الارشيف - كذب المنجمون

Pages: 1

كذب المنجمون
(انقر هنا ان احببت مشاهدة الموضوع الاصلي بالالوان و الصور )

Posted by: emado1

مسا الخير للجميع
كذب المنجمون ولو صدقوا
(طبعا ىبعد اذن منجمات المنتدى ما الهن علاقة)
فقت من كم يوم على صياح الديك اللي مدربو على ايدي
حوالي الساعة 12 ظهرا على صوت رجل غريب في المنزل
طبعا من بعد غسيل وجهي دخلت الصالون
فوجدت رجلا غريبا في المنزل وبيده مسبحة وبعض الايقونات للسيدة العذراء
ويقول انه مغربي وطبعا بما اني محظوظ بالتعرف على المغاربة
فقد اتقنت لهجتهم وعرفت ان الرجل لا يعرف المغرب حتى على الخريطة
المهم
بدء الرجل حكاية النصب والبربرة ببعض الكلمات الغريبة
ليكتشف انه يوجد تحت منزلنا تراب قبر وهو سيزيله مقابل مبلغ من المال
وقال بان البيت منحوس وانه ان لم يزيل تراب القبر فلن نتوفق
لاجازة ولا خطبة ولا حتى في العمل
سالته ماذا يريد ليزيل هذا التراب
فقال ثمن حصيرة لدير صيدنايا
قلتله مو مشكلة طالع التراب وانا بيدي رح اخذ حصيرة على صيدنايا
حاول بكثير وقليل ان يقبض كاش
المهم اخر شيء قلتله ياطالع التراب وخود100 ليرة يا اطلع من هالبواب
ولما مارضي قال انه اخوته زعلوا مني ومارح اقبض ولا ليرة لمدة شهرين
وبعد ساعتين اجاني مبلغ كنت فاقد الامل منه
وطبعا عم اكتب القصة لتنبيه الكبار في السن والذين يؤمنون بهؤلاء المشعوذين
وشكرا لكم

Posted by: wajdy barakat

والله يا صديقي هذول صارو كثار وبرافو عليك عرفت تتصرف وما خليتو يضحك عليك (قد حالك) والسبب بانتشار هيط نماذج هوي الجوع اكثر من النصب.......والختايرة الله يعيني عليهون قلهن عم تشتي بالصيف بصدقو ههههههههههههه فكيف اذا في شي قبر بيجوز يفكرو لشي جد منحوس هههههه شو رايك؟؟؟

Posted by: talal_alachkar

عمادو
يوجد أشخاص تستعمل الكذب لكي تعيش
و يوجد من يستعمل ذكائه لكي يصل لمركز او منصب او مبلغ من المال
و يوجد أشخاص من تستغل الدين لكي تجني المال

ويجب أن لانحكم على هؤلاء بسرعة

فمن يستعمل وسيلة ما لكي يقتات عليها أو ليعيل عليها عائلة تنتظره بفارغ الصبر ، لا نستطيع أن نحكم عليه بالدجل أو بالكذب و لكن نستطيع أن ننصحه بعمل مفيد غير هذا و في حال لم يقبل النصيحة فلا تقبله مرة أخرى في بيتك .
شكرا

طلال

Posted by: angel

عماد ذكرتني بنفس الشخص حسب ما باعتقد ... من شي ست سنين .. كنا عم نشطف أرض الدار أنا وأمي .. وإلا منتفاجأ بشخص كبير بالعمر ماسك مسبحة صار فوق راسنا ... ووقتها فورا قال لإمي رح افتح فال البنت وبدون مقابل ... وبسط عالأرض وما بعرف شو بربر .. وبعدين طلع فيي وقال لإمي : بنتك رابطها جني .. وصار جاييها عريسين وعم تتفشكل الخطبة .. أنا فيي فكلك الربط بس بدي 500 ليرة بالأول لدير صيدنايا ...
يمكن وقتها أمي اشفقت على عمره وعطته صدقة .. بس راح وهوي عم يهرف : بنتك مربوطة .. وبصيفيتها اتزوجت ..يمكن الشغلة اللي ما كان عارفها إنو الجني اللي رابطني كان وسام

..
مثل ما اتفضلت عماد .. للأسف في أشخاص كثير عم توقع بفخ هيك دجالين ان كان عن جهل أو بساطة أو من مبدأ الغريق بيتعلق بقشة ...
المليح بالموضوع إنو عنا القانون بلاحق تهمة الدجل والتضليل ... بس للأسف هون بكندا هالشغلة جدا شائعة وعلنية .. يعني بس تمسك جريدة بتلاحظ العديد من الإعلانات عن منجمين وقارئي كف وبلورة وفاتحي بخت ... والأنكى من هيك في منهم بيعملوا منشورات بوزعوها عالبيوت مع صورة إشارة الصليب من فوق وصورة للسيد المسيح .. على أساس إنهم ممنوحين بركة خاصة بتمكنهم من فتح المستقبل وحل المشاكل وجلب الغايب والتجميع بين القلوب ...وما في أي ضابط أو رادع لهيك أشخاص ...
شكرا عماد عالموضوع .. والله يبعد الضلال والمضللين عن الجميع ...

موقع زيدل سوريا حمص .. خدمات تشات و دردشة ... أرشيف المنتدى