لأنو بدي أكتب ولأول مرة في طريقة جديية واوجها لمريم بما انو هيا ابتدأت هالموضوع , والكلمة بسيطة جداً وهو بأن هذا الموضوع كان لا ينتمي الى الصفحة الرئيسية بالمنتدى وله مكانه الخاص وهو منتدى الطوارئ .
ولكم محبتي طبعاً
سليمان.

موقع زيدل سوريا حمص .. خدمات تشات و دردشة ... أرشيف المنتدى