الارشيف - ماهي أكثر الجروح ألما برأيك؟

Pages: 1

ماهي أكثر الجروح ألما برأيك؟
(انقر هنا ان احببت مشاهدة الموضوع الاصلي بالالوان و الصور )

Posted by: كاترين

مرحبا

حبيت اعرض عليكم هالموضوع وبتمنى ينال اعجابكم

ماهي أكثر الجروح ألما برأيك ؟؟؟.

الأعضاء الاعزاء....

هذا الموضوع فيه قليل من الحساسية ؟؟؟وأتمنى الاجابه على سؤالي بكل عفوووويه وصراحة

إخواني الكرام الموضوع عبارة عن سؤال لكل واحد...
فكما تعلمون كل الجروح سواء ....فكلها تجتمع في صفه واحده وهي صفة ألم .......

فالألم واحد وان اختلف فإنه يختلف برؤيتكم له...وكل له رأي خاص

فما هي أشد الجروح ألما....؟ولمـــــــــــــــاذا ...؟

1-جرح الصديق
2-جرح الأهل
3-جرح الغريب
4-جرح النفس
5-جرح الحبيب

تحياتي لكم

بنت فلسطين

Posted by: talal_alachkar

اقتباس:

المشاركة الأصلية كتبت بواسطة كاترين

فما هي أشد الجروح ألما....؟ولمـــــــــــــــاذا ...؟

1-جرح الصديق
2-جرح الأهل
3-جرح الغريب
4-جرح النفس
5-جرح الحبيب

تحياتي لكم

بنت فلسطين

صدقيني تصنيفك كان بمحلو برأي الشخصي تصنيفك هو الجواب
1- جرح الصديق = لأنه صديق تفشي أسرارك و مشاكلك و عواطفك و تربط أيامك به فلصديق وقت الضيق و من الصعب أن تجد في أيامنا هذه صديق في أنك تجد 1000 رفيق .
2- جرح الأهل = الأهل جرحهم صعب و لكن ينسى بسرعة مع أول لقاء بينهم .
3-جرح الغريب = عادي لنه مثل الغيمة العابرة .
4-جرح النفس= من لديه إيمان فيستطيعون جرح الجسد أما النفس فلا يستطيعون .
5-جرح الحبيب = ما أكثر من النساء على الأرض و مثلهم من الرجال أيضاً فقط ضعيف الشخصية ينجرح .

بالنهاية زعل الله مننا نحن البشر هو أكبر ألم نسببه لله و ليس لنا لأنه يسامحنا مهما فعلنا لكننا نحن البشر قصاة قلوب لانسامح أحد .
شكراً أختي كاترين و الله يصلح حال رؤسائكم و عم السلام أرض فلسطين الحبيبة .
طلال

Posted by: hosam danial

أخت كاترين موضوعك بيفتح الجروح
وشكراً لموضوعك الحلو اللي بيخلي الواحد يفش قهرو فيه
جرح الصديق: أنا جربتو وصدقيني ما في أصعب منو وخصوصاً
أذا كانت في خيانة بالموضوع بس هلق صار هالصديق حثالة
ولقيت احسن منو لانو ما عاد صديق
جرح الاهل : أنا بعدو هو الجرح المؤلم لانو ربيت بين الاهل
وبيت الاهل وذكريات طفولتك بين الاهل بقى صعب نسيانو
وجرحو مؤلم وكثير
جرح الغريب : اسمو الغريب يعني مانو شئ بالنبسي الي
وما الي أي محطة بحياتي معو وجرحو غير مؤلم
جرح النفس : هاي بتعود لكل شخص وأكيد جرح النفس مو سهل
لكن بعتقد الواحد بيقدر يلضم هالجرح وهوي وأرادتو.
جرح الحبيب : والله حسب الحبيب وحسب ذكريات الحبيب
وكثير ناس انجرحوا من الحبيب وهلق نسيو الجرح لمن شافوا
مين يقدر يسكر الجرح القديم وهيك ما بيعود مؤلم

أنشالله كون وفيت بكلامي
وشكرا الك أخت كاترين

Posted by: wajdy barakat

شكرا اخت كاترين على الموضوع والحقيقة الجراح اللي بتصيب الانسان كثيرة وكلها بتعلم وما بتنتسى الا بالمسامحة او ان يوجد شي علاج اقوى (شخص اخر)جرح الصديق= هوي اصعب جرح وخصوصا اذا الواحد مبتعد عن الاهل او ليس لديه صديق اخر وانشالله ما بصير حيك جرح بين اي اثنين لانو ما بقدر اتخيل صديقي عم يخون ويجرحجرح الاهل = اكيد صعب كمان بس بينتسى مجرد الواحد يفكر بحنان الاهل ومحبتهن وتربايتهن له من الصغرجرح الغريب= ما فيني قول عنو جرح لانو غريب فيني قول عنو (خدش) وفي فرق الجرح بيطول ليتعالج وبيترك علام اما الخدش فهوي بسيط وما بيستاهل الواحد يفكر فييجرح النفس= هاي عاد بترجع للقربمن الله لانو حسب محبتني لله وشعورني بانو موجود بكل وقت بيكون الجرح عم يتعالج ويصح ووقت بيصح ما عد ينجرح مرة ثانيةجرح الحبيب= الحب للحبيب الاول وجرحوا صعب كثير بس علاجو سهل وهوي الوقوع في حب ثاني يوض الاول والدنيي معبي بالحبايب والمهم نعرف نختارشكرا للموضوع وانشالله التفسير يكون واضح وبعجبك واسف اذا اطلت الكلام وشكرا مججدا

Posted by: syria & joleat

مرحبا شباب .... رح نحكي بصرااحة ماشي ؟؟؟

بالنسبة لجرح الصديق صعب كتير بس كمان الصديق بيروح وبيجي وبيتبدل ....
وجرح الغريب عفوا على المكلمة بس طز مو فرقانة طالما هو غريب ....
وجرح النفس بيرجع للشخص نفسو وهو وذااتو
وجرح الحبيب هادا بقا جرح عميق كتير بس صدقوني بيلتأم بعد فترة لأنو لو الدنيا
بدهاتوقف عند كل عشاق انجرحو كنا ما خلصنا ..
وجرح الأهل هو برايي الأصعب لأنو وقت أهلك يجرحووك ما عاد ينفع لا حبيب ولا صديق ...
يعني الصديق بيتغير والحبيب بيتغير بس الأهل ما بيتغيروو كمان من ناحية تانية انو الاله
معنا من بداية ما فتحنا على هالدنيا لحد ما نتركها او هن يتركووها اما الحبيب بيجي متأخر
والصدبق كمان ....

الله لا يزعل حدا من أهله ويلم شمل كل أسرة مفككة يا رب العالمين .... أمين ......

شكراً كاترين على الموضوع لأنو على قولة حسام بيفش القهر ..

سلام _ ياسمين _

Posted by: sam kassab

شكرا لك كاترين المضوع جميلا جدا .
في وجهة نظرى كل الجروح مؤلمة ولاكن الانسان المؤمن بالله وايمانه قوي لاتهمه الالم لان الله يقويه ويجعله يتحمل الالم

Posted by: فتاة عربية

مرحبا
من الصعب نلاقي صديق بكل معنى لأنو كتير من العالم بتخون و بتجرح و ما بيهمون لا صديق و لا حبيب
اما جرح الاهل ,كتيييييير صعب خصوصا انك ساكن معهن بالبيت ,يعني كل النهار مقابيلك
و الاهل بيعرفو اسرارنا و لو ما كلها
و مشان هيك ,اذا تعرض الانسان لجرح نت اهلو بيتأثر كتير
اما الحبيب فجرحو بينتهي بعد فترة
والغريب ما بحس بجرحو اصلا

Posted by: كاترين

مرحبا

اخواني واخواتي

طلال , حسام , وجدي , ياسمين ، سام , فتاة عربية

اطلالتكم الرائعة زينت موضوعي ويسلمو على اجاباتكم الصريحة

فعلا كل الجروح مؤلمة لكن الواحد بيتحمل

طبعا راح اجاوب على الموضوع

ما بعرف بس بحس انو جرح الحبيب اقوى شي

يمكن لاني لما بحب حد بتمسك فيه بشدة بصير كل شي حلو بحياتي ومراية اللي

وجرح منو ممكن يهد الواحد لاني ما بتصور مثلا اللي بحبو يجرحني نهائيا لسه الموت ارحم بالنسبة اللي

وجرح الاهل بموت كمان خصوصا انا بنعيش معهم بالبيت ونحنا حته منهم فكيف لما ننجرح منهم بصير ما النا لازمة بالحياة

جرح النفس يا عيني عليه كمان صعبببببببببببببب كتير لسببين

اولهما:انو بقيه الجراح تحدث بواسطه اخرين (صديق-اهل-غريب-حبيب)
اما جرح النفس فانت من يحدثه
واى الم اشد من ان تهون نفسك عليك لدرجه ان تجرحها؟؟؟

وثانيهما : انه فى حاله الجراح الاخرى يمكن ان اخفف المها بالبعد عن من سببها
لكن فى جرح النفس كيف يمكن ان ابعد عن من سببه وهى نفسى؟؟؟

والله موضوع زكرني باشياء كتير فتحت جروح حالي

بس لازم افتكرها وزي ما بحكو الجرح اللي ما بموت بقوي الواحد

اخيرا بتشكركم مرة تانية على المرور

موقع زيدل سوريا حمص .. خدمات تشات و دردشة ... أرشيف المنتدى