الارشيف - لقمة الموت

Pages: 1

لقمة الموت
(انقر هنا ان احببت مشاهدة الموضوع الاصلي بالالوان و الصور )

Posted by: hosam danial

هاذ الموضوع لازم يكون بالمنتدى السياسي
لكن انا شفتو أنو أقرب على منتدى الاغتراب
لانو بيهم المغترب والمغتربين مو بس اهل زيدل
كل مغترب بالعالم :

انا كل أسبوع بتوصلني على الستور جرايد عربية
وبقراها كلها وبشوف الاعلانات أكثر من الاخبار
بس كل مرة بشوف أعلان بالجريدة بيخليني
طق من القهر
معليش خلوني أحكيلكن عن وضع
الولايات المتحدة باختصار
الوضع هلق بحالة لاتطاق و البطالة أكثر من اول والاسعار الي
ارتفعة عم تخلي العالم تسوي أي شي من شان تعيش
وأهمهن العرب الغير نظاميين ...... أنا قلت ما بدي أحكي كثير
بس بدي أياكن تشوفوا هالاعلانات الي عم تنحط منشان يشجعو العرب
على التطوع بالجيش الاميركي او مترجمين في العراق
لانو الاميركان صاروا بدهن ناس أتجرب فيهن بالعراق
يعني عم يعطوا عروض أما نقدية كبيرة او جنسية أو أقامة أميركية
واللي بدو يروح رايح على لقمة الموت
خلونا مع الصور
وأعطوني رأيكن:
الصور أنا صورتها على السكانر
من الجرايد اللي عندي
وعذراً لعدم الوضوح
ملف مرفق 3461
ملف مرفق 3462

Posted by: بنت القمر

عزيزي حسام هي سياسة الامريكان لجذب العرب لبلادهم معروفة ومكشوفة للكل ولكن بصيغة اخرى
بارقة الامل بالدول العربية وفرص العمل قليلة
وهي نقطة ضعف النا بتستغلها اميركا والدول الاوربية بسحابة الغلا الحاصله بالاسواق حاليا
ال غلا ال لك نار الاسعار والمعاشات متل ماهي لهيك الواحد وقت بيقرا هيك اعلان وعندو بذره من زمان او شي فكرة بالهجره ما بيصدق بس ما بيعرف العواقب الا ليوقع فيها وكلو منشان اولادوا وبيتوا
الشكر لك حسام

Posted by: wajdy barakat

حسام شكرا لتوضيح الوضع والله لا يحيج اي عربي او سوري ليشتغل برات الطرق وخصوصا بامور الاعلانات اللي عم تحكي عنها..........لان الواحد وقتها رح يفقد كرامتو ووطنيتو .............
بس في اعلان حاليا عن رحلة الى العراق .....اكل....شارب ......ميت ....مدفون هاذ العرض مجاني ولفترة غير محدودة فياريت اللي حابب يسجل يتصل على موقعنا اللي هوي www.die.com

Posted by: wajdy barakat

عفوا طلع الموقع موجود عن جد هههههههههه واني كنت عم امزح بس مو غلط الواحد يطلع عليه هههههه

Posted by: hosam danial

ولك يا ملعون من وين نكشت هالموقع
صرلي نهارين عم فوت عليه
في لينكات مفيدي

Posted by: organist

سياسة بوش أقتربت إلى الخلاص بس بدي أعرف شغلي شو هالأسعار مغرية يالي عما نسمع فيها يعني راتب عسكري 1300دولار يعني فعلا لقمة موت. أديش هذا محتاج بالي عما يطوع هذا شبعان فقر رضيان بهيك مبلغ علشان يعيش أهلو .. غير هيك أغلب الجنود يالي راحت عالعراق ورجعت حاليا بحالة إكتئاب والأغلب لحد الأن بالمستشفيات عما يتعالج من الحالي النفسيةياريت لو بس هالجندي يالي إطوع كرمال المصاري إستفاد وفاد أهلو إلا أنه خربولو حياتو وصار معو مرض نفسي مدى الحياة الله لا يعرض حدا من العرب لهالشي

من يعمل بيديه هو عامل ومن يعمل بيديه وعقله هو صانع ومن يعمل بيديه وعقله وقلبه هو

فنان

موقع زيدل سوريا حمص .. خدمات تشات و دردشة ... أرشيف المنتدى