الارشيف - استثناء:كل عام و انتِ بخير ........

Pages: 1

استثناء:كل عام و انتِ بخير ........
(انقر هنا ان احببت مشاهدة الموضوع الاصلي بالالوان و الصور )

Posted by: hosam abdulaziz

بهالفترة تحديدا صرنا نخاف نوجه معايدة لحدا لما نتهم بالتمييز او التفريق بين الأعضاء.
بس بما انه هالعضو استثنائي , و مكانته عندي استثنائية
انا مستعد لتحمل اي كلمة قد اسمعها من جراء هذه المعايدة
بصراحة هي منها حاطة تاريخ ميلادها بالمنتدى , بس صدفة اليوم عمشوف تاريخ ميلاد اعضاء السبيس لهاليوم و اذا صديقتنا بيحكم عيد ميلادها بهاليوم
فما قدرت الا و شاركها هالعيد لأنها صاحبة قلب دافئ و صاحبة فكر مميز و ايمان عميق ,و كلمتها كلمة حق دون تحيز او تمييز.
معطاءة بمحبتها لأصدقاءها لأبعد الحدود
فابسمي و باسم رنيم اللي بتكنلك كل المحبة و الاحترام
بنقلك كل عام و انت بخير سمر ضاحي
و ما عرفت شو بدي حطلك غنية او صورة معبرة بهالمناسبة
لهيك لجأت الى الاسطورة فيروز اللي بعدنا عايشين بجو الصدمة (الايجابية) اللي تلقيناها اثر حضورنا المشترك لحفلتها الثانية في دمشق.و قدملك هالصورة اللي وزعت بالنشرة المرافقة لحضورها لدمشق لتكون ذكرى لحدث استثنائي بحياتنا.
بتمنى تعجبك
كل و عام و انت بخير مجدا و عقبال الـ 100
رنيم و حسام
ملف مرفق 3475

Posted by: suher issa

لا اعرف كيف ابدأ معايدة ابنة عمتي الغالية على قلبي
الحقيقة اعرف ان عيد ميلادها اليوم وكنت اريد ان اكتب لها معايدة ولكن سبب ان كنت مشغولة بالعمل ولم استطع ان اكتب
ولكن الان قرأت ان حسام كاتب لها معايدة وسوف اسـتغل الفرصة واكتب لها
الي ابنة عمتي.........صديقتي......... سمر
اتمنى لك عيد ميلاد سعيد وسنة مليئة بالسعادة والحب وانشاءلله السنة الجاي منشوفك عروس يا رب (الله يلعنو شو انه قليل زوق هههههههه) يعني معقول
جمال.......ثقافة..........ايمان..........طيبة..... .....زوق..........وووووو
واعمى هل العريس يالله انشاءلله بيلبس نظارات وبصير يطس وكمان انت بتركبي شي بعقلك لحتى تقتنعي بحدا بقا هههههه
يعني بيدك يا سمور
بس يالله عيني ولا يهمك انت كل ما بتكبري بتحلي وانشاءلله بتلاقي ابن الحلال اليستاهلك
كل عام وانت بخير غزيزتي وعقبال ال 100 سنة
بيت خالك وانا منعايدك
ميلاد سعيد

Posted by: Nada1981

حسام شكرا على الاستثاء هدا لانه فعلا سمر من اكتر الناس الي بيستاهلو هيك استثناءات

عزيزتي سمر

كل عام وانتي بألف خير وعقبال ال 105 سنيين يارب
تقضيهم بسعادة و فرح و حب و صحة و عافية

بتمنى السنة هي تكون احسن من الي قبلها كلهم و تحققي فيها امنياتك كلهم او حتى شي من الي انتي بتتمنيه

هلا عرفت ليش حبيتك انا من وقت الي تعرفت عليكي وليش في شغلات مشتركة بيننا, طلع بسبب انه برجنا واحد هههههههههههههههه

يلا انشاءالله بلصيف بنقدر نشوف بعض اكتر المرة هي وبنعمل احتفال مشترك

ندووووش

Posted by: fr george massis

كل الحب في يوم عيد ميلادك ياخالتي سمر
انشالله السنة الجديدة من عمرك تكون احسن من سابقاتها وتضلي على طول مشرقة
شقد ما بدي قول ببقى مقصر فارح آثر الصمت
وكل عام وانت بخير

Posted by: a_aroush

كل عام و انت بألف خير سمر .. نشالله عقبال المية سنة , و نشالله تكون السنة جديدة كلها خير و سعادة و عريس إذا بدك .

و هي لحسام بس مو اللي كتب الموضوع الثاني

.. مزحى حسام لا تصدق.. خلص انت قلي ايمت عيد ميلادك و سنة الجاي انا رح حطلك معايدة.

Posted by: بنت زيدل

نادرا ما نسمع عن فتاة تجتمع فيها صفات أكثر من رائعة. فما بالكم أن تلك الإنسانة "بكل معنى الكلمة" موجودة في منتدى زيدل الجميلة. عزيزتي سمر كل عام وانت بألف خير عسى أن تكون السنة الجديدة سنة نجاحات على جميع المستويات.كل عام وأنت وصيفة للمحبة ورمز العطاء والفكر المتألق.
وشكرا

Posted by: بنت القمر

كل عام وانت بالف خيررر
صديقتنا سمر
انشالله ببداية هالعام تتحقق كل اهدافك وطموحاتك
وعقبال الـ120

هديتك سمووورة

Posted by: iyad tahhan

كل عيد و انتي بألف خير أخت سمر
عقبال المية و خمسين سنة بالصحة و العافية
مع تمنياتي لك بتحقيق كل أمنياتك

Posted by: wajdy barakat

مرحبا يا سمر والحقيقة ما بعرف شو بدي احكي عنك لانو شو من حكيت بطلع مقصر لهي رح اكتفي بالقول كل عام وانت بخير وعقبال 100.5 سنة وهالنصف مشان الواحد يفكر كيف عاش ميية سنةههههه وينعاد عليكي بالصحة والعافية يارب .............وشكر لحسام لانو ذكرنا بالمناسبة .............بتمنى لك دوام الصحة والعافية على طول موفقة بحياتك وانشالله بتحققي امنياتك بهالعام الجديد

Posted by: talal_alachkar

سمر الغالية كل عام و انتي بألف خير و إنشالله كل أمنياتك تتحقق خلال عامك الجديد و يعم الفرح و المحبة داخلك و ربنا يحيطك بمجده و محبتو أمين يارب .
بدي أشكر أخي حسام على إستثناؤ الحلو .

أخوكي طلال

Posted by: Desert rose

كل عام وأنتِ بخير سمر

نتمنى لك كل الصحة والعافية مع تحقيق كل ماأنتٍ ساعة لتحقيقة
نفرح منك

طوني _سناء_فرانسواز _ملحم _وجهاد الصغير

Posted by: sulieman safar

الف مبروك عيد ميلاد صديقتنا سمر وادامها الله في صحة جيدة. لفت نظري كتابة الغالية سهير............اتمنى لك عيد ميلاد سعيد وسنة مليئة بالسعادة والحب وانشاءلله السنة الجاي منشوفك عروس يا رب (الله يلعنو شو انه قليل زوق هههههههه) يعني معقول
جمال.......ثقافة..........ايمان..........طيبة..... .....زوق..........وووووو
يعني بصراحة سهير : اذا كان معدل الشباب في هذه الايام من أمثال حسام وطلال وعبد الله العرعوش أو الخال عبودي انتي بتليميها ليش ما عم تقتنع وبنفس الوقت باخذ على خاطري من سوء الحظ انو ما كان صبايا بهالمواصفات على دوري.
ولسمر محبتنا.
سليمان ونهلا.

Posted by: RUSHA AWAD

اي لكن ياعمي, مين قدك, اليوم عيد ميلادك وما بتتحكي....يالله روحي اكسبيها راحت معك للسنة الجاي.
عزيزتي سمر, عقبال المية سنة ياحق بس بشرط تقضيهن وانتي بخير وبصحة مليحة, تقضيهن وانتي عايشي السلام بحياتك, تقضيهن مع شي شب امور "مع شدة عالميم" بس كمان بشرط انو يستاهلك واذا مابيستاهل, اي بالناقص منو لانو مو كل حدا بصحلو تكون سمر شريكة حياتو....مابعرف اذا الاستثناءات شغلة سلبية او ايجابية بس بهالموضوع تأكدت انو في استثناءات حلوي وبتخلي الواحد ينبسط فما بعرف انتي شو رأيك؟؟؟؟....مابعرف اذا الصبايا اللي مثلك بينعدو عالايدتين او على ايد وحدي بس اللي بعرفو انو وجود انسانة مثلك بمجتمعني هوي مكسب وشرف كبير ومثال للمحبة والتفاني, للقلب الكبير اللي بيسع كثير, للثقافة والعلم والأخلاق العالية....رح وقف هون ومارح كفي لأنو بكل اختصار وبكل محبة كل عام وانتي سمر اللي عرفتهي وقت كنت زغيرة وكان الي الشرف انو تجمعني معها الحياة بإشراف منتدى المجتمع وقت كبرت.

مع حبي واحترامي
رشاعواد

Posted by: hosam danial

سمر
كل سنة وانت سالمة وعقبال 113 سنة
وعقبال فرحتك وانشالله كل ايامك فرح واعياد
حسام & ريما
ملف مرفق 3482

Posted by: فاروق القدومي

كل عام وانت بالف خير وصحة جيدة وحياة سعيدة وعن الهم بعيدة**

اتمنى لك اجمل الاوقات وامتع اللحظات وعقبـال ال 99 عام ونصف**

وتقبلي هديتي بهذه بالمناسبة السعيدة**

*قدومي*

Posted by: dream catcher

الاخت سمر.
كل عام وانتي بخير .
عقبال المية سنة.
معايدة من أخ ل أخته.
وعدتك زوركم وخلفت بالوعد.
اتمنى المرة الجاي ما أخلف بوعدي.
سلام حار للاهل ولسناء.
تقبلي هديتي لك.

أتمنى لك الصحة والسعادة وتحقيق ماتحلمين به.
السنة الجاي نشوفك عروس.

Posted by: إنانا

Happy Birthday

كل عام وأنت بخير سمر
أتمنى لك الصحة والسعادة وأن تنالي كل ما تصبين إليه
.
..

ملف مرفق 3483

Posted by: ABUODEE

كــــــل عام وانت بالف خير سمورة الامورة
وعلى قبال المية سنة

Posted by: samar dahi

رغم انو الحزن عصر قلبي هاليومين بسبب مشاكل المنتدى ونساني عيدي وروح كل شي فرح عندي بهالعيد ولكن رح رد على جميع اللي شاركني بمعايدة
بدي بلش باغنية لفيروز لحتى رد شوية من الحب اللي بقلبي واللي رح ينشف هالكام يوم اللي مروا وما عاد طلع مني حكي .......
يا قمر يا قمر لشو تطلع يا قمر ...
لولا بتقعد تتسمع من خلف البواب
مش احسن ماتقوم تطلع وتفضح العشاق ....

حسام عبد العزيز
من وحي (صح النوم ) التي جمعت كل ابناء سوريا اهدي محبتي وكبر قلبي لحسام الكبير في عيني ....
شكرا حسام على المعايدة اللي كبرت قلبي اكثر ما هوي كبير .....الله يخليلي محبتك يا حسام انت ورنيم وانشالله منفرح بلقائكم قريبا جدا ....

سهورة الأمورة ....
ولك يا سهير هادا العمى موضة بين الشباب صاير ....بس بتعرفي يمكن نحنا اللي عديناهم ...شو قولك انت ..؟؟؟؟؟؟ الله يفرحني بهالقامة الحلوة يا ام السوس .

ندوش :
كل اللي بالمنتدى بيستاهلو التميز والاستثناءات ....خصوصا الطيبين اللي مثلك ....شكرا على معايدتك ....والمحبة اكيد بقلوبنا رح تكبر وتكبر ...

ابونا جورج :
اللي على طول مكبرني وما بقلي غير خالتي سمر ....ولك يا ابونا وحياتك انا اساتني صغيرة على خالتي هاي ...وهوي مصر على هالشي مشان يقهرني ....بس يا جماعة ما في احلى منها من فم ابونا ....الله يديمك يا ابونا ويديم محبتنا لبعضنا ....انشالله منشوفك بالصيف الجاي ....

عبدالله :
شكرا على المعايدة الحلوة......وما رح انسى ابدا زراق عيونك ....لهلق عم ضل خجلاني منك ....انو معقول ؟؟؟؟؟
انشالله بتجي هالصيف وبردلك هالجميل....

بنت زيدل ::
الحقيقة يا عزيزتي حملتيني عبء كبير بالكلام اللي قلتيه ...شكرا كثير على زوقك وكلماتك الحلوة .....اشنالله مشوفك قريبا جدا هون بزيدل ...قولي انشالله .

بنت القمر
شكرا كثير الك على هالقالب الكاتو اللي كثير حلو ...انشالله الرب يجمعنا بالخير والحب

شكرا الكم على كل كلمة قلتوها ....ورح كمل الشكر بعدين ......

Posted by: ziad sattah

كل عام و انت بألف خير و صحة و سلامة

لك وعد منّي في عيدك القادم أكتبلك أجمل قصيدة ( لا أستطيع الكتابة بهذا الجو الـ

)

ينعاد عليكي بالخير انشاءالله

Posted by: mariam

مافي احلى من انو الواحد دائما يفتش عن الثقب الصغير اللي بيدخل منو النور لحتى يعرف شو قيمة الضو بليالي العتمة 000
ماتخلي العتمة تضيع خيوط النور ----
كل عام وانت بالف خير 00 يمكن متاخرة شوي بس كل شي بوقتو حلو حتى لو وصل متاخر 0000انشالله بتكون ايامك كلها نور ومحبة 000وشموع ونجوم 000
ملف مرفق 3489

كل عام وانت بخير00000

Posted by: mario

كل عام و انت بالف الف خير
و انشالله سنة الجاي نشوفك ثنين مو يعني تحوليني لا بس يكون حدي حدك هههه

Posted by: merellaa

HAPPY BIRTHDAY TO SAMARRRRRRRRRRRRR
HAPPY BIRTHDAY TO SAMARRRRRRRRRRRRR
HAPPY BIRTHDAY TO SAMORAAAAAAAAAAAAAAAAAAAAAAAAAA
HAPPY BIRTHDAY TO SAMARRRRRRRRRRRRR
سمر كل سنة وانتي سالمة مع انها مـتأخرة بس بتمنالك من قلبي فرح بقلبك فرح بروحك فرح بحياتك

سلام الرب
ميمو

Posted by: samar dahi

اياد طحان :
الجار العزيز ....شكرا يا اياد ...الله يفرحنا فيك ...ويديم المحبة .....بس انا بسأل انت وين يا اياد ؟؟؟؟؟

وجدي :
شو بدي قول عنك يا وجدي ...انا اللي مقصرة لو شو ما حكيت عنك .....الله يدم المحبة و المودة ...اهلا وسهلا فيك هلق انت جاي لعنا لحتى تاكل من الكاتو تبع عيدي ميلادي ....اهلا وسهلا فيك وبكل رفقاتك ....يا خسارة يا وجدي قال صايم ...معليش العيد الجاي رح خبيلك قطعة

طلال الاشقر :
صديقي واللي صار اقرب الي من كثير ناس هون بالمنتدى ....شكرا كثير يا طلال على محبتك...

سناء
زهرة الصحراء ....وكل العيلة .....شكرا يا سناء ....والله كريم قادر انو يعمل اللي ما منقدر نحنا نعملو ....ولكن ما علينا غير انو نتكل عليه وبس ....سلامات لطوني وفرانسواز وملحم وجهاد وكل العيلة .....

عمي سليمان :
بدي ازعل منك ....انو اخذت نهلة وعم تقول ما كان في صبايا على دورك مثلنا .....والله يا ريت كلنا نوصل لنص جمال وترتيب نهلة ....الله يخليكن لبعض وما بدي اتمنالك شي احسن من اللي اعطاك اياه الله ....بس منقول يا ريت اليوم يكون في شباب مثلك يا عم سليمان حتى نفكر فيهم .....

رشوش الغالية :
يا رشا كلامك اكبر مني بكثير ويمكن بستاهل نصو بس ....انا بشكر الله انو هالقد شايفة في هالشغلات هاي اللي قلتيها ...شكرا كثير يا رشا انشالله منفرح منك ومنشوفك بهالصيف .

حسام دانيال:
ابني بالتعليم المسيحي صار يوقف جنبي ويناقش مثلو مثلي ....انا بفتخر فيك يا حسام وبكل جيلك اللي صارو كبار وصارو شباب مميزة بمجتمعنا ....... شكرا يا حسام على هالقالب الكاتو المميز ....بس من وين جبت هالصورة اللي على القالب .....والله حلوة ...ابعثلي اياها .....

قدومي :
شكرا صديق على البيتي فور اللي مبين انو طيب ...يالله تغيير شكل عن الكاتو ...شكرا قدومي على محبتك ومشاركتك ..

حسام مواس :
الجار البعيد القريب ....شكرا حسام على اخوتك شكرا على تفكيرك بزيارتنا بالصيف الجاي ...انشالله منلتقي وبتكون نفسيتك احسن من السنة الماضية ....سلام لسناء اكيد بيوصل

إنانا :
شكرا صديقتي على مشاركتك ...كلك زوق ...وشكرا على الكاتو الحلو ....على امل اللقاء والمعرفة ...

عبودي المهضوم :
على طول صورك بدها وقت زيادة حتى تتحمل عندي ....يعني بدي اعرف شو باعثلي صورة ولليوم حتى شفتها بسبب سوء الخط الايام اللي مرت ما تفتح الصورة عندي ...شكرا يا عبودي على الهدية المميزة ....انشالله منفرح فيك ....ومنهديك لنعوض عن هداياك ....

Posted by: samar dahi

استاذ زياد :
انا ما رح حل عنك لحتى تعملي قصيدة .....عم امزح معك ....شكرا كثير زياد بمجرد أنك فكرت تعملي قصيدة بمناسبة عيد ميلادي ....ممنونة جدا ....والله يديم المحبة ..

دكتورة مريم :
طالما قادرين انو نشوف ضو بحياتنا هاد اكبر دليل على انو اساتنا قادرين نشوف صح لانو الحياة دايما فيها نور...المهم انو ما يصيبنا العمى وما نعود نقشع شو في حوالينا ....الحمدلله على كل شي ...شكرا يا مريم على دعواتك ...بتمنالك انو تضلي تشوف كل النور حواليكي ...

ماريو :
انشالله ما بيصيبك الحول يا ماريو ...خلي القصة عن جد وبدون حول تشوفني اثنين .....شكرا على معايدتك وسلام لكل اهل جاكسنفل ..

ميريلا :
هالهابي بورثداي كثثثثثثثثثثثثييييييييييييييررررررررررر طويلة ....شكرا على معايدتك ...بتمنالك حياة سعيدة وطويلة بطول معايدتك الي ...شكرا ميريلا ....

شكرا لكل الاصدقاء وانشالله منشوف الجميع بالف خير دايما

Posted by: angel

باقة محبة وتقدير ومعايدة ..ملفوفة باعتذار عن التأخير .. للأخت الغالية سمر ..مع أجمل الأمنيات بالصحة والسعادة والعمر الطويل ...
شكرا على وجودك المميز معنا وجهودك المميزة بالمنتدى...
وكل عام وأنت بخير...
مجددا شهر شباط بيحمللنا تاريخ ميلاد عضو غالي بينضم للأعضاء الأعزاء: الدكتورة مريم .. سناء .. كنان ..جورج ..انشالله عقبال المية للجميع..
أنجيل ووسام

Posted by: حكيم عيون

كل عام وإنتِ بخير سمر ....متأخّرة شوي ...بس اليوم لحتـّى فتت على هاللينك وشفت المباركة بعيد ميلادك ..
ينعاد عليكي بالخير والسعادة والصحة ..مع دوام النجاح والتوفيق ..

ماجد -منـى

Posted by: samar dahi

انجيل
شكرا انجيل على معايدتك ....كلك زوق ...لاتنسي تسلميلي على الصديق الغالي وسام ...بتمنى تكونوا بخير .....

دكتور ماجد
شكرا الك معليش اذا تأخرت ولا يهمك ...الله يديم المحبة يا دكتور .....سلاماتي للانيقة منى ....

Posted by: organist

كل عام وأنت بخير ياسمر عقبال المية يارب
بعتذر على هالتأخير بسبب ضعف الإنترنت

Posted by: samar dahi

شكرا يا عازفنا المميز ....
صحيح انو المعايدة متاخرة ولكن ان تاتي متأخرا افضل من الا تاتي
شكرا كثير اورغانيست

موقع زيدل سوريا حمص .. خدمات تشات و دردشة ... أرشيف المنتدى