الارشيف - خبر عاجل ومهم

Pages: 1

خبر عاجل ومهم
(انقر هنا ان احببت مشاهدة الموضوع الاصلي بالالوان و الصور )

Posted by: hosam danial

بتاريخ 08/01/25
الساعة العشرة صباحاً بتوقيت زيدل

بعد اجتماع رؤساء الطوائف المسيحية والمسلمة وجميع الطوائف الاخرى
وبعد التداول حول موضوع الخليقة اقروا ما يلي:

1- لاوجود للله وما اوصى به من شرائع .

2- كانت قصة أدم وحواء عبارة عن قصة مؤلفة من احد الكتبة .

3- يحق لك أن تمارس كل ما تريد من هذه الدنيا من زنى , وسرقة ,وقتل وكذب ....
لانه لايوجد من يحاسبك عليها .

4- لاوجود للجنة والنار فعندما تموت يختفي جسدك من الارض فقط لاغير .

5 -لا وجود للانبياء والرسل .

وستعمم هذه الرسالة إلى جميع الدوائر والمؤسسات الدينية
والكنائس والجوامع والمساجد والاديرة ....

وشكراً
مؤتمر الطوائف الموحدة

-
-
-
-
اي وهلق شو رأيكن بالرسالة بس تكونو انبسطوا؟
هلق صار فيكن تروحوا على الحجيات وتسكروا وتكذبوا وتزنوا وتلعبو قمار و و و و ....
وأذا واحد زعجكن أقتلوه وما حدا رح يحاسبكن .

القصة كلها تأليف وما فيها شي من الصح
أكيد عم تقولوا عني مجنون او كافر
معكن حق

يا هل ترى اذا هالحكي صح
معقول نحنا نصير هيك؟
شو فو قديش الحياة حلوي بوجود الله
مع انو في عالم عم تنكر وجودو وعم تتصرف بعكس ما بيريد الله

أتخيلوا هالرسالة صح شو بتعملوا ؟

ولكم تحياتي
حسام

Posted by: ام باسل

والله هاهي ياسيد حسام كل هاي الأديان السماويه وكل هل الأنبياءوالمرسلين وكل هل التوراة والأنجيل والقرآن وكل هل المعابد والكنائس والمساجد ولا زال بعض البشر يتصرف هو والحيوان سوا وليس في البلدان الفقيره فحسب بل وفي ارقى البلدان تمدنا وتقدما واستقرارا حيث يسرق ويقتل ويزني ويهتك الحرمات ويعمل ماتنده له الجبين ومع أقرب الناس وحيث الحمى تأتي من الرجل ويكسح القريب والبعيد وهو يعيش وهذا الكم من الأديان لردع الضمير وتقويم الذات البشريه واذا لم يكن كل هذا يا حسام تخيل اية زريبة تستوعب البشر على هذه الأرض وشكرا مع الأعتذار عن زلات اللسان وسقطات الألفاض
ام باسل

Posted by: RUSHA AWAD

الله موجود بضمير كل شخص, هلأ في ناس اعتبرو الله غير موجود لأنو ضميرهن ميت, وفي ناس بعدها عم تناضل مشان الاوكسجين يضل يتدفق لهالضمير حتى الله يضل عايش في.
مو كل شي بهالحياة بيحق للإنسان يعملو يقوم يطبقو بس لأنو حق من حقوقو, يمكن بس الإنسان يتربى على تعاليم الرب ماعد بيحط ببالو انو في قانون "حتى ولوكان كنسي" بيمنعو عن شي وبيسمحلو بشي, لاء بصير قانون محبة الله هوي اللي يسير حياتو وتصرفاتو لأنو وقت اللي بصير فرصة يغلط فيهي قد ماتكون الغلطة زغيرة او كبيرة مارح يردعو القانون الكنسي او توصيات رؤساء الدين لاء, رح يردعو الصوت الجواتو اللي عم يخلي يشوف طريقو بهالحياة .
"يايسوع الوديع والمتواضع القلب اجعل قلبنا مثل قلبك" وبس هالشي تحقق يا حسام مابتصور وقتها اني شخصيا بحتاج لأي قانون من الكنيسة او قرار من رؤساء الدين وانشالله هالشي يتحقق لكل الناس يارب.

مع حبي واحترامي
رشاعواد

Posted by: dream night

أذا غاب الضمير..غابت المبادئ والآخلاق.
نذكر الله دوما في المصائب والمحن..
أفلا يجب أن نذكره في الافراح وفي كل حين؟؟؟؟
بعض المناطق لاتعرف الله ولكن ضمائرهم حية...
لكنهم يعرفون الخير والشر..
بوجود الله وفي غيابه يجب أن نحيي ضميرنا..
شكرا أخ حسام لما تقدمه...

عندي سؤال:

اقتباس:

هلق صار فيكن تروحوا على الحجيات وتسكروا وتكذبوا وتزنوا وتلعبو قمار و و و و ....

هل شرب العرق والحجيات حرام؟؟؟

Posted by: wajdy barakat

الله موجود كل وقت وكل دقيقة ...منفيق الصبح منقول انشالله يمر هالنهار على خير.....ومناكل ومنقول الحمدلله.......واخر النهار منقول انشالله اللي جاي بيكون خير اكثر...........معناها ما فيني ننكر وجود الله....
وطالما ربيني على حب الله وانه محرك اساسي في سير الحياة فمعناها شخطني كل القوانين وقلني يارب تعين بكل وقت وكل حين................(ان خليت خربت) يعني الكون كلو ماشي بوجود الله وبغيابو رح نضيع
وشكرا الك وانشالله ما يصير مثل ما حكيت لانو اللي عندو شوية ايمان بيروحو........واللي ما عندو ايمان بصير يفكر حالو صاحب الحق........والمؤمن بصير ضعيف وبيروح زمنو .......يعني (اذا جن ربعك عقلك ما بينفعك) بس بينفعك قلبك وضميرك....................(كلما اجتمع اثنين باسمي فانا اكون بينهم)

Posted by: hosam danial

شكراً لردودكن جميعاً
أم باسل الله يخليلك باسل ليش معصبي طولي بالك الي حكيتي صح
بس انا عم قول قديش الحياة حلوة مع الله وبوجودو لانو نحنا منخاف الله
بس أذا خلقنا ما منعرف الله كيف كانت حياتنا ؟
رشا الله الله يوفقك ويكون معك بكل خطوة , من وقت عرفتك بعرف فيكي الشفافية
والي بقلبك على لسانك فوراً
يعني بفهم من حكيك انو اذا ما كان الله في ضميرنا الحي الي ما بيموت
يعني الله هوي الضمير ولا كلشي لحال؟
دريم نايت حبيب قلبي عم شوف ردودك ومواضيعك الحلوي والشيقة
الله ينورلك طريقك
بس أنا عم قول صار فيكن تعملوا كلشي من ملذات ورزنى و.....
ومن كل هالموضوع ما لحقتني غير على شرب العرق يا سيدنا أنا بشرب عرق ليوم العرق
بس ما بكمل سهرتي بالحجيات لانو بعرف تاليتها لوين ما بدي أحكي كثير... محضورة
وجدي ويا غالي انا بعرف أنو الله موجدود بكل مكان يا جماعة شو صرتوا تفكروني كافر بعد هالرسالة
بس عم اسأل اذا لم يكن الله موجود كيف تكون الحياة ومن من نخاف وما الفرق بين الضمير والله
وأذا انعدم الاثنين ما العمل

Posted by: mario

اي شو هاذ يا خيي يا حسام يعطيك العافية موضوع حلو وبيعطي عبرة بنفس الوقت و بيزيد ايماني بالله و بيرجعني لضميرني و اصلني .......يعني مو مثل ما قلت اني بيقولو تجديف او شي لاء بالعكس تماما برايي هوي موضوع يوكد على صحوة ضميرنا ووجود الله فينا فشكرا الك مرة ثانية.....
و اللي بدي قولو انو يسوع قلني ان الروح القدس في داخل كل منكم لهيك اني برايي انو موجود بضميرنا
و انت طلبت الفرق :الوحيد
اني برايي انو الضمير فيك تعرفو وتعرف شو الضمير و كلشي يتعلق به كليا
اما الله فصعب على اي عقل بشري ان يعرفه معرفة كاملة

Posted by: hosam danial

ماريو شكراً الك
انا ما أتوقعتك صرت بالمنتدى اهلين فيك
أي هاه كثرو الحبايب
بس بدي أرجع أسأل لولا وجود الله هل كان الروح القدس؟
شايفين كل حكيكن بيتعلق بالله
بقى كيف أذا لم يكن موجود كيف تكون الحياة؟
شكراً ماريو

ملاحظة :للما بيعرف ماريو كان مربي معي
بمركز التعليم المسيحي بزيدل
وهوي شاعر ومواضيعو شيقة.

Posted by: mario

شكرا الك حسام للتعريف
الحقيقة اني اسف يا جماعة ما قدمت نفسي بس الاخ حسام ساعدني
و انشالله كون خفيف الضل عالجميع و شكرا
بس هيك يا حسام شاعر بفرد مرة ههههههه يعني فيك تقول شا ... بس يعني مو اكثر
و بالنسبة للموضوع اي بدون الله ع الدنيا السلام كني ما منكون عم نحكي هلق

موقع زيدل سوريا حمص .. خدمات تشات و دردشة ... أرشيف المنتدى