الارشيف - فكرة

Pages: 1

فكرة
(انقر هنا ان احببت مشاهدة الموضوع الاصلي بالالوان و الصور )

Posted by: mario

سلام لجميع محبي هذا المنتدى الترفيهي الحزازيري الفكرة تقول :
كل شخص يحزر الحزروة عليه ان يكتب حزورة اخرى الى ان يحزرها اخر فيكتب حزورتهي و يحزرها اخر فيكت اخرى و هكذا .....لذا انا سابدا بالحزورة و من يحزر عليه ان يحزرنا حزورته
ارجو اعطاء رايكم بالفكرة و هل نحاول تطبيقها ام لا
1-لدينا 4 تفاحات نريد تقسيمهم على ثلاث اشخاص بشرط ان لا احد ياخذ اكثر من الثاني.
ملاحظة: الحل هنا ليس حلا رياضيا للمساعدة و بدء اللعبة

Posted by: wajdy barakat

والله يا ابو عبدو (ماريو ) انتي بتعرفني ما ثير الي خلاق على التفكير غير بامور المصاري هههههههه
بس اقتراحك انا بايدو لانو هذا منتدى بتطرح في اللي بدك اياه ومو بالضرورة تلاقي اعجاب من الكل لانو لو كلياتنا منتفق على نفس المواضيع والافكار كنا سوينا اشياء ما بتخطرعلى البال.....ورح فكر بحزورتك...موفق

Posted by: issa george

أهلاااا ماريو..
الفكرة حلوي ماريوااا ...ياسيدنا رح جرب أعطيك الحل
هلق الحل فينا نقسم كل تفاحة لثلاث أقسام ..وبصير عندنا 12 قسم وبنقسمهم على تلاتي بيطلع لكل شخص أربع قطع وهيك بكون كل واحد أخذ حصتوا بالزبط ..
3x4= 12
12/3= 4

بس هيك أنتي مابدك كونك كتبت أنو الحل مانوا رياضي ..
معناتوا إذا كان قصد ك بالحزورة اللعب على الألفاظ (ولا واحد أكتر من التاني )..يعني بنعطي الأول تفاحة والثاني تفاحتين والشخص التالث تفاحة بصير ولاواحد آخذ أكتر من التاني ..

هاذ اللي طلع معي ..الحزورة مش واضحة أكتر من هيك ..وكوني مابعرف إذا الحل صح ولا خطأ مارح نزل حزورة هلق لنتأكد من الجواب ..
بس بتمنى أنوا يطلع الحلين خطأ مشان ماأزعل منك ...

وأهلا فيك من جديد معناااا..

Posted by: mario

الحل هو الحل الثاني يعني ما حدي اكثر من الشخص الثاني
و شكرا الك و اجبابة صح و هلق فيك نزودنا بحزورتك اخ عيسى
الك الاختيار بنوع الحزورة بس يفضل ياضيا هههههه
و بتمني من الجميع المشاركة او المحاولى بالمشاركة و اعطاء الجواب و شكرا

Posted by: issa george

طيب ياماريوااا هلق هيك بيطلعلك عنا حزورة ...

الحزورة سهلة وحلها ممتع ..
في عنا أربع شباب واقفين على ضفة النهر وفي معهن مصباح(بيل ) والدنيا ليل المطلوب هوي توصيل الأربع شباب للضفة التانية من النهر . كل شب إلوا سرعة مختلفة عن الثاني يعني الأول سرعتوا (1 دقيقة والثاني سرعتوا 2 دقيقة الثالث سرعتوا 5 دقائق والرابع سرعتوا 10 دقائق ) بس لازم نتذكر أنوا الجسر مابيتحمل أكثر من شبين ودائماً لازم يكون المصباح(البيل) مع الشخص اللي عم يعبر الجسر ..(يعني في حدا لازم يرجع البيل ويآخذ رفيقوا )
ملاحظة1 : الوقت بينحسب للشخص بالذهاب والإياب
ملاحظة2 : دائماً تحسب سرعة الرجل الأكثر (يعني إذا مشى الشاب اللي سرعتوا دقيقتين مع الشاب اللي سرعتوا 10 دقائق رح يوصلوا خلال عشر دقائق )
ملاحظة 3 : الزمن المسوح به 17 دقيقة لنقل الجميع أو أقل ...(ماننسى الوقت محسوب بالذهاب والإياب )
أنا حطيت شرح أكتر بالملف المرفق بتمنى أن يكون واضح ...
إنشالله تعجبكم .
-----------------------
وفي صديق بتمنى يمر بهاللينك ومتل ماأتفقنا Just solution

Posted by: mario

نقاطي:0
و الله يا صديقي تقولي مصعبهي شوي هههه يا اما اذا الحل بالكلام بس ما بعتقد مهيك؟
و هلق بدي ضيف فكرة انو الواحد كل ما يجاب ع حزور بيصير عندو نقطة و كمان بس يحز حزور و ماحدي عرفهي لمدة 3 ايام مثلا كمان بيجاب عالحزورة و بياخذ نقطة و يضع حزورة اخري
و يفضل انو كل شخص يكتب تعليق هنا يضع رصيده من النقاط في الاعلي قبل البدء بالكتابة كما انا فعلت 0 الحمدالله بس انشالله من زودهن شوي
فهلق بعتقد يا اخي العزيز انو اذا ما صار شي جواب ع الحزورة بهال 24 ساعة فيك تعطيني الجواب و تاخذ نقطة و بيصرلك 2 نقاط جواب + حزورة صعبي هه و تحزرني وحدة ثانية
بعتقد هيك بيصير تشجيع ومنافسة اكثر هههه
و اذا كان الحزورة ما قلهي جواب يعني تعجيزية فقط فالشخص يخسر نقطة من نقاطه
شللوووووووووووننننننننننننن؟

Posted by: فاروق القدومي

على قد إفراشك مد رجليك**

لـه لـه لـه يا عيسى على مهلك على ماريـو**

بالفعـل صعبـة وحلها بحاجة لتشغيل الدماغ**

*قدومي*

Posted by: issa george

مرحبـــااا للجميع ..
الحقيقة هيي مانها سهلة أبداً مع أنها كتير بسيطة وهلق بس تعرف الجواب رح تصير تضرب على راسك ..الجواب منطقي ومافي أي لعب على الألفاظ ...
وهيك رح أتذكر كلمتك بموضوع سابق (الحجر اللي مابيعجبك بيفجك ..) حلوة منك ماريواا...

رح حط الحل بملف مرفق كمان حتى إذا حدا بحب يجرب قبل مايعرف الحل ..ترى الشغلة بتستاهل على قولة القدومي بحاجة لتشغيل الدماغ ..(قدومي ليش نحنا في بالعادة نطفيه ..)

..
وحتى ما وقف الموضوع أكتر من هيك رح أتنازل بالحزورة لماريوا أو للقدومي اللي عندوا شي جاهز ينزلوااا ...

سلامات للجميع ..

Posted by: mario

شكرا الك اخ عيسى و الله كلك زوء بس ترا الحقيقة يعني نحني منحب مشاركتك معني و فيك تحزرني حزورة ثانية كمان ولا يهمك هههههه
بس الي طلب صغير عندك بالله الحقيقة اني ما عم اغضر افتح الملفات المرفقة يعني اذا بتسمح تبعثلي الحل بالاضافة للمرفق السابق بس ايميلين بلكي بحاول حلها قبل م ا اعرف الجواب هههه ع هالاميل:mariokl1@hotmail.com و شكرا الك

و هلق يا سباب الساحة مفتوحة لمن يريد التحزير الكل مدعو.

Posted by: mario

مرة ثانية
سبعة و سبعين و قدهن مرتين و سبعة و سبعين و سبعة و برامات الجحش كمان
؟؟؟؟؟؟؟؟؟؟؟؟؟؟

Posted by: abode durra

حلوي الحزورة ماريو و اني عرفت انو في لعب الفاظ
الحزورة بتقصد بـ ( سبعة و سبع ) ذكر و انثى الاسد

سبعة 1 و سبعين 2 و قدهن مرتين 6 و سبعة1 و سبعين 2 و سبعة 1 بيصيرو 13

أو 8 سباع و5 سبعات هههههه

الحزورة الجديدة يمكن معروفة بس منشوف اللي بحلهي

كان في شيخ من العرب القدماء لديه 3 أولاد و 17 جمل و قبل أن يموت كتب وصيته لأبناءه و فيها قال:

((يا أولادي ها هي وصيتي لكم كل منكم له حقه

الولد الاول احبني انا و زوجتي فأعطيه نصف 1/2 من الجمال

الولد الثاني احبني و لم يحب زوجتي فأعطيه ثلث1/3 الجمال

الولد الأخير لم يحبني انا و زوجتي و لكن اسامحه و اعطيه تسع 1/9 الجمال

و لكن اريدكم يا اولادي ألا تذبحوا أو تفرطو باي جمل منهم ))

المطلوب منكم يا اصدقائي ان تساعدوا الأولاد في تقاسم الوصية دون التفريط بأي جمل

الحل منطقي و ليس هناك اي لعب بالألفاظ أو اية خداع

Posted by: mario

ايه ها هيك بدن يمن هذول الحزازير يا عين عليك (يعني حزورتي كانت عالسريع مشان تمشي العبي ههه) هاي حزور حلوي و اني بعرف الجواب بس بدي ضيف للطلب شغلي لو سمحت انو البدو يجاب يعطي الجواب و طريقة الحل
و شكرا عبودي مرة ثانية

Posted by: mario

اخي عبودي يمكن صار ثلث ايام و هلق صار لازم نوضع الحل مشان استمرار اللعبة و اعطاء الناس فرصة اخرى للتفكير فالجواب هو على ما يلي:
17 جمل و بيجو لعندي بعطيهن جملي بيصير معهن 18
هلق1/2 ال 18 = 9
1/3 ال 18 = 6
1/9 ال 18 = 2
يعني بيكون مجموعهن 2+6+9= 17 و بيضل جملي بيرجعولي اياه و هيك منكون كلني مبسوطين

Posted by: mario

هلق عاد في لغز هون:
هل يا ترى 2=1 ممكنة احيانا؟؟؟؟ يعني بالرياضيات مستحيل تتحقق و لكن هلق يمكن ان تتحقق بالصدفة ؟؟؟ الرجاء الجواب على هذا السءال قبل ان تكمل القرائة
و الرجاء التفكير بعمق.......ز

الحقيقة انا عندي جواب هيك
لنفرض س=ع .........1
فاكيد 2س=2ع..........2
هلق نطرح المعادلة 1 من المعادلة 2 فيكون
2س-س=2ع-ع و الان ننقل بعض المجاهيل الى الطرف الاخر
2س-2ع=س-ع اي ان 2(س-ع)=س-ع فيكون 2=1

ما رايكم بالجواب ؟؟؟؟؟؟؟؟

هل برايك انه صحيح اوضح جوابك لو سمحت
شكرا

Posted by: abode durra

حلوة ماريو

بس ما بيصير تقسم الطرفين على س-ع لأنو س-ع=0 و ما بيصير تقسم على الصفر

و هاي و حدي نفسهه فكرت فيهي
س=ع=1

س2-ع2=(س+ع)(س-ع)
1-1=(1+1)(1-1)
منقسم على 1-1
1=1+1
هههههههه
و هالشي مستحيل
و عم فكر بشي حزيرة جديدة واللي عندو حزيرة يحطهي يلا شباب لا تخلو الموضوع ينتسى

Posted by: sulieman safar

عندي حزيرة بشبه معجزي واليوم رح حطها كرامة طلب الجار الغالي عبودي.
يحكى ويقال ان هناك رجل يود أن يذهب الى قرية زيدل. وما ان سلك الطريق باتجاه قرية زيدل وجد بأن الطريق يتفرع الى طريقين ويوجد عند تفرع الطريق حارس فسأله: اياً من هذين الطريقين يودي الى قرية زيدل؟

فأجابه الحارس اني لا أعرف! ولكن على كل من هذين الطريقين, وبعد مسافة قصيرة, يوجد حارس أخر يمكنك أن تسألهم. ولكن من الضروري ان تتذكر بأن كلا الحارسين لا يستطيعوا الجواب الا بكلمتين احداهما "نعم" والثانية "لا" وأحد الحراس لا يحكي الا الصدق والثاني لا يحكي الا الكذب.
كيف يصل الرجل الى قرية زيدل؟
شروط الحزيرة:
يمكن الرجل ان يسأل كل من الحراس اسئلة عديدة ومرات عديدة لكنه لا يستطيع الرجوع بعد أن يقطع نقطة الحراسة الثانية .
هناك طريق واحد فقط يودي الى قرية زيدل.
ولكم حظ طيب في حل الحزورة ومحبتي طبعاً.
سليمان

Posted by: mario

عبودي برابو عليك و الله يعني الحقيقة ان كشفت السر اني بعرف انك بتحب الرياضيات و شاطر كثير بس يا عمي هالمرة بيضتهي كثير ههههههه برابو عليك و موفق بالمدرسة

عم سليمان شكرا الك عالمشاركة الحلوي و الحقيقة حزيرة حلوي يعطيك العافية
هلق وقت اللي قريت الجزورة اني حسيت انهي سهلي ما بعرف ليش يمكن تكون مارقة معي قبل بمرة او شي المهم اول شي ما عرفت الجواب بس بعدين فكرت شو مظبوط و لقيت الجو اب و بدك تقول يعني شي 99% الجواب صح بس بيضل لازم انت تاكد علي ...و بما انو الحزورة حلوي رح خلي مجال للاخرين انو يشوفوهي و بعطي الجواب بعد شي يومين و انشالله يكون صح ههههه
و شكرا الك مرة ثانية

Posted by: sulieman safar

...................عم سليمان شكرا الك عالمشاركة الحلوي و الحقيقة حزيرة حلوي يعطيك العافية

كلام حلو ومنمق ولكن كما يبدو انو الشباب عم يوجبوا بعضهم البعض وعندي شك كبير وهو بأن الشباب, وعلى رأسهم زعيم العصابة الصديق ماريو, يملكون أكثر من حل واحد لهذه المعجزة وهذا ما ابتدى لي من داخل تفكيري في المعجزة في الساعات القلية الماضية ولكني اكتشفت اقيام ومنشبات جديدة للمعجزة لكي اصعبها أكثر فأكثر وقبل أن أوضع المفهوم الجديد للمعجزة من الضروري أن أوضع بعض البراطيل عفواً الجوائز لمن يحل المعجزة مستعملاً اقل عدد من الأسئلة للحراس.
والجوائز هي ,حسب عادتي التقليدية, كما يلي:
لشلة العزابية:
احلا عروس أو عريس طبعاً من المنتدى( تحركوا)
لعصبة المتزوجين:
بطاقة ذهاب واياب مع أي طيران تختاروه, الى قريتنا الحبيبة زيدل مع شرط بسيط وهو بأنك تقطن في قريتنا الحبيبة حالياً.
لا تنسوا محبتي لكم.
سليمان

Posted by: abode durra

مرحبا عمي سليمان
مشان الحزورة
يعنيتني غضرت حلها من خلال سؤالين كما يلي :
الحارس الاول بتخطاه و بروح لعند الحارس الثاني بالفرع الاول و بسألو سؤال (لكشف الكذب و الصدق) مثلا "شعرك اسود" اذا قال اي و شعرو مو اسود بيكون كذاب او بالعكس بيكون صادق
بعدين بسألو من هاذ الطريق زيدل و احتمالات الاجابة
1-قال اي و هوي صادق او لأ و هوي كاذب بروح بروح من نفس الفرع و بوصل على زيدل
2- قال اي و هوي كاذب او لأ و هوي صادق بروح عل الفرع الثاني و بروح ع زيدل
يعني طريقة معقولة بواسطة سؤال مخادع

Posted by: sulieman safar

الصديق والجار الغالي عبودي.
تحمل درجة من العبقرية لا بد تنسيقها من بعد أن نختبر الحلول الأخرى مع
باقي الأصدقاء ولكن بنفس الوقت حصل تغيرات جديدة من عندي وهي كما يلي:
كيف يستطيع الرجل ان يوصل الى قرية زيدل دون أن يسأل أي سؤال لأي من الحراس؟ وهون بحب شدد انه يوجد حل ويمن يستطيع الحصول عليه يبقى عبقري حقاً حقيق .

كما يوجد شوية تغير بالجوائز :
لمن يحل المعجزة في شكلها الأخر يحصل على 1000 دولار اي نعم one thousands dollars
من عملة سيريلانكا الحديثة.
وللجار عبودي ولكم محبتي طبعاً.
سليمان

Posted by: emado1

انا لقيت عدة طرق لاوصل بدون مااسال الحراس
1- بطلع بمكريات زيدل بوصل
2- اذا شفت سيارة محملة عنب عرايش منظرها بيرد الروح نازلة على سوق الهال بعرف انها جاي من زيدل
3- بخلي قلبي يدلني اكيد بوصل على زيدل
وطبعا لسه في اجوبة كتير بس رح خلي دور لغيري
وهلق اكيد رح تكون الجائزة من نصيبي

Posted by: sulieman safar

شكراً للصديق الغالي عماد على مبادرته الظريفة ولا بد انها تحتوي على درجة من العبقرية من حيث انه تجاهل كل القيام المعطية واوجد قيام جديدة للمعجزة من خياله ووصل الى حل ان لم يكن صح تحت أضواء المنطق المجرد فهو صح تحت أضواء المنطق الحضاري ولعله وفر علي القليل من المجهود لسبب ان طريقته في التفكير تعتبر من أول رؤووس الأقلال للحل الأعظم. وللللللللللللللللللللللللللللللللللكن وأيا ولكن: يا صديقي عماد كان يمكنك حل المعجزة بواسطة احصائيات الفتيات الحسنات اللواتي يعبرون كل من فروع الطريق وعندها تعرف أجمل واقصر طريق لقريتنا الحبيبة زيدل دون أي تسائولات. .
للصديق عماد ولكم محبتي طبعاً.

Posted by: abode durra

مرحبا عمي سليمان مشان التغيير بالحزورة يعني بدك تروح على زيدل بدون ما تسأل ولا حارس
سهلة
1-طلاع بالمكرو
2-او خوذ تكسي
3-او ركب بسيارتك navigation system يعني خريطة بالسيارة
4-او طلاع بالانترنت عل ماب كويست و شوف عنوان زيدل
5-او حمل ال google earth و دور عا زيدل
6-او لا تسال الحراس اسال واحد ماشي بالطريق او عند الكازية
7-اوبتروح عا فيروزة و من هناك بيدللوك
8-او بس تشوفطريق عام كان في اثر حفريات كثير و اعمال ترابية بتعرف انو الطريق بيودي علة زيدل

و بعدين مشان الجائزة يسلمو ال 1000 دولار سيرلانكي
عمي هذول ما بيطلعو 10 دولارات اميركية بقى يسلمو و خليهي لا شي حزورة احسن

كنت عم امزح بس ما بعرف اذا عنجد في شي حل او لأ

Posted by: mario

و الله يا عمي الحقيقة اني كنت مفكر انو عندي الجواب الي انتي بدك اياه لاني حليتهي بسوال واحد و هاذ اللي كنت مفكرو اقل عدد من الاسئلة و قلت خلصصصص امنت ع الجائزة هههه بس بيضل انو سوال واحد يعني مليح الى حد ما مهيك؟
هلق رح اعطيكن الحل بسوال واحد ور ح فكر بالحل بدون اي سوال
الحل:بيروح لعند احد الحراس و بسالو .... اذا سالت رفيقك هل يا ترى رح يقلي انو طريق زيدل منهون ؟ و اشو ما بيقلو بيسوي العكس
الشرح:لنفرض انو الطريق صح من هون

_هلق لنفرض انو كان عم يحكي مع الكذاب رح يكون الشخص الثاني صادق و اذا سالتو للثاني رح يقلو اي من هناك الطريق الصح ....بس وقت بدك تسال الكذاب(الاول) انو اذا سالت صاحبو شو بدو يكون جوابو رح يقلك انو رح يقول لا مو منهون (كذب) و بالتالي انت رح تسوي العكس و رح تمشي منو و بيكون صح
_ولنفرض انو الشخص اللي سالتو الصادق فالثاني هوي كذاب و لما تسالو رح يقلك انو هاذ لا مو طريق زيدل ..و وقت بدك تسال الصدق(الاول) انو شو رح يكون جواب الثاني رح يقلك الحقيقة انو رح يقلك لا و بالتالي انت رح تسوي العكس و تمشي منو و
يكون صح

الحقيقة ما عرفت شلون بدي اشرح و اكيد الكلام صار فايت ببعضو بس اللي بيقرا الجواب شوي شوي بيلاقي صح بس الجواب متاكد منو بيظبط
يعني هالجواب بعد تفكير عميق

وقد ما فكرت فيهي طلع معي حزورة ثانية مع هالشخص انو هاذ بس يعرف طريق زيدل رح ينجبر يسال سوال للحارس و بدو يجبرو بقول اي لحتي يمرق اما اذا الجواب في يقول علي لا فرح يذبحو و ما يخلي يمر فشو هالسوال الي بدو يسالو؟؟

عفوا على الاطالة و شكرا الك عم سليمان ع هالحزورة الحلوي و رح فكرك بالحل بدون سوال اذا في حل ؟؟؟؟؟

Posted by: abode durra

حلوة ماريو برافو عليك و اليوم كنت عم اسأل ابي عن الحزورة و قلي هاذ الجواب
مبروك و بتربح مني 1000 من عملة تشيلي هههه

و مشان سؤالك عم فكر في و منشوف اذا بيطلع معي بس يعني شلون بدك تسألو السؤال و انتي ما بتعرف اذا هوي بدو يحكي صح او العكس ما بعرف اني و الكل عم نفكر و بدني الجواب بعد ثلث ايام اذا ما حدي عرف الجواب

Posted by: sulieman safar

الصديق ماريو
كما يبدو من شرحك بأنك تفكر بالمعجزة وفي طريقة اصلية وتبذل مجهود فكري وافر والله يعطيك العافية وهذا يبقى أهم من الحل. ولكنك تقول ان محاولتك تحتوي على سؤال واحد والحقيقة انها تحتوي على سؤالين, الأول للحارس الأول والثاني لأحد الحراس. قد يجوز ان يكون حلك صح ولكن ماني غادر شوفو في عين عقلي بواضحة. ولكن لقد حان الاوان لكي اعطي بعض رؤؤس اقلام واملي الكبير لكل من يتابع المعجزة هو الشعور في قفزة عامودية في التفكير أي وجود الحل خارج نطاق القيم المعطية:

أول رأس قلم:

قد يجوز ان قرية زيدل تقع على مسافة لا تقل عن الثلاثين الف كيلومتر عن نقطة الحراسة.

وللصديق ماريو ولكم محبتي طبعاً.
سليمان

Posted by: abode durra

طيب عمي سليمان شكرا عالحزورة الحلوي و اللي خلتني نفكر كثير و عود انتي عطيني الجواب على سؤالك الاخير بس اني اسف بدي حط حزورة ثانية مشان الشباب يرجعو يشغلو مخهن شوي

كان في واحد رايح بغابة و بالغابة هاي الواحد بينسي كل شي بقي هالزلمة حابب يعرف اشو اليوم بالاسبوع وشاف اسد و حصان
الاسد بيكذب ايام الاثنين و الثلاثاء و الاربعاء
الحصان بيكذب ايام الخميس و الجمعة و السبت

الزلمي سأل الاسد " اشو اليوم بالاسبوع؟" و كان جواب الاسد "مبارحة كان اليوم اللي بكذب فيه"
و بعدين سأل الحصان" اشو اليوم بالاسبوع؟"و كان جواب الحصان " مبارحة كان يوم اللي بكذب فيه كمان"

بقى يا شباب اللي بيغضر يساعد الزلمي و يقلو اشو اليوم بالاسبوع

Posted by: sulieman safar

الصديق الجار الغالي عبودي الف شكر لك على المعجزة الجديدة الظريفة من حيث انها تبدو سهلة ومعقدة بنفس الوقت ورغم اني استنتجت احساسياً بان اليوم في الغابة كان يوم " الخميس)"(ان كان ذلك صح سوف اعود لكي اشرح طريقة التفكير) وقد يجوز بأنه خطأ لأني صرفت على هذا الحل لا يزود عن 5 دقائق. (اي نعم اصبحنا نستعمل التفكير الفوري في هذا المنتدى ولا نخاف من الخطأ) .
أما بالنسبة لمعجزة الرجل المرهوف للوصول الى قريتنا الحبيبة زيدل فهو كما يلي:

انزلوا لتحت...............

بحاتها المعرفة ما كانت رخيصة كما يبدو في عصرنا........... لذلك انزلوا لتحت بعد.

اذا وصلت لهون لك أمل بالدنيا ولكن من الضروري أن تنزل اكثر

عفواً جاني تلفون وسوف اعود لكم في الحل.................

Posted by: sulieman safar

اي لا تواخذوني صبايا وشباب لأنو جاني مكالمة هاتفيه من الخال عبودي استمرت حوالي نصف يوم وكما يبدو انو الخال عبودي لا زال يتكلم زغم اني سكرت الهاتف من عندي وعلى ما يبدو انو الخال عبودي مكتشف نظرية جديدة في الرياضيات التطبقية لعلم النبات وحابب يحطها تحت موضوعنا الحالي " فكرة" لكنه متردد خوفاً بأننا سوف نضحك عليه بدل ان نضحك على نظريته الجديدة ولذلك كلفني حط النظرية كمعجزة بالنيابة عنه وسوف اواتكم فيها في المستقبل القريب ان شاء الله.كما انه كلفني أن اعطيكم بعض رؤؤس أقلام حول نظريته الجديدة لتهيئو انفسكم لمفهوم تلك النظرية أو لحل تلك المعجزة.
رأس قلم أول:
النظرية تسمى " النمو القرنبيطي والرياضيات التطبيقية"
رأس قلم ثاني:
لا يوجد شرح للنظرية أو حل للمعجزة لكن ثقة الخال عبودي, بالصبايا والشباب, كبيرة وكما يبدو أنه متفائل الى درجة التكوين في الابداع العبقري.

وهلق برنجع للرجل الملهوف الى الوصول الى قريتنا الحبيبة زيدل. واوعدكم تمام اني سوف اطلعكم ولا انزلكم.
تصور نفسك في مكان ذاك الرجل الملهوف للوصول ( يمكنو اعزب وبدو يخطب) وتعرف تمام انك في اتجاه قريتنا زيدل. وصلت الى تفرع الطريق ماذا تفعل؟ اذا كنت من اللذين يتأثرون في التفكير الدوجماتيكي( استنتاج الصورة الكبيرة من امثلة صغيرة) تسأل كل من تراه عند تفرع الطريق وتأخذ في عين الاعتبار المعلومات التي تجمعها مستعملاً كل ما ينتمي الى العقلانية المنطقية لكي توصل الى قرية زيدل(حل الصديق عبودي). ولكن اذا كنت من قرية زيدل فعلاً لا بد انك تحمل درجة من الاعتزاز بنفسك بعد مقدرتها, وخصوصاً في دائرة الذكاء, واحيان الى درجة العند ولا تريد ان تسأل أحد, تسلك احد فروع الطريق عارفاً بان الأرض كروية(35 الف كيلومتر عن نقطة الحراسة) وانك تعود الى نفس النقطة في حين انك لم توجد قرية زيدل ,وهنا تخسر كل اعتزازك بنفسك من وراء القفزة العامودية في التفكير التي طرئت عليك وتستمر في سلوك ذاك الفرع من الطريق وان لم توجد قرية زيدل بعد عودتك الى النقطة التي ابتدئت منها تسلك الفرع الثاني للطريق وعندها ولا بد بأنك توصل الى قريتنا الحبيبة زيدل.
الحل يبقى نظري لكنه صح في رأيي . ولو كان الحل عملي يعود الرجل الي قرية زيدل بعد 933سنة تقريباً ( اذا ابتدأ رحلته في سن العشرين) وعندها يسأل احد سكانها: هل هذه هي قرية زيدل؟ وما عندي أي شك بأن الجواب سوف يكون : لا يا عم هذه عاصمة العالم.
الحل مفتوح لأي نقد من طرفكم الكريم وقد يجوز ان يكون خطأ.
الف شكر لكل من شارك حل أو قرائة هذه المعجزة ويحق الذكر الأصدقاء ماريو وعبودي وعمادو .
لهم ولكم محبتي طبعاً.
ابو سحلول المدلعب.

Posted by: mario

شكرا الك عم سليمان لاعطاء الحل للمعضلة
الحقيقة شربكتني من كثر التفكير ههههههههه و مثل ما قلت بيضل الحل نظري و الله يعين كل شخص تايه عن بلدو قديش بدو يعاني اكثر من ما بدو يعاني هالزلمي التايه هاذ يعني مثل ما قلت بدو 100 سنة يعاني و ماشي كمان ع ريجليه يعني عرقان يا حرام....
بس يللا خليني نسهلهي عهالزلمي و نريحو من ميت سنة مشي و نخلي يسال هالسؤال الوحيد اللء قلتكن علي من قبل ههههههه
2--- نحني بنتظار الكعضلي من الاخ عبودي كمان و شكرا الك عم عالدعاية المسبقة
3----عم سليمان اني بايدك بجواب حزورة الجار عبودي انو يوم الخميس و اسمحلي حضرتك و الجار عبودي اسمحولي اعطي الشرح بعد اذنك عمي ...... بس لاني اون لاين..
الشرح:الاسد يصدق يوم الخميس فهو كان صادق وقت قال انو يوم البارحة(الاربعاء) هو يوم الكذب له فهو يقول الصدق الان
اما الحصان فهو يكذب يوم الخميس و لذلك فهو يكذب عندما قال ان يوم البارحة كان يوم الكذب له ..... لذلك نستنتج ان اليوم هو يوم الخميس
بتمنى اني كون فصلت الشرح بس اذا الجواب مو واضح ترا بطلب من العم سليمان و الجار عبودي انو يساعدوني بشرح الحل و شكرا للجميع
و منتمنى من الجميع المشاركة و تحزيرنا مشان نحرك مخنا شي شوي
و هلق عم سليمان بما انك حزرت انو الخميس منتمنى تحطلني شي حزورة حلوي و بدهي تفكير بس يكون الهي حل ههههههههه

Posted by: abode durra

برافو شباب الحل صح 100% و عم نستني شي حزورة حلوة و بدهي تفكير من العم سليمان

Posted by: sulieman safar

الشكر الكبير للصديق ماريو على شرحه الكافي الوافي بالنيابة عني ولكن من الضرورني ان أخذ تحذيارتي من الصديق ماريو من حيث انه , كما يبدو لي, موصول بواسطة الاحساس ويمكنه من سرقة الأفكار والأهم من ذلك هو بأنه جدير على سرقة الكحلة من عيون الصبايا الحلوات.(خطر كبير)
عندي احساس كبير بأن منتدانا الكريم يعيش في فترة زمنية لا موازي لها في سابقه من حيث ان الأفكار المطروحة تبقى أكثرها أصلية, واكبر دليل عن ذلك يبقى الابداع في الشعر, ولا بد ان هذا المنتدى المتواضع سوف يصبح لب العقول المنورة في المستقبل( في العالم اكمل طبعاً).
ولذلك اليوم سوف أطرح نظرية الخال عبودي كمعجزة وأملي الكبير هو وجود حل لهذه المعجزة.

كما يبدو انو الخال عبودي يود ان يفتح مطعم في المنتدى وعلى نطاق كبير. وأخذ الخال عبودي في تجاربه الكبيرة حول الطبخ والنفخ وكانت مادة اليوم طبخ القرنبيط. لسبب انو الخال عبودي لا يملك ولا حتى سكينة(يا عيني على الشيف عبودي) ابتدأ في تقطيع القرنبيطة المسكينة مستعملاً يديه واصابعه المتواضعة. وما ان وصل الى نهياية التقطيع وجد بأن اصغر قطعة من القرنبيطة الأم تشبه القطع الأكبر منها وحتى انها تشبه القرنبيطة الأم
وهنا دب الشك في رأس الخال عبودي انه من الضروري أن يوجد معادلة رياضية جبرية أو هندسية,أو مختلطة, لكي توصف نمو القرنبيط. وبما انه كان يفكر بذلك نظر الى خارج نافذته , وبعد ان ذهب الحلاق المتنقل, الفت نظرة تكوين شجرة من حيث أن ساقها يشكل خط مستقيم وفروعها تملك زوايا تقاس ومتناسبة مع بعضها البعض وهنا دب سرطان الشك في رأس الخال عبودي بأن النباتات الطبيعية تنمو حسب معادلات رياضية هندسية جبرية يبقى وجودها يستحق التعليل في موضوع " فكرة" في منتدانا الكريم. وكان سؤاله الكبير ! ما هي هذه المعادلات وكيف يكون شكلها وكيف تكب؟ هل يا ترى نحنوا بحاجة لفرع رياضيات جديد لكي نستطيع الى وصف هذا الحدث الطبيعي؟ولذلك الخال عبودي سكر المطعم قبل أن يفتحه مستنظراً اجوبتنا.
وللخال عبودي ولكم محبتي .
سليمان.
النقاش مفتوح على مصراعيه.

Posted by: sulieman safar

بالفعل ان شك الخال عبودي في مكانه. ولو قلت لكم ان حل مثل هذه المعجزة موجود منذ قرن السابع عشر ! يا ام تضحكون علي أو تضحكوا على الخال عبودي كما ضحك الكثير على مطبخه المشهور . وما عندي أي شك بأنكم نظرتوا الى المعجزة وفكرتوا بأنها قدوة الرياضيات ولكنها اصبحت على مزبلة تاريخ الرياضيات, والحل يتعلق في فرع من الرياضيات يسمى بالهندسة الكسيرية أو الفرتكلية(اي يعني فرتوكي) وهنا يبدأ الرومانص بينكم وبين ما يربط الطبيعة في الرياضيات ولعله يؤودي الى زواجات ناجحة. الحل لمعجزة الخال عبودي معقدة جداً من حيث اني لا أستطيع على شرحها ولذلك سوف اعطيكم اسماء رياضين وهم manderbolt,و julia واذا وضعتم احد هذه الاسماء في محرك البحث جوجل سوف توجودون الحل لمعجزة الخال عبودي . وفي حين انكم فهمتوا هذه الحلول لا تبخلوا علي بالشرح.
ولكن المعجزة الجديدة, وان شاء الله , سوف تعجبكم جداً. أوعدكم ان لها حل ولكنه يبدو مستحيل.
انصطوا جيداً.

هناك راهب يقطن في قدم احد الجبال. وكل يوم يصعد هذا الراهب الى رأس الجبل لكي يصلي ومن ثم ينزل الى مسكنه( يسلك نفس الطريق صعوداً ونزولاً).اين تقع نقطة التقاطع الزمنية المسافية النصفية صعوداً ونزولاً للراهب.
ولكم البساطة ومحبتي طبعاً.
سليمان

Posted by: mario

عم سليمان شكرا الك لتسهيل النظرية الاولى و اسانا عم نحاول نصل للحل بس الا ما نصل يعني هذول العالمين عندهن مليون شغلي بس الا ما نلاقي هالنظرية و انا من جهتي رح ضل حاول الا ما اصل ههههه
و بالنسبة للحزورة الثانية انا بعتقد هالنقطة هيي قمة الجبل هاي المسافية
فهل يا ترا ممكن؟؟؟؟؟ و منضل نحاول اذا مو القمة تحتهي بشوي اكيد ههههه

Posted by: sulieman safar

الله يحرق شيطان ترجمتي المفشكلة. انت على حق صديقي ماريو وكما يبدو انو حلولك تبقى صح حتى ولو كانت خطأ.ولكن ما نود ان نوجده هو نقطة تقاطع رحلة الصعود ورحلة النزول مسافتاً وزمناً وليس من الضروري ان تكون نصفية. أوعدكم ان الحل داخل المعطيات لكنه يحتاح الى قفزة عامودية في طريقته .
وللصديق ماريو ولكم محبتي.
سليمان

Posted by: mario

يعني بدك تقول بقمة الجبل و بنص وقت صلاتو شلونننننننننننننن
يعني بس للمحاولي مو اكثر عم نجرب لانو انا قفزاتي عم تجي ميلة ما عم تزبط معي القفزة العامودية الحكيت عنها ههههه

Posted by: sulieman safar

الصديق ماريو:
الراهب بيطلع لراس الجبل وبيصلي( ما لها علاقة بالحل) وبيرجع لبيتو. خلال رحلة الطلوع ورحلة النزول هناك تقاطع , أي يعني يمر في نقطة زمنية مسافية واحدة وليس من الضروري أن تكون في منتصف رحلة الطلوع أو النزول. اكيد انو سرعة رحلة الطلوع سوف تكون أبطء من رحلة النزول. وسماع مني ورح شي زيارة لعند صديقك حسام الدانيال وخلي يرسملك شي جبل , كما يبدو انو شاطر بالرسم, ومن بعدها انت حط محور xy أو اليف وسين بجانب الجبل وخصص محوار للارتفاع والثاني للزمن ومن ثم ارسم رحلة الطلوع والنزول. وشوف حالك عم تقفز عامودياً.
ولك محبتي.
سليمان

Posted by: sulieman safar

على ما اضن انو الصديق ماريو عرف الحل ولكنه لا زال في مرحلة الشرح الكامل للحل والله يعطي العافية. واليوم بدي حط حزيرة قديمي شوي على شان نلخص فكرة التفكير خارج القيم المعطية وفي جائزة محرزة لم يحلها وهي وجبة عشاء مع الأصدقاء ماريو وحسام الدنيال واليكم الحزورة.

0.............0.............0

0.............0.............0

0.............0.............0

المطلوب:
وصل كل حروف 0 ببعضها البعض بخطوط دون أن ترجع على أي خط.

عشى ما بيتفوت ومحبتي طبعاً.
سليمان

Posted by: abode durra

حلوة الحزورة بس ما فهمت شوي يعني المطلوب يكون الشك النهائي
هيك

Posted by: hosam danial

شكراً عم سليمان على الحزيرة
وعلى هالهدية اللي خصيتنا نكون فيها
بس انا مارح حل الحزيرة لانو بدي اياك انت اللي
تحلها وتربح العشا معنا
هيك أنا بكون ربحان القعدي معك لانو ما بتصير لمين من كان

Posted by: sulieman safar

الصديق عبودي بعتذر منك لأني هالمرا بالفعل اني خربطت المطلوب والسبب انو هالحيزيرات هاي راسغة في ذاكرتي منذ لا يقل عن ثلاثين سني وعم حاول مجهودي على شان رافقكم بمشوار " فكرة" يعني تصور فوق ما اني نسيت المطلوب كمان نسيت الحل ولكن هاي الحزيرة الها اهميتها التاريخية في طريقة التفكير(التفكير خارج المربع) وبدي قول وماني متأكد انو صاحبها كان الدكتور ادوارد دبونو صاحب نظرية التفكير الأفقي(lateral thinking). ولكن وبسبب رفقتكم الجميلة , الحمدالله الذاكرة عم تشتغل مليح ومبارح تذكرت المطلوب والحل ولكني اذكر تمام عندما شفت الحزيرة لأول مرا ما غدرت حلها.
المطلوب :
أوصل كل حروف 0 بواسطة أربع خطوط مستقيمة موصولة في بعضها البعض
دون ان ترجع على اي خط. يعني ارسم طريق لحالك مؤلف من اربعة خطوط مستقيمة حيث انو فيك تمر على كل
حروف 0 بدون ان ترجع على أي خط. ولأعطيك مثال الشكل E و G رح يكون خطأ. نشلا تكون الفكرة وصلتلك. وألف شكر لمشاركتك.
بالنسبي لعزيمة الصديق حسام الدانيال انا عازم حالي على شان اقعد معك ومع الصديق ماريو على كل حال اكيد ما بتتفوت.
ولكم محبتي.
سليمان

Posted by: abode durra

اقتباس:

المشاركة الأصلية كتبت بواسطة sulieman safar

المطلوب :
أوصل كل حروف 0 بواسطة أربع خطوط مستقيمة موصولة في بعضها البعض
دون ان ترجع على اي خط. يعني ارسم طريق لحالك مؤلف من اربعة خطوط مستقيمة حيث انو فيك تمر على كل
حروف 0 بدون ان ترجع على أي خط. ولأعطيك مثال الشكل E و G رح يكون خطأ. نشلا تكون الفكرة وصلتلك. وألف شكر لمشاركتك.
بالنسبي لعزيمة الصديق حسام الدانيال انا عازم حالي على شان اقعد معك ومع الصديق ماريو على كل حال اكيد ما بتتفوت.
ولكم محبتي.
سليمان

عمي سليمان يعني اول شي ماني فهمان شو قصدك ب (0) قصدك نقطة ؟؟؟؟؟
و ثاني شي هيي الحزورة عم تسأل عن الشكل النهائي او عن طريقة الوصل يعني قصدي اذا قي شكل نهائي لازم نوصلو بالحل حطلني ياه مشان نفكر

عذرا بس الحزورة اسعتهي ما مفهومة بالنسبة الي اذا فيك تشرح اكثر

Posted by: sulieman safar

الصديق عبوودي بالفعل انو الحرف 0 يمثل نقطة ولو اردت ان ترسم الحزيرة فعليك برسم تسعة نقاط ضمن مربع وتكون متساوية الابعاد كما هو في الشكل المعطي دون النقاط الأخرى.
واتمنا لك وللمشاركين حظ سعيد في التفكير خارج المربع.
ولك محبتي .
سليمان
الحل حلو كثيييييييييييييييييييييييييير.

Posted by: hosam danial

وأخيراً عم سليمان عرفت
الحل
وبعد ماعرفتو
صرت اضحك على حالي
اذا ماني غلطان هاذ الحل
وحطيت ايميلي من شان ما حدا يلطش
الصورة
ملف مرفق 3660

Posted by: sulieman safar

ولك يئبرني الفهم وبالفعل هاذ هوي الحل المنظوم ويعيش مدبر حلوم. انا رح حاول اشرح احدا الطرق الي جي معك فيها الحل بواسطة هذه القصة الخيالية
يوم من الايام ريما راحت تزور اهلها لمن لقتك ضايع بالأفكار حول الحزيرة وتركتك لحالك بالبيت.
منشي طلعت ريما قمت انت اغتنمت الفرصة وحطيت كرسي بكل زاوية من زوايا الصالون وحطيت كرسي بمنتصف كل من جدران الصالون وكرسي بنصف الصالون وبلشت تمشي بيناتهن ومرات تضيع عدد الطرق ومرات تضيع بين الكراسي هههههههههههه واستمريت على هاذ الحال لمدة شي ساعتين وما ان سمعت طقطقة المفاتيح بباب الشقة
قلت لنفسك: يا باطل رجعت ريما وما صار عندك وقت لترجع الكراسي . ولمن ريما شافت هالحالي قالتلك: شو هاذ حسام؟ قوم طلاع برا!!!!!!!!!
وانت بالفعل شعرت بالذنب وطلعت الى البرندا الموازية للصالون وعندها نظرت الى الصالون وتصفيت الكراسي وعندها تذكرت فكرة "التفكير خارج المربع" وضربت نظرة على الكراسي ورسمت الخطوط الأربعة لوصل الكراسي ببعضها البعض دون ان ترجع على أي منها.

الله يعطيك العافية حسام ولكن رح نعطي الجائزة للغالية ريما لسبب انو هيي الها الفضل الأكبر بالحل.
ولك ولريما وللجميع محبتي.

ملاحظة للغالي حسام:
عفارم عليك انك وضعت عنوانك على الصورة لأني بعرف ثنين بيسرقوا الكحلي من العين.

Posted by: mario

ولك يا عيني عليك يا حسام ع هالانجاز اللي صرلي اسبوع فكر في هههههه
يعني ما خليت طريقة و ما جربتهي و ما يطلع معي بس كل شغلي كان بالمربع لانو الحل ما بيخطر عالبال يكزون هيك بس فعلا فعلا حزيرة حلوي شكرا عم سليما و الحل احلي برابو حسام , بس عاد يا حسمو ما بتوقف هون هلق مطلوب منك انت تنزل حزورة حلوي مشان نشارك لانو اللي بيحزر بيعود يحط حزورة فعم نستني الحزرة بس ترجع عالبيت اوكي

و يا عمي سليمان هاي هالكحلة من العين سمعان هالجملي من قبل فمين هون الثنين اللي قلتلني عنهن هههههه 1- 2- كل التحية الك عم

Posted by: abode durra

برافو حسام الحلو حلو كثيرر اني كنت عم فكر بالحزورة بس يمكن ما فهمت المطلوب بس استفسار عم سليمان ليش طريقة حرف G ما بيمشي حالهي هيك يعني

Posted by: sulieman safar

صديقي عبودي ان الشكل الذي اعطيته يحتوي على خمسة خطوط مستقيمة والمطلوب أربعة خطوط أي يعني حلك وافا لأحد الشروط لكنه لم يوافي الأخر.
وانا بدوري بقيد الصديق ماريو وبطالب أرخميدس في وضع حزيرة موازية لعقبريته.

ولكم محبتي.
سليمان.

ملاحظة للصديق ماريو:
هل يا ترى انت لا تعرف اللصوص الذين اتكلم عنهم؟ فاتو واحد ورا الثاني ههههههههههههه

Posted by: mario

و الله ضحكتني يا عمي ههه شو هالصدفة هاي طنت اذاني يعني اني كنت عارف حالي بس ما كنت عارف انو رفيقي اللص الثاني هوي عبودي هههههه بس و الله يا عمي حلال عالي بيفضر ياخذ الكحلة من العين ههههههه بس بدني نتعلم نوصل للعينتين مو بس الكحلة

يلا يا حسام يلا يا حسام هيه هيك بيشجعو بالمباريات , عم نستنى الحزورة(احلا ابو تينا)

Posted by: hosam danial

أنا ماني نسيان الجائزي
وماني نسيان الحزيرة
ورح اعطيكن حزيرة ما بعرف كنكن بتعرفوها ولا لاء
بس هيي قديمي شوي

ارفع ثلاثة عودان كبريت من الشكل الأول وارجعهن على الشكل لكي تحصل على خمسة مربعات من نفس المساحة
ملف مرفق 3674

وانتبهوا من الكبريت
لا تحرقوا حالكن

Posted by: abode durra

حلوة حسام بس بعتقد في اكثر من طريقة للحل
وكمان ما بعرف اذا حلي صح لهيك رح حطوا هههههههههه

من شيل 3 عودان كبريت بيصير عني 5 مربعات طبوقة و بعدين منرجعن بحيث ما يصير عني اكثر من 5 مربعات طبوقة

Posted by: hosam danial

عبودي برابو عليك
عم تحاول تحل المربعات
بس انا يمكن نسيت قلكن كل الشروط
ما بيصير يكون في زوائد
يعني خمس مربعات متساويات فقط
بدون ما يكون في شي ضلع زيادي
او مستطيل
فكر فيها شوي اكيد رح يطلع معك الحل

Posted by: mario

هلق بيصير انو ينحط عودين كبريت فوق بعض يعني مثل مانك مسوي بالعودين الفوق بعض من تحت .... يعني اذا بيصير فبيعود الحل سهل طبعا
منعود نشيل عودوان الكبريت الثلاثة اللي بالوسط افقيا
و منرجعهن فوق احدى العودان الاخرى

Posted by: hosam danial

شلون شلون شلون

جننتني جوابك صار حزيرة يا ماريو
وحزيرتك جوابها البطاطا
او المطاطا

فيك ترسملي اياها مثل عبودي
اريحلي واريحلك واريح للمشاهدين
مع الشكر ماريو

Posted by: sulieman safar

لو نظرنا الى الشكل الذي أعطاه أرخميدس(لقب جديد لايق لحسام) من زواية تصنيفه الهندسي نوجد بأنه شكل هندسي عشوائي. بما ان المطلوب هو تنقيص عدد المربعات يثير الشك عندنا بأن الشكل المطلوب قد يجوز أن يكون هندسي تام أو على الأقل هندسي تناظري. بعد هذا الاستنتاج نحاول أو نوجد عودان الكبريت التي يمكن رفعها لكي ننقص عدد المربعات دون ترك أي زوائد وهنا نوجد عودين ويشار اليهن فى الصورة ( ر1, ر2) ومن ثم يمكننا من رسم خط تناظري عامودي على الشكل المعطي وتكميل الشكل المطلوب. كما ذكر صديقنا عبودي هناك أكثر من طريقة للحل ويا ريت تزودونا فيهن من بعد ما تشفوا الحل وبذلك يمكننا ان نتعلم , بواسطة المقارنة , عن عقولنا وكيفية العمل فيها.

نشلا يكون الحل صح
نشلا اربح الجائزي
نشلا الجائزي تكون شي احسن من علبة كبريت.
نشلا الجائزي ما تكون عشي ثاني مع الاصدقاء حسام وماريو لسبب انو رح يحطولي عشايين
........ بنفس الليلة
نشلا ما يغير أرخميدس شروط الحزيرة
نشلا ما يطلب حل خارج المربع
نشلا يعجبكن جمال الحلملف مرفق 3687

ولكم محبتي الهندسية.
سليمان

Posted by: hosam danial

برابو عم سليمان
الحزيرة صح وكلشي صح
وانت كلك صح على حلك
بس مو هون الحزيرة
الحزيرة هيي
عود الكبريت الواحد
كم شمعة بيشعل؟

.
.
.
.

يالله على كل حال رح نربحك
الجائزة وهيي انو تعطينا حزيرة
احسن ويكون فيها رياضيات
وحسبي اكثر
لانو صار بدنا منافسة
شكراً الك عم سليمان

Posted by: mario

باص ماشي في 40 راكب و بيسع كلو 150 راكب
المهم بيوقف ع اول اشارة بينزل 10 و بياطلع 17
بيمشي مترين بيجي بيطلع 29 و بينزل 11
و بعد قترة بيوقف يعبي بانزين بيدفع 20 ليرة بس و بالمحطة بيركب 17 راكب
و بيلف اللفي بينزل 18 راكيب و بينزل ام و وليدين الهي
و بيتابع يا معلم و بيزيد سرعتو شي 14 كم بالساعة و بيشحط فريم بعدهي فجاة و بيركب 7 و بينزل 19 و قبل ما يمشي بيوصل فريق كرة قدم اللعبين الاساسين فقط مع المدرب و بيطلعو
و بعد فترة بيقفو باستراحة بيتبدل الشوفير و بيطلع شوفيرين بدال و بينزل 10 ركاب و بيطلع 13 راكب
بما انو الوقت قليل حاج لهون فالسؤال شقد طول الباص؟
مع العلم انو 4 ركاب قاعدين من ورا لحالهن و 20 واحد بالنص
و 5 شباب من جهة اليسار و في كمان 6 صبايا بنفس الجهة
---- سوري يا شباب للي حاولو يحل بطريقة غير بس شكرا الكن للمحاولي و مشان ما يكون تعبكن فاضي يا ريت تحطو نتيجة الحل لانو عنجد صار عندي فضول اعرف كم واحد بالباص ههههه لانو ما حسبت و سوري مرة ثانية

يعني هالحزيرة كانت هيك للتسلاي مو حزيرة نظامية لانو الحقيقة مو دوري بالتحزير هلق الحزيرة للعم سليمان و عم نستنى منو الحزيرة بس يبدو بدهي تكون حزورة رياضية حلوي و الهي حل ههههه لانو اخذت معو وقت بالتفكير فعم نستني

Posted by: abode durra

مبين يا ماريو عمي سليمان ما جاي عبالو شي حزيرة او عم يفكر بشي وحدي صعبة (الله يعين)

يلا عمي هات لانشوف شو عندك من هالحزازير الرياضية (رياضيات) و شوف شلون بتنحل عالسريع ههههههههه

Posted by: mario

يا شباب مبين العم سليمان عم يدورلنا ع حزورة صعبي كثر فالله يستر...... لانو كنت عم اقرا موضوع اسمو( الابتسامة اجمل هدية) و ما شفت غير العم يقلي حزرنا انت .... و ليي اني شفت هيك و راحت البسمة مني قلت وليي جايتنا حزورة بدهي تفوتنا بالحيط ههههه
لهيك هلق بعد اذنكن و بعد اذن العم لبين ما يحزر هالحزورة هاي بيكون بيرد حزورتو

الحزورة :
هناك 10 علب ..و كل علبة فيها 10 قطع الماس ...و كل علبة تزن 10 غ ...الا علبة واحدة 9غ
و هناك ميزان حساس رقمي و دقيق و المطلوب معرفة العلبة الناقصة الوزن اي 9غ
مع العلم انه لديك محاولة واحدة مفق في استعمال الميزان
و بتمنى كون متذكر جميع الكلمات من الحزورة بس 99% هاي هيي
يلله منعود الكن هلق بعد الانقطاع شغلولنا فكركن عاد

Posted by: mario

عفوا يا جماعة نسيت و ضح انو العلبة اللي فيها 9 غ السبب انهم الماس مزيف اي ان القطع فيه كلها مزيفة و بنفس المواصفات اما العلب الاخري فالقطع فيها الماس حقيقي و بنفس المواصفات و لكنها تختلف طبعا عن الالماس لمزيف

يعني هاي بلكي تكون هونت الحل

Posted by: sulieman safar

الصديق ماريو صدقاً انك كريم كثير لدرجة انو اذا كان عندك دب بتفوتو على كرمك.
ضليت تروح وتجي لحتى اعطيتنا الحل ورح تندم لمن تشوف الحزيرة الجايي في اتجاهك واتجاه الشباب واكيد رح يجي لعندنا شوية صبايا حلوت حصراً.
اذا خشخنا بالعلب رح نوجد بانو تسعة من العلب رح تعطي نفس الصوت وبذلك نوجد العلبة التي تحتوي على الألماس المزيف وبنحطها على الميزان.
نشلا يكون الحل صح
نشلا تكون الجائزة شي قطعة الماس لخالتك نهلا.
يمكن الحل مو صح ولكن قلت لجرب.
اذا الحل خطأ رح اكتفي بشرف التجريب.
ولكم محبتي الألماسية
سليمان

Posted by: mario

عمي سليمان شكرا الك علمحاولي ...و للي ما بيجرب ما عمرو بيعرف... و الحقيقة يعني بدي حاول افتحلكن باب الكرم قد ما بغضر لانو الحل بدو مساعدة شوي و لكن هناك حدود للمساعدة طبعا .... اما جوابك يعني بالنسبة للطريقة النظرية معك حق ميي بالمية و هيك بيكون جوابك حتى بدون استعمال الميزان ابدا يعني ....... بس الحقيقة انو الجواب اللي انا ببالي هوي جواب في شوية حسبة و رياضيات و هيك شغلات يعني مانو نظري بحت ...
و للمساعدة ايضا انو الفكرة بالالماس المزيف هوي انو فقط التلميح انو ال 10 بهالعلبة هم بنفس المواصفات و انها تختلف قليلا عن القطع بالعلب الاخرىرغم التطابق بالشكل

Posted by: abode durra

مرحبا شباب
و الله اليوم الصبح كنت عم حزر ابي الحزورة بعد ما استهلكت تفكيري لحلهي و هون فورا ابي عطاني الحل و طلع هوي بعرفهي من صف السابع و علمهن ياها الاستاذ سامي الوردة (الا يذكرو بالخير ) و الجواب على الشكل التالي:

ناخذ من كل علبة قطع الماس بحسب رقم العلبة اي
من العلبة الاولى الماسة واحدة و من الثانية اثنتين و من الثالثة ثلاثة و من الرابعة اربعة و هكذا
و نضعهم على الميزان اذا كانت جميع الالماسات حقيقية يجب ان يكون الوزن 1+2+3+4+5+6+7+8+9+10=55 غرام لأن وزن الالماسة الحقيقية غرام و احد و لأنو علبة الالماسات المزيفة وزنهي 9 غرام فيهي 10 الماسات يبكون وزن الالماسة المزيفة 9÷10=0.9 غرام
ولكن بالطبع سيكون الوزن ناقص و قيمة النقص تدل على رقم العلبة يعني اذا طلع الوزن 54.9غ بتكون العلبة الاولى مزيفة لانو اخذني منهي الماسة واحدة و المزيفة اخف من الحقيقية بـ 1- 0.9=0.1 و 55 اللي هوي وزن الماسات اذا كانت كلهي حقيقية ولكن في وحدة مزيفة بيصير وزن المجموع 55-0.1=54.9
و اذا وزن العلبة 54.8 غ الثانية مزيفة لانو اخذني ثنتين وهكذا ...............اذا طلع الوزن 54.0 غ بتكون العلبة العاشرة مزيفة لنفس السبب اخذني منهي 10 الماسات و 10×0.1=1

و هيك منعرف اي علبة مزيفة

بتمني يكون الشرح مفهوم و ماريو اذا هاذ هوي الجواب اللي بدي ياه رد حط الشرح

و كمان برد و بكرر انو الحل من ابي و هوي بيعرفهي قبل الموازين الحساسة و الرقمية هههههه

Posted by: mario

الحقيقة برابو عليك عبودي و احلى تحية للاستاذ غسان (ابو عبودي)
بس برابو يعني قلت انو الحزورة صعبي شوي طلع ما في ابدا صعب على عبودي و الاستاذ غسان يعطيكن العافية ....و هلق عن نستني حزورة منكم اكيد و عبودي بلك بتقول للوالد يحزرنا شي وحدي من ذاكرتو ما شاالله مارق علي كل شي...
اما بالنسبة للشرح لهاي الحزورة فانت مكفي و موفي يعني اكيد صارت واضحة بس اذا حدي عندو شي سوال ترا يا شباب نحنا جاهزين للتوضيح .....لانو دوم اللي بيعرف الحل بيكتب من مبدا اللي بيعرفو و بدون ما يعرف اذا كان موضح كل فكرة او بس جزء

يلا عبودي عم نستنى

Posted by: ABUODEE

ملف مرفق 3718

حدى منكم بيشتغل كهربجي او تمديدات صحيّة؟
فرجونا تمديداتكم..قصدي شطارتكم

Posted by: hosam danial

عبودي هاي سهلة عن طريق الوايرلس
(ال لاسلكي)

أو من بيت لبيت

وما تقلي مو هاذ الحل بالله

Posted by: abode durra

حسام اني بايدك كمان انو من بيت لبيت لأنو ما غضرت طالع غير طريقة
بس عاد بدني عبودي يقلني اذا صح و اللا لاء

Posted by: sulieman safar

الكهربا بالجو خطوط مستقيمة والماء تحت الأرض كذلك والهاتف من الجنب يا ابو شنب.
شو خال صاير تهيبيْ بحزازيرك.

Posted by: abode durra

و الله يا عمي كنت اني مفكر نفسك بس السؤال عم يقول بدون تقاطع واذا كان جوابك هيك حطو بشي رسمة فهمني يا و اخ عبودي حطلني اي جواب هوي الصح اذا بتريد

Posted by: ABUODEE

اقتباس:

عبودي هاي سهلة عن طريق الوايرلس

اقتباس:

(ال لاسلكي)

الوايرلس

((wireless))
هوي الجواب لهاللغز
طبعاً كلنا صرنا مع التطور حتى الالغاز عم تتطور

حسام الدانيال مبروك

Posted by: hosam danial

عن جد .......انا كنت عم امزح
يا سيدنا شكراً الك
كثير
اي وشو هلق يعني....
بدكن حزيرة مني

شو هوي الشىء اللي موجود في القرن مرة وفي الدقيقة مرتين ولا يوجد في الساعة ؟

شو هوي الذي إذا ضرب في الرقم الذي يليه كان حاصل ضربهما يساوي ناتج جمعهما +11 ؟

شو هوي الرقم الذي إذا ضرب فى الرقم اللي بعدو كان حاصل الضرب يساوي ناتج جمعهما + 19

هيك مليح

Posted by: mario

يععطيك العافية حسام يعني سويت اللي عليك و كتبت حزورة بس الحقيقة تعبان ههههه
يا سيدنا المهم المشاركة و لا يهمك
1- حرف القاف
2-(4)
3-(5)
و اذا صح منعود نحطلكن حزورة و بعطي دوري للعم سليمان

Posted by: abode durra

شو شباب وينكن

حسام عطي الاجابات لماريو

عمي سليمان حطلني شي حزورة جديدة خليني نفكر حاج صار في شوية خمول هههههههه (عم امزح)

عم نستني

Posted by: sulieman safar

اي شكرا عبودي على ثقتك ولكن بصراحة الكمرا عندي عاطلي وماني غادر حط الحزيرة التي تحتاج لها. ولكن بدك تقول انو ربنا اليوم بعث حزيرة وقد يكون بعض التسائل حول شرعيتها ولكن سوف اجرب ولا تواخذوني اذا ما كان الها حل حسب انماط التفكير السائدة ولكن أوعدكم انها تؤدي الى التوتر في التفكير ومن ثم الصفاوة في التفكير الذي ينتج عن استعمال العقل. بالفعل انو صار عندنا شوية خمول.
الحزيرة كما يلي:

أعطي حل بواسطة فكرة أو أي طريقة تشاء الى المعادلة الرياضية التالية:
1+1=1
اي نعم واحد زائد واحد يساوي واحد.

انتم قدها شباب.
ولكم محبتي .
سليمان

Posted by: mario

لنفرض س=ع .........1
فاكيد 2س=2ع..........2
هلق نطرح المعادلة 1 من المعادلة 2 فيكون
2س-س=2ع-ع و الان ننقل بعض المجاهيل الى الطرف الاخر
2س-2ع=س-ع اي ان 2(س-ع)=(س-ع) فيكون 2=1

و عنا هون 1+1=1
اي 2=1
فتوصلناالى نفس النتيجة

ما رايكم بالجواب ؟؟؟؟؟؟؟؟

هل برايك انه صحيح اوضح جوابك لو سمحت
شكرا[/quote]

Posted by: sulieman safar

ماريو الجواب خطأ ولكن انت كلك على بعضك حلو . و كما يبدو انك تحتاج الى القليل من المساعدة وانا كريم وانت بتستاهل. فكر لو ادخلنا شكل كروي داخل شكل كروي وبالمناسبي ليس هناك أي علاقة للهندسة الكسرية في حل هذه المعجزة. اما بالنسبة لحلك يذكرني في:

rule 1: the boss is always right.
rule2: if you think the boss is wrong see rule one

thank you for your participation>
my compliment>
sulieman

Posted by: abode durra

عمي سليمان ما عرفت ليش ماريو حلو خطأ

و هاي و حدي نفسهه فكرت فيهي
س=ع=1

س2-ع2=(س+ع)(س-ع)
1-1=(1+1)(1-1)
منقسم على( 1-1 )
1=1+1

شلون ؟؟؟

Posted by: mario

sorry for interubting 3m sleman ,but we still waiting for the answer.
and sorry for others for being late
and these r 2 buzzels for now

1 - في رف عصافير طار و غط على غصنين ...............
اللي عالغصن الأول قالوا للي عالغصن التاني :
هاتوا عصفور واحدة منصير متساويين ..........
ردوا اللي عالغصن التاني :
انتو عطونا عصفور منصير قدكن بمرتين ...........
كم عصفور على كل غصن ؟؟؟؟؟؟؟؟؟؟
2- رجالين و معهم 10 لتر زيت .. بدهن يتقاسموهن بالتساوي
و معهن 3 غالونات الأول سعته 10 لتر .. الثاني 7 لتر .. الثالث 3 لتر
they have to use just these 3 <they cant even put in other one
كــــــــــــــــــــــــ ــــــــــيــــــــــــــ ـــــــــــــــــــــف

Posted by: mazen youssef

مرحبا يا شباب
ارجوا قبول مشاركتي البسيطة معكم

الجواب الأول على الفصن الأول 5 ....... والغصن الثاني 7

الجواب الثاني نفرغ من الغالون الاول (10)في الغالون الثاني (7) فيبقى في الاول 3 ليتر

ثم نفرغ من الغالون الثاني في الغالون الثالث(3) فيبقى في الثاني 4 ليتر وطبعا الثالث فيه3

نفرغ الثالث في الاول فيصبح الاول فيه 6 ليتر والثاني 4 ليتر والثالث فاضي

بعدها نسكب من الاول في الثاني حتى يمتلئ اي سوف يأخذ 1 ليتر زيادة فقط

فيصبح في الاول 5 ليتر وفي الثاني 5 ليتر

أتمنى أن اكون توفقت في الحلول لانهم أخذو مني ساعة كاملةللحل

مع أجمل التحيات للجميع

Posted by: mazen youssef

أرجوا المعذرة الحل كان ناقص

بعد ذالك ناخذ من الغالون الثاني ونضعه في الثالث فيصبح معنا

الغالون الاول فيه6 والثاني فيه 1 والثالث فيه 3 وبعدها

نأخذ الثالث نضعه في الأول فيصبح معنا 9 ليتر في الاول و1 ليتر في الثاني والثالث 0

نأخذ الالثاني ونضعه في الثالث فيصبح 9 - 0 -1 وبعدها نضع من الاول بالثاني فيصبح

الاول فيه 2 والثاني 7 والثالث 1 وبعدها نضع من الثاني في الثالث فسيبقى في الثاني 5 ليتر

والاول 2 والثالث 3 فنصع الثالث فو ق الاول فيصبح 5 ليتر أي الاول 5 والثاني 5
يمكن هناك طريقة أسهل ولكن.... للتوضيح
10...0...0..-3...7...0..- 3...4..3- 6...4..0..- 6...1..3..-9...1..0..- 9...0...1..- 2...7...1..-
2...5...3..-وأخيرا 5...5...0..-
مع تحياتي للجميع

Posted by: mario

مازن يعطيك العافية و برابو و شكرا الك عالمشاركة يعني لحقت حالك ,اول مشاركة كان الجواب قريب و لكن ناقص بس لحقت حالك بالثاني قبل ما يصلي وقت رد هههههههههههه يعني قريتو اول شي و قلت بدي قلك انك قريب بس لقيتك مصلح لحالك ويعطيك العافية ........ الحقيقة نبشتهي بساعة كثير مليح
فهلق لو سمحت انك انت تنزل حزيرة جديدة يعني اللي بيحزر بيصير الو
الحق انو يحزرني شي حزروة و عم نستنى ترا

Posted by: mazen youssef

مشكور أخي ماريو أنا اللي لازم أقول لك يعطيك العافية

هلق رح حطلكم حزيرة شفتها بأحد المنتديات منقول

في 3 شباب فاتو على محل أشترو من الصانع مسجلة ب30 دولار كل واحد دفع 10دولار(حلبية يعني) فأتى صاحب المحل قلو للصانع حرام حقها 25 دولار فاذهب ورجع الباقي للشباب
(ابن حلال شو بدنا نسوي)
فراح شافهم قالولو هاي 2دولار هدية لك وكل واحد فيهم استرجع دولار واحد

فأصبح كل واحد دافع 9 دولار من حق المسجلة زائد ال2 دولار البقشيش يعني صاروا دافعين

29 دولار فأين ذهب الدولار ال 30 (9+9+9+2)=29 وين راح الدولار الباقي

مع تحياتي للجميع

Posted by: mario

اخي مازن عفوا على الاطالة بالاجابة
القصة و ما فيها انو في محاولة للتضليل بهالحزورة و اللي هيي (9+9+9+2)
بدلا عن (9+9+9-2)

يعني اول شي دفعوا 10 يعني 30 بس بعدين رجعلهن 1 يعني 3 للكل
هذا يعني انهن صارو دافعين 27 كلهن و اللي هني 25 المسجلة و ال 2 للبايع
يعني (9+9+9 -2 للبايع) = 25 السعر
و بالنهاية 25 السعر +2 للبايع +3 اللي رجعت= 30 اللي دافعينها بالاول
بعتقد هذا الجواب

بس اسمحلي حط حزورة جديدة هلق لنشغل تفكيرنا شوي
و بما انو الجميع متعلق بالدوري الاوربي لكرة القدم بهالايام و فالحزورة رح تكون رياضية و عن كرة القدم بالتحديد و نرجو المشاركة من الرياضيين و الرياضيين (محبي الرياضيات) ههه

- عندنا 10 فرق كرة قدم تتبارى مع بعضها البعض .
- في كل لعبة الفريق الغالب يفوز بـ 3 نقاط ، الخاسر 0 نقاط ، في حالة التعادل كل فريق يفوز بنقطة.
- في دوري كرة القدم تبارى كل فريق مع الاخر مره واحده فقط.
- بعد جمع كل النقاط من كل المباريات تبين ان المجموع هو 130.

كم عدد المباريات التي انتهت بالتعادل ؟؟؟

فقط لتحريك الفكر قليلا

Posted by: abode durra

هالحزورة حلوة
و اول شي ما خطر على بالي حلهي لوقت مرة كنت فايق من النوم

و ذهني صافي وبلشت فيهي و قلت بعقلي اكيد هاي بتنحل بطرقة جبرية

وهيك صار

بفرض عدد مباريات الفوز س
و عدد مباريات التعادل ع

س+ع=100 ..................(1) و هوي عدد المباريات الكلي
3س+ع=130.................(2) وهوي عدد النقاط الكلي

من المعادلة (1) بيكون ع=100-س............(3)

نعوض المعادلة (3) في المعادلة (2)نجد

3س+100-س=130
2س=30
س=15 وهو عدد مباريات الفوز

من المعادلة (3) ع=100-15=85 و هو عدد مباريات التعادل

بقى شو رايكم الجواب صح واللا لاء

بس مبين بهالبطولة كل الفرق متكافئة لانو اكثر المبارات تعادل ههههه

Posted by: mazen youssef

مشكور اخي ماريو على المشاركة واكيد حلك صح يعطيك العافية ...

وشكرا على الحزورة وفكرت فيها ولكن ما طلع معي شي

وهاي اخي عبدو الله يعطي العافية حلها وبتوقع انو حلو صح

فعما نستنى منك الرد واذا كان الحل صح بدنا من اخي عبدو شي حزورة مرتبي

ولكم محبتي جميعا

Posted by: abode durra

تسلم اخ مازن اي و الله و اني اول شي ما طلع معي شي بس زبطت بالاخير و عم استني ماريو لاعرف اذا الحل صح و بنفس الوقتعم فكر بشي حزورة جديدة

Posted by: syria & joleat

بالنسبة للحزورة تبع المباريات انا حليتها بطريقة تانية غير تبع الاخ عبودة وطلع جواب تااني رح حطووا و الاخ ماريو صاحب الحزيرة بيقلنا مين الصح ....
س + ع = 45 .... عدد المباريات الكلي ( 9+8+7+6+5+4+3+2+1 = 45 )
3س + 2ع = 130 .... عدد النقاط الكلي (س= المباريات يلي فاز فيها شي فريق.ع = عدد المباريات اللي انتهت بالتعادل)

40 + 5 = 45
( 3 في 40 ) + ( 2 في 5 ) = 130
120 + 10 = 130 وهو العدد الكلي للنقاط ...
عدد المباريات التي انتهت بالتعادل : 5 مباريات
عدد المباريات التي انتهت بفوز احد افريقين : 40 مباراة

ما بعرف اذا صح بس انا هيك طلع معي الجواب ....
لا طول عليينا اخ ماريو بدنا نعرف شو الجواب الصح ....

تحياتي للجميع _ ياسمين _

Posted by: mazen youssef

اهلا اخي عبودي والاخت جولييت

والله شايف ماريو عما يحرصنا وقاعد وعما يشرب كاسة متي

ونسينا والا شو رايك ماريو اذا عما تستناني لحط شي حل

ولا انا ماطلع معي اكثر من حل عبودي (خلصنا عاد)

عما نستنى عبودي او جولييت يحطونا شي حزيرة

لانه كاس اوروبا خلص ومبروك للاسبان

تقبلو تحياتي

Posted by: abode durra

و الله يا شباب بدي اعتذر و قول انو الحل الصح للاخت جولييت
السبب انو اني ما فكرت احسب عدد المباريات و فورا ضربت 10 × 10 = 100 و كفيت هيك بس الحل الصح هوي تبع جولييت لانو اني بحلي سفس تكرار للمباريات

بقى اخت جولييت عم نستني منك شي حزورة حلوة منك

شكرا

Posted by: mario

عفوا يا جماعة عالتاخير ترا ما توخذوني بس عاد الفترة الماضية كانت طلعاتي عالمنتدي قليلي بس هلق ارجعنا و اشتقتنالكن جميع
شكرا لمشاركة الاخوة وشكرا لصبرهن وانتظار الجواب
و الشكر الاكبر للاخت ياسمين اللي عرفت الجواب والله يعطيكي العافيي و نحني بانتظار حزورة منك بما انك عرفتي الجواب بس منطلب يكون عالسريع مو قد ما انتظرتوني ترا ههههههههههههه يعطيكي العافية مرة ثانية و هلق لو سمحتي شي حزورة حسابية ع كيف كيفك
و هاي لتاكيد الحل:

نفرض س عدد مباريات الفوز و ع مباريات التعادل
فالمجموع المباريات (10+9+8+7+6+5+4+3+2+1) عشرة فرق = 45
مباراة الفوز 3 نقط ولكن النكشة انو مباراة التعادل فيها نقطتين (لكل فريق نقطة) وليس 1 نقطة للمباراة بل 2 نقطة للثنين فيكون:
س + ع= 45 ....... المباريات جميعها يعني س=45-ع ,,,,,,,,, (1)
3س +2ع= 130 النقاط.......(2)
من (1) نعوض في (2) يعني 3(45 -ع)+ع =130
يعني 135-ع=130 يعني ع=5 مباريات التعادل
45 -5=40 مباريات الفوز

Posted by: mario

يبدو انو الاخت ياسمين ما لقتلني شي حزورة , فمشان نطول مثل هذيك المرة (و اللي كان سببها السفر) لهيك بدي اعتذر من الاخت ياسمين و اخذ دورها و حط هالحزورة البسيطة مشان تحريك فكرنا شوي :

و الرجاء من اللي بدو يحزر يالفلنا حزورة من عندو فورا

سألنا شخص يربي المواشي

كم عدد المواشي التي لديك

فقال :

كلهم جمال ماعدا ثمانية
وكلهم أبقار ما عدا ستة
وكلهم أغنام ما عدا أربعة

فكم عدد كل نوع من المواشي؟؟؟

Posted by: samar dahi

مرحبا يا جماعة ...كيفكم ...انا هاي اول مرة بشارككم بالموضوع مع اني متابعتو من زمان ..وكثير حلو الموضوع ...ولكن كنت ملتهية بشي غيرو الفترة اللي مرت ...وهلق دخلت وشفت الحزورة الحلوة والبسيطة تبع ماريو ..فقلت لجاوب عليها ....
يا ماريو بلا طول سيرة وتحليل ....وانت حسك الرياضي ممتاز....الحزورة بتنحل بثلاث معادلات بثلاث مجاهيل ...وبالتالي بتصير القصة بسيطة ....
اذا افترضنا :
عدد الجمال x
وعدد البقر y
وعدد الأغنام z
فالمعادلات :
z+y=8
x+z=6
x+y=4
هاي المعادلات وبالتعويض ...بيطلع معنا النتائج :
x=1
y=3
z=5

وصل ..؟؟؟؟؟
وانا رح حزر حزورة بس لاستمخ بشي حزورة ثقيلة ....
انتظروا ..

Posted by: sulieman safar

Very well done my dear Samar . I alwayse thought you can mix it with best.Please go easy on Mario and company as they have only begane to scratch the surface when it comes to using their mental capacity.
Love
sulieman and Nahla

Posted by: mario

اي يعطيكي في العافيي يا احلي مهندسي سمر بهالمنتدى اي من زمان هيك شاركيني بمعلوماتك يعني هالموضوع في حسابات كثير و بدو مهندسين هههه و بتمنى من الكل المتابعين انو يشاركو مو بس يكتفو بالقراءة يعني بيستفيدو ا و بيفيدونا بمعلموات اي ومثل ما قلتي انو كانت حزورة سهلي شوي و خصوصي عالمهندسن ههههه و بس الواحد كان يعرف حل 3 معادلات و يفكر بتركيبتهن فبتنحل عالسريع وهلق ترا نحني بانتظار شي حزورة حسابية صعبي شوي بس مو كثير ههههه شكرا لمشاركتك سمر و انشالله دوم
---- وكمان سلام للعم سليمان بعد هالغيبي و مبين اساه من المتابعين معنا و اكيد عطول

و مثل ما قالت الاخت سمر انو الحل:
عدد الجمال x
وعدد البقر y
وعدد الأغنام z
فالمعادلات :
z+y=8......... يعني Y=8-z..........>1> o
x+z=6........يعنيx=6-z.........>2>o
x+y=4 منعوض (8-z) مكان y ومنعوض (6-z) مكان x
4=8-z -6+z
4=14-z*2
z*2=10 يعني z=10/2 يعني z=5
y=3 x=1

we r waiting samar

Posted by: samar dahi

مرحبا من جديد للجميع :
تكرم عيونك يا ماريو هاي حزورة جديدة ......والشاطر يشغل مخو ويعطينا الحل ...
هلق شو بتقول الحزورة :
بيوم من الأيام اجا واحد حرامي وخطفني من بيت اهلي( يا مشحرة يا اني هههههه) فمين راح تحمس للموضوع كل شباب الضيعة طبعاً ..كعادتهم لما بيصير شي على بنات الضيعة ...بس أكثر واحد كان متحمس هو ماريو ...فقرر بكل عزمو لو شو ما صار بدو يرجع ام السمر لعند سنوءة ....بس المشكلة مانو عارف اديش بيبعد هاد الحرامي عن بيتو بالضبط لحتى يتحسب للبنزين ...ولكن في شي بساعدو عالموضوع انو في مخطط قدامو للمسافات بوضح المسافة بين بيت الحرامي وبيت سمر وبيت عمي سليمان....والمخطط هاد هوة ....

فيا شباب اديش بيبعد بيت الحرامي عن بيت ماريو لحتى يعرف المسافة اللي بدو يقطعها ...
علماً أنو كل الشوارع اللي بين البيوت هي مستقيمة .
يالله فرجونا همتكم ...فكوا اسري الله يفك اسركم وساعدو ماريو

Posted by: syria & joleat

يعني يا انا ما فهمت شو المطلوب بالضبط يا انتي يا سمر بدك تفوتينا بالحيط ...
171 _ 140 = 31
انا هيك نحل معي بكل بسااطة بس ما بعرف اذا صح ولا لاء ...

سلام _ ياسمين _

Posted by: RUSHA AWAD

سلامات
مين هوي اللي مستوطي حيط المشرفين وعم يخطفهن؟؟؟؟ لك بس دلوني عليه انتن وهاي محاولة لتخليص زميلتي سمر من ايدين هالمتوحش
هلأ لو اعتبرني انو سمر والعم سليمان والحرامي عايشين على شارع واحد يعني خط مستقيم , والباشا ماريو عايش ببيت خطو على نفس خط بيت العم سليمان وبيعمل معو زاوية قائمة مثل مو موضح بالصورة اللي انشالله ينجح تحمليهي فهالشي بخليني نطبق معادلة فيثاغورس
(A)^2 + (B)^2 = (C)^2
(171)^2 + (140)^2 = (C)^2
(C)^2 = 48841
C = 221
A البعد بين بيت العم سليمان وبيت الحرامي
B البعد بين بيت العم سليمان وبيت ماريو
C البعد بين بيت ماريو وبيت الحرامي وهوي اللي مطلوب نلاقي
ونفس الطريقة نجحت وعطت 149 وقت طبقتها عالبعد بين بيت ماريو وبيت سمر
بحساب مجموع مربع بعد بيت سمر عن بيت العم سليمان
وبيت ماريو عن بيت العم سليمان وانشالله كون قدرت ساعد سمر عالهريبة
اي وهلأ اشو بدكن نعمل بالحرامي

مع حبي واحترامي
رشاعواد

Posted by: samar dahi

يا ياسمين انا لا فوتكن بالحيط ولا شي ...المسألة كثير بسيطة اذا فكرنا فيها شوي ....
مثل ما قلتي يا رشا صح ولكن القصة انو ما منقول اذا افترضنا انو انا والعم سليمان والحرامي ساكنين على نفس الخط لانو هالشي مش فرضية هو نتيجة لوضع الجدول المو جود ...النتيجة اللي قلتيها يا رشا صحيحة مية المية ...المسافة هي 221 ...
بس لوضح كيف طلعنا بهالنتيجة
من الجدول المرفق ...
المسافة بين بيتي وبيت العم سليمان 51
المسافة بين بيتي وبيت ماريو 149
المسافة بين بيت ماريو وعمي سليمان 140
اذا حاولنا نرسم مخطط المسافات هاي شو بيطلع معنا ...اجباري بيطلع مثلث قائم ...وضلعو الكبير 149 والضلعين القائمين هني (51) و(140 ) طبعا حسب فيثاغورس
فاذا اول مثلث قائم طلع معنا ...
بعدين :
حسب جدول المسافات مو منفرض انو بيت عمي سليمان وبيت سمر وبيت الحرامي على خط مستقيم واحد لأنو اصلا ما في غير هالحل انهم على نفس الاستقامة (لأنو بيت سمر عن بيت الحرامي 222 وبيت عمي سليمان عن بيت الحرامي 171 فاذا بدنا نرسم هالمخطط ما بيصير يكونوا غير نفس الاستقامة )
وبالنهاية بيطلع عنا مثلث قائم جديد اضلاعو 140 و 171 وبالتالي الضلع الثالث حسب فيثاغورس هو 221 وهي النتيجة الصحيحة اللي قالت عنها رشا ...
وهاد المخطط الكامل

شكرا رشوش والله انا قلت ما حدى رح يفكني غيرك بس معليش خلي الشباب هني اللي يشتغلو ورح نترك ماريو هو اللي يروح لعند الحرامي ويعبي السيارة بنزين منيح بس عاد ما منعرف اذا رح يقدر على الحرامي يمكن يطلب منو حل حزورة لحتى يسلمو اياني ..فهاتي لنشوف يا رشا شو ممكن انو الحرامي يحزرو لماريو ....
عم ننتظر حزورتك ......

Posted by: mario

ان تصل متاخرا افضل من ان تصل ابدا
شكرا الك سمر ع المسالة الهندسية الحلوي كثير ...ويعطيك العافية رشا ع هالحل الصحيح مية بالمية ..يعني هاي الحلول بدهي المقعدين الاخيرات عاليمين ههههههه هاي محل ماكني قاعدين بالباكلوريا ههه يعني بدهي بكلوريا هه....فيا سمر هلق صار فيكي تامني تجي ع اميركا عاد اذا لا سمحالله ضعتي هون فمنلائيكي يعني بفلوريدا مثل ما شفتي رشا بتلائيكي من اول يوم وبكلفورنيا الله وكيلك كنت لقيتك فلا تهكلي هم وعم نستناكي عني ههههههه
ومثل ما قلتوا انو الشكل اكيد رح يكون مثل مو مرسوم لانو مربع(140)+مربع(51)=نربع(149) يعني المثلث اكيد قائم وكذلك (51)+(171)=222 هاذ يعني انو اكيد ع استقامة واحدي ومستحيل انو يكونو بيشكلو مثلث لانو نفس المسافة اذا اكيد استقامة وحدي

-المهم مالك بطول سيرة يا سمر بعد ما لقيتلك هالحرامي اي شو اكل قتل اي اكل قتل لا رندح ما يعرف منين الكف يجيي هههههه بس المشكل طلع الباب اللي انت في ما بيفتح الا بحزورة وتحديدا من رشا فلا تخافي ترا عرفني وينك و بدني نطالعك عن قريب بس عم نستني همة رشا بس بوعدك عنهي انو ما رح تطول وانشالله نشوفك عني وبيناتني عن فريب هههه بس صحي با رشا بدو حزورة حلوي وصعبي كمان و عالسريع فلحقيني

Posted by: Nada1981

مرحبا جميعا

شكرا سمر على المعادلة الي فوتتنا بلحيط

ماريو قال بدها بكالوريا بس انا بقول بدها جامعة هندسة لحتى الواحد يقدر يحلها

برافو رشا رفعتي راسنا

بس حبيت اشكركم على الموضوع الشيق والحمدلله على السلامة سمر

تحياتي

ندى

Posted by: RUSHA AWAD

مرحبا من جديد
هلأ عرفني قديش بدو ماريو يقطع مسافة مشان يوصل لبيت الحرامي ويخلصها من الأسر وبالفعل وصل ماريو لبيت الحرامي بس يا سادة ياكرام طلع الحرامي مخبي سمر ورا سبع بحور بس ماريو مارضي انو الحرامي يعلم عليه ودئو علئة حشك ولبك وخلا الحرامي يعترفلو انو مخبي سمر ورا الغرف اللي مرسومة بالمخطط.....خبرو الحرامي لماريو انو بكل غرفة في مارد إلا غرفة وحدة فاضية والمفروض ماريو يمر على كل غرفة ويقتل المارد ويكمل للغرفة اللي بعدها وهيك حتى يقتل كل المردة ويوصل لغرفة الأسيرة الغير محررة لحد الان "سمر"....هلأ المشكلة الوحيدة انو ماريو مابصير يمر بالغرفة مرتين لأنو في حال رجع على غرفة قاتل فيها مارد ممكن هالمارد يعيش من جديد بقوة اكبر وبهالحال ممكن نعدمو لماريو من غير شر لهيك ماريو مابصير يمر بغرفة فيها مارد مقتول....والشي الثاني ممنوع يمر ماريو بين الغرف بخط مايل يعني لازم يكون الخط مستقيم....هاتي لنشوف وورجوني مع الرسم كيف ممكن ماريو يحرر سمر ويرجعلنا ياها عالمنتدى ويربي في كل الحرامية خصوصي حرامية المشرفين.

مع حبي واحترامي وبالتوفيق
رشاعواد

Posted by: samar dahi

والله هاد هالحرامي مو جايبها البر مبين ...كل هالقتل اللي اكلو ولساتو عم يلعب مع ماريو .....
شو هالبيوت اللي مودرني وراهم ....والله يا رشا حزورتك قطعت النفس عني .. يا حرام عليه هالحرامي وين قابرني ....الله يسطفل فيه .....
بس انا ماني خايفة لانو الشباب والصبايا هون ورح يلاقوني بأسرع وقت .....واللي بيلاقني رح اهديه هدية غير شكل بحزورة تفوتكم بالحيط .....
يالله يا شباب دلو ماريو على الطريق ...
ماريو شد الهمة المردة عم ينتظروك ....
انا على فكرة عرفت الحل ...بس ما بقدر وصلو لماريو لانو بعيد عني ...لازم غيري يدلو ....
شباب ضاق نفسي ها ..وإلا بتعدموني .....
بسرعة بليز.....

Posted by: abode durra

مبين الحزيرة حلوة بس اني ما فهمان شو المطلوب بالزبط يعني انو لازم ماريو يوصل لسمر و بس و اللا في شي ثاني

يعني هيك مثلا:

Posted by: RUSHA AWAD

خليني عبودي اشرحلك شو المطلوب مرة ثانية:
لازم اللي بدو يخلص سمر يمر على كل الغرف "الكل" مشان كل غرفة فيها مارد يقتلو وفي بين هالغرف مثل ماشفت عالمخطط غرفة وحدة فاضية بس الشرط انو بنفس الوقت اللي المنقذ بدو يمر على كل الغرف ويقتل المارد لازم مايمر على نفس الغرفة اللي قتل فيها المارد مرة ثانية.
وهلأ شلون؟؟؟؟

مع حبي واحترامي
رشاعواد

Posted by: abode durra

شكرا رشا على التوضيح

بعتقد لقيت الجواب الصحيح بقى شوفولي اذا بغضر ساعد الفارس الشجاع ماريو على انقاذ الاميرة سمر

لا نشوف

شلون؟؟؟؟؟

Posted by: samar dahi

ما بعرف رشا شو بتقول .؟؟؟؟؟ بس انا شايفة حل عبودي صحيح ...مثل ما كمان حلي بتصور صحيح ...مو هيك رشا ....هاد حلي اللي ظاهر قدامكم ....

على كل حال ...
شكرا عبودي لانك انقذتني ..وهلق بدنا حزورة دسمة منك ...

Posted by: RUSHA AWAD

برافو عبودي, حلك صحيح ويعطيك العافية انقذتلني سمر من ايدين هالأوباش, المهم لومانك عامل هيك يمكن سمر كانت حاسبي حسابها ومفكرة بخطة مشان تقدر تطلع من الكركون المحبوسي في وعلى كل حال سمور أي بشد على ايدك وبقلك انو الحبس للرجال وانتي لو ضالي كم يوم بعد بالحبس كني رح نعملك زيارة وناخذ بإيدني علبة حلاوة.

مع حبي واحترامي
رشاعواد

Posted by: abode durra

اي يا شباب و بعد جهد كبير من الفارس ماريو غضر يقتل كل المردة و يوصل من خلال الطريق الصحيح لعند الاميرة سمر و وقت وصل لهناك لقى قدامو باب و سمع صوت سمر وراه بس المشكلة كان الباب مقفول بقفل كبير و المفتاح مو مبين بعدين حاول يلعب بالقفل مشان يفتحو و فجأة.................... بيطلعلو مارد كبير كثير و بيقلو : انا المارد الحارس و لحتى تفوت لعند الاميرة لازم تحل لغز القفل السحري:

الباب ما بينفتح غير بمفتاحو و اذا اي واحد حاول يفتحو بفير مفتاحو الاصلي بيتحقق سحر القفل و بتتخرب القلعة عليكن

رح اعطيك 9 مفاتيح... 8 منهن مزيفات و وزنهن موحد و المفتاح الاصلي نفس الشكل بس اثقل شوي و رح اعطيك ميزان و عندك محاولتين لتستخدم الميزان و تعرف اي هوي المفتاح الاصلي و تفتح القفل.

بقى يا شباب ماريو بدو مساعدتكن ولحتى يلاقي المفتاح الاصلي بقى ساعدو اذا بتريدو ...........

Posted by: mario

اول شي عفوا يا شباب لاني ما كنت اقدر شارك معكن بالمعارك السابقة مع الغرف بس الله وكيلكن شغل كثير و نقل و دوشي فما عم نقعد عالانترنت ع كل حال شكرا الكن للمساعدة لانو وصلتوني عل الغرفة و مدام لقيني الغرفي ما عد في مشكلي منوب لانو صار بكسر الباب و بقتل المارد منطالعها لسمر ولو بس نحني مو بحاجي لقتال يعني بتفكيرني منطالعها فهاذ المارد قصتو محلولي وشكرا لتوصيلكن لهون
الحل
منحط كل 3 مفاتيح ع كفة اذا كانو متساويات بيكون المفتاح الاصلي بالثلاث اللي ضلوا اما اذا ما متساويات فبيكون الاصلي بالثلاث الاثقل
المهم بالوزنة الثانية بيكون ضل 3 مفاتيح بس
منحط مفتاح بكل كفة
اذا طلعوا متساويات بيكون الثالث الاصلي
او الاثقل بيكون الاصلي
و هيك منقول الحمدالله ع السلامي اخت سمر اي والله اشتقنالك

Posted by: mario

بعتقد انو الحل صح فاذا كان صح هاي حزورة
و بدي اعتذر لانو انا هلق هون بس ما بعرف ايمت المرة الجاي بكون هون فاذا تاخرت ما تواخذوني و اذا طالت كثير كثير فيكن تكفو وتحطوا حزورة ثانيي

اي هلق طالعني سمر و صار لازم نرجع لشغلني ههههه و قررت بيع ليمون بس عاد وقت سمعت قصة هالبياع صار لازم بدي فكر بطرقة البيع شوفو معي

بائع ليمون يبيع 3 حبات صغيرة بـ 1 ليره . وحبتين كبيرتان بـ 1 ليره .
كان عنده 30 حبة كبيرة و 30 حبة صغيرة ، مجموع الربح = 25 ليره .
أراد أن يبيع الليمون مع بعض الكبير والصغير بحيث 3 صغير و2 كبير ب ليرتين فربح 24 ليره فقط !!!
هل يا ترى معقول هيك يصير و اذا صار شلون هيك صار

Posted by: samar dahi

شكرا لكل من ساهم بفك اسري ..والحرية يا جماعة ما في احلى منها بالدنيا .....
الله يعطيكم كلكم مثل ما اعطاني ....
هلق بالنسبة لحزورة ماريو ...كالعادة سهلة ...
الحل يا ماريو أنو
30 / 2 = 15 مجموعة من الحبات الكبير ة
30 / 3 = 10 مجموعات من الحبات الصغيرة
فاذا هالبائع رح يبيع عملياً 10 مجموعات فيهن كبير وصغير وحقهن رح يكون 20 ليرة سورية والباقي هو 5 مجموعات من الليمون ذو القياس الكبير يعني 10 ليمونات كبار ..وبما انو هو عم يبيع مشايلة فرح يبيعهن مثل ما باع المجموعات المختلطة من الكبير والصغر فهال 10 ليمونات رح يبيعهم كمجموعتين كل خمسة لوحد ب 4 ليرات ..
فالمجموع الكلي هو :
20 + 4 = 24 ليرة سورية
شلون ....
صح اكيد ....
وهلق دوري بالحزورة بس انتبهوا عاد بدها تفكير شوي لانها حزورة من العيار الثقيل .......يا الله يا شباب وصبايا لنشوف همتكم ...
يتبع بالمشاركة اللاحقة ....

Posted by: samar dahi

حزورتي بتقول :

عنا هالشكل من المربعات المتراكمة ....بكل مربع في رقم ...
1- المربع الملون باللون الأخضر يحوي نفس الرقم وهو عدد صحيح موجب
2- الأرقام كلها صحيحة (يعني سالب وموجب ولا تساوي الصفر طبعا )
3- كل رقم من أرقام المربعات هو حاصل جمع المربعين اللذين اسفل الرقم
4- هناك مربعين يحويان الأرقام 15 و 25

هاي هي المعطيات كلها .....يا الله لنشوف مين الشاطر واللي رح يحل هالمعضلة ....

Posted by: ابن الحياة

مع أني عندي متعة بالفيزيا وبكره الرياضيات بس هاي هينة بالنسبة لبلاوي البكالوريا بالتوابع اللوغاريتمية والأسية...

ملف مرفق 4298

وبدي إعتذر عن حط حزورة لأنو ما عندي غير مسائل النواسات والقذف والتحريك

.. بقا يا ريت من الأخ ماريو أو الآنسة سمر يحطو شي وحدة مرتّبة عنّي..

وشكراً إلكم..

Posted by: abode durra

شباب اسف على التاخير عليكن بس كان في شوية دراسة المهم اكيد حل ماريو صح و الحزازير البقية حلوي كمان و بدهي تفكير

هلآ عم نستني شي حزورة حلوة من الشباب

Posted by: mario

according to my last puzzle ,samar u were right cause the total of the lemons was 60 so all what we need to do is 60/5=12 then we do 12*2=24
i knew it s easy riddle but all i realy liked this one cause it help us to think about the the way to deal with somthing in 2 ways and choose the better way

now thanx (ebn el7iat) for the ansswer on the second puzzle , since u asked us to put a puzzle i ll be the valanteer for that hhhhh
and here s is the riddle

)يستطيع أحمد أن يحرث قطعة من الأرض في خمس ساعات بينما يستطيع أخوه أن يحرث نفس القطعة من الأرض في ساعتين و نصف فكم من الوقت يستغرق لحرث القطعة إذا عملا سوية؟

it might be easy but that s better to keep u guys going ,cause again i might be late too

Posted by: rsafar

الله يعطيكن العافية يا شباب
من زمان متابعكن بهالموضوع الحلو بس ما كنت فاضي شارك معكن وبصراحة ذكرتوني بحياة جدي أبو خلّود الله يرحمو يوم اللي كان يحطني ويبلش فيي سلخ حزازير من هالنوع واللي كثير منها موجودي بهاذ الموضوع
يا أخي ماريو حزيرتك رجعتني لأيام الإبتدائي لأنو كان في مسألة بالرياضيات بتشبها والحل بسيط:

أول شي منحسب كل واحد قديش بيحرث بالساعة الوحدي
احمد بيحرث 1/5 من الأرض بينما أخوه بيحرث 2/5 من الأرض
يعني إذا اشتغلوا مع بعض رح يحرثو 3/5 من الأرض خلال ساعة وبيضل عندهم 2/5 من الأرض وبعملية تناسب بسيطة منلاقي الوقت الكلي هوي ساعة وثلثين الساعة يعني ساعة و40 دقيقة

انشالله يكون جوابي صح منشان بلش معكن

كل الحب

رامي

Posted by: rsafar

هلأ بما إنو ماريو اعتذر مقدماً وخبرنا إنو رح يتأخر اسمحولي إعتبر جوابي صح وأعطيكن هالحزيرة:
ثلاث صناديق فيها تفاح إذا أخذنا من كل من الصندوقين الثاني والثالث تفاح بعدد الموجود في الصندوق الأول وأضفناها إلى الصندوق الأول ثم أخذنا من كل من الصندوقين الأول والثالث تفاح بعدد المتبقي في الصندوق الثاني وأضفناها إلى الصندوق الثاني ثم أخذنا من كل من الصندوقين الأول والثاني تفاح بعدد المتبقي في الصندوق الثالث وأضفناها إلى الصندوق الثالث يصبح عدد التفاح في الصناديق الثلاثة متساوي.
والسؤال كم كان عدد التفاح في كل صندوق؟؟؟؟؟

يللا فرجونا همتكن لنشوف

كل الحب

رامي

Posted by: ghassan durra

اولا الله يعطيك العافية يا رامي ع الحزورة

والحل طلع معي في الصندوق الاول كان فيه 16 والصندوق الثاني 28 والصندوق الثالث 37

وفي المرحلة الاخيرة كان عدد التفاحات في كل صندوق 27 تفاحة.

ما رح حط كيف حليتها الان؟؟؟؟؟؟ بعدين بحط الطريقة

بس رح اسال رامي نقرض عندنا اربع صناديق وبنفس طريقتك نعملكم تفاحة كانقي البدايةفي الصناديق الاربع مع تحياتي لك ولاهلك وكل اعضاء المنتدى والزوار .

ابو عبودي

Posted by: ghassan durra

اولا الله يعطيك العافية يا رامي ع الحزورة

والحل طلع معي في الصندوق الاول كان فيه 16 والصندوق الثاني 28 والصندوق الثالث 37

وفي المرحلة الاخيرة كان عدد التفاحات في كل صندوق 27 تفاحة.

ما رح حط كيف حليتها الان؟؟؟؟؟؟ بعدين بحط الطريقة

بس رح اسال رامي نفرض عندنا اربع صناديق وبنفس طريقتك نعمل كم تفاحة كان في البدايةفي الصناديق الاربع مع تحياتي لك ولاهلك وكل اعضاء المنتدى والزوار .

ابو عبودي

Posted by: mario

good job rami it s 100 minutes u r right,
the first one does 1/30 of the land each 10 minutes
the second one do 2/30 each 10 mintuse
so if they worked together they r gonna do 3/30 of the land each 10 minutes
so they needs 10 times this 3/30 to finshed the whole land to be 30/30
so they need 10 times and each time s 10 minutes so 10*to=100 minutes
which is one hour and 40 minutes......

acording to the other puzzele i v got
y=7/4k
so if we supused the 16 and 28 they r gonna be sulution so i think the answers were right
i was trying to do the onther riddle but i didnt know how many times we need to do the add so i couldnt slove it

now i let u kill some times with this puzzel till u finishe that one

شو وجه الشبه بين الحمار و رقم 8 ؟

it s not a`puzzel dont think too much it s just a silly joke maybe

the answer

الحمار شواسمه بالانجليزي ؟
دونكي

و آخر حرفين من دونكي شو معناهم بالانجليزي
مفتاح
و الصبر مفتج شو ؟
الفرج
و مين بسموا ولادهم فرج؟
farag
المصاروة

و شو عاصمة مصر ؟
القاهرة
و شو آخر 3 حروف من القاهرة
هرة
و الهرة شو بتخوف
الفار
و الفار شو بيخوف
الفيل

و الفيل شو اله ؟
خرطوم
و الخرطوم عاصمة شو؟
السودان
و آخر 3 حروف من السودان ؟
دان
و الدان من الحواس الشو ؟
الخمسة
و خمسة زائد تلاته ؟
8

so forget this joke and let s go back to the real puzzels ,i need to keep my mind thinking about solutions for the puzzels

Posted by: mario

اقتباس
هلأ بما إنو ماريو اعتذر مقدماً وخبرنا إنو رح يتأخر اسمحولي إعتبر جوابي صح وأعطيكن هالحزيرة:
ثلاث صناديق فيها تفاح إذا أخذنا من كل من الصندوقين الثاني والثالث تفاح بعدد الموجود في الصندوق الأول وأضفناها إلى الصندوق الأول ثم أخذنا من كل من الصندوقين الأول والثالث تفاح بعدد المتبقي في الصندوق الثاني وأضفناها إلى الصندوق الثاني ثم أخذنا من كل من الصندوقين الأول والثاني تفاح بعدد المتبقي في الصندوق الثالث وأضفناها إلى الصندوق الثالث يصبح عدد التفاح في الصناديق الثلاثة متساوي.
والسؤال كم كان عدد التفاح في كل صندوق؟؟؟؟؟

يللا فرجونا همتكن لنشوف

كل الحب

رامي

الحل: طبعا حل الاستاذ غسان صحيح مية بالمية بس بحب قول انو هالحزورة الهي اكثر من حل تعتمد عالمعادلي اللي رح قدمهي:

نفرض انو الاول س والثاني ع و الثالث ص
العملية الولي بيكون صار 3س الاول والثاني ع-س
والثالث ص-س
العملية الثانية بيكون بالاول 3س-(ع-س) بعني 4س-ع
و الثاني 3(ع-س) يعني 3ع-3س
والثالث ص-س-(ع-س)اللي هوي ص-س-ع+س يعني ص-ع
العملية الثالثي بيصير4س-ع-(ص-ع) يعني 4س-ص
الثاني 3ع-3س-(ص-ع) يعني4ع -3س-ص
3(ص-ع) يعني 3ص-3ع
و معني انو بالاخير الصناديق متساوية يعني :
4س-ص=4ع-3س-ص=3ص-3ع
وبما انو 4س-ص=4ع-3س-ص يعني 4س=4ع-3س لانو ص بتروح من الطرفين بعد النقل و الجمع
صار عني 7س = 4ع يعني س=7/4ع وكمان ع=4/7س
وكمان من تساوي الصناديق
3ص-3ع=4ع-3س-ص يعني 4ص=7ع-3س
يعني 4ص=7ع-7/12ع اي ان 4ص=7/37ع يعني 28ص=37ع
يعني ع=37/28ص
و هلق لو فرضني ص=37 يعني ع=28
يعني س=7/4(28)=4*4=16
و هيك بيصير عني حلول قد ما بدني بالتعويض بهالمعادلات

وبنفس الطريقة منمشي للحصول على حل لاربع صناديق يعني منتوصل للمعادلة التساوي و بعدين المعادلات اللي بتلمني و كان بودي بلش فيهي بس بدهي وقت شوي بس بتنحل اكيد و بنفس الطريقة....
و بعتقد بعد هالشرح المفصل بيحقلي حط حزورة صار هههههه

__________________

Posted by: mario

بعد اذن الجميع
عندي حزورة الكن بعتقد تكون صعبي شوي بس اكيد ما في عليكن شي صعب او بمعنى اخر بيجوز صعبي بس مو مستحيلي و بالنهاية الشباب الطيبي حلت الاكبر منهي فاكيد هاي رح تنحل و بسرعة
الحزورة بتقول

معطى 6 طابات بثلاث الوان : احمر اخضر ازرق
طابتين من كل لون, طابة خفيفة وطابة ثقيلة !

المطلوب معرفة كل طابةمن ال 6 هل هي خفيفة او ثقيلة باستعمال ميزان ذي كفتين مرتين فقط (يعني وزنتين)
مع العلم انو جميع الكرات الخفاف بنفس الوزن و جميع الثقال بنفس الوزن
والكرات جميعها بنفس الشكل و الحجم و لاتستطيع تمييز وزنها باليد

اشتقنا لمشاركاتكم اتحفونا

Posted by: abode durra

مرحبا شباب مبارحة كنت سهران مع عمامي و عمي سامر عرف الحل لهالحزورة و هوي على الشكل التالي :
اول وزنة.............

و اكيد كفة من الكفتين تبع الميزان رح تميل و الكفةاللي بتميل بتكون الطابة الزرقة اللي فيهي هيي الثقيلة و رح سميهي رقم واحد و منعمل هالعملية

الطابة الزرقة رقم واحد هيي ثقيلة و عني حالتين

1- الكقة اللي على اليسار هيي اللي تميل و من هالشي منعرف انو الطابة الحمرا هيي ثقيلة و الطابة الخضرا هيي خفيفة

2- الكفتين متساويات و من هالشي منعرف انو الطابة الحمرا خفيفة و الطابة الخضرا ثقيلة

و بعدين منعرف البقية اشو وزنهن

هيك اكثر شي غضرت اشرح
اذا في شي مو مفهوم ردولي مشان اشرح اكثر

Posted by: mario

اول شي شكرا الك عبودي عالمشارركي الحلوي بس بعد اذنك واذن الشباب بس ترا الجواب غلط وهاذ الشرح

بلخطوي الثانيي
1 اذا متساويات صح بيكنو الخضرا ثقيلي والحمرا خفيفي صح
2 اما اذا مالت لجهة في احتمالين مو بس احتمال احد
لانو اكيدلابالجهة المالت في ثنتين ثقال صح بس بالجهةالثايني في خفيفي وخفيفي او
خفيفي ثقيلي كمان لانو
ثقيلي اكبر من خفيفتين وكمان ثقيلتين اكبر نن هفيفي وثقيلي مع بعض
بتمني يكون وصل الشرح اني جاهز للاستفسار
وهلق بتمني المشاركي من جميع الاعضاء
هيي صحيح صعبي شوي بس مو مستحيلي
وهلق اني لاجعت تفضيت شوي وجاهزرللمساعدي لاي جواب

Posted by: mario

الحقيقة هالحزورة تقولي طولت شوي و رح نخلي معها وقت شوية اللخار بس عاد مشان نغير شوي و نرجع تفكيرني رح حط حزروة ثاني هلق نمشي الحال فيهي بين ما ينعرف جواب القديمة و بما انو طولت تقولي انهي صعبي شوي مثل حزورة انشتاين اللي منعرفهي لهيك رح نسمي هاي الحزورة انشتاين #122 و اللي هوي رقم هالمشاركي بهالموضوع و اللي في سوال الحزورة يعني اللي بكرا بدو يجاوب عهالحزورة بيقول جواب انشتاين # 122 منرجعلهي عالسريع
و هلق منكفي الحزازير و بتضل هذيك تحت هالرقم لسهولي الرجعة الهي بمعرفة الرقم
, واذا بتحبو بعد فترة فيكن تذكروني اعطيكن الجواب لهالحزورة 122

و هلق الحزورة الجديدة:

العمله النقدية لدينا طبعا لها وجهان ، وجه عليه صورة الرقم "طرة" والجهة الاخرى عليها صورة "نقش".

عندنا طاولة عليها اكثر من 100 عملة اي لا نعرف ما هو العدد بالتحديد (- يعنى اكثر من 100 عمله حديدة وليس عمله ورقية) بحيث ان 100 بالضبط( لا اكثر ولا اقل ) من بين هذه االعملات موجوده في وضعية الرقم "طرة" للاعلى ، والباقية كله موجوده في وضعية النقش للاعلى.
المطلوب :
لو ادخلناك لهذه الغرفة واطفئنا الضوء (قبل ان تدخل) وطلبنا منك ان تقسم كل هذه العملات الى مجموعتين ، بحيث ان عدد العملات التي فيها الوجه "طرة" موجود للاعلى متساو في المجموعتين، كيف تقوم بذلك؟
مع العلم انه يمكننا قلب العملة الي الوجه الاخر (اي انها اذا كانت طرة يمكن قلبها لتصبح نقش) مع العلم اننا لا نعرف اي منها طرة و اي منها نقس لاننا لا نراها و لا نستطيع استعمال حاسة اللمس

وهلق رجعنا ورجعو حبايبنا للمحاولات اللي عودتوني عليهي و انشالله تعجبكن

Posted by: RUSHA AWAD

يعني هيك محاولة انشالله تكون صح

لنفرض ان عدد القطع هو X : اقوم بتقسيم المجموعة الى قسمين بشكل عشوائي 100 و )X-100(
لنفرض ايضا ان عدد القطع التي تشير الى "1" في مجموعة ال 100 قطعة هو Y من هنا ينتج ان عدد القطع التي تشير الى
"1" في مجموعة ال )x-100) قطعة هو )100 ناقص y).
اقوم بقلب جميع القطع في مجموعة ال 100 قطعة الان اصبح عدد القطع التي تشير الى
"1" في هذه المجموعة هو 100 ناقص y)

شو ماريو, هيك الحل صح؟؟؟

Posted by: abode durra

مرحبا شباب و ماريو بالاخص
حزورة رقم 122 تبع الكرات صعبة كثير و بعتقد مستحيلة الحل و جربني فيهي كثير و ما طلع شي بقى اذا بتريد ماريو تحط الحل لهالحزورة و كمان لاخر حزورة

شكرا

Posted by: sulieman safar

Shaglee Kaberiiiiiiiiiiiiiiiiiiiiiii.
There are no such things as difficult puzzles .,but there are such thing as puzzling puzzles
my love to you all
sulieman

Posted by: rsafar

بعتذر يا شباب على التأخير كنت مشغول كتير بالفترة الأخيرة ويا دوب لحقت عالمكتبة
هلأ رح حاول لاقي مشكلة الكرات تبعوت ماريو:
من حط بالميزان كرة حمرا وكرة خضرا وهون عنا احتمالين:
1- الكرتين من نفس الوزن وما بيهم خفاف أو ثقال لأنو إذا كانو خفاف يعني الكرتين البقيتين ثقال والعكس بالعكس وهيك من كون فصلني الكرتين الخفاف من الثقال بالنسبي للونين الأحمر والأخضر.
بعدين من شيل الكرة الحمرا ومنحط محلها الكرة الزرقا وهون بيصير عنا احتمالين:
أ-الكرة الزرقا من نفس وزن الكرة الخضرا وبالتالي الكرات الثلاث الي حطيناها بالميزان من نفس الوزن وهيك منكون فصلنا الكرات الخفيفة من الثقيلة .
ب-الكرة الزرقا أثقل من الخضرا وهون بيكون الكرتين الحمرا والخضرا الي حطيناهن بالميزان خفاف واللي ما حطيناهن بالميزان ثقال وهيك من كون فصلنا الكرات .
ج-الكرة الزرقا أخف من الخضرا بيكون عكس الحالي السابقة
2- الكرة الحمرا أثقل من الكرة الخضرا أو العكس وهيك منكون حددنا أي الكرات خفيف وأي منها ثقيل بالنسبة للأحمر والأخضر.وبعدها منوزن كرة زرقا مع الكرة الخضرا وحسب الميزان بتتحدد الخفيفة من الثقيلة.

بتمنى ما كون ضيعتكن باللعي الكثير بس ما قدرت عبر عن الحل غير هيك

المهم منجي على الفراطة تبعوت ماريو
بعتقد الحل الي حطتو رشا صح بس اسمحولي أكتبو بطريقة ثانيي:
منقسم المصاري لمجموعتي مجموعة فيها 100 قطعة والباقي مجموعة ثانية
إذا كان في بالمجموعة الأولى x قطعة نقش والباقي طرة رح يكون بالمجموعة الثانية x قطعة طرة والباقي نقش
إذا قلبنا العملات بالمجموعة الأولى رح يصير x قطعة طرة والباقي نقش وبالتالي رح يصير عدد القطع اللي على الوجه طرة متساوي بالمجموعتين وهوي x قطعة.

وهلأ بتصور إنو دوري وبما إني بحب الرياضيات رح أعطيكن هالحزورة الحسابية:
فات تاجر بيض لعند القاضي يشتكي على ابن الجيران اللي كسرلو شوية بيض سألو القاضي كم بيضة كان عندك قال التاجر ما بعرف كم بيضة بس إذا قسمتهن على مجموعتين بيزيد بيضة وإذا قسمتهن على ثلاث مجموعات بيزيد بيضة وإذا قسمتهن عى أربع مجموعات بيزيد بيضة وإذا قسمتهن على خمس مجموعات بيزيد بيضة وإذا قسمتهن على ست مجموعات بيزيد بيضة وإذا قسمتهن على سبع مجموعات ما بيضل ولا بيضة.
يا حزركن كم بيضة كان في عند هالتاجر؟؟؟؟

كل الحب
رامي

موقع زيدل سوريا حمص .. خدمات تشات و دردشة ... أرشيف المنتدى